Hechos 7
7
U Esteban xuto' rib' chikuch atb'altzij
1Un nimlaj ajk'mal b'e chke nk'aj rajchak Dios xuta che u Esteban, xub'ij:
—¿Le qtzij sutaq kikb'ij mnaq chawij? —xche che.
2U Esteban xub'ij chke:
—Ix, ixlo'laj taq qachlal rich'il ix ixlo'laj taq qari'jal, chitatb'ej su kimb'ij chiwe: ri Qajaw Dios, che mas nim u'ij, xuk'ut rib' chjuch qari'jal Abraham ujer echi' o na chla' Mesopotamia, echi' mja k'ax chpam un tinmit Harán rech kikje chla'. 3Ri Qajaw Dios xub'ij che qari'jal Abraham: “Chiy'a kan atinmit, soq chiy'a kanoq jumpa awachlal, rech kat'e chpam un chik tinmit che kink'ut na chawuch”,#Gn 12:1. xche che. 4Xa jala', xel b'i u Abraham chpam un tinmit Caldea, x'e chpam un chik tinmit Harán ub'i' rech kikje jun tiempo chla'. Ena xkam uqaw chla'. Tik'ri k'ut, ri Qajaw Dios xuk'am loq chi' chpam un tinmit jachi ixk'wi ix chanim. 5Ri Qajaw Dios, nab'e ot su kri' ch'in uración u Abraham xuya chi' chpam un lyari', mowni laj ch'qap ulew rech kitk'e' chjuch. Per ruk' saqlaj tzij xub'ij che, che kuya na jun rlew rech kurechb'ej, y soq kikkechb'ej kan nk'aj ri'y umam. Jala xub'ij Qajaw Dios che, miskini' mja kuril uwuch jun ralk'al u Abraham. 6Soq xub'ij chik Dios che, che nk'aj ri'y umam kiyikje na chpam jun tinmit che kech taj ke. Kjeb' ciento (400) jnab' kiktij k'ax pik'ab' nk'aj mnaq che kiyitk'e' pkijlom, y miskini' kik'an kchak che kilik mnaq chla', per kitoj taj. 7Ri Dios xub'ij chik che u Abraham: “Kink'ejsaj kwuch mnaq chpam un tinmit che kiyitk'e' pkijlom nk'aj ri'y amam.#Gn 15:13-14. Tik'ri kiyel nub'i nk'aj ri'y amam chla', kipin chi' rech kik'an kchak che wilik, kojb'alre n'ij”,#Gn 15:14; Éx 3:12. xche Qajaw Dios che. 8Ri Dios soq xu'on jun utzlaj trato ruk' u Abraham y xub'ij che, che kukoj retal ucuerpo tza'm amb'al uchul, circuncisión kb'ix che. Jala xu'on u Abraham rech k'utb'alre che xuk'am u'ab' un trato che xik'an chikuch. Xa rmal che echi' xurqa un ij che xalax nuk'jol che Isaac ub'i', u Abraham xukoj retal ucuerpo echi' och waxqib' (8) ij che. Soq jala chik xu'on u Isaac che nuk'jol che Jacob ub'i'. Y soq jala chik xu'on u Jacob chke kab'aljuj (12) uk'jol ujer, che jare ke qari'jal qo'j ujaj Israel.
9»Nk'aj uk'jol u Jacob, che jare qari'jal, mas k'ax xkil u Jse, che jare kcha', mal re xa mas lo' chjuch kqaw. Ena, xikk'ij b'ik rech kk'am b'i jala Egipto. Per ni Qajaw Dios o ruk' u Jse. 10Jare Qajaw Dios xuresaj u Jse chpam runjel jumpa k'ax xuriqo. Soq xuya mas un'oj. Xu'on che, che mas utz kiltaj wi rmal un faraón, che jare jun rey tk'al pujlom un tinmit Egipto. Un faraón xukoj u Jse che nimlaj atb'altzij rech kitk'e' pujlom un tinmit Egipto. Soq xuya che, che kitk'e' pujlom runjel jumpa ub'itaqre un faraón o chirchoch, rich'il jumpa mnaq iy'o chla'. Runjel xuya pu'ab'.
11»Xurqa jun ij, xpi jun nimlaj wijal chpam runjel un tinmit Egipto, y soq jala chpam un tinmit Canaán. Jumpa mnaq iy'o chla', mas xiktij k'ax. Jnam xiktij k'ax kuk' qari'jal che iy'o chla'; ke kikriq t chik su kiktijo. 12Echi' xuta rson u Jacob che o su kiktijo kiktzukb'ej kib' ruk' jala Egipto, xyutaq b'i nk'aj uk'jol che ulo'ik. Nk'aj uk'jol nachi ri', jare ke qari'jal qo'j ujer. Jare nab'e b'welt xib'e chla' Egipto. 13Echi' xib'e chik chukamul b'welt, tik'ri xub'ij u Jse chke, che jare re kcha'. Un faraón, che tk'al pujlom tinmit Egipto, xurit'amaj chintaq rachlal u Jse soq jachi ipitnaq wi. 14Tik'ri k'ut, u Jse xutaq uk'amik uqaw rich'il jumpa rachlal iy'olik. Kunjel jumpa kwuch ke, jare oxk'al o'ljuj (75) mnaq. 15Xa jala' ti x'ax u Jacob Egipto, chla' xkanaj kan wi, ast retal echi' xkamik. Soq chla' xikam wi nk'aj uk'jol che jare qari'jal qo'j. 16Nk'aj kib'qil qamnaq xik'am b'i chpam un tinmit Siquem,#7:16 Un tinmit Siquem soq kb'ix Siquén che. ximuq kan chla' chpam nulew rech muqb'al kamnaq che xulo' qari'jal Abraham#Gn 23:3-20. chke nk'aj uk'jol u Hamor.#7:16 U Hamor soq kb'ix Jamor che. Nulewi', ruk' urjil re xulo' wi, y chla' k'wi Siquem.
17»Echi' k'ut ya mer ko'pan ij che ku'on Dios su ub'im che u Abraham che ruk' saqlaj tzij ku'on na, mas xik'ir nk'aj aj Israel chla' Egipto. 18Chpam un tiempo le', o jun chik achi xok che rey che soq faraón kb'ix che. Jare re tk'al pujlom un tinmit Egipto. Re, ot su kri' rit'am chrij u Jse, mal u Jse ya kamnaq chik. 19Un rey le', xa xyusub' qamnaq, xu'on k'ax chke qati' qamam. Ruk' uchu'ab' utzij xyutaqo rech xikpo'b'a kan taq kalk'al che inoch', rech xa kikamik. 20Echi' jala kitjin u'anik ti xalax u Moisés, ri Qajaw Dios mas utz xuril u Moisés. Xa uxib' ik' xikk'iysaj uqaw uchuch chla' chuja kuk'. Per xaq xikwaj laj noch'. 21Echi' k'ut xiyikun t chik xikwaj laj noch', xkesaj b'i chuja, xikya kan utkel. Ena, o jun umb'al un chik faraón, xusik' loq laj noch'. Tik'ri xuk'iysaj, peche ral xu'on che. 22Xa jala' xk'iy u Moisés chla' chirchoch un faraón. Xa rmal, xkitjoj che runjel jumpa sutaq'ik kit'am nk'aj aj Egipto. Ena, xpi mas uchu'ab' che u'anik sutaq ku'ono, rich'il sutaq kub'ij.
23»Echi' och kawnaq (40) jnab' che u Moisés, mas xraj re wet kik'ol kuk' umnaq iyaj Israel rech kurla' su kinom. 24Echi' o chik chla', xurilo che o jun aj Egipto kitjinik ku'on k'ax che jun aj Israel. Ena xuto' naj Israel pu'ab' y xu'on uk'xel che naj Egipto, ast retal xukamsaj. 25Jare kuchomaj u Moisés che kikch'ob' umnaq iyaj Israel che jare re tqom loq rmal Dios rech kyuresaj chpam k'ax, per ni ke xikch'ob' taj. 26Chkab' ij chik, u Moisés xyurqa keb' aj Israel, kiyitjin che ch'oj chikuch. Ena jare kraj re kujach kwuch, rech kuya utzil chikxo'l, ena xub'ij chke: “Achjab', ix ixachlal chiwuch. ¿Suche che xaq itkel ki'an k'ax iwib' chiwuch?” xche chke. 27Ni jun che kitjin che uch'ayik un rich'il, xutakpij pnoq u Moisés, tik'ri xub'ij che: “¿Chin xub'ij chawe che at katitk'e' pqajlom rech ka'an atb'altzij pqajlom? 28¿Le xa jare kawaj at knakamsaj, jala peche xa'an che naj Egipto iwir che xakamsaj?”#Éx 2:14. xche che. 29Echi' xuta u Moisés che jala xb'ix che, xok il che y xanmaj b'ik. Ena x'e chpam jun chik tinmit che Madián kb'ix che. Chla' xikje wi, per jare t utinmit re. Ena xuriq rixqil chla' y xyalax keb' uk'jol.
30»Echi' b'enaqch kawnaq (40) jnab' che, che o u Moisés chla' Madián, xk'un jun ángel ruk' chla' chpam jun lyar che xa chqi'j ulew, chunqaj jun jyub' Sinaí ub'i'. O jwi' k'ix umjom a', kitjinik kk'at chla'. Chla' chpam un a' k'wi un ángel ti xuk'ut rib' chjuch u Moisés. 31Echi' xuril u Moisés un k'utb'al che o chpam a', mas xumiyma'. Ena xok chunqaj rech ku'on rilik su cha'al, per xaq t'et xuta uch'ab'al Qajaw Dios che xch'aw loq chpam un a', xub'ij: 32“In nDios rech u Abraham, rich'il u Isaac, rich'il u Jacob, che jare iwti' imam”,#Éx 3:6. xche che. Nu Moisés xaq kb'arb'at chik rmal rokb'al'il, y xu'on t chich kwil xuka'yej un a'. 33Ni Qajaw Dios xub'ij chik che: “Chwesaj axjab' che awqan, mal jare jun tyoxlaj ulew chinwuch jachi atitk'al wi. 34Ruk' saqlaj tzij in niwlom chik che iy'o nimnaq chpam jun nimlaj k'ax chla' Egipto, ntom chik che mas kiyo' rmal k'ax. Xa rmal npitnaq che kto'ik, rech kiyel na pik'ab' nk'aj aj Egipto. Katjosaj k'ut, rech katintaq b'i jala Egipto”.#Éx 3:5,7,10. Jala xub'ij Qajaw Dios che u Moisés, —xche u Esteban chke.
35U Esteban kitjin na che tzij, xub'ij: «Miskini' xa xetz'b'ex uwuch u Moisés kmal nk'aj aj Israel, miskini' xikb'ij che: “¿Chin xatutaq loq quk' rech ka'an atb'altzij pqajlom?”#Éx 2:14. xicha'. Jare Dios xutaq b'i kuk' rech kitk'e' pkijlom y soq rech kyuresaj chpam k'ax, xa rmal un ángel che xuk'ut rib' chjuch chpam jwi' k'ix. 36Xa jala', jare u Moisés xyuresaj loq qati' qamam chla' Egipto. Re xu'on nmaq taq k'utb'al rich'il milagro chla' Egipto, soq xu'on chuchi' mar che Keq Mar kb'ix che. Tik'ri, kawnaq (40) jnab' xutaqej u'anik chpam un lyar che xa chqi'j ulew. 37Jarewa u Moisés le' che xyuch'ab'ej nk'aj aj Israel, y jawa xub'ij chke ri': “Ri Qajaw Dios kuchay na jun ajb'il utzij chixo'l ix mismo, jala peche xu'on chwi'n che xnutaq loq chi'. Jare nmister kikojo sutaq kub'ij chiwe”.#Dt 18:15. Jawa xub'ij u Moisés chke ujer. 38Soq jare u Moisés xikje kuk' qamnaq iyaj Israel chla' chpam un nim lyar che xa chqi'j ulew. U Moisés, jnam iy'o chla' kuk' qati' qamam. Soq o re chla' ruk' un ángel echi' xuch'ab'ej pujlom un jyub' Sinaí. Jare re xuta nk'aj lo'laj tzij che kuya k'asnmal. Tik'ri', xu'axij ub'ixik chke qati' qamam rmal su utz'ib'am kanoq, y jala unom pitnaq ast retal xqata chik qo'j le'.
39»Per ni qati' qamam xikkoj taj su xub'ij chke, xa xkixtuj. Jare kkaj ke qast kiyitzlij jun b'welt chik jala Egipto. 40Echi' xb'oytaj u Moisés chla' pujlom un jyub' Sinaí, ke xikb'ij che u Aarón: “Jare kqaj qo'j che ka'an nk'aj qadyosil rech kinab'aj chiquch, mal qit'am taj su xuriq un Moisés che xujuresaj loq Egipto, mal xpi t chik”,#Éx 32:1. xiche che. 41Ena xik'an jun kidyosil, peche jun alaj xkesaj uwuchb'al xik'an che, jarela xik'an kidyosil che. Tik'ri, xikkamsaj taq tiko'n rech xikya chjuch, xikk'ul u'ij; mas xiki'kat che, che xiyikun che u'anik ruk' k'ab' su xik'ano. 42Ni Qajaw Dios ustaj xurilo. Ena xyuya kanoq, xuya chke che kkinmirsaj u'ij ch'mil rich'il ik' soq rich'il ij iy'o chla' chkaj. Jala x'antjik peche tz'ib'tal chpam Tyox Wuj che xiktz'ib'aj kan nk'aj ajb'il utzij Dios ujer. Chla' tz'ib'tal kan wi che jawa xub'ij Dios ri':
“Ix ixaj Israel, xixkje kawnaq (40) jnab' chla' chpam un lyar che xa chqi'j ulew.
Echi' ix'o chla', ¿xatb'a o tiko'n xikamsaj rech xiya chinwuch in?
¿Xatb'a o su xisipaj chwe, kojb'alre n'ij?
43Otaj, ot su xiya chwe. Xa xik'am b'i rchoch nidyosil ix che Moloc ub'i';
soq rich'il jun chik idyosil che Renfán#7:43 U Renfán soq kb'ix Refán che. ub'i',
che peche jun ch'mil xiwesaj uwuchb'al. Jarela xi'ano rech xikoj che uwuchb'al idyosil, tik'ri xinmirsaj k'ij.
Xa rmal che jala xi'ano, kixinwesaj na chpam itinmit,
kixintaq nub'i chpam jun lyar mas naj che un tinmit Babilonia”». (Am 5:25-27)
Jala xub'ij Dios chke nk'aj aj Israel che tz'ib'tal kan chpam Tyox Wuj ujer.
44U Esteban kitjin na che tzij, jawa kub'ij ri': «Echi' iy'o qati' qamam chpam un nim lyar che xa chqi'j ulew, soq o rchoch Dios kuk' ke, jarela tabernáculo kb'ix che. Chla' chpam un tabernáculo kikkol wi nk'aj tz'lom ab'aj jachi tz'ib'tal wi utzij upxab' Dios chikuch, k'utb'alre un utzlaj trato unom Dios kuk' ke ujer, che xa ruk' saqlaj tzij ub'im chke. Un tabernáculo jala x'an che u'anik peche un k'utb'al xuk'ut Dios chjuch u Moisés. 45Ni qati' qamam xkanaj kan un tabernáculo pik'ab', rmal mel jare kri'jal ke mismo xikya kan chke. Echi' jnam xipi ruk' u Josué, xikk'am loq un tabernáculo. Jare chi' xipitik ti xikch'ak nulew pik'ab' nk'aj chik tinmit. Jare Dios xyuroqtaj b'i nk'aj ajch'oj chikuch, xyuresaj b'i nk'aj mnaq chla', rech utz xikanaj kan ke pujlom ulew chla'. O na un tabernáculo chla' echi' xok u David che atb'altzij. 46U David, utz xiltaj wi rmal Dios. Xa rmal, xuriq jun nimlaj utzil chpam uk'asnmal. Jare xuta u David che Dios wet kuya che, che kuyak jun nimlaj rchoch rech kikje Dios chpam, che soq jare uDios qari'jal Jacob. 47Per Dios xuya taj che, che jare re kuyako. Xa che nuk'jol xuya wi, che Salomón ub'i'. Xa rmal, jare u Salomón xuyak un ja rech kikje Dios chpam.
48»Per ni Qajaw Dios che mas nim u'ij kikje taj Re ptaq rchoch Dios che xa mnaq kinawre ruk' k'ab'. O jun ajb'il utzij Dios ujer che Isaías ub'i'. Re xutz'ib'aj kanoq su xub'ij Dios che.
49“Dios jawa xub'iji': Ri kaj, jare nkulb'al. Chla' kinkb'e' wi rech kin'an atb'altzij.
Nuwuchlew jare kintk'alb'ej wqan chjuch, jala peche uxnb'al utk'alb'al wqan.
¿Su ka'y k'ut un ja che ki'an chwe? kcha ri Qajaw.
¿Jachi k'wi un lyar che kiyijb'a chwe rech kinu'xan chpam? Otaj.
50¿Le in t k'ut ninom ruk' n'ab' runjel jumpa sutaq'ik kriqtaj chi' chuchlew soq rich'il chla' chkaj? Jare', In”». (Is 66:1-2)
Jala xub'ij Qajaw Dios.
51Nu Esteban xutaqej ub'ixik chke nk'aj achjab' che o atb'altzij pik'ab', xub'ij: «Ix mas ko iwanma', mas ixach'i'y kixch'ab'xik, kiwaj taj kitatb'ej utzij Dios rech kqaj pijlom, mowni rech kok chpam iwanma'. Ix xaq ixjnam kuk' iwti' imam ujer che xikkoj t utzij Dios. Echi' ixuch'ab'em rmal Tyoxlaj Uxlab'xel Dios, kik'am taj su kub'ij, xa ki'atij uwuch. 52¿Le o jun ajb'il utzij Dios che xik'an t k'ax iwti' imam che? Otaj. Nk'aj iwti' imam mas xik'an k'ax chke kunjel jumpa nk'aj ajb'il utzij Dios, ast retal xikkamsaj nk'aj ajb'il utzij Dios che xikb'ij che kpi na Jun che ot umak, che jare ri Cristo,#7:52 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios. Echi' k'ut xk'un Re, jare ix mismo xijach pik'ab' atb'altzij rech xitaq ukamsxik. 53Ix xik'am lo'laj upxab' Dios ya'tal chke qari'jal ujer kmal nk'aj ángel. Per ni le', miskini' jchom chik pi'ab' ix, ikjom taj su tz'ib'tal chpam». Jala xub'ij u Esteban chke mnaq.
Xkamsax u Esteban ruk' ab'aj
54Echi' xikta nk'aj mnaq che jala xub'ij u Esteban chke, jwert xpi kiwal che, xkiqch'uch'ej uwuke rmal kiwal. 55Per nu Esteban, o uchu'ab' Tyoxlaj Uxlab'xel Dios ruk'. Ena xka'y chkaj y xuril nimlaj uchu'ab' Dios rich'il usaqil. Soq xuril Jesús che tk'alik o pu'b'im Dios. 56Ena xub'ij:
—¡Chiwlampe'! In kinwil kaj che telik. Soq kinwil nAchi nuK'jol Dios che tk'al chla' pu'b'im Dios, —xcha'.
57Per ni nk'aj mnaq xa ko xiksik'b'aj kib', xiktz'apij kixkin echi' xikta' che jala xub'ij; tik'ri kunjel xikk'eq kib' chrij u Esteban. 58Xkesaj b'i ptinmit, tik'ri xikmaj uk'eqik chab'aj. Ni nk'aj mnaq che xikk'eq tzijtal chrij u Esteban, xkesaj kitz'yaq, xikchilb'ej kan kitz'yaq ruk' jun achi che k'ala na, Saulo ub'i'. 59Echi' kiyitjin che uk'eqik chab'aj, xu'on uch'ab'al u Esteban ruk' Jesús, xub'ij: «Qajaw Jesús, chik'ma wanma', kinjach pa'ab' chanim», xche che. 60Tik'ri xixke'ik, ko xusik'b'aj rib', xub'ij: «Wjaw, chikyu kmak sutaq kiyitjin che u'anik chwe», xche che. Xaw xk'is ub'ixik rmal, xkamik.
လက္ရွိေရြးခ်ယ္ထားမွု
Hechos 7: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 7
7
U Esteban xuto' rib' chikuch atb'altzij
1Un nimlaj ajk'mal b'e chke nk'aj rajchak Dios xuta che u Esteban, xub'ij:
—¿Le qtzij sutaq kikb'ij mnaq chawij? —xche che.
2U Esteban xub'ij chke:
—Ix, ixlo'laj taq qachlal rich'il ix ixlo'laj taq qari'jal, chitatb'ej su kimb'ij chiwe: ri Qajaw Dios, che mas nim u'ij, xuk'ut rib' chjuch qari'jal Abraham ujer echi' o na chla' Mesopotamia, echi' mja k'ax chpam un tinmit Harán rech kikje chla'. 3Ri Qajaw Dios xub'ij che qari'jal Abraham: “Chiy'a kan atinmit, soq chiy'a kanoq jumpa awachlal, rech kat'e chpam un chik tinmit che kink'ut na chawuch”,#Gn 12:1. xche che. 4Xa jala', xel b'i u Abraham chpam un tinmit Caldea, x'e chpam un chik tinmit Harán ub'i' rech kikje jun tiempo chla'. Ena xkam uqaw chla'. Tik'ri k'ut, ri Qajaw Dios xuk'am loq chi' chpam un tinmit jachi ixk'wi ix chanim. 5Ri Qajaw Dios, nab'e ot su kri' ch'in uración u Abraham xuya chi' chpam un lyari', mowni laj ch'qap ulew rech kitk'e' chjuch. Per ruk' saqlaj tzij xub'ij che, che kuya na jun rlew rech kurechb'ej, y soq kikkechb'ej kan nk'aj ri'y umam. Jala xub'ij Qajaw Dios che, miskini' mja kuril uwuch jun ralk'al u Abraham. 6Soq xub'ij chik Dios che, che nk'aj ri'y umam kiyikje na chpam jun tinmit che kech taj ke. Kjeb' ciento (400) jnab' kiktij k'ax pik'ab' nk'aj mnaq che kiyitk'e' pkijlom, y miskini' kik'an kchak che kilik mnaq chla', per kitoj taj. 7Ri Dios xub'ij chik che u Abraham: “Kink'ejsaj kwuch mnaq chpam un tinmit che kiyitk'e' pkijlom nk'aj ri'y amam.#Gn 15:13-14. Tik'ri kiyel nub'i nk'aj ri'y amam chla', kipin chi' rech kik'an kchak che wilik, kojb'alre n'ij”,#Gn 15:14; Éx 3:12. xche Qajaw Dios che. 8Ri Dios soq xu'on jun utzlaj trato ruk' u Abraham y xub'ij che, che kukoj retal ucuerpo tza'm amb'al uchul, circuncisión kb'ix che. Jala xu'on u Abraham rech k'utb'alre che xuk'am u'ab' un trato che xik'an chikuch. Xa rmal che echi' xurqa un ij che xalax nuk'jol che Isaac ub'i', u Abraham xukoj retal ucuerpo echi' och waxqib' (8) ij che. Soq jala chik xu'on u Isaac che nuk'jol che Jacob ub'i'. Y soq jala chik xu'on u Jacob chke kab'aljuj (12) uk'jol ujer, che jare ke qari'jal qo'j ujaj Israel.
9»Nk'aj uk'jol u Jacob, che jare qari'jal, mas k'ax xkil u Jse, che jare kcha', mal re xa mas lo' chjuch kqaw. Ena, xikk'ij b'ik rech kk'am b'i jala Egipto. Per ni Qajaw Dios o ruk' u Jse. 10Jare Qajaw Dios xuresaj u Jse chpam runjel jumpa k'ax xuriqo. Soq xuya mas un'oj. Xu'on che, che mas utz kiltaj wi rmal un faraón, che jare jun rey tk'al pujlom un tinmit Egipto. Un faraón xukoj u Jse che nimlaj atb'altzij rech kitk'e' pujlom un tinmit Egipto. Soq xuya che, che kitk'e' pujlom runjel jumpa ub'itaqre un faraón o chirchoch, rich'il jumpa mnaq iy'o chla'. Runjel xuya pu'ab'.
11»Xurqa jun ij, xpi jun nimlaj wijal chpam runjel un tinmit Egipto, y soq jala chpam un tinmit Canaán. Jumpa mnaq iy'o chla', mas xiktij k'ax. Jnam xiktij k'ax kuk' qari'jal che iy'o chla'; ke kikriq t chik su kiktijo. 12Echi' xuta rson u Jacob che o su kiktijo kiktzukb'ej kib' ruk' jala Egipto, xyutaq b'i nk'aj uk'jol che ulo'ik. Nk'aj uk'jol nachi ri', jare ke qari'jal qo'j ujer. Jare nab'e b'welt xib'e chla' Egipto. 13Echi' xib'e chik chukamul b'welt, tik'ri xub'ij u Jse chke, che jare re kcha'. Un faraón, che tk'al pujlom tinmit Egipto, xurit'amaj chintaq rachlal u Jse soq jachi ipitnaq wi. 14Tik'ri k'ut, u Jse xutaq uk'amik uqaw rich'il jumpa rachlal iy'olik. Kunjel jumpa kwuch ke, jare oxk'al o'ljuj (75) mnaq. 15Xa jala' ti x'ax u Jacob Egipto, chla' xkanaj kan wi, ast retal echi' xkamik. Soq chla' xikam wi nk'aj uk'jol che jare qari'jal qo'j. 16Nk'aj kib'qil qamnaq xik'am b'i chpam un tinmit Siquem,#7:16 Un tinmit Siquem soq kb'ix Siquén che. ximuq kan chla' chpam nulew rech muqb'al kamnaq che xulo' qari'jal Abraham#Gn 23:3-20. chke nk'aj uk'jol u Hamor.#7:16 U Hamor soq kb'ix Jamor che. Nulewi', ruk' urjil re xulo' wi, y chla' k'wi Siquem.
17»Echi' k'ut ya mer ko'pan ij che ku'on Dios su ub'im che u Abraham che ruk' saqlaj tzij ku'on na, mas xik'ir nk'aj aj Israel chla' Egipto. 18Chpam un tiempo le', o jun chik achi xok che rey che soq faraón kb'ix che. Jare re tk'al pujlom un tinmit Egipto. Re, ot su kri' rit'am chrij u Jse, mal u Jse ya kamnaq chik. 19Un rey le', xa xyusub' qamnaq, xu'on k'ax chke qati' qamam. Ruk' uchu'ab' utzij xyutaqo rech xikpo'b'a kan taq kalk'al che inoch', rech xa kikamik. 20Echi' jala kitjin u'anik ti xalax u Moisés, ri Qajaw Dios mas utz xuril u Moisés. Xa uxib' ik' xikk'iysaj uqaw uchuch chla' chuja kuk'. Per xaq xikwaj laj noch'. 21Echi' k'ut xiyikun t chik xikwaj laj noch', xkesaj b'i chuja, xikya kan utkel. Ena, o jun umb'al un chik faraón, xusik' loq laj noch'. Tik'ri xuk'iysaj, peche ral xu'on che. 22Xa jala' xk'iy u Moisés chla' chirchoch un faraón. Xa rmal, xkitjoj che runjel jumpa sutaq'ik kit'am nk'aj aj Egipto. Ena, xpi mas uchu'ab' che u'anik sutaq ku'ono, rich'il sutaq kub'ij.
23»Echi' och kawnaq (40) jnab' che u Moisés, mas xraj re wet kik'ol kuk' umnaq iyaj Israel rech kurla' su kinom. 24Echi' o chik chla', xurilo che o jun aj Egipto kitjinik ku'on k'ax che jun aj Israel. Ena xuto' naj Israel pu'ab' y xu'on uk'xel che naj Egipto, ast retal xukamsaj. 25Jare kuchomaj u Moisés che kikch'ob' umnaq iyaj Israel che jare re tqom loq rmal Dios rech kyuresaj chpam k'ax, per ni ke xikch'ob' taj. 26Chkab' ij chik, u Moisés xyurqa keb' aj Israel, kiyitjin che ch'oj chikuch. Ena jare kraj re kujach kwuch, rech kuya utzil chikxo'l, ena xub'ij chke: “Achjab', ix ixachlal chiwuch. ¿Suche che xaq itkel ki'an k'ax iwib' chiwuch?” xche chke. 27Ni jun che kitjin che uch'ayik un rich'il, xutakpij pnoq u Moisés, tik'ri xub'ij che: “¿Chin xub'ij chawe che at katitk'e' pqajlom rech ka'an atb'altzij pqajlom? 28¿Le xa jare kawaj at knakamsaj, jala peche xa'an che naj Egipto iwir che xakamsaj?”#Éx 2:14. xche che. 29Echi' xuta u Moisés che jala xb'ix che, xok il che y xanmaj b'ik. Ena x'e chpam jun chik tinmit che Madián kb'ix che. Chla' xikje wi, per jare t utinmit re. Ena xuriq rixqil chla' y xyalax keb' uk'jol.
30»Echi' b'enaqch kawnaq (40) jnab' che, che o u Moisés chla' Madián, xk'un jun ángel ruk' chla' chpam jun lyar che xa chqi'j ulew, chunqaj jun jyub' Sinaí ub'i'. O jwi' k'ix umjom a', kitjinik kk'at chla'. Chla' chpam un a' k'wi un ángel ti xuk'ut rib' chjuch u Moisés. 31Echi' xuril u Moisés un k'utb'al che o chpam a', mas xumiyma'. Ena xok chunqaj rech ku'on rilik su cha'al, per xaq t'et xuta uch'ab'al Qajaw Dios che xch'aw loq chpam un a', xub'ij: 32“In nDios rech u Abraham, rich'il u Isaac, rich'il u Jacob, che jare iwti' imam”,#Éx 3:6. xche che. Nu Moisés xaq kb'arb'at chik rmal rokb'al'il, y xu'on t chich kwil xuka'yej un a'. 33Ni Qajaw Dios xub'ij chik che: “Chwesaj axjab' che awqan, mal jare jun tyoxlaj ulew chinwuch jachi atitk'al wi. 34Ruk' saqlaj tzij in niwlom chik che iy'o nimnaq chpam jun nimlaj k'ax chla' Egipto, ntom chik che mas kiyo' rmal k'ax. Xa rmal npitnaq che kto'ik, rech kiyel na pik'ab' nk'aj aj Egipto. Katjosaj k'ut, rech katintaq b'i jala Egipto”.#Éx 3:5,7,10. Jala xub'ij Qajaw Dios che u Moisés, —xche u Esteban chke.
35U Esteban kitjin na che tzij, xub'ij: «Miskini' xa xetz'b'ex uwuch u Moisés kmal nk'aj aj Israel, miskini' xikb'ij che: “¿Chin xatutaq loq quk' rech ka'an atb'altzij pqajlom?”#Éx 2:14. xicha'. Jare Dios xutaq b'i kuk' rech kitk'e' pkijlom y soq rech kyuresaj chpam k'ax, xa rmal un ángel che xuk'ut rib' chjuch chpam jwi' k'ix. 36Xa jala', jare u Moisés xyuresaj loq qati' qamam chla' Egipto. Re xu'on nmaq taq k'utb'al rich'il milagro chla' Egipto, soq xu'on chuchi' mar che Keq Mar kb'ix che. Tik'ri, kawnaq (40) jnab' xutaqej u'anik chpam un lyar che xa chqi'j ulew. 37Jarewa u Moisés le' che xyuch'ab'ej nk'aj aj Israel, y jawa xub'ij chke ri': “Ri Qajaw Dios kuchay na jun ajb'il utzij chixo'l ix mismo, jala peche xu'on chwi'n che xnutaq loq chi'. Jare nmister kikojo sutaq kub'ij chiwe”.#Dt 18:15. Jawa xub'ij u Moisés chke ujer. 38Soq jare u Moisés xikje kuk' qamnaq iyaj Israel chla' chpam un nim lyar che xa chqi'j ulew. U Moisés, jnam iy'o chla' kuk' qati' qamam. Soq o re chla' ruk' un ángel echi' xuch'ab'ej pujlom un jyub' Sinaí. Jare re xuta nk'aj lo'laj tzij che kuya k'asnmal. Tik'ri', xu'axij ub'ixik chke qati' qamam rmal su utz'ib'am kanoq, y jala unom pitnaq ast retal xqata chik qo'j le'.
39»Per ni qati' qamam xikkoj taj su xub'ij chke, xa xkixtuj. Jare kkaj ke qast kiyitzlij jun b'welt chik jala Egipto. 40Echi' xb'oytaj u Moisés chla' pujlom un jyub' Sinaí, ke xikb'ij che u Aarón: “Jare kqaj qo'j che ka'an nk'aj qadyosil rech kinab'aj chiquch, mal qit'am taj su xuriq un Moisés che xujuresaj loq Egipto, mal xpi t chik”,#Éx 32:1. xiche che. 41Ena xik'an jun kidyosil, peche jun alaj xkesaj uwuchb'al xik'an che, jarela xik'an kidyosil che. Tik'ri, xikkamsaj taq tiko'n rech xikya chjuch, xikk'ul u'ij; mas xiki'kat che, che xiyikun che u'anik ruk' k'ab' su xik'ano. 42Ni Qajaw Dios ustaj xurilo. Ena xyuya kanoq, xuya chke che kkinmirsaj u'ij ch'mil rich'il ik' soq rich'il ij iy'o chla' chkaj. Jala x'antjik peche tz'ib'tal chpam Tyox Wuj che xiktz'ib'aj kan nk'aj ajb'il utzij Dios ujer. Chla' tz'ib'tal kan wi che jawa xub'ij Dios ri':
“Ix ixaj Israel, xixkje kawnaq (40) jnab' chla' chpam un lyar che xa chqi'j ulew.
Echi' ix'o chla', ¿xatb'a o tiko'n xikamsaj rech xiya chinwuch in?
¿Xatb'a o su xisipaj chwe, kojb'alre n'ij?
43Otaj, ot su xiya chwe. Xa xik'am b'i rchoch nidyosil ix che Moloc ub'i';
soq rich'il jun chik idyosil che Renfán#7:43 U Renfán soq kb'ix Refán che. ub'i',
che peche jun ch'mil xiwesaj uwuchb'al. Jarela xi'ano rech xikoj che uwuchb'al idyosil, tik'ri xinmirsaj k'ij.
Xa rmal che jala xi'ano, kixinwesaj na chpam itinmit,
kixintaq nub'i chpam jun lyar mas naj che un tinmit Babilonia”». (Am 5:25-27)
Jala xub'ij Dios chke nk'aj aj Israel che tz'ib'tal kan chpam Tyox Wuj ujer.
44U Esteban kitjin na che tzij, jawa kub'ij ri': «Echi' iy'o qati' qamam chpam un nim lyar che xa chqi'j ulew, soq o rchoch Dios kuk' ke, jarela tabernáculo kb'ix che. Chla' chpam un tabernáculo kikkol wi nk'aj tz'lom ab'aj jachi tz'ib'tal wi utzij upxab' Dios chikuch, k'utb'alre un utzlaj trato unom Dios kuk' ke ujer, che xa ruk' saqlaj tzij ub'im chke. Un tabernáculo jala x'an che u'anik peche un k'utb'al xuk'ut Dios chjuch u Moisés. 45Ni qati' qamam xkanaj kan un tabernáculo pik'ab', rmal mel jare kri'jal ke mismo xikya kan chke. Echi' jnam xipi ruk' u Josué, xikk'am loq un tabernáculo. Jare chi' xipitik ti xikch'ak nulew pik'ab' nk'aj chik tinmit. Jare Dios xyuroqtaj b'i nk'aj ajch'oj chikuch, xyuresaj b'i nk'aj mnaq chla', rech utz xikanaj kan ke pujlom ulew chla'. O na un tabernáculo chla' echi' xok u David che atb'altzij. 46U David, utz xiltaj wi rmal Dios. Xa rmal, xuriq jun nimlaj utzil chpam uk'asnmal. Jare xuta u David che Dios wet kuya che, che kuyak jun nimlaj rchoch rech kikje Dios chpam, che soq jare uDios qari'jal Jacob. 47Per Dios xuya taj che, che jare re kuyako. Xa che nuk'jol xuya wi, che Salomón ub'i'. Xa rmal, jare u Salomón xuyak un ja rech kikje Dios chpam.
48»Per ni Qajaw Dios che mas nim u'ij kikje taj Re ptaq rchoch Dios che xa mnaq kinawre ruk' k'ab'. O jun ajb'il utzij Dios ujer che Isaías ub'i'. Re xutz'ib'aj kanoq su xub'ij Dios che.
49“Dios jawa xub'iji': Ri kaj, jare nkulb'al. Chla' kinkb'e' wi rech kin'an atb'altzij.
Nuwuchlew jare kintk'alb'ej wqan chjuch, jala peche uxnb'al utk'alb'al wqan.
¿Su ka'y k'ut un ja che ki'an chwe? kcha ri Qajaw.
¿Jachi k'wi un lyar che kiyijb'a chwe rech kinu'xan chpam? Otaj.
50¿Le in t k'ut ninom ruk' n'ab' runjel jumpa sutaq'ik kriqtaj chi' chuchlew soq rich'il chla' chkaj? Jare', In”». (Is 66:1-2)
Jala xub'ij Qajaw Dios.
51Nu Esteban xutaqej ub'ixik chke nk'aj achjab' che o atb'altzij pik'ab', xub'ij: «Ix mas ko iwanma', mas ixach'i'y kixch'ab'xik, kiwaj taj kitatb'ej utzij Dios rech kqaj pijlom, mowni rech kok chpam iwanma'. Ix xaq ixjnam kuk' iwti' imam ujer che xikkoj t utzij Dios. Echi' ixuch'ab'em rmal Tyoxlaj Uxlab'xel Dios, kik'am taj su kub'ij, xa ki'atij uwuch. 52¿Le o jun ajb'il utzij Dios che xik'an t k'ax iwti' imam che? Otaj. Nk'aj iwti' imam mas xik'an k'ax chke kunjel jumpa nk'aj ajb'il utzij Dios, ast retal xikkamsaj nk'aj ajb'il utzij Dios che xikb'ij che kpi na Jun che ot umak, che jare ri Cristo,#7:52 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios. Echi' k'ut xk'un Re, jare ix mismo xijach pik'ab' atb'altzij rech xitaq ukamsxik. 53Ix xik'am lo'laj upxab' Dios ya'tal chke qari'jal ujer kmal nk'aj ángel. Per ni le', miskini' jchom chik pi'ab' ix, ikjom taj su tz'ib'tal chpam». Jala xub'ij u Esteban chke mnaq.
Xkamsax u Esteban ruk' ab'aj
54Echi' xikta nk'aj mnaq che jala xub'ij u Esteban chke, jwert xpi kiwal che, xkiqch'uch'ej uwuke rmal kiwal. 55Per nu Esteban, o uchu'ab' Tyoxlaj Uxlab'xel Dios ruk'. Ena xka'y chkaj y xuril nimlaj uchu'ab' Dios rich'il usaqil. Soq xuril Jesús che tk'alik o pu'b'im Dios. 56Ena xub'ij:
—¡Chiwlampe'! In kinwil kaj che telik. Soq kinwil nAchi nuK'jol Dios che tk'al chla' pu'b'im Dios, —xcha'.
57Per ni nk'aj mnaq xa ko xiksik'b'aj kib', xiktz'apij kixkin echi' xikta' che jala xub'ij; tik'ri kunjel xikk'eq kib' chrij u Esteban. 58Xkesaj b'i ptinmit, tik'ri xikmaj uk'eqik chab'aj. Ni nk'aj mnaq che xikk'eq tzijtal chrij u Esteban, xkesaj kitz'yaq, xikchilb'ej kan kitz'yaq ruk' jun achi che k'ala na, Saulo ub'i'. 59Echi' kiyitjin che uk'eqik chab'aj, xu'on uch'ab'al u Esteban ruk' Jesús, xub'ij: «Qajaw Jesús, chik'ma wanma', kinjach pa'ab' chanim», xche che. 60Tik'ri xixke'ik, ko xusik'b'aj rib', xub'ij: «Wjaw, chikyu kmak sutaq kiyitjin che u'anik chwe», xche che. Xaw xk'is ub'ixik rmal, xkamik.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global