Mattuw 8
8
Yesu Dàgba Ándó Dìwànyànyà
1Dédēwaa Yesu lò tòli zū ishina gā bē zyoku lá, ápanku ndàbè lò bē'uni. 2Ápà zū wàbā wútòtò gàhwɔ̄ dì lá bē kàli lò zú bē zyoku yii pyɛ̀'a, ma zɛ̀ la, <<Adando, o ma shó ní, lò'm dàgba.>>
3Yesu ndāvo gwà'udì ma zɛ̀ la, <<M shó,>> Yesu zɛ̀ la, <<Lò yúùyú!>> Yiibebeli wútòtò gàhwɔ̄ dì'a lò kɛ̀. 4Yiibeli Yesu zɛ̀ yí'u la, <<Fá! Káwa zɛ̀ yí pazukponu yɔ̀. Dedee ndāfā ya dò ádākúmbwá mazyi ú wya'o, kà ishina mazyi ánɔ́nɔ̄ ú zɛ̀ndɛ̀ la, wútòtò lò kɛ̀bwā lá, ya kúfà sáyìna yiiyi waa Dɔ̀ Musa zɛ̀ lá.>>
Yesu Lò Ango Ndósèdì Wàshūwɔ̀ Àwu Roma Dàgba
5Dédēwaa Yesu kà Kapernaum lá, ndósèdì wàshuwɔ̀ àwu Roma zū bē dò'u ma vá'u la, 6<<Adando, ángo'm wàwūnù yi tòwú ná yiibe wúnáná yii ndō, yi dàdɔ kà yɔ̀ ma yi wyafyì wàbɛbɛ lá.>>
7Yesu zɛ̀ yí'u la, <<M ngyi bē ma lò'u yi dàgba.>>
8Ndósèdì wàshūwɔ̀ àwu Roma lá zɛ̀'undɛ̀ ní la, <<Adando, m gbā kē wàyí'o bē ndō'm yɔ̀. Yínū kin, ángo'm lò yi dàgba. 9Dizyi ami yii vo wáshuwɔ̀ wàbā gbā kā'm lá dúdú, m bā soja hwoi vo'm. M ngyi yí ndó wàyila nū la, <Ya!>u yi ya, m ngyi yí ndó wàyimá nū la, <Be!> u yi be, m ngyi yí nyà'm nū la, <Sá wú wàyila!> u yi sá'u.>>
10Dédēwaa Yesu fá mamá lá, àgbashu lò'u pà, u zɛ̀ yí wándó wà hwoi be'uni lá, <<Zyíbyɛ̀ waa ngyi zɛ̀ yí'ni ní, m gbā wya pàzu yiifu Isrela wàbā byɛ̀ shuwɔ̀ mamá ló yɔ̀. 11M ngyi zɛ̀ yí'ni la, apanku ndàbè hwoi zū zúdɔ wa vyívyò bē hwoi shí bé dùdù wa Ibrahim, wa Ishaku, wa Yakubu yiifu Chɔ̀ wàyii dɔ lá. 12Dedee áwándó wàhwoi zyē àwu Chɔ̀ lá, wa lò'wa hwoi tá wè myɛ yii bēwàsèfē, yii bē waa wa hwoi shèki ma hwoi pā nyí'wa lá.>> 13Yiibeli Yesu gbá zɛ̀ yí ndósèdì lá, <<Ya ndō! Áwú waa o zɛ̀ndɛ̀ ishina'a lá, lò yi sá.>>
Ángonyà ndósèdì lá lò dàgba yiifu dédē lá pwá.
Yesu dàgba panku ndàbè
14Dédēwaa Yesu kà ndō Bitrus lá, u wya vyó Bitrus wàwūwà ná yiibe wúnáná yi tò lamba. 15Yesu gwà'uvo yii vo'a, alamba me'uni, u dàdɔ ma sá wúzyī yí'wa.
