Mattuw 7
7
Ni káwa hwà Pazunkponu kwɛ́ yɔ̀
1<<Ni káwa hwà pà zū kwɛ́, mazyi Shidɔ ú hwà'ni kwɛ́ yɔ̀. 2Dizyi Shidɔ yi hwà'ni kwɛ́ li zukponu sáyìna yiiyi waa ni hwà wándówànati ní lá, kà wúwàmbàwú zukponu waa ni mbà wu wándówànati wa'u lá, waa wa kà hwoi mbà wuni wa'u ní. 3Áyɛ̄ sá waa o pi yi wya wúwàtítíntíì wàdó yiifu áyīzú ngoyī'o lá, ma yi wyà àgbólófyī wàdó yiifu áyīzú'u lá yi wúzu yɔ̀ ní? 4Mamánī waa o pi yi zɛ̀ yí ngoyī'o la, <Mamgba ḿ lò'o wúwàtítíntíì dó yiifu áyīzú'u lá tɛ̄zūmyɛ̄,> waa áyīzú wuo gɛ̀ bā àgbólófyī dó yii fu'a lá ní? 5Áwo ndógyɛ́! Kàpyɛ̀ lò àgbólófyī wàdó yiifu áyīzú'u lá tɛ̄zūmyɛ̄ pùnū, mazyi ó pi wyabe nyɛnyɛ wàlò wúwàtítíntíì wàdó yiifu yīzú ngoyī'o lá tɛ̄ zumyɛ ní.
6<<Ni kálò wú wànyɛnyɛ lò yí bɛ́ yɔ̀, dizyi wa hwoi vēkà ishina té'ni ma hwoi tɛ̄'ni fɔ́. Ni ká lò tángúdē'ni tá hwā luma pyɛ̀ yɔ̀, dizyi wálò bá hwoi té ní, ma hwoi vēkà ishina té'ni wàtɛ̄'ni fɔ́.
Ni Vá, Ni Hwāzú, Ni Dávo.
7<< Ni ma hwoi vá, Shidɔ yi yí'ni, ni ma hwoi hwāzú, ni hwoi fyò, ni ma hwoi dávo yii nūkyɔ́, Shidɔ yi pò nūkyɔ́ yí'ni. 8Sásá pà wàma vá Shidɔ yi yí'u; sásá pà wàma hwāzú u yi fyò, sásá pà wàma dávo yii nūkyɔ́, Shidɔ yi pò nūkyɔ́ yí'u. 9Adā wànī hwoi fu'ni waa ángo'a ma vá wúzyī, waa u yi yí'u gɔ́ ní? 10Kwɛɛ u ma vá zyé waa u yi yí'u wúsù ní? 11Kwā yiiyi waa áwúsáàsá'ni bɛbɛ lá, ni yì yiiyi waa ni hwoi yí zyē'ni wúwàsàsà lá. ni hwoi gà la, Ada'ni wàyii dɔ lá yi yí wándó wàhwoi vá'u lá wúwàsàsà kà yɔ̀ ní?
12<<Yimamala ni sá panku wú waa ni hwoi fú wásá'ni lá, dizyi mamá waa Àdɔ̀ Musa wa áwándówyapyɛ̀ tà ní.
Nūkyɔ́ Wàpyíìpyí
13<<Ni zū nūkyɔ́ wàpyíìpyí kàfu. Dizyi nūkyɔ́ wàya ndōpyù yáàyá, nyàshɔ wàzu ya fu'a yi nyàshɔ wàkpéndé, ápanku wàzu hwoi ya fu'a lá ndàbè. 14Dedee nūkyɔ́ wàzu ya dò nwú wàgbógbó pyiipyi, nyàshɔ wàzu ya fu'a kàdì, ápanku wàzu hwoi ya fu'a lá ndàbè yɔ̀.
Āfyī wa Ngyì'a
15<<Ni pà dini wa áwándówyapyɛ̀ àwu zyígé, wàdó hwoi fu gàhwɔ̄ dɛ̀ bē hwoi dò'ni lá, dedee waa nwú'wa sáyìna vyìvyìjɔ̄ wàbā púpù lá. 16Ni hwoi yìkyà'wa yiibe wú waa wa hwoi sá lá. Ni hwoi nwá ngyì zyàbā yiibe sé yɔ̀, ni hwoi nwá ngyì gbánkòlò yiibe sé yɔ̀. 17Kà mamá waa sásá fyī wàsàsà lá yi nwā ngyì wàsàsà ní, dedee āfyī wà wàbɛbɛ, kà yi nwā ngyì wàbɛbɛ. 18Āfyī wàsàsà yi nwā ngyì wàbɛbɛ yɔ̀, āfyī wàbɛbɛ yi nwā ngyì wàsàsà yɔ̀. 19Sásá fyī wàma nwā ngyì wàsàsà yɔ̀ ní, wálò'u gé tá hwā pyù. 20Yimamala ni hwoi yìkyà áwándówyapyɛ̀ àwu zyígé yiibe wú waa wa hwoi sá lá.
M Gbā Yì'ni Ló Yɔ̀
21<<Gba yi sásá wándó wàhwoi bá'm la, <Adando, Adando,> lá hwoi kàfu chɔ̀ wàyii dɔ lá ní yɔ̀, dedee ákèké wándó wàhwoi sá wú waa Adā'm wàyii dɔ lá yi fú mazyi wásá lá, gbaa hwoi kà fua ní. 22Dédēwaa nyunu wàhwàkwɛ́ yi bē lá, ápanku ndàbè hwo zɛ̀ yí'm la, <Adando, Adando! Yiifu zyì'u zɛ̀ chɔ̀ Shidɔ, wa zyì'u i ká zyɔ̀ buu zumyɛ ma sá wúgbashu!> 23Yiibeli m ngyi zɛ̀ yí'wa la, <M yì'ni ló yɔ̀. Ni dàdɔ yii be wa'm yiiní lá, áwándó sá wúwàbɛbɛ!>
Áwándó Myītá Ápà Ipyɛ
24<<Yimamala sásá pà wàma fá zyí'm ma sá wú waa m zɛ̀ lá ní, u yi sáyìna ándókyíyá wàmyī tá'a yii ishina gɔ́ lá. 25Àfyù tā, alape lò mwɛ̀, áwɔ̀ sā gbakpo lò ishina té bé táli. Dedee u gba hwó yɔ̀, ishina wa myī'u yii ishina gɔ́ lá. 26Dedee sásá pà wàma fá zyí'm ma sá wú waa m zɛ̀ lá yɔ̀ ní, u yi sáyìna ákyɔ̀ panku lá wàmyī tá'a yiishina chīchɔ́ lá. 27Àfyù tā, alape lò mwɛ̀, áwɔ̀ sā gbakpo lò ishina té bé tá li, átá kwèkwè yii zyoku ma lò hwó sásá!>>
Ágba àwu Yesu
28Waa Yesu lò zyí hwoila zɛ̀bwā lá, àgbashu lò panku pà yiibe wútàtà'a, 29dizyi u tà'wa wú sáyìna ándó wàbā gbā, gba sáyìna áwándó tà Dɔ̀ Musa lá yɔ̀.
လက္ရွိေရြးခ်ယ္ထားမွု
Mattuw 7: WBTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria
Mattuw 7
7
Ni káwa hwà Pazunkponu kwɛ́ yɔ̀
1<<Ni káwa hwà pà zū kwɛ́, mazyi Shidɔ ú hwà'ni kwɛ́ yɔ̀. 2Dizyi Shidɔ yi hwà'ni kwɛ́ li zukponu sáyìna yiiyi waa ni hwà wándówànati ní lá, kà wúwàmbàwú zukponu waa ni mbà wu wándówànati wa'u lá, waa wa kà hwoi mbà wuni wa'u ní. 3Áyɛ̄ sá waa o pi yi wya wúwàtítíntíì wàdó yiifu áyīzú ngoyī'o lá, ma yi wyà àgbólófyī wàdó yiifu áyīzú'u lá yi wúzu yɔ̀ ní? 4Mamánī waa o pi yi zɛ̀ yí ngoyī'o la, <Mamgba ḿ lò'o wúwàtítíntíì dó yiifu áyīzú'u lá tɛ̄zūmyɛ̄,> waa áyīzú wuo gɛ̀ bā àgbólófyī dó yii fu'a lá ní? 5Áwo ndógyɛ́! Kàpyɛ̀ lò àgbólófyī wàdó yiifu áyīzú'u lá tɛ̄zūmyɛ̄ pùnū, mazyi ó pi wyabe nyɛnyɛ wàlò wúwàtítíntíì wàdó yiifu yīzú ngoyī'o lá tɛ̄ zumyɛ ní.
6<<Ni kálò wú wànyɛnyɛ lò yí bɛ́ yɔ̀, dizyi wa hwoi vēkà ishina té'ni ma hwoi tɛ̄'ni fɔ́. Ni ká lò tángúdē'ni tá hwā luma pyɛ̀ yɔ̀, dizyi wálò bá hwoi té ní, ma hwoi vēkà ishina té'ni wàtɛ̄'ni fɔ́.
Ni Vá, Ni Hwāzú, Ni Dávo.
7<< Ni ma hwoi vá, Shidɔ yi yí'ni, ni ma hwoi hwāzú, ni hwoi fyò, ni ma hwoi dávo yii nūkyɔ́, Shidɔ yi pò nūkyɔ́ yí'ni. 8Sásá pà wàma vá Shidɔ yi yí'u; sásá pà wàma hwāzú u yi fyò, sásá pà wàma dávo yii nūkyɔ́, Shidɔ yi pò nūkyɔ́ yí'u. 9Adā wànī hwoi fu'ni waa ángo'a ma vá wúzyī, waa u yi yí'u gɔ́ ní? 10Kwɛɛ u ma vá zyé waa u yi yí'u wúsù ní? 11Kwā yiiyi waa áwúsáàsá'ni bɛbɛ lá, ni yì yiiyi waa ni hwoi yí zyē'ni wúwàsàsà lá. ni hwoi gà la, Ada'ni wàyii dɔ lá yi yí wándó wàhwoi vá'u lá wúwàsàsà kà yɔ̀ ní?
12<<Yimamala ni sá panku wú waa ni hwoi fú wásá'ni lá, dizyi mamá waa Àdɔ̀ Musa wa áwándówyapyɛ̀ tà ní.
Nūkyɔ́ Wàpyíìpyí
13<<Ni zū nūkyɔ́ wàpyíìpyí kàfu. Dizyi nūkyɔ́ wàya ndōpyù yáàyá, nyàshɔ wàzu ya fu'a yi nyàshɔ wàkpéndé, ápanku wàzu hwoi ya fu'a lá ndàbè. 14Dedee nūkyɔ́ wàzu ya dò nwú wàgbógbó pyiipyi, nyàshɔ wàzu ya fu'a kàdì, ápanku wàzu hwoi ya fu'a lá ndàbè yɔ̀.
Āfyī wa Ngyì'a
15<<Ni pà dini wa áwándówyapyɛ̀ àwu zyígé, wàdó hwoi fu gàhwɔ̄ dɛ̀ bē hwoi dò'ni lá, dedee waa nwú'wa sáyìna vyìvyìjɔ̄ wàbā púpù lá. 16Ni hwoi yìkyà'wa yiibe wú waa wa hwoi sá lá. Ni hwoi nwá ngyì zyàbā yiibe sé yɔ̀, ni hwoi nwá ngyì gbánkòlò yiibe sé yɔ̀. 17Kà mamá waa sásá fyī wàsàsà lá yi nwā ngyì wàsàsà ní, dedee āfyī wà wàbɛbɛ, kà yi nwā ngyì wàbɛbɛ. 18Āfyī wàsàsà yi nwā ngyì wàbɛbɛ yɔ̀, āfyī wàbɛbɛ yi nwā ngyì wàsàsà yɔ̀. 19Sásá fyī wàma nwā ngyì wàsàsà yɔ̀ ní, wálò'u gé tá hwā pyù. 20Yimamala ni hwoi yìkyà áwándówyapyɛ̀ àwu zyígé yiibe wú waa wa hwoi sá lá.
M Gbā Yì'ni Ló Yɔ̀
21<<Gba yi sásá wándó wàhwoi bá'm la, <Adando, Adando,> lá hwoi kàfu chɔ̀ wàyii dɔ lá ní yɔ̀, dedee ákèké wándó wàhwoi sá wú waa Adā'm wàyii dɔ lá yi fú mazyi wásá lá, gbaa hwoi kà fua ní. 22Dédēwaa nyunu wàhwàkwɛ́ yi bē lá, ápanku ndàbè hwo zɛ̀ yí'm la, <Adando, Adando! Yiifu zyì'u zɛ̀ chɔ̀ Shidɔ, wa zyì'u i ká zyɔ̀ buu zumyɛ ma sá wúgbashu!> 23Yiibeli m ngyi zɛ̀ yí'wa la, <M yì'ni ló yɔ̀. Ni dàdɔ yii be wa'm yiiní lá, áwándó sá wúwàbɛbɛ!>
Áwándó Myītá Ápà Ipyɛ
24<<Yimamala sásá pà wàma fá zyí'm ma sá wú waa m zɛ̀ lá ní, u yi sáyìna ándókyíyá wàmyī tá'a yii ishina gɔ́ lá. 25Àfyù tā, alape lò mwɛ̀, áwɔ̀ sā gbakpo lò ishina té bé táli. Dedee u gba hwó yɔ̀, ishina wa myī'u yii ishina gɔ́ lá. 26Dedee sásá pà wàma fá zyí'm ma sá wú waa m zɛ̀ lá yɔ̀ ní, u yi sáyìna ákyɔ̀ panku lá wàmyī tá'a yiishina chīchɔ́ lá. 27Àfyù tā, alape lò mwɛ̀, áwɔ̀ sā gbakpo lò ishina té bé tá li, átá kwèkwè yii zyoku ma lò hwó sásá!>>
Ágba àwu Yesu
28Waa Yesu lò zyí hwoila zɛ̀bwā lá, àgbashu lò panku pà yiibe wútàtà'a, 29dizyi u tà'wa wú sáyìna ándó wàbā gbā, gba sáyìna áwándó tà Dɔ̀ Musa lá yɔ̀.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria