Maake 9
9
Gyisɛse wɔ ye anyunlunyia nu
1Gyisɛse doale zo zele ye ɛdoavolɛma ne mɔ kɛ, “Bɛdabɛ mɔɔ bɛgyigyi ɛke kɛkala la bie mɔ ɛnrɛnwu ewule ɛlɛ kɔkpula mekɛ mɔɔ Nana Nyamenle Belemgbunli maanle ne kɛra wɔ tumi totohyia nu la!”
2Na ye kenle nsia ne anzi Gyisɛse vale Pita, Gyemise, nee Dwɔn hɔle boka bie azo. Ɛnee awie bieko ɛmboka bɛ nwo.
Na arɛlevilɛ nu ala Gyisɛse anyunlu bɔle ɔ bo kɛ ɔta kɛ sɛnzɛne kpalɛ wɔ anyunlunyia kpole nu, 3na ye tɛladeɛ ne noko yɛle nwohyee dɛlale ewiade anu debie fufule biala! 4Na Mosisi nee Yilaegya vindele ɛkɛ ne na bɛ nee Gyisɛse dendɛle!
5Pita deanle nu zele kɛ, “Kilehilevolɛ, ɛhye yɛ nwanwane kpole! Maa yɛdɛnla ɛke ala! Ɔnle kɛ yɛsia yɛ nzi bieko! Maa yɛbɔ kpɔda nsa: wɔ deɛ ko, Mosisi ɛdeɛ ko, yɛɛ Yilaegya noko deɛ ko.”
6Ɛnee ɔnnwu edwɛkɛ mɔɔ ɔka la ati a maanle ɔhanle ɛhye a, ɔluakɛ ɛnee bɛ nuhua biala ahonle ɛdu totohyia.
7Na mɔɔ ɔ nloa wɔ zo ɔtendɛ la, amungu rahedale bɛ nee sɛnzɛne ne anwo zo, na ɛnelɛ bie vi amungu ne anu zele kɛ, “Ɛhye a le me Ra ne mɔɔ mekulo ye la. Bɛdie ye.”
8Bɛtotole bɛ nye bɛnleanle bɛ nwo ɛkɛ ne la, bɛnwunle kɛ Mosisi nee Yilaegya ɛhɔ, na Gyisɛse angomekye ala a nee bɛ wɔ ɛkɛ ne a.
9Na mɔɔ bɛtolotolo boka ne la, ɔzele bɛ kɛ bɛmmaka mɔɔ bɛnwu ye la bɛkile awie biala, kɔkpula mekɛ mɔɔ Sonla Ra ne vi ewule nu kɛdwazo la; 10Ɛhye ati bɛanga, na bɛveale zolɛ, na mekɛ dɔɔnwo ne ala bɛdwenlenle nwolɛ, na bɛbɔle mɔdenle kɛ bɛkɛde “ewule nu edwazolɛ” ne mɔɔ ɔhanle la abo.
11Akee bɛbɔle ɔ bo kɛ bɛbiza ye Dwuuma ngilehile ne mɔɔ se, ɔwɔ kɛ Yilaegya sia ba kolaa na Ngoanedievolɛ ne ara la anwo edwɛkɛ. 12-13Gyisɛse liele dole nu kɛ ɔwɔ kɛ Yilaegya dumua ba na ɔbasiezie Awulae adenle ne anu. Ɔvale ɔzɔle zo kɛ, nɔhalɛ nu, Yilaegya ɛra bieko dɛbadɛba! Na emomu, eza noko bɛhilele ye anwubɛnyunlu dɔɔnwo, kɛmɔ ngapezoma ne mɔ nwunle ye hanle ala la. Na akee Gyisɛse noko bizale bɛ edwɛkɛ ne mɔɔ ngapezoma ne mɔ hanle, kɛ Ngoanedievolɛ ne bavɛ, ɔbanwu nyane, na eza noko menli atoto ɔ nyunlu nyɛlɛ la abo.
Gyisɛse ɛra azɛlɛ ye azo
14Bɛnwunle kɛ menli dɔɔnwo ɛbɔ ɛyia ɛdoavolɛma ngɔnla ne mɔ wɔ boka ne azo lɔ, na Dwuuma mgbanyima ne mɔ bie noko nee bɛ ɛlɛsu kpolera. 15Menli dɔɔnwo ne nwunle Gyisɛse la, ɛzulolɛ hanle bɛ, na bɛdule twi, kɛ bɛkayia ye. 16Na ɔbizale bɛ kɛ, “Na kpolerazulɛ ɛhye noko fale duzu anwo?”
17Nrenyia ko vi menli ne anu zele kɛ, “Kilehilevolɛ, menvale me ra ko membale kɛ bɛyɛ ye ayile, ɔngola tendɛ, ɔluakɛ bozonle ɛva ye. 18Na mekɛ biala bozonle ne bawolo ye nu a ɔpɛ ye ɔto aze na akee ɔmaa ɔ nloa nyɛlɛ yɛ awubue fukaa, ɔtwi ɔ gye, na akee ɔsa kahelee zɛhae. Yemɔti mɔɔ me nee ye rale la membodole wɔ ɛdoavolɛma ne mɔ kɛ bɛdu bozonle ne bɛvi ye nu, noko akee bɛangola.”
19Na Gyisɛse zele ye ɛdoavolɛma ne mɔ kɛ, “O, duzu ati a bɛ diedi le ekyi zɛhae a; me nee bɛ ɛdɛnla ɛhɔdwu kenle nzu bieko kolaa na bɛalie bɛali? Menzi bɛ nwo abotane mengɔnkpula kenle nzu bieko? Bɛva kakula nrenyia ne bɛrɛlɛ me wɔ ɛke.”
20Ɔti bɛ nee kakula nrenyia ne rale, na mɔɔ ɔnwunle Gyisɛse ala la, bozonle ne pɛle ye dole ye aze ɛzulolɛ nu ala maanle ɔbedebedele na ɔ nloa anu kpule awubue fukaa zɛhae.
21Gyisɛse bizale kakula ne ɔ ze kɛ, “Na zɛhae deɛ ye rale ɔ nwo la yeli kenle nyɛ?”
Kakula ne ɔ ze buale kɛ, “Sumunli ye ngakula nu a deɛ ne yɛle ye a, 22na ɔtɔ kenle ne bie bɔbɔ a ɔmaa ɔtɔ senle nu, anzɛɛ nzule nu kɛ ɔku ye. Ɔti nwu ye anwunvɔne, na yɛ nwole bie maa yɛ, saa ɛkɛhola a.”
23Gyisɛse zele ye kɛ, “Saa Mame menwɔhola a! Saa ɛlɛ diedi ɛdeɛ a, yemɔ debie biala kola yɛ ɛkɛ.”
24Ndɛndɛ ne ala selɛ ne buale ye kɛ, “Melɛ diedi; O, boa me maa menyia ye molozo!”
25Na mɔɔ Gyisɛse nwunle kɛ ɛlɔne ne anu ɛlɛpi la ɔdeanle bozonle ne nu kɛ,
“Wɔmɔ bozonle tibili, wɔ tumi nu, ɛvi kakula ne nu finde na mmawolo ye nu bieko!”
26Akee bozonle ne kponlenle ɔ bo basaa bie, na ɔpɛle kakula nrenyia ne ɔdole ye aze na ɔvile ye nu ɔhɔle; na kakula nrenyia ne lale ɛkɛ ne koonwu, kɛ asɛɛ yewu la. Bɛlɛbɛlɛyivo bie vale ɛnriandinlɛ vile menli ne anu razele kɛ “Yewu.” 27Na Gyisɛse nzinlii zɔle ɔ sa maanle ye zo, na ɔboale ye ɔmaanle ɔgyinlanle, na ɔdwazole, na akee ɔdele kpɔkɛ bɔkɔɔ. 28Na nzinlii mɔɔ ɔhale Gyisɛse angomekye nee ye ɛdoavolɛma ne mɔ wɔ sua nu la bɛbizale ye kɛ, “Na duzu ati a yɛmɛ yɛangola yɛandu zɔhane bozonle ne a?”
29Gyisɛse zele bɛ kɛ, “Zɛhae deɛ ye, yemɔ ɔhyia nzɛlɛlɛ ɛsesebɛ ɛsesebɛ.”
30-31Bɛvile zɔhane maanzinli ne anu la bɛdule adenle bɛvale Galeli. Ɛnee Gyisɛse adwenle a le kɛ ɔfi menli ɛwolaa ne anu amaa yeanyia mekɛ ɔ nee ye ɛdoavolɛma ne mɔ adɛnla na yeahilehile bɛ debie. Edwɛkɛ mɔɔ ɛnee ɔta ɔka ɔkile bɛ la a le kɛ, “Bɛbaye Mame, Sonla Ra ne bɛamaa, na bɛahu me, na ye kenle nsa ne azo mebazia meara ngoane nu bieko.”
32Noko akee bɛande ɔ bo, yɛɛ bɛbiza ɔ bo noko a eza bɛsulo.
33Na mɔɔ bɛdwule Kapɛnayɛm mɔɔ bɛdɛnlanle aze wɔ aako ne mɔɔ bɛkazokoɛ nu ala la, ɔbizale bɛ kɛ, “Duzu a ɛnee bɛlɛkeha nwolɛ edwɛkɛ wɔ adenle nu lɔ la a?”
34Na nyiane hunle bɛ kɛ bɛkɛbua ɛhye, ɔluakɛ, ɛnee bɛlɛkeha mɔɔ lɛ tumi kpole wɔ bɛ nu la anwo edwɛkɛ!
35Ɔdɛnlanle aze na ɔvɛlɛle bɛ wɔ ɔ nwo ɛkɛ na ɔzele bɛ kɛ, “Mɔɔ kpondɛ kɛ ɔyɛ bɛ nu tumivolɛ la ɔwɔ kɛ yɛ ɔ nwo kɛ yemɔ a ɔle bɛ nu kakula a, ɔwɔ kɛ ɔbu ɔ nwo kɛ akɛlɛ wɔ bɛ nu!”
36Akee Gyisɛse vale kakula ekyi ko ziele bɛ avinli; na ɔmaanle kakula ne zo na ɔzele bɛ kɛ, 37“Awie biala mɔɔ kɛlie kakula ekyi zɛhae wɔ me duma nu la, ɛnee yelie me, yɛɛ awie biala noko mɔɔ kɛlie me la ɛnee yelie me Ze ne mɔɔ zoanle me la!”
38Kenle ko bie Dwɔn mɔɔ ɔle ye ɛdoavolɛma ne mɔ anu ko la zele ye kɛ, “Kilehilevolɛ, yɛnwunle nrenyia bie kɛ ɔlɛfa wɔ duma yeadu awozonle; na yɛzele ye kɛ ɔmmayɛ zɔhane, ɔluakɛ ɔnle yɛ eku ne anu.”
39Na Gyisɛse buale ye kɛ, “Mmatua ye! Ɔluakɛ, awie biala mɔɔ ɛlɛyɛ nwanwane ninyɛne wɔ me duma nu la ɛnrɛhola ɛnrɛhakyi ɔ nzi ɛnrɛzi me ndɛndɛ. 40Awie biala mɔɔ ɛntia yɛ la ɛnee ɔwɔ yɛ afoa. 41Na nɔhalɛ nu mese bɛ kɛ, wie biala mɔɔ kɛmaa bɛ nzule kanrɛlɛ ko bɔbɔ wɔ Kelaese ati la ɔnrɛminli ye ahatualɛ. 42Na saa awie noko yɛ maa ngakula ngyikyi ɛhye mɔ bie mɔɔ die me di la minli bɛ diedi a, yemɔ saa bɛkyekyele ɔ kɛnra ɛdibolɛ bɛhɔdole ye nyevile kunlu bɔbɔ a anrɛɛ ɔle kpalɛ ɔmaa ye.
43-44“Ɛhye ati saa ɛnea na ɛ sa bɔbɔ a gyegye wɔ a ɛnee pɛ ye to ye lɔ. Ɔle kpalɛ kɛ ɛkɛva ɛsalɛ ko ɛkɛhɔ anwuma maanle ne anu tɛla kɛ ɛlɛ nwiɔ na bɛkɛvuandi wɔ bɛkɛdo Abɔnsam sendɔlɛra ne anu la! 45-46Saa ɛ gyakɛ babonle ne a nee wɔ kɛhɔ munzule nu a, pɛ ye to ye lɔ! Ɔle kpalɛ kɛ ɛkɛva ɛ gyakɛ sinli ɛkɛhɔ ngoane mɔɔ ɔnlɛ awieleɛ la anu tɛla kɛ bɛkɛvuandi wɔ mumua ne bɛkɛdo Abɔnsam senle ne anu la.
47“Yɛɛ saa ɛ nye noko a gyegye wɔ a, tu ye to ye lɔ. Ɔle kpalɛ kɛ ɛkɛva ɛnyelɛ ko ɛkɛhɔ Anwuma belemgbunli maanle ne anu tɛla kɛ ɛkɛva ɛnyelɛ nwiɔ ne ɛkɛnwu Abɔnsam senle ne, 48ɛleka ne mɔɔ senle ngome a le bɛ ngyenle, 49na senle ne ɛnnu ɛlɛ la.
50“Ngyenle mɔɔ ye menlemenle kɛwie la anwo ɛnlɛ nvasoɛ biala bieko; ɔluakɛ, ɔngola ɛhwee boɛ yɛ. Ɛhye ati mmamaa wɔ ngyenle ne menlemenle wie! Bɛ nee awie biala ɛdɛnla anzondwolɛ nu.”
လက္ရွိေရြးခ်ယ္ထားမွု
Maake 9: ONEN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Maake 9
9
Gyisɛse wɔ ye anyunlunyia nu
1Gyisɛse doale zo zele ye ɛdoavolɛma ne mɔ kɛ, “Bɛdabɛ mɔɔ bɛgyigyi ɛke kɛkala la bie mɔ ɛnrɛnwu ewule ɛlɛ kɔkpula mekɛ mɔɔ Nana Nyamenle Belemgbunli maanle ne kɛra wɔ tumi totohyia nu la!”
2Na ye kenle nsia ne anzi Gyisɛse vale Pita, Gyemise, nee Dwɔn hɔle boka bie azo. Ɛnee awie bieko ɛmboka bɛ nwo.
Na arɛlevilɛ nu ala Gyisɛse anyunlu bɔle ɔ bo kɛ ɔta kɛ sɛnzɛne kpalɛ wɔ anyunlunyia kpole nu, 3na ye tɛladeɛ ne noko yɛle nwohyee dɛlale ewiade anu debie fufule biala! 4Na Mosisi nee Yilaegya vindele ɛkɛ ne na bɛ nee Gyisɛse dendɛle!
5Pita deanle nu zele kɛ, “Kilehilevolɛ, ɛhye yɛ nwanwane kpole! Maa yɛdɛnla ɛke ala! Ɔnle kɛ yɛsia yɛ nzi bieko! Maa yɛbɔ kpɔda nsa: wɔ deɛ ko, Mosisi ɛdeɛ ko, yɛɛ Yilaegya noko deɛ ko.”
6Ɛnee ɔnnwu edwɛkɛ mɔɔ ɔka la ati a maanle ɔhanle ɛhye a, ɔluakɛ ɛnee bɛ nuhua biala ahonle ɛdu totohyia.
7Na mɔɔ ɔ nloa wɔ zo ɔtendɛ la, amungu rahedale bɛ nee sɛnzɛne ne anwo zo, na ɛnelɛ bie vi amungu ne anu zele kɛ, “Ɛhye a le me Ra ne mɔɔ mekulo ye la. Bɛdie ye.”
8Bɛtotole bɛ nye bɛnleanle bɛ nwo ɛkɛ ne la, bɛnwunle kɛ Mosisi nee Yilaegya ɛhɔ, na Gyisɛse angomekye ala a nee bɛ wɔ ɛkɛ ne a.
9Na mɔɔ bɛtolotolo boka ne la, ɔzele bɛ kɛ bɛmmaka mɔɔ bɛnwu ye la bɛkile awie biala, kɔkpula mekɛ mɔɔ Sonla Ra ne vi ewule nu kɛdwazo la; 10Ɛhye ati bɛanga, na bɛveale zolɛ, na mekɛ dɔɔnwo ne ala bɛdwenlenle nwolɛ, na bɛbɔle mɔdenle kɛ bɛkɛde “ewule nu edwazolɛ” ne mɔɔ ɔhanle la abo.
11Akee bɛbɔle ɔ bo kɛ bɛbiza ye Dwuuma ngilehile ne mɔɔ se, ɔwɔ kɛ Yilaegya sia ba kolaa na Ngoanedievolɛ ne ara la anwo edwɛkɛ. 12-13Gyisɛse liele dole nu kɛ ɔwɔ kɛ Yilaegya dumua ba na ɔbasiezie Awulae adenle ne anu. Ɔvale ɔzɔle zo kɛ, nɔhalɛ nu, Yilaegya ɛra bieko dɛbadɛba! Na emomu, eza noko bɛhilele ye anwubɛnyunlu dɔɔnwo, kɛmɔ ngapezoma ne mɔ nwunle ye hanle ala la. Na akee Gyisɛse noko bizale bɛ edwɛkɛ ne mɔɔ ngapezoma ne mɔ hanle, kɛ Ngoanedievolɛ ne bavɛ, ɔbanwu nyane, na eza noko menli atoto ɔ nyunlu nyɛlɛ la abo.
Gyisɛse ɛra azɛlɛ ye azo
14Bɛnwunle kɛ menli dɔɔnwo ɛbɔ ɛyia ɛdoavolɛma ngɔnla ne mɔ wɔ boka ne azo lɔ, na Dwuuma mgbanyima ne mɔ bie noko nee bɛ ɛlɛsu kpolera. 15Menli dɔɔnwo ne nwunle Gyisɛse la, ɛzulolɛ hanle bɛ, na bɛdule twi, kɛ bɛkayia ye. 16Na ɔbizale bɛ kɛ, “Na kpolerazulɛ ɛhye noko fale duzu anwo?”
17Nrenyia ko vi menli ne anu zele kɛ, “Kilehilevolɛ, menvale me ra ko membale kɛ bɛyɛ ye ayile, ɔngola tendɛ, ɔluakɛ bozonle ɛva ye. 18Na mekɛ biala bozonle ne bawolo ye nu a ɔpɛ ye ɔto aze na akee ɔmaa ɔ nloa nyɛlɛ yɛ awubue fukaa, ɔtwi ɔ gye, na akee ɔsa kahelee zɛhae. Yemɔti mɔɔ me nee ye rale la membodole wɔ ɛdoavolɛma ne mɔ kɛ bɛdu bozonle ne bɛvi ye nu, noko akee bɛangola.”
19Na Gyisɛse zele ye ɛdoavolɛma ne mɔ kɛ, “O, duzu ati a bɛ diedi le ekyi zɛhae a; me nee bɛ ɛdɛnla ɛhɔdwu kenle nzu bieko kolaa na bɛalie bɛali? Menzi bɛ nwo abotane mengɔnkpula kenle nzu bieko? Bɛva kakula nrenyia ne bɛrɛlɛ me wɔ ɛke.”
20Ɔti bɛ nee kakula nrenyia ne rale, na mɔɔ ɔnwunle Gyisɛse ala la, bozonle ne pɛle ye dole ye aze ɛzulolɛ nu ala maanle ɔbedebedele na ɔ nloa anu kpule awubue fukaa zɛhae.
21Gyisɛse bizale kakula ne ɔ ze kɛ, “Na zɛhae deɛ ye rale ɔ nwo la yeli kenle nyɛ?”
Kakula ne ɔ ze buale kɛ, “Sumunli ye ngakula nu a deɛ ne yɛle ye a, 22na ɔtɔ kenle ne bie bɔbɔ a ɔmaa ɔtɔ senle nu, anzɛɛ nzule nu kɛ ɔku ye. Ɔti nwu ye anwunvɔne, na yɛ nwole bie maa yɛ, saa ɛkɛhola a.”
23Gyisɛse zele ye kɛ, “Saa Mame menwɔhola a! Saa ɛlɛ diedi ɛdeɛ a, yemɔ debie biala kola yɛ ɛkɛ.”
24Ndɛndɛ ne ala selɛ ne buale ye kɛ, “Melɛ diedi; O, boa me maa menyia ye molozo!”
25Na mɔɔ Gyisɛse nwunle kɛ ɛlɔne ne anu ɛlɛpi la ɔdeanle bozonle ne nu kɛ,
“Wɔmɔ bozonle tibili, wɔ tumi nu, ɛvi kakula ne nu finde na mmawolo ye nu bieko!”
26Akee bozonle ne kponlenle ɔ bo basaa bie, na ɔpɛle kakula nrenyia ne ɔdole ye aze na ɔvile ye nu ɔhɔle; na kakula nrenyia ne lale ɛkɛ ne koonwu, kɛ asɛɛ yewu la. Bɛlɛbɛlɛyivo bie vale ɛnriandinlɛ vile menli ne anu razele kɛ “Yewu.” 27Na Gyisɛse nzinlii zɔle ɔ sa maanle ye zo, na ɔboale ye ɔmaanle ɔgyinlanle, na ɔdwazole, na akee ɔdele kpɔkɛ bɔkɔɔ. 28Na nzinlii mɔɔ ɔhale Gyisɛse angomekye nee ye ɛdoavolɛma ne mɔ wɔ sua nu la bɛbizale ye kɛ, “Na duzu ati a yɛmɛ yɛangola yɛandu zɔhane bozonle ne a?”
29Gyisɛse zele bɛ kɛ, “Zɛhae deɛ ye, yemɔ ɔhyia nzɛlɛlɛ ɛsesebɛ ɛsesebɛ.”
30-31Bɛvile zɔhane maanzinli ne anu la bɛdule adenle bɛvale Galeli. Ɛnee Gyisɛse adwenle a le kɛ ɔfi menli ɛwolaa ne anu amaa yeanyia mekɛ ɔ nee ye ɛdoavolɛma ne mɔ adɛnla na yeahilehile bɛ debie. Edwɛkɛ mɔɔ ɛnee ɔta ɔka ɔkile bɛ la a le kɛ, “Bɛbaye Mame, Sonla Ra ne bɛamaa, na bɛahu me, na ye kenle nsa ne azo mebazia meara ngoane nu bieko.”
32Noko akee bɛande ɔ bo, yɛɛ bɛbiza ɔ bo noko a eza bɛsulo.
33Na mɔɔ bɛdwule Kapɛnayɛm mɔɔ bɛdɛnlanle aze wɔ aako ne mɔɔ bɛkazokoɛ nu ala la, ɔbizale bɛ kɛ, “Duzu a ɛnee bɛlɛkeha nwolɛ edwɛkɛ wɔ adenle nu lɔ la a?”
34Na nyiane hunle bɛ kɛ bɛkɛbua ɛhye, ɔluakɛ, ɛnee bɛlɛkeha mɔɔ lɛ tumi kpole wɔ bɛ nu la anwo edwɛkɛ!
35Ɔdɛnlanle aze na ɔvɛlɛle bɛ wɔ ɔ nwo ɛkɛ na ɔzele bɛ kɛ, “Mɔɔ kpondɛ kɛ ɔyɛ bɛ nu tumivolɛ la ɔwɔ kɛ yɛ ɔ nwo kɛ yemɔ a ɔle bɛ nu kakula a, ɔwɔ kɛ ɔbu ɔ nwo kɛ akɛlɛ wɔ bɛ nu!”
36Akee Gyisɛse vale kakula ekyi ko ziele bɛ avinli; na ɔmaanle kakula ne zo na ɔzele bɛ kɛ, 37“Awie biala mɔɔ kɛlie kakula ekyi zɛhae wɔ me duma nu la, ɛnee yelie me, yɛɛ awie biala noko mɔɔ kɛlie me la ɛnee yelie me Ze ne mɔɔ zoanle me la!”
38Kenle ko bie Dwɔn mɔɔ ɔle ye ɛdoavolɛma ne mɔ anu ko la zele ye kɛ, “Kilehilevolɛ, yɛnwunle nrenyia bie kɛ ɔlɛfa wɔ duma yeadu awozonle; na yɛzele ye kɛ ɔmmayɛ zɔhane, ɔluakɛ ɔnle yɛ eku ne anu.”
39Na Gyisɛse buale ye kɛ, “Mmatua ye! Ɔluakɛ, awie biala mɔɔ ɛlɛyɛ nwanwane ninyɛne wɔ me duma nu la ɛnrɛhola ɛnrɛhakyi ɔ nzi ɛnrɛzi me ndɛndɛ. 40Awie biala mɔɔ ɛntia yɛ la ɛnee ɔwɔ yɛ afoa. 41Na nɔhalɛ nu mese bɛ kɛ, wie biala mɔɔ kɛmaa bɛ nzule kanrɛlɛ ko bɔbɔ wɔ Kelaese ati la ɔnrɛminli ye ahatualɛ. 42Na saa awie noko yɛ maa ngakula ngyikyi ɛhye mɔ bie mɔɔ die me di la minli bɛ diedi a, yemɔ saa bɛkyekyele ɔ kɛnra ɛdibolɛ bɛhɔdole ye nyevile kunlu bɔbɔ a anrɛɛ ɔle kpalɛ ɔmaa ye.
43-44“Ɛhye ati saa ɛnea na ɛ sa bɔbɔ a gyegye wɔ a ɛnee pɛ ye to ye lɔ. Ɔle kpalɛ kɛ ɛkɛva ɛsalɛ ko ɛkɛhɔ anwuma maanle ne anu tɛla kɛ ɛlɛ nwiɔ na bɛkɛvuandi wɔ bɛkɛdo Abɔnsam sendɔlɛra ne anu la! 45-46Saa ɛ gyakɛ babonle ne a nee wɔ kɛhɔ munzule nu a, pɛ ye to ye lɔ! Ɔle kpalɛ kɛ ɛkɛva ɛ gyakɛ sinli ɛkɛhɔ ngoane mɔɔ ɔnlɛ awieleɛ la anu tɛla kɛ bɛkɛvuandi wɔ mumua ne bɛkɛdo Abɔnsam senle ne anu la.
47“Yɛɛ saa ɛ nye noko a gyegye wɔ a, tu ye to ye lɔ. Ɔle kpalɛ kɛ ɛkɛva ɛnyelɛ ko ɛkɛhɔ Anwuma belemgbunli maanle ne anu tɛla kɛ ɛkɛva ɛnyelɛ nwiɔ ne ɛkɛnwu Abɔnsam senle ne, 48ɛleka ne mɔɔ senle ngome a le bɛ ngyenle, 49na senle ne ɛnnu ɛlɛ la.
50“Ngyenle mɔɔ ye menlemenle kɛwie la anwo ɛnlɛ nvasoɛ biala bieko; ɔluakɛ, ɔngola ɛhwee boɛ yɛ. Ɛhye ati mmamaa wɔ ngyenle ne menlemenle wie! Bɛ nee awie biala ɛdɛnla anzondwolɛ nu.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.