Mattuw 1
1
Azyì Áwádako àwu Mbùkú wa Ángyèké àwu Yesu Kristi
(Lk 3.23–38)
1Azyì àwu áwádako wu mbùkú wa ngyèké àwu Yesu Kristi, ángode-ngode kpendu àwu Dawuda wàyi ngode-ngode kpendu àwu Ibrahim lá.
2Ibrahim mbà Ishaku, Ishaku mbà Yakubu, Yakubu mbà Yahuda wa ázyēyī'a. 3Yahuda mbà Peresa wa Zera, áyī'wa yi Tamar, Perez mbà Hezron, Hezron mbà Ram, 4Ram mbà Aminadab, Aminadab mbà Nashon, Nashon mbà Salmon, 5Salmon mbà Boaz, áyī'a yi Rahab. Boaz mbà Obed, áyī'a yi Rut, Obed mbà Jese, 6Jese mbà aku Dawuda. Dawuda mbà Solomon, áyī'a yi àwà Uria, 7Solomon mbà Rehobowam, Rehobowam mbà Abija, Abija mbà Asa, 8Asa mbà Jehoshafat, Jehoshafat mbà Jehoram, Jehoram mbà Uziya, 9Uziya mbà Jotam, Jotam mbà Ahaz, Ahaz mbà Hezekiya, 10Hezekiya mbà Manase, Manase mbà Amon, Amon mbà Josiya, 11Josiya mbà Jekoniya wa ázyēyī'a yiifu dédē waa wa hwo Áwáisrela ya sá kolo fyì yii zyoku Babila lá.
12Yii niki dédēwaa wa lò Áwáisrela hwo ya zyoku Babila lá, Jekoniya mbà Sheyaltiyel, Sheyaltiyel mbà Zerubabel, 13Zerubabel mbà Abiud, Abiud mbà Eliyakim, Eliyakim mbà Azɔ, 14Azɔ mbà Zadok, Zadok mbà Akim, Akim mbà Eliwud, 15Eliwud mbà Eliyaza, Eliyaza mbà Matan, Matan mbà Yakubu, 16Yakubu mbà Yusufu ànù Maryamu wàmbà Yesu waa wa hwoi bá'u la, Kristi lá.
17Yimamala dà yiishina Ibrahim ya ishina Dawuda, àchù idezeni, kà dà yiishina Dawuda ya dédēwaa wa hwoi sá kolo fyì yii zyoku Babila lá, kà yi chù idezeni, yiifu dédē waa wa hwo panku ya sá kolo fyì yii zyoku Babila lá bē mbàmbà Kristi kà yi chù idezeni.
Ámbàmbà Yesu Kristi
(Lk 2.1–7)
18Yiiyi waa wa mbà Yesu Kristi lá gbaa yiinì. Wa lò yī'a Maryamu kā Yusufu, dedee gbógbó wálò bā dɛ̀ wa diwa lá, Maryamu lò yìnɔ̀ la, u bā fu wa Nidi Wànyɛnyɛ. 19Yusufu yi panku wàyi sá wú wàgyēgyē gbɛ̀n, dedee u yi fú ú káwa dó Maryamu zúde yii zú panku yɔ̀, Yimamala, u lò nwā wàlò gàfā wa'u kyó má. 20U yiifu zyíhwɛ̀ lá wàgàgà, ángochɔ̀ àwu Adando gbá pwè'uzū ní yiifu ndó ma zɛ̀ la, <<Yusufu, ángode Dawuda, káwa sázī wàlò Maryamu kōlò ú lò kà wà'o yɔ̀, dizyi wa Nidi Wànyɛnyɛ waa u kàsɔ̀fu ní. 21U yi mbà ngo wánù, o yi chò'u zyì la, Yesu, ishina u lò panku'a hwoi tɛ̄ zumyɛ yiibe wúwàbɛbɛ'wa lá.>>
22Tàma sásá wú wàhwoila kwò mazyi áwú waa Adando lò zɛ̀ zube ándówyapyɛ̀ lá, ú lò kà byɛ̀, 23<<angozuwa wàyì wánù yɔ̀ yi bāfu ma yi mbà ngo wánù, wa hwoi bá'u la, Imanuwel>>átɛ́'a zyī la, <<Shidɔ yi wa'i.>>
24Yimamala dédēwaa Yusufu lò zèná lá, u lò bā dɛ̀ wa Maryamu, sáyìna yiiyi waa ángochɔ̀ àwu Adando zɛ̀ yí'u la, ú sá lá. 25Dedee u gba nábená wa'u yɔ̀ gbógbó u lò ngo'a mbà. Yusufu chò'u zyì la Yesu.
လက္ရွိေရြးခ်ယ္ထားမွု
Mattuw 1: WBTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria