LUKA 23
23
Yesu ta boso bo Pilato
(Endja pongono ta Mat 27, 1-2.11-14; Mlk 15, 1-5; Yoa 18, 28-38)
1Ibolea i bato basusu bangɔkɔ ko bakɛkɛ na Yesu ta boso bo Pilato. 2Oho, bamopundaka na mibalo imi: «Lotanei moto iyo apa bato ba ibonga i biso molo mobe: asiaka bato badae pɛ boputa puti e mokondji Sedjale ko abali yo mɛnɛ boo adi Kilito, epalaka e bale boo Kumu.» 3Pilato amohɔdjɔkɔ: «Odi mokondji o Bayuda?» Yesu amosɔmbedjaka: «Wɛ obali.» 4Pilato abalaka na bakondji ba banganga ba Ndjakomba ko na emumu e bato: «Naeniti modjɔ mobe moboani na mbi bopa moto iyo etumbo.» 5Endolo bapingedja na bopipo mɛnɛ: «Akapɛ bato ba biso molo mobe na bileho bi nde. Abanga ta Galilea, ko anɔkɔ ta Yudea esusu, edɛdi, aimei iya.»
Yesu ta boso bo Elode
6Ehole eoka Pilato mibalo mia, ahɔdjɔkɔ: «Moto yo adi moto o Galilea?» 7Ehole eoka Pilato boo Yesu adongaka ta ibonga idaka Elode Gupɛnɛlɛ; amolomaka adi Elode, yona odaka ta Yelusalɛmɛ masu mamina. 8Elode asepaka mɛnɛ ta boenɛ Yesu. Tengasa, aokaka babala tine nde ko asepaka basakane donga ehele. Adaka na edinga boo Yesu akɔke embete e ngindola. 9Amohɔdjɔkɔ mahɔdjɔ manɛnɛ, endolo Yesu aimosɔmbedjaka. 10Bakondji ba banganga ko na balehi ba mobeko badaka ena ko bamopundaka na midjɔ mibe. 11Elode na basoda ba nde baimeaka bomota ko bomonyɔkɔlɔ. Bamolwadjaka esendja epele ko bamosɔmbedjaka adi Pilato. 12Donga ehele Elode na Pilato baiyokanaka; endolo ta busa bua, baimeaka bopalana.
Badimi boo Yesu agwɛ
(Endja pongono ta Mat 27, 15-26; Mlk 15, 6-15)
13Pilato atitanedjaka bakondji ba banganga ba Ndjakomba, bakondji ba ibonga ko na bato. 14Abalaka na bu: «Odɔini na moto iyo bobala bo apaka bato ba bino molo mobe. Na bea, na mosambedji ta boso bo bino ko na modihiti nongo na mobunga ko na modjɔ mobe mo mopundi na nu. 15Elode pongono aimodiaka nongo na mobunga, na tina emina amosɔmbedjaka adi so. Moto iyo akɔiti nongo bobe bomɔti boboani na nde bodia etumbo ebogwa. 16Namokɛsɛkɛke oto mbalake, ngɔngɔ na mokinake.» 17Engi tɛkɛ e Pasika, Pilato adaka aimedja mobɔlɔkɔ omɔti.#23, 17 Ekenge ye editi ta mikanda minɛnɛ mi boso 18Endolo bo basusu bagamaka engbanga: «Owa moto omina! Lotingoaso Balabase!» 19Balaba apeamaka ta bɔlɔkɔ tine boo aisaka wusuwusu ta ibonga inɛnɛ ko aowaka moto. Na tina emina bamoisaka ta bɔlɔkɔ. 20Pilato apalaka botingoa Yesu, asɔmbɔkɔ naikina bobahɔdjɔ. 21Endolo bato bagamaka: «Abakame ta ekulusu abakