Romanos 2
2
Jare Dios puro sk'umlaj atb'altzij ku'on pkijlom kunjel jumpa mnaq
1Xa rmal, kqilo che we o jun chiwe ku'on umak, kuriq na k'ejsb'al uwuch, y ot mow kuresaj rib' chuxe'. We o jun chiwe ku'on atb'altzij pkijlom nk'aj chik mnaq, tik'ri k'ut jala kitjin re che u'anik peche kik'an ke, kel peche xaq utkel re ku'on atb'altzij pujlom. 2Qit'am chik che Dios, echi' ku'on atb'altzij pkijlom mnaq che jala kmak peche nk'aj mak che qab'im chik, puro sk'umlaj atb'altzij ku'on pkijlom. 3¿Le kichomaj ix che ix iximnaq kixkunik kiwesaj iwib' chuxe' atb'altzij ku'on na Dios? Kixkun taj kiwesaj iwib' chuxe', mal xa ki'an atb'altzij pkijlom nk'aj chik mnaq tik'ri ki'an imak jala peche kik'an ke. 4¿Le xa kixtuj uwuch nimlaj utob'nik Dios unom chiwe? ¿Le xa kixtuj uwuch uch'ijik u'xom k'ax che kuriq Re rmal imak ix? ¿Le xa iwit'am taj che ri Dios ku'on utz iwuk' rech kik'ex ichomnik chpam iwanma', rich'il kiya kan u'anik imak?
5Ix xa kixtuj ri' mal xa mas ko iwanma', xa kiwaj taj kik'ex ichomnik chpam iwanma'. Xa rmal che jala ki'ano, kimol na mas riwal Dios echi' kuya k'ejsb'al iwuch. Echi' ko'pan ij che Dios kuk'ut na jun sk'umlaj atb'altzij pkijlom mnaq, jare ix kiriq na k'ejsb'al iwuch rmal Dios. 6«Jare Dios kutoj na chke mnaq chikjunjnal su ka'y kchak kinom, we jare jun utzlaj chak, seno jare jun chak che xa ustaj».#Sal 62:12; Pr 24:12. 7Dios kunmirsaj na k'ij rich'il keqle'n nk'aj mnaq che kiyok'il che utzukxik jumpa sutaq'ik che rech Re, rmal utzlaj kchak kiyitjin che u'anik. Jumpa kwuch ke che nim kikkil wi jumpa sutaq'ik che rech Dios, kuya na jun kk'asnmal che ot uk'isik. 8Per chin nk'aj mnaq che xaw kkitzkuj su kkaj ke kik'ano, che xa rech itzel kik'ano, mal xa kkaj taj kiyikjon che saqlaj tzij rech Dios, kpi na riwal Dios pkijlom. Kuk'ejsaj na kwuch. 9Kpi na k'ax, kpi na uk'axk'lil pkijlom nk'aj mnaq che xa jare kik'ano jumpa sutaq'ik che xa rech itzel. Un k'axi', nab'e kpi na pkijlom mnaq iyaj Israel, soq kpi na pkijlom mnaq che iyaj Israel taj. 10Per nk'aj mnaq che kik'ano su kraj Dios, Dios kunmirsaj na k'ij, nim kyuril wi, kuya jun nimlaj utzil chikxo'l. Nab'e jala ku'on na chke mnaq iyaj Israel, soq jala ku'on na chke mnaq che iyaj Israel taj. 11Jala ku'on Dios mal nim taj kuril wi jun mnaq chjuch jun chik. Xaq jnam kyuril wi kunjel.
12Xa rmal che xaq jnam kyuril Dios nk'aj mnaq, kunjel che kik'an kmak che iy'o taj chuxe' upxab' u Moisés, ruk' taj upxab' u Moisés k'an na atb'altzij pkijlom. Soq kunjel mnaq che kinom kmak tik'ri iy'o chuxe' upxab' u Moisés, k'an na atb'altzij pkijlom rmal upxab' u Moisés. 13Jare taj mnaq isk'um chjuch Dios che xaw kikto su kub'ij upxab', per kik'an taj su kub'ij. Jare sk'um chjuch Dios chin nk'aj che kik'ano su kub'ij un pxab', y jare taj che xaw kikto su kub'ij, tik'ri kik'an taj. 14Nk'aj mnaq che iyaj Israel taj, we kik'ano su kub'ij upxab' u Moisés, kuk'utu che o kipxab' chikuch ke, miskini' ot upxab' u Moisés kuk'. 15Ke kikk'ut rmal utzlaj kchak su kyutaq wi un pxab' che tz'ib'tal kanoq chpam kpinsar soq rich'il chpam kanma'. Xa rmal che kikna' ke chpam kanma' we utz, soq we ustaj kik'ano. Jala unom kpinsar ke chikjunjnal, kuk'ut chikuch we o kmak kinom, soq we otaj. 16Jala k'antaj na jumpa kuriq ij echi' Dios ku'on na atb'altzij pkijlom mnaq rmal Qajaw Jesucristo. Runjel su xikch'ob' p'el'al k'aljan na chsaq. Jarewa kub'ij utzlaj taq rson rech Qajaw Jesús che kintjin che ub'ixik.
Jarewa tzij xub'ij u Pablo chke nk'aj aj Israel
17Chewa chanim, ri ix che kib'ij che ixaj Israel, kwaj kimb'ij keb' uxib' tzij chiwe. Ix kikub'a ik'u'x chrij upxab' u Moisés, soq kinmirsaj iwib' che puro ixrech Dios, mal ixaj Israel. 18Ix iwit'am runjel su kraj Dios chqe, soq iwit'am su mow kitzkuj u'anik utzil mal k'tum chiwuch chpam un pxab'. 19Kich'ob' chpam iwanma' che kixkunik kik'am kb'e nk'aj mnaq che peche mow kika'y taj mal kikch'ob' taj su kub'ij un pxab'. Jare ix xaq ixjnam ruk' peche jtzuk' chaj rech kiya saq chikxo'l mnaq che iy'o chpam qu'm rech kikkil kb'e. 20Iwit'am che kixkunik kitjoj mnaq che ot su kit'am. Kixkunik kipixb'ej chin nk'aj che xa ch'in kin'oj olik, jala peche taq ak'lab' che ot mas kpinsar chrij utzij Dios. Jala kichomaj ix, rmal che kikub'a ik'u'x chrij upxab' u Moisés che o pi'ab', soq rmal che kich'ob' runjel su kub'ij un pxab' che jare saqlaj tzij. 21We o jun chiwe ix ixaj Israel che kyupixb'ej nk'aj mnaq ruk' utzij Dios, ¿suche k'ut che kipixb'ej t iwib' ix ruk' utzij Dios? Jare ix kiya ub'ixik chpam itzij che Dios kub'ij che ot mow che jun ku'on ela', ¿suche k'ut che ix ki'an ela'? 22Jare ix kib'ij chke mnaq che ustaj che jun achi kwar ruk' jun ixoq, seno jun ixoq kwar ruk' jun achi, we ik'lunaq taj. In kinta chiwe, ¿suche k'ut che ix jala ki'ano? Soq jare ix xa k'ax kixch'aw chrij taq dios che xa b'nom kmal mnaq. Jala' kik'ut iwib' che mas kinmaj su kub'ij un pxab'. Per xa kiwel'aj su o chpam kchoch nk'aj tyox che nim reqlem. 23Ix kixtjinik kinmirsaj iwib' xa rmal che o upxab' u Moisés pi'ab' che nim u'ij chiwuch, per xa rmal che kinmaj taj su kub'ij un pxab', xa kixtuj uwuch Dios. 24Jala tz'ib'tal kan chpam Tyox Wuj: «K'axlaj taq tzij kb'ix chrij ub'i' Dios chikxo'l mnaq che iyaj Israel taj, per xa iwmal ix ixaj Israel che kinmaj t utzij Re»,#Is 52:5; Ez 36:20-23. kcha'.
25Chewa chanim we ix ixaj Israel kixtjinik kinmaj su kub'ij Dios chpam un pxab', tik'ri o mas uptan chiwe che kikoj retal icuerpo peche kub'ij un pxab', per we kinmaj taj nk'aj chik che kub'ij un pxab', xaq jnam ruk' we ot retal icuerpo kjom. Ot mow kikub'saj ik'u'x chrij un costumbre le', we kinmaj taj nk'aj chik sutaq'ik che kub'ij un pxab'. 26Pjun chik tzij, nk'aj mnaq che iyaj Israel taj, kikjom t retal kicuerpo ke. Miskini' kikkoj t retal kicuerpo, per we kikkojo su kitqan wi nk'aj chik pxab', jarela peche mow kikjom retal kicuerpo. 27Ix ixaj Israel kiriq na k'ejsb'al iwuch kmal mnaq che iyaj Israel taj, che jare ke kikkojo su kyutaq wi un pxab'. Jala kiriqo xa rmal che ki'an taj runjel su kub'ij un pxab'. Miskini' o un wuj rech pxab' pi'ab', soq ikjom retal icuerpo peche kub'ij un pxab', per we kinmaj taj runjel su kixutaq wi un pxab', kiriq na k'ejsb'al iwuch.
28Jare taj retal kikjom nk'aj aj Israel kuk'utu che puro iyaj Israel. Ot uptan retal kicuerpo we kkinmaj taj su kyutaq wi un pxab'. 29Pjun chik tzij, nk'aj che mero iyaj Israel, jare nk'aj che kikkoj utzij Dios chpam kanma'. Xa jala' peche mow o ketal kjom chpam kanma' rmal Tyoxlaj Uxlab'xel, y xaw taj chrij kicuerpo, che xa rmal jun tzij kjom ketal peche kub'ij un pxab'. Jare nk'aj che qatz iyaj Israel chpam kanma', jare t mnaq kkinmirsaj k'ij, jare Dios kunmirsaj k'ij.
လက္ရွိေရြးခ်ယ္ထားမွု
Romanos 2: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Romanos 2
2
Jare Dios puro sk'umlaj atb'altzij ku'on pkijlom kunjel jumpa mnaq
1Xa rmal, kqilo che we o jun chiwe ku'on umak, kuriq na k'ejsb'al uwuch, y ot mow kuresaj rib' chuxe'. We o jun chiwe ku'on atb'altzij pkijlom nk'aj chik mnaq, tik'ri k'ut jala kitjin re che u'anik peche kik'an ke, kel peche xaq utkel re ku'on atb'altzij pujlom. 2Qit'am chik che Dios, echi' ku'on atb'altzij pkijlom mnaq che jala kmak peche nk'aj mak che qab'im chik, puro sk'umlaj atb'altzij ku'on pkijlom. 3¿Le kichomaj ix che ix iximnaq kixkunik kiwesaj iwib' chuxe' atb'altzij ku'on na Dios? Kixkun taj kiwesaj iwib' chuxe', mal xa ki'an atb'altzij pkijlom nk'aj chik mnaq tik'ri ki'an imak jala peche kik'an ke. 4¿Le xa kixtuj uwuch nimlaj utob'nik Dios unom chiwe? ¿Le xa kixtuj uwuch uch'ijik u'xom k'ax che kuriq Re rmal imak ix? ¿Le xa iwit'am taj che ri Dios ku'on utz iwuk' rech kik'ex ichomnik chpam iwanma', rich'il kiya kan u'anik imak?
5Ix xa kixtuj ri' mal xa mas ko iwanma', xa kiwaj taj kik'ex ichomnik chpam iwanma'. Xa rmal che jala ki'ano, kimol na mas riwal Dios echi' kuya k'ejsb'al iwuch. Echi' ko'pan ij che Dios kuk'ut na jun sk'umlaj atb'altzij pkijlom mnaq, jare ix kiriq na k'ejsb'al iwuch rmal Dios. 6«Jare Dios kutoj na chke mnaq chikjunjnal su ka'y kchak kinom, we jare jun utzlaj chak, seno jare jun chak che xa ustaj».#Sal 62:12; Pr 24:12. 7Dios kunmirsaj na k'ij rich'il keqle'n nk'aj mnaq che kiyok'il che utzukxik jumpa sutaq'ik che rech Re, rmal utzlaj kchak kiyitjin che u'anik. Jumpa kwuch ke che nim kikkil wi jumpa sutaq'ik che rech Dios, kuya na jun kk'asnmal che ot uk'isik. 8Per chin nk'aj mnaq che xaw kkitzkuj su kkaj ke kik'ano, che xa rech itzel kik'ano, mal xa kkaj taj kiyikjon che saqlaj tzij rech Dios, kpi na riwal Dios pkijlom. Kuk'ejsaj na kwuch. 9Kpi na k'ax, kpi na uk'axk'lil pkijlom nk'aj mnaq che xa jare kik'ano jumpa sutaq'ik che xa rech itzel. Un k'axi', nab'e kpi na pkijlom mnaq iyaj Israel, soq kpi na pkijlom mnaq che iyaj Israel taj. 10Per nk'aj mnaq che kik'ano su kraj Dios, Dios kunmirsaj na k'ij, nim kyuril wi, kuya jun nimlaj utzil chikxo'l. Nab'e jala ku'on na chke mnaq iyaj Israel, soq jala ku'on na chke mnaq che iyaj Israel taj. 11Jala ku'on Dios mal nim taj kuril wi jun mnaq chjuch jun chik. Xaq jnam kyuril wi kunjel.
12Xa rmal che xaq jnam kyuril Dios nk'aj mnaq, kunjel che kik'an kmak che iy'o taj chuxe' upxab' u Moisés, ruk' taj upxab' u Moisés k'an na atb'altzij pkijlom. Soq kunjel mnaq che kinom kmak tik'ri iy'o chuxe' upxab' u Moisés, k'an na atb'altzij pkijlom rmal upxab' u Moisés. 13Jare taj mnaq isk'um chjuch Dios che xaw kikto su kub'ij upxab', per kik'an taj su kub'ij. Jare sk'um chjuch Dios chin nk'aj che kik'ano su kub'ij un pxab', y jare taj che xaw kikto su kub'ij, tik'ri kik'an taj. 14Nk'aj mnaq che iyaj Israel taj, we kik'ano su kub'ij upxab' u Moisés, kuk'utu che o kipxab' chikuch ke, miskini' ot upxab' u Moisés kuk'. 15Ke kikk'ut rmal utzlaj kchak su kyutaq wi un pxab' che tz'ib'tal kanoq chpam kpinsar soq rich'il chpam kanma'. Xa rmal che kikna' ke chpam kanma' we utz, soq we ustaj kik'ano. Jala unom kpinsar ke chikjunjnal, kuk'ut chikuch we o kmak kinom, soq we otaj. 16Jala k'antaj na jumpa kuriq ij echi' Dios ku'on na atb'altzij pkijlom mnaq rmal Qajaw Jesucristo. Runjel su xikch'ob' p'el'al k'aljan na chsaq. Jarewa kub'ij utzlaj taq rson rech Qajaw Jesús che kintjin che ub'ixik.
Jarewa tzij xub'ij u Pablo chke nk'aj aj Israel
17Chewa chanim, ri ix che kib'ij che ixaj Israel, kwaj kimb'ij keb' uxib' tzij chiwe. Ix kikub'a ik'u'x chrij upxab' u Moisés, soq kinmirsaj iwib' che puro ixrech Dios, mal ixaj Israel. 18Ix iwit'am runjel su kraj Dios chqe, soq iwit'am su mow kitzkuj u'anik utzil mal k'tum chiwuch chpam un pxab'. 19Kich'ob' chpam iwanma' che kixkunik kik'am kb'e nk'aj mnaq che peche mow kika'y taj mal kikch'ob' taj su kub'ij un pxab'. Jare ix xaq ixjnam ruk' peche jtzuk' chaj rech kiya saq chikxo'l mnaq che iy'o chpam qu'm rech kikkil kb'e. 20Iwit'am che kixkunik kitjoj mnaq che ot su kit'am. Kixkunik kipixb'ej chin nk'aj che xa ch'in kin'oj olik, jala peche taq ak'lab' che ot mas kpinsar chrij utzij Dios. Jala kichomaj ix, rmal che kikub'a ik'u'x chrij upxab' u Moisés che o pi'ab', soq rmal che kich'ob' runjel su kub'ij un pxab' che jare saqlaj tzij. 21We o jun chiwe ix ixaj Israel che kyupixb'ej nk'aj mnaq ruk' utzij Dios, ¿suche k'ut che kipixb'ej t iwib' ix ruk' utzij Dios? Jare ix kiya ub'ixik chpam itzij che Dios kub'ij che ot mow che jun ku'on ela', ¿suche k'ut che ix ki'an ela'? 22Jare ix kib'ij chke mnaq che ustaj che jun achi kwar ruk' jun ixoq, seno jun ixoq kwar ruk' jun achi, we ik'lunaq taj. In kinta chiwe, ¿suche k'ut che ix jala ki'ano? Soq jare ix xa k'ax kixch'aw chrij taq dios che xa b'nom kmal mnaq. Jala' kik'ut iwib' che mas kinmaj su kub'ij un pxab'. Per xa kiwel'aj su o chpam kchoch nk'aj tyox che nim reqlem. 23Ix kixtjinik kinmirsaj iwib' xa rmal che o upxab' u Moisés pi'ab' che nim u'ij chiwuch, per xa rmal che kinmaj taj su kub'ij un pxab', xa kixtuj uwuch Dios. 24Jala tz'ib'tal kan chpam Tyox Wuj: «K'axlaj taq tzij kb'ix chrij ub'i' Dios chikxo'l mnaq che iyaj Israel taj, per xa iwmal ix ixaj Israel che kinmaj t utzij Re»,#Is 52:5; Ez 36:20-23. kcha'.
25Chewa chanim we ix ixaj Israel kixtjinik kinmaj su kub'ij Dios chpam un pxab', tik'ri o mas uptan chiwe che kikoj retal icuerpo peche kub'ij un pxab', per we kinmaj taj nk'aj chik che kub'ij un pxab', xaq jnam ruk' we ot retal icuerpo kjom. Ot mow kikub'saj ik'u'x chrij un costumbre le', we kinmaj taj nk'aj chik sutaq'ik che kub'ij un pxab'. 26Pjun chik tzij, nk'aj mnaq che iyaj Israel taj, kikjom t retal kicuerpo ke. Miskini' kikkoj t retal kicuerpo, per we kikkojo su kitqan wi nk'aj chik pxab', jarela peche mow kikjom retal kicuerpo. 27Ix ixaj Israel kiriq na k'ejsb'al iwuch kmal mnaq che iyaj Israel taj, che jare ke kikkojo su kyutaq wi un pxab'. Jala kiriqo xa rmal che ki'an taj runjel su kub'ij un pxab'. Miskini' o un wuj rech pxab' pi'ab', soq ikjom retal icuerpo peche kub'ij un pxab', per we kinmaj taj runjel su kixutaq wi un pxab', kiriq na k'ejsb'al iwuch.
28Jare taj retal kikjom nk'aj aj Israel kuk'utu che puro iyaj Israel. Ot uptan retal kicuerpo we kkinmaj taj su kyutaq wi un pxab'. 29Pjun chik tzij, nk'aj che mero iyaj Israel, jare nk'aj che kikkoj utzij Dios chpam kanma'. Xa jala' peche mow o ketal kjom chpam kanma' rmal Tyoxlaj Uxlab'xel, y xaw taj chrij kicuerpo, che xa rmal jun tzij kjom ketal peche kub'ij un pxab'. Jare nk'aj che qatz iyaj Israel chpam kanma', jare t mnaq kkinmirsaj k'ij, jare Dios kunmirsaj k'ij.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global