YouVersion လိုဂို
ရွာရန္ အိုင္ကြန္

Sirak 42

42
Wei blong praod
1Long samfala taem, sapos yufala falom tumas nara pipol bae olketa save lidim yufala fo go long sin. Hem ya nao samfala samting wea hemi fitim fo yufala no filsem long hem:
2long Lo blong Lod hu hemi
hae tumas an spesol
agrimen blong hem,
fo jajem evriwan stret nomata olketa nogud pipol tu,
3fo helpem bisnis fren
blong yufala
o pipol hu i go wetem yufala,
fo searem olketa samting wea yufala onam,
4fo yusim skel fo tru hevi blong samting,
an fo faendem tru mesa blong samting,
5fo garem seleni long bik wei
o long smol wei,
fo agri wetem narawan fo peim o salem olketa samting long lou praes,
fo givim gud advaes olowe long olketa pikinini blong yufala,
fo wipim slev hu hemi no obei go-go blad hemi kamaot.
6Hemi gud fo kipim olketa samting blong yu sef sapos yu no save trastem waef blong yu, o taem plande pipol i stap olobaot raonem yu. 7Yu mas raetemdaon evri seleni wea yu kipim o enisamting wea yu givim o wea yu tekem. 8Yu mas kuiktaem fo givim advaes long eniwan hu hemi duim krangge samting, o wanfala oloman hu hemi goraon wetem olketa juri woman. Evrisamting ya hemi fitim fo advaesim pipol long hem, an sapos yu falom, evriwan bae i hapi long gudfala wei blong yu.
Olketa dadi an olketa dota
9Nomata#Sirak 7:24-25; 26:10-12. dadi no talem long dota blong hem, bae hemi wekap nomoa long naet fo wari long hem. Sapos dota blong hem hemi yangfala yet, bae hemi wari tumas, nogud dota blong hem hemi no save marit. Bat sapos hemi marit finis, bae hemi wari tumas, nogud hasban blong hem hemi lusim. 10Sapos dota blong hem no tok wetem eni man yet, dadi blong hem bae wari tumas, nogud wanfala man ranawe wetem hem an mekem hem babule nating taem hemi stap yet long haos blong hem. An sapos hemi marit finis, dadi blong hem bae wari tumas, nogud hemi olobaot o hemi no garem pikinini. 11Yu mas lukluk gud long dota blong yu sapos hemi wande falom wei blong hem seleva. Sapos yu no duim olsem, bae hemi mekem yu luk krangge frant long olketa enemi blong yu. An evri pipol long ples bae mekfan long yu, an meksem long yu long ae blong olketa pipol. Yu mas no wakem windo long rum blong hem o eni hol long wol fo luk go long bikfala doa long haos.
12No letem hem fo praod long luknaes blong hem seleva frant long olketa man, o fo toktok longtaem wetem olketa narafala woman. 13Olketa woman save spoelem olketa narafala woman olsem kokoros save kaikaim kaleko.
14Nogud wei blong man hemi gud winim wanfala gud woman sapos disfala woman hemi save meksem long yu, an spoelem gud nem blong yu.
Evrisamting hemi fulap long paoa blong God
15Distaem bae mi talem yu moa long olketa waka blong Lod, an talemaot evrisamting wea mi lukim. Lod hemi tok nomoa an evrisamting hemi stap nao, an evrisamting wea hemi mekem olketa falom toktok blong hem. 16Laet blong san hemi saen daon long evrisamting, an evrisamting hemi fulumap long paoa blong Lod. 17Lod hemi no givim paoa long olketa holi enjel fo talemaot abaotem evri bikfala samting wea hemi duim, an hemi givim nomoa paoa fo olketa fo stanap frant long hem fo preisim hem. 18Hemi save lukim nomoa evrisamting insaet long dipsi an insaet long haat blong man. Hemi save finis evrisamting wea hemi staphaed insaet long tufala ya. Lod hu hemi hae tumas hemi save long evrisamting winim eniwan, an hemi save long saen blong olketa samting wea hemi hapen evritaem. 19Hemi save finis evrisamting wea hemi stat kam bifoa kam kasem distaem, an evrisamting wea bae hemi kamap bihaen. Hemi somaot klia mining blong olketa samting wea hemi staphaed. 20Hemi save long olketa tingting blong yumi an hemi herem evri toktok blong yumi. 21Evrisamting long wol hemi stret fo somaot bikfala waes blong hem, an hemi stap olowe olsem. No eniwan save adem go enisamting moa o tekemaot enisamting long hem. No eniwan hemi save fitim fo givim advaes long hem. 22Evri waka blong hem i barava luknaes fogud, stat long olketa bikfala samting go-go kasem flas long laet wea hemi smol tumas. 23Evrisamting ya i gohed olsem olowe nao, an evrisamting ya i garem waka blong olketa seleva nao. 24Lod hemi mekem evrisamting fo garem tufala saet, wanfala hemi deferen long narawan, an evrisamting wea hemi mekem, hemi mekem gud an finisim nao. 25Gud blong wanfala saet hemi helpem narawan fo hemi kamap gud tu. ?Waswe, eniwan save lukim finis bikfala paoa blong God?
God hemi mekem san

လက္ရွိေရြးခ်ယ္ထားမွု

Sirak 42: SIDC

အေရာင္မွတ္ခ်က္

မၽွေဝရန္

ကူးယူ

None

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