16Dédēwaa nyunu lò kwò lá, apanku hwo wándó wàbā zyɔ̀ yii dì'wa lá bē Yesu, Yesu lò nidi wàbɛbɛ ká zumyɛ wa zyí nū'a ma lò wándó wàtòwú lá hwo dàgba sásá. 17U sá mamá mazyi ázyí waa Ishaya ándówyapyɛ̀ zɛ̀ lá ú lò kà zyíbyɛ̀, yi zɛ̀ la,
<<Áhu vodia lò'i wútòtò lòdɔ
ma lò'i dōdì tɛ̄ zumyɛ̄.>>
Wándó Wàzɛ̀ la, Wa hwoi Bē Yesu ní lá
18Dédēwaa Yesu wya panku ndàbè lò'u tábílíkā lá, u yí wátú'a nū mazyi wákyanú ya zyɛ̄. 19Yiibeli ándótà Dɔ̀ Musa bē dò'u ma zɛ̀ la, <<Andótàwú, m ngyi be'oní yi ya bē sásá waa o ma ya ní.>>
20Yesu zɛ̀ yí'u la, <<Abɛ́fubyɛ́ bā shī waa wa hwoi ná ní, ányī wàyi pē yii dɔ bā ndō, dedee Ango Panku bā bē wàlò ishina hwāní yɔ̀.>>
21Ápazu yi tú zɛ̀ la, <<Wàsèndo, ḿ ya lò ada'm zyì pùnū.>>
22Dedee Yesu zɛ̀ yí'u la, <<Be'mni, mazyi ó me wándó wàhuuhu ní wálò wándó wàhūùhū'wa zyì.>>
Yesu yí Áwɔ̀fyù lò pà Sāli
23Yesu lò kà fu kɔ̀, áwátu'a lò be'uni. 24Mamá kin wa wya áwɔ̀ fyù wàshuwɔ̀ dà yiifu núkù, yimamala ányázyà né yi gbòkyā kɔ̀. Dedee Yesu gɛ̀ lò náná. 25Áwátú ya dò'u ma lò'u zèná, wa hwoi zɛ̀ la, <<Adando, lò'i tɛ̄ la, i lò yi hu!>>
26Yesu zɛ̀ yí'wa la, <<Awuni wándó zyíbyɛ̀ wàtítíìntí, áyɛ̄ sá waa ni hwoi sázī ní?>> Yiibeli u dàdɔ ma yi áwɔ̀ wa nyázyà nū wàsā li, áwɔ̀ wa nyázyà lò pà.
27Agbashu lò panku pà, wa hwoi mbyēshé la, <<Āchɛ̄ panku wànī yi lá? Kwā áwɔ̀ wa nyázyà hwoi sá wú waa u zɛ̀ lá!>>
Yesu Lò Zyɔ̀ Ká Zumyɛ Yii Dì Wánù Ipyɛ
28Dédēwaa Yesu lò kyā bà zyɛ̄ zyoku Áwágadara lá, u gbàyi wa wánù ápà ipyɛ wàzu bé mbélā lá. Wánù hwoila bā zyɔ̀ ma hwoi wándó sá shà hwoi ngāngɛ̄ wa nɔ́nɔ̄ lá, ápanku hwoi zū nyashɔ li yɔ̀. 29Kin wa gbá lò kito sèni la, <<Ango Shidɔ, áyɛ̄ waa o yi fú yii bé'i ní? O bē wàtà'i fyì gbógbó bà dédē waa Shidɔ shē lá ní?>>
30U gbā nāshɔ̄ wa beli yɔ̀, àbè luma buu hwoi zyī. 31Àzyɔ̀ hwoi vá Yesu la, <<O ma lò'i ká zumyɛ ní, lò'i sù dó fu bè luma hwoi má.>>
32Yesu zɛ̀ yí'wa la, <<Ni ya!>> Yimamala wa zumyɛ ma ya kà fu bè luma. Sásá bè luma hwoila shìshɔ̀ tòlī yii nū búwà ya kàfu núkù ma hwo hu yiifu lape.
33Áwándó pyō luma hwo shè ya fu gá, ma lò zyí sásá gbòtà wa wú wàkwò wa wánù ipyɛ hwoila wàbā zyɔ̀ lá. 34Yiibeli sásá panku wàhwoi gá lá zumyɛ mazyi wáya dò Yesu. Waa wa wya'u lá, wa vá'u mazyi ú me zyoku'wa ní.
လက္ရွိေရြးခ်ယ္ထားမွု
Mattuw 8: WBTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria
Mattuw 8
8
Yesu Dàgba Ándó Dìwànyànyà
1Dédēwaa Yesu lò tòli zū ishina gā bē zyoku lá, ápanku ndàbè lò bē'uni. 2Ápà zū wàbā wútòtò gàhwɔ̄ dì lá bē kàli lò zú bē zyoku yii pyɛ̀'a, ma zɛ̀ la, <<Adando, o ma shó ní, lò'm dàgba.>>
3Yesu ndāvo gwà'udì ma zɛ̀ la, <<M shó,>> Yesu zɛ̀ la, <<Lò yúùyú!>> Yiibebeli wútòtò gàhwɔ̄ dì'a lò kɛ̀. 4Yiibeli Yesu zɛ̀ yí'u la, <<Fá! Káwa zɛ̀ yí pazukponu yɔ̀. Dedee ndāfā ya dò ádākúmbwá mazyi ú wya'o, kà ishina mazyi ánɔ́nɔ̄ ú zɛ̀ndɛ̀ la, wútòtò lò kɛ̀bwā lá, ya kúfà sáyìna yiiyi waa Dɔ̀ Musa zɛ̀ lá.>>
Yesu Lò Ango Ndósèdì Wàshūwɔ̀ Àwu Roma Dàgba
5Dédēwaa Yesu kà Kapernaum lá, ndósèdì wàshuwɔ̀ àwu Roma zū bē dò'u ma vá'u la, 6<<Adando, ángo'm wàwūnù yi tòwú ná yiibe wúnáná yii ndō, yi dàdɔ kà yɔ̀ ma yi wyafyì wàbɛbɛ lá.>>
7Yesu zɛ̀ yí'u la, <<M ngyi bē ma lò'u yi dàgba.>>
8Ndósèdì wàshūwɔ̀ àwu Roma lá zɛ̀'undɛ̀ ní la, <<Adando, m gbā kē wàyí'o bē ndō'm yɔ̀. Yínū kin, ángo'm lò yi dàgba. 9Dizyi ami yii vo wáshuwɔ̀ wàbā gbā kā'm lá dúdú, m bā soja hwoi vo'm. M ngyi yí ndó wàyila nū la, <Ya!>u yi ya, m ngyi yí ndó wàyimá nū la, <Be!> u yi be, m ngyi yí nyà'm nū la, <Sá wú wàyila!> u yi sá'u.>>
10Dédēwaa Yesu fá mamá lá, àgbashu lò'u pà, u zɛ̀ yí wándó wà hwoi be'uni lá, <<Zyíbyɛ̀ waa ngyi zɛ̀ yí'ni ní, m gbā wya pàzu yiifu Isrela wàbā byɛ̀ shuwɔ̀ mamá ló yɔ̀. 11M ngyi zɛ̀ yí'ni la, apanku ndàbè hwoi zū zúdɔ wa vyívyò bē hwoi shí bé dùdù wa Ibrahim, wa Ishaku, wa Yakubu yiifu Chɔ̀ wàyii dɔ lá. 12Dedee áwándó wàhwoi zyē àwu Chɔ̀ lá, wa lò'wa hwoi tá wè myɛ yii bēwàsèfē, yii bē waa wa hwoi shèki ma hwoi pā nyí'wa lá.>> 13Yiibeli Yesu gbá zɛ̀ yí ndósèdì lá, <<Ya ndō! Áwú waa o zɛ̀ndɛ̀ ishina'a lá, lò yi sá.>>
Ángonyà ndósèdì lá lò dàgba yiifu dédē lá pwá.
Yesu dàgba panku ndàbè
14Dédēwaa Yesu kà ndō Bitrus lá, u wya vyó Bitrus wàwūwà ná yiibe wúnáná yi tò lamba. 15Yesu gwà'uvo yii vo'a, alamba me'uni, u dàdɔ ma sá wúzyī yí'wa.
