Hechos 16
16
U Timoteo jnam xib'e kuk' u Pablo rich'il u Silas
1Nu Pablo rich'il u Silas kiyitjin na che kb'e, xiyo'pan chpam nk'aj tinmit Derbe rich'il Listra. Chla' Listra xikriq jun ala che ukjom utzij Jesús, Timoteo ub'i'. U Timoteo jare ral jun ixoq ajkojnel aj Israel, per nuqaw re jare aj Grecia. 2Jumpa qachlal iy'o chla' Listra soq rich'il qachlal iy'o chpam tinmit Iconio, jare kikb'ij ke che mas utzlaj mnaq u Timoteo. 3U Pablo jare kraj kuk'am b'i u Timoteo ruk'. Ena xukoj retal ucuerpo tza'm amb'al uchul, circuncisión kb'ix che, k'utb'alre che aj Israel, rech kik'lax kmal nk'aj aj Israel, che iy'o chla' ptaq tinmit jachi ki'ax wi, mal ke kit'am che xa aj Grecia uqaw. 4Echi' xi'ax chpam runjel jumpa taq tinmit, xikya ub'ixik chke nk'aj ajkojnel su kchomam kan nk'aj apóstol rich'il nk'aj ajk'mal kb'e nk'aj ajkojnel chla' Jerusalén. Xikya kan rson chke, rech jala' kkiwit'amaj chinchke nmister kik'ano. 5Xa jala', kunjel jumpa mnaq che kikjom utzij Dios ptaq jun tinmit, xpi jun kowlaj k'u'x chke y ko xiyitk'e' chpam kkojb'al. Runjel ij kiyitjinik kik'irik.
O jun achi aj Macedonia xuk'ut rib' chjuch u Pablo chisqil
6U Pablo rich'il nk'aj rich'il xiktaqej kb'e xib'ek. Xi'ax chpam nk'aj lyar iy'o pukwent Frigia rich'il Galacia, ast retal xiyo'pan ruk' un nim lyar Asia ub'i'. Per ni Tyoxlaj Uxlab'xel xuya taj chke che kikb'ij utzij Dios chla' Asia. 7Xiyo'pan ruk' un lyar Misia. Echi' iy'o chla', xiktij u'jil kiyok chpam un lyar Bitinia, per ni Tyoxlaj Uxlab'xel rech Qajaw Jesús, xuya taj chke che kiyok chla'. 8Ena xaq xi'ax chpam un lyar Misia, xiqaj b'i chpam un tinmit Troas che o chuchi' mar. 9Chla', o jun k'utb'al xuk'ut Dios chjuch u Pablo cha'ab'. Xurilo che o jun achi aj Macedonia, tk'al chjuch, kitjinik kub'och'ij ujlom, kub'ij che: «Kat'ax chi' quk' pukwent Macedonia, rech kujato'o». Jala xub'ij nachi che. 10Echi' xuril u Pablo un k'utb'ali' che xk'ut chjuch, chanim xujwa'ljik, xqanuk' qib' rech kuj'e jala Macedonia. Xqachomaj che puro saqlaj tzij kitjin Dios che qasik'xik, rech kuj'e che ub'ixik utzlaj taq rson chrij Qajaw Jesús chke mnaq chla'.
U Pablo rich'il u Silas xiyo'pan chpam tinmit Filipos
11Echi' xujel chub'i chla' Troas, xujok chpam jun barco, tik'ri sk'um xuj'e chla' chpam ch'qap ulew o nk'aj mar che Samotracia ub'i'. Chkab' ij chik tik'ri xujo'pan chpam un tinmit Neápolis ub'i'. 12Echi' xujel chub'i Neápolis, xuj'e chik chpam un tinmit Filipos#16:12 Un tinmit Filipos soq kb'ix Filipo che. ub'i'. Un tinmiti' jare re mas nim u'ij chikuch jumpa nk'aj chik tinmit iy'o chla' pukwent Macedonia. Chla' kirqom kib' k'i nk'aj mnaq ipitnaq chpam tinmit Roma, rech xiyikje chla'. Keb' uxib' ij xujkanaj kan chla'.
13Echi' xuriq ij rech uxnb'al ij, xujel b'i chrij tinmit, xuj'e chuchi' jun ja', mal xqachomaj che chla' kqariq mnaq che kikna kch'ab'al ruk' Dios. Chla' xujkb'e' wi. Tik'ri xqamaj ub'ixik utzlaj taq rson chrij Qajaw Jesús chke nk'aj ixqib' che kimlom kib' chla'. 14O jun chke nk'aj ixqib', Lidia ub'i', jala kpi chpam tinmit Tiatira. Re kunmirsaj u'ij Dios. Nixoqi', kuk'ij nk'aj k'ul che mas utz ka'yik nim rjil, keq ka'yik. Re kitjinik kutatb'ej sutaq kub'ij u Pablo. Ri Qajaw xu'on che, che kutor ranma' rech kukoj retal su kitjin u Pablo che ub'ixik. 15Ena x'an qasna' che i Lidia, soq x'an qasna' chke kunjel jumpa kwuch ijun ja mnaq. Tik'ri k'ut xub'och'ij qajlom, xub'ij chqe: «We kiwil ix che puro qtzij nikjonaq chik chjuch Qajaw Jesús, kixjosaj wuk' chiwchoch rech kixkanaj kan chla'», xche chqe. Xukoj uchu'ab' che ub'ixik chqe rech kujkanaj kan chirchoch, ena xujkanaj kan chla'.
U Pablo rich'il u Silas xiyoksax pkarsa
16Xuriq jun chik ij, echi' ujb'enaq jun b'welt chik chpam lyar jachi k'an wi ch'ab'al ruk' Dios, xqak'laj jun ali che xa o jun itzel espíritu che. Nitzel ku'on che, che kikunik kuch'ob'o su kikriq na mnaq ptaq kk'asnmal. Nali ri' o pik'ab' nk'aj upatrón rech kikch'ak kirjil chrij. Nimlaj pwaq kikch'ak chrij, mal re kupaj rij kk'asnmal mnaq. 17Nali ri' xumaj utrimb'xik u Pablo, soq xujutrimb'ej loq qo'j che jnam ujpitnaq ruk' u Pablo. Nali kusik'b'aj rib' trin loq chqij, kub'ij:
—Nk'aj achjab'i' jare ke iyutaqo'n Dios che mas nim u'ij o chla' chkaj. Jare ke kikb'ij chiwe su ki'ano rech kixto'taj na, kiriq ik'asnmal ruk' Dios che ot uk'isik, —kcha'.
18K'i ij xutaqej nali che jala xu'ono, ast retal xk'istaj uk'u'x u Pablo che. Ena xka'y chrij, xuka'yej nali, xub'ij che nitzel espíritu che o che:
—Rmal uchu'ab' ub'i' Qajaw Jesucristo, katintaqo rech katel b'i che nali ri', —xche che.
Ena mismo chanim xel b'i nitzel espíritu che nali, xuya kanoq.
19Per echi' xkil nk'aj upatrón nali che kiyikun t chik kikch'ak kirjil chrij, xikchap b'i u Pablo rich'il u Silas, xkijru'rej b'ik, xikk'am b'i chla' jachi kikmol kib' atb'altzij. 20Echi' xiyo'pan chjuch atb'altzij, xikya chikuch mnaq che o atb'altzij pik'ab', xikb'ij chke:
—Nk'aj achjab'i' che xa iyaj Israel, kiyitjinik kiktukb'lej qamnaq chpam qatinmit rech ksach kk'u'x. 21Xa kujkitjoj che u'anik jumpa sutaq'ik che k'manaq taj chqe kqa'ano. Ri costumbre che kikk'ut chiquch, ot mow kqak'amo, soq ot mow kqa'ano, mal qo'j xa ujaj Roma, —xiche chke.
22Ena xiwa'laj mnaq chkij u Pablo rich'il u Silas. Ni nk'aj atb'altzij xiktaq resxik kitz'yaq, tik'ri xiktaq kch'ayik ruk' che'. 23Echi' mas kich'yom chik, xikkoj pkarsa, tik'ri xiktaq najchjil karsa, xikb'ij che, che utz uchijxik ku'on che un karsa, kyuk'ak'lej rech kiyanmaj tu b'ik. 24Echi' xuta najchjil karsa che xya atb'altzij pu'ab', xyukoj b'i u Pablo rich'il u Silas chpam nuk'isb'al upja o loq k'isb'alre, tik'ri xutakpij kan kqan chpam jun che' rech chapb'al aqan.
25Per echi' xu'on ptaq nk'aj a'ab', u Pablo rich'il u Silas kiyitjinik kik'an kch'ab'al ruk' Dios, soq kik'an b'ix chjuch Dios. Ni nk'aj chik preso che itz'aptal chla' kiyitjinik kiktatb'ej. 26Echi' jala' kiyitjin che u'anik, xaq t'et xpi jun nimlaj kab'rqan y xuslib'saj nk'aj ab'aj che kjom che ukulb'al un ja rech un karsa. Ena mismo chanim xutor rib' runjel nk'aj uchija che un karsa, y xturtaj nk'aj ktena che kjom che ximb'alke kunjel jumpa preso iy'o pkarsa. 27Echi' k'ut xk'astaj najchjil karsa, xurilo che tortanaq chik nk'aj uchija che un karsa. Ena xuresaj loq numchit rech kukamsaj rib' ruk' kub'ij re, mal jare kuchomaj re che xiyanmaj b'i nk'aj mnaq iy'o pkarsa. 28Per nu Pablo xusik'b'aj rib' che uch'ab'xik, xub'ij che:
—Xa ma'an k'ax awib', mal qunjel qo'j uj'o chi', —xche che.
29Ni najchjil karsa xuta jtzuk' chaj, tik'ri k'ut anim xok b'i pkarsa. Kb'arb'at rmal rokb'al'il xixke' qaj chwi kqan u Pablo rich'il u Silas. 30Tik'ri k'ut xyuresaj loq pkarsa, xuta chke, xub'ij:
—Nmaq taq mnaq, ¿chinchke nmister kin'ano rech kinto'taj na rech kinriq nk'asnmal ruk' Dios che ot uk'isik? —xche chke.
31Nu Pablo rich'il u Silas, xikb'ij che:
—Chakub'a ak'u'x chrij Qajaw Jesucristo rech jala' katto'taj na, kariq na ak'asnmal ruk' Dios che ot uk'isik, soq rech jala' kikriq na kunjel jumpa kwuch mnaq iy'o pja awuk', —xiche che.
32Tik'ri xikb'ij utzij Qajaw chke kunjel jumpa kwuch iy'o pja. 33Echi' cha'ab' na, xok najchijnel che uch'ajik nk'aj soktajnaq o chke u Pablo ruk' u Silas, tik'ri x'an qasna' chke kunjel jumpa kwuch iy'o pja. 34Najchjil karsa xyuk'am b'i u Pablo rich'il u Silas chirchoch y xuya kwa. Ni re rich'il kunjel jumpa kwuch ijun ja mnaq, mas kiki'ktik, mal kkub'sam kk'u'x chrij Dios.
35Echi' xisqarik, nk'aj mnaq che o atb'altzij pik'ab' xiktaq b'i nk'aj policía ruk' najchjil karsa, rech kiktaq ub'ixik che, che kyutzaqpij b'i u Pablo rich'il u Silas.
36Ena xub'ij najchjil karsa che u Pablo:
—Nk'aj mnaq che o atb'altzij pik'ab' xiktaq loq rson wuk', kikb'ij che kixtzaqpix b'ik. Xa jala', o mow kixel b'ik, kix'e putzil, —xche chke.
37Per nu Pablo xub'ij chke nk'aj policía:
—Ustaj xik'an nk'aj atb'altzij chqe qo'j che ujkach ajtinmit Roma. Xkil taj nab'e we o qamak, xa xujkch'ay chikuch mnaq, tik'ri xujkkoj pkarsa. Ni le', jare kkaj ke kujktzaqpij b'i p'el'al. Ni qo'j kqaj taj che jala kik'an chqe. Jare chipi ke mismo rech kujktzaqpij b'ik. —Jala xub'ij u Pablo chke nk'aj policía.
38Ena xikb'ij chik nk'aj policía chke nk'aj atb'altzij su xb'ix loq chke. Ni nk'aj atb'altzij, mas xiyok il che echi' xikta' che iyaj Roma u Pablo rich'il u Silas. 39Ena xib'e kuk' u Pablo rich'il u Silas, rech kikta kuyb'al kmak chke. Tik'ri k'ut xkesaj loq pkarsa, xiktzaqpij b'ik, xikb'och'ij kijlom rech kiyel b'i chpam tinmit chla'. 40Echi' k'ut xiyel b'i u Pablo rich'il u Silas pkarsa, xib'e chirchoch i Lidia, xaq xik'ol kuk' jumpa qachlal kirqom kib' chla'. Xikch'ab'ej kanoq, xikya jun kowlaj k'u'x chke, tik'ri xiyel b'i chla'.
လက္ရွိေရြးခ်ယ္ထားမွု
Hechos 16: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 16
16
U Timoteo jnam xib'e kuk' u Pablo rich'il u Silas
1Nu Pablo rich'il u Silas kiyitjin na che kb'e, xiyo'pan chpam nk'aj tinmit Derbe rich'il Listra. Chla' Listra xikriq jun ala che ukjom utzij Jesús, Timoteo ub'i'. U Timoteo jare ral jun ixoq ajkojnel aj Israel, per nuqaw re jare aj Grecia. 2Jumpa qachlal iy'o chla' Listra soq rich'il qachlal iy'o chpam tinmit Iconio, jare kikb'ij ke che mas utzlaj mnaq u Timoteo. 3U Pablo jare kraj kuk'am b'i u Timoteo ruk'. Ena xukoj retal ucuerpo tza'm amb'al uchul, circuncisión kb'ix che, k'utb'alre che aj Israel, rech kik'lax kmal nk'aj aj Israel, che iy'o chla' ptaq tinmit jachi ki'ax wi, mal ke kit'am che xa aj Grecia uqaw. 4Echi' xi'ax chpam runjel jumpa taq tinmit, xikya ub'ixik chke nk'aj ajkojnel su kchomam kan nk'aj apóstol rich'il nk'aj ajk'mal kb'e nk'aj ajkojnel chla' Jerusalén. Xikya kan rson chke, rech jala' kkiwit'amaj chinchke nmister kik'ano. 5Xa jala', kunjel jumpa mnaq che kikjom utzij Dios ptaq jun tinmit, xpi jun kowlaj k'u'x chke y ko xiyitk'e' chpam kkojb'al. Runjel ij kiyitjinik kik'irik.
O jun achi aj Macedonia xuk'ut rib' chjuch u Pablo chisqil
6U Pablo rich'il nk'aj rich'il xiktaqej kb'e xib'ek. Xi'ax chpam nk'aj lyar iy'o pukwent Frigia rich'il Galacia, ast retal xiyo'pan ruk' un nim lyar Asia ub'i'. Per ni Tyoxlaj Uxlab'xel xuya taj chke che kikb'ij utzij Dios chla' Asia. 7Xiyo'pan ruk' un lyar Misia. Echi' iy'o chla', xiktij u'jil kiyok chpam un lyar Bitinia, per ni Tyoxlaj Uxlab'xel rech Qajaw Jesús, xuya taj chke che kiyok chla'. 8Ena xaq xi'ax chpam un lyar Misia, xiqaj b'i chpam un tinmit Troas che o chuchi' mar. 9Chla', o jun k'utb'al xuk'ut Dios chjuch u Pablo cha'ab'. Xurilo che o jun achi aj Macedonia, tk'al chjuch, kitjinik kub'och'ij ujlom, kub'ij che: «Kat'ax chi' quk' pukwent Macedonia, rech kujato'o». Jala xub'ij nachi che. 10Echi' xuril u Pablo un k'utb'ali' che xk'ut chjuch, chanim xujwa'ljik, xqanuk' qib' rech kuj'e jala Macedonia. Xqachomaj che puro saqlaj tzij kitjin Dios che qasik'xik, rech kuj'e che ub'ixik utzlaj taq rson chrij Qajaw Jesús chke mnaq chla'.
U Pablo rich'il u Silas xiyo'pan chpam tinmit Filipos
11Echi' xujel chub'i chla' Troas, xujok chpam jun barco, tik'ri sk'um xuj'e chla' chpam ch'qap ulew o nk'aj mar che Samotracia ub'i'. Chkab' ij chik tik'ri xujo'pan chpam un tinmit Neápolis ub'i'. 12Echi' xujel chub'i Neápolis, xuj'e chik chpam un tinmit Filipos#16:12 Un tinmit Filipos soq kb'ix Filipo che. ub'i'. Un tinmiti' jare re mas nim u'ij chikuch jumpa nk'aj chik tinmit iy'o chla' pukwent Macedonia. Chla' kirqom kib' k'i nk'aj mnaq ipitnaq chpam tinmit Roma, rech xiyikje chla'. Keb' uxib' ij xujkanaj kan chla'.
13Echi' xuriq ij rech uxnb'al ij, xujel b'i chrij tinmit, xuj'e chuchi' jun ja', mal xqachomaj che chla' kqariq mnaq che kikna kch'ab'al ruk' Dios. Chla' xujkb'e' wi. Tik'ri xqamaj ub'ixik utzlaj taq rson chrij Qajaw Jesús chke nk'aj ixqib' che kimlom kib' chla'. 14O jun chke nk'aj ixqib', Lidia ub'i', jala kpi chpam tinmit Tiatira. Re kunmirsaj u'ij Dios. Nixoqi', kuk'ij nk'aj k'ul che mas utz ka'yik nim rjil, keq ka'yik. Re kitjinik kutatb'ej sutaq kub'ij u Pablo. Ri Qajaw xu'on che, che kutor ranma' rech kukoj retal su kitjin u Pablo che ub'ixik. 15Ena x'an qasna' che i Lidia, soq x'an qasna' chke kunjel jumpa kwuch ijun ja mnaq. Tik'ri k'ut xub'och'ij qajlom, xub'ij chqe: «We kiwil ix che puro qtzij nikjonaq chik chjuch Qajaw Jesús, kixjosaj wuk' chiwchoch rech kixkanaj kan chla'», xche chqe. Xukoj uchu'ab' che ub'ixik chqe rech kujkanaj kan chirchoch, ena xujkanaj kan chla'.
U Pablo rich'il u Silas xiyoksax pkarsa
16Xuriq jun chik ij, echi' ujb'enaq jun b'welt chik chpam lyar jachi k'an wi ch'ab'al ruk' Dios, xqak'laj jun ali che xa o jun itzel espíritu che. Nitzel ku'on che, che kikunik kuch'ob'o su kikriq na mnaq ptaq kk'asnmal. Nali ri' o pik'ab' nk'aj upatrón rech kikch'ak kirjil chrij. Nimlaj pwaq kikch'ak chrij, mal re kupaj rij kk'asnmal mnaq. 17Nali ri' xumaj utrimb'xik u Pablo, soq xujutrimb'ej loq qo'j che jnam ujpitnaq ruk' u Pablo. Nali kusik'b'aj rib' trin loq chqij, kub'ij:
—Nk'aj achjab'i' jare ke iyutaqo'n Dios che mas nim u'ij o chla' chkaj. Jare ke kikb'ij chiwe su ki'ano rech kixto'taj na, kiriq ik'asnmal ruk' Dios che ot uk'isik, —kcha'.
18K'i ij xutaqej nali che jala xu'ono, ast retal xk'istaj uk'u'x u Pablo che. Ena xka'y chrij, xuka'yej nali, xub'ij che nitzel espíritu che o che:
—Rmal uchu'ab' ub'i' Qajaw Jesucristo, katintaqo rech katel b'i che nali ri', —xche che.
Ena mismo chanim xel b'i nitzel espíritu che nali, xuya kanoq.
19Per echi' xkil nk'aj upatrón nali che kiyikun t chik kikch'ak kirjil chrij, xikchap b'i u Pablo rich'il u Silas, xkijru'rej b'ik, xikk'am b'i chla' jachi kikmol kib' atb'altzij. 20Echi' xiyo'pan chjuch atb'altzij, xikya chikuch mnaq che o atb'altzij pik'ab', xikb'ij chke:
—Nk'aj achjab'i' che xa iyaj Israel, kiyitjinik kiktukb'lej qamnaq chpam qatinmit rech ksach kk'u'x. 21Xa kujkitjoj che u'anik jumpa sutaq'ik che k'manaq taj chqe kqa'ano. Ri costumbre che kikk'ut chiquch, ot mow kqak'amo, soq ot mow kqa'ano, mal qo'j xa ujaj Roma, —xiche chke.
22Ena xiwa'laj mnaq chkij u Pablo rich'il u Silas. Ni nk'aj atb'altzij xiktaq resxik kitz'yaq, tik'ri xiktaq kch'ayik ruk' che'. 23Echi' mas kich'yom chik, xikkoj pkarsa, tik'ri xiktaq najchjil karsa, xikb'ij che, che utz uchijxik ku'on che un karsa, kyuk'ak'lej rech kiyanmaj tu b'ik. 24Echi' xuta najchjil karsa che xya atb'altzij pu'ab', xyukoj b'i u Pablo rich'il u Silas chpam nuk'isb'al upja o loq k'isb'alre, tik'ri xutakpij kan kqan chpam jun che' rech chapb'al aqan.
25Per echi' xu'on ptaq nk'aj a'ab', u Pablo rich'il u Silas kiyitjinik kik'an kch'ab'al ruk' Dios, soq kik'an b'ix chjuch Dios. Ni nk'aj chik preso che itz'aptal chla' kiyitjinik kiktatb'ej. 26Echi' jala' kiyitjin che u'anik, xaq t'et xpi jun nimlaj kab'rqan y xuslib'saj nk'aj ab'aj che kjom che ukulb'al un ja rech un karsa. Ena mismo chanim xutor rib' runjel nk'aj uchija che un karsa, y xturtaj nk'aj ktena che kjom che ximb'alke kunjel jumpa preso iy'o pkarsa. 27Echi' k'ut xk'astaj najchjil karsa, xurilo che tortanaq chik nk'aj uchija che un karsa. Ena xuresaj loq numchit rech kukamsaj rib' ruk' kub'ij re, mal jare kuchomaj re che xiyanmaj b'i nk'aj mnaq iy'o pkarsa. 28Per nu Pablo xusik'b'aj rib' che uch'ab'xik, xub'ij che:
—Xa ma'an k'ax awib', mal qunjel qo'j uj'o chi', —xche che.
29Ni najchjil karsa xuta jtzuk' chaj, tik'ri k'ut anim xok b'i pkarsa. Kb'arb'at rmal rokb'al'il xixke' qaj chwi kqan u Pablo rich'il u Silas. 30Tik'ri k'ut xyuresaj loq pkarsa, xuta chke, xub'ij:
—Nmaq taq mnaq, ¿chinchke nmister kin'ano rech kinto'taj na rech kinriq nk'asnmal ruk' Dios che ot uk'isik? —xche chke.
31Nu Pablo rich'il u Silas, xikb'ij che:
—Chakub'a ak'u'x chrij Qajaw Jesucristo rech jala' katto'taj na, kariq na ak'asnmal ruk' Dios che ot uk'isik, soq rech jala' kikriq na kunjel jumpa kwuch mnaq iy'o pja awuk', —xiche che.
32Tik'ri xikb'ij utzij Qajaw chke kunjel jumpa kwuch iy'o pja. 33Echi' cha'ab' na, xok najchijnel che uch'ajik nk'aj soktajnaq o chke u Pablo ruk' u Silas, tik'ri x'an qasna' chke kunjel jumpa kwuch iy'o pja. 34Najchjil karsa xyuk'am b'i u Pablo rich'il u Silas chirchoch y xuya kwa. Ni re rich'il kunjel jumpa kwuch ijun ja mnaq, mas kiki'ktik, mal kkub'sam kk'u'x chrij Dios.
35Echi' xisqarik, nk'aj mnaq che o atb'altzij pik'ab' xiktaq b'i nk'aj policía ruk' najchjil karsa, rech kiktaq ub'ixik che, che kyutzaqpij b'i u Pablo rich'il u Silas.
36Ena xub'ij najchjil karsa che u Pablo:
—Nk'aj mnaq che o atb'altzij pik'ab' xiktaq loq rson wuk', kikb'ij che kixtzaqpix b'ik. Xa jala', o mow kixel b'ik, kix'e putzil, —xche chke.
37Per nu Pablo xub'ij chke nk'aj policía:
—Ustaj xik'an nk'aj atb'altzij chqe qo'j che ujkach ajtinmit Roma. Xkil taj nab'e we o qamak, xa xujkch'ay chikuch mnaq, tik'ri xujkkoj pkarsa. Ni le', jare kkaj ke kujktzaqpij b'i p'el'al. Ni qo'j kqaj taj che jala kik'an chqe. Jare chipi ke mismo rech kujktzaqpij b'ik. —Jala xub'ij u Pablo chke nk'aj policía.
38Ena xikb'ij chik nk'aj policía chke nk'aj atb'altzij su xb'ix loq chke. Ni nk'aj atb'altzij, mas xiyok il che echi' xikta' che iyaj Roma u Pablo rich'il u Silas. 39Ena xib'e kuk' u Pablo rich'il u Silas, rech kikta kuyb'al kmak chke. Tik'ri k'ut xkesaj loq pkarsa, xiktzaqpij b'ik, xikb'och'ij kijlom rech kiyel b'i chpam tinmit chla'. 40Echi' k'ut xiyel b'i u Pablo rich'il u Silas pkarsa, xib'e chirchoch i Lidia, xaq xik'ol kuk' jumpa qachlal kirqom kib' chla'. Xikch'ab'ej kanoq, xikya jun kowlaj k'u'x chke, tik'ri xiyel b'i chla'.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global