16Dédēwaa nyunu lò kwò lá, apanku hwo wándó wàbā zyɔ̀ yii dì'wa lá bē Yesu, Yesu lò nidi wàbɛbɛ ká zumyɛ wa zyí nū'a ma lò wándó wàtòwú lá hwo dàgba sásá. 17U sá mamá mazyi ázyí waa Ishaya ándówyapyɛ̀ zɛ̀ lá ú lò kà zyíbyɛ̀, yi zɛ̀ la,
<<Áhu vodia lò'i wútòtò lòdɔ
ma lò'i dōdì tɛ̄ zumyɛ̄.>>
Wándó Wàzɛ̀ la, Wa hwoi Bē Yesu ní lá
18Dédēwaa Yesu wya panku ndàbè lò'u tábílíkā lá, u yí wátú'a nū mazyi wákyanú ya zyɛ̄. 19Yiibeli ándótà Dɔ̀ Musa bē dò'u ma zɛ̀ la, <<Andótàwú, m ngyi be'oní yi ya bē sásá waa o ma ya ní.>>
20Yesu zɛ̀ yí'u la, <<Abɛ́fubyɛ́ bā shī waa wa hwoi ná ní, ányī wàyi pē yii dɔ bā ndō, dedee Ango Panku bā bē wàlò ishina hwāní yɔ̀.>>
21Ápazu yi tú zɛ̀ la, <<Wàsèndo, ḿ ya lò ada'm zyì pùnū.>>
22Dedee Yesu zɛ̀ yí'u la, <<Be'mni, mazyi ó me wándó wàhuuhu ní wálò wándó wàhūùhū'wa zyì.>>
Yesu yí Áwɔ̀fyù lò pà Sāli
23Yesu lò kà fu kɔ̀, áwátu'a lò be'uni. 24Mamá kin wa wya áwɔ̀ fyù wàshuwɔ̀ dà yiifu núkù, yimamala ányázyà né yi gbòkyā kɔ̀. Dedee Yesu gɛ̀ lò náná. 25Áwátú ya dò'u ma lò'u zèná, wa hwoi zɛ̀ la, <<Adando, lò'i tɛ̄ la, i lò yi hu!>>
26Yesu zɛ̀ yí'wa la, <<Awuni wándó zyíbyɛ̀ wàtítíìntí, áyɛ̄ sá waa ni hwoi sázī ní?>> Yiibeli u dàdɔ ma yi áwɔ̀ wa nyázyà nū wàsā li, áwɔ̀ wa nyázyà lò pà.
27Agbashu lò panku pà, wa hwoi mbyēshé la, <<Āchɛ̄ panku wànī yi lá? Kwā áwɔ̀ wa nyázyà hwoi sá wú waa u zɛ̀ lá!>>
Yesu Lò Zyɔ̀ Ká Zumyɛ Yii Dì Wánù Ipyɛ
28Dédēwaa Yesu lò kyā bà zyɛ̄ zyoku Áwágadara lá, u gbàyi wa wánù ápà ipyɛ wàzu bé mbélā lá. Wánù hwoila bā zyɔ̀ ma hwoi wándó sá shà hwoi ngāngɛ̄ wa nɔ́nɔ̄ lá, ápanku hwoi zū nyashɔ li yɔ̀. 29Kin wa gbá lò kito sèni la, <<Ango Shidɔ, áyɛ̄ waa o yi fú yii bé'i ní? O bē wàtà'i fyì gbógbó bà dédē waa Shidɔ shē lá ní?>>
30U gbā nāshɔ̄ wa beli yɔ̀, àbè luma buu hwoi zyī. 31Àzyɔ̀ hwoi vá Yesu la, <<O ma lò'i ká zumyɛ ní, lò'i sù dó fu bè luma hwoi má.>>
32Yesu zɛ̀ yí'wa la, <<Ni ya!>> Yimamala wa zumyɛ ma ya kà fu bè luma. Sásá bè luma hwoila shìshɔ̀ tòlī yii nū búwà ya kàfu núkù ma hwo hu yiifu lape.
33Áwándó pyō luma hwo shè ya fu gá, ma lò zyí sásá gbòtà wa wú wàkwò wa wánù ipyɛ hwoila wàbā zyɔ̀ lá. 34Yiibeli sásá panku wàhwoi gá lá zumyɛ mazyi wáya dò Yesu. Waa wa wya'u lá, wa vá'u mazyi ú me zyoku'wa ní.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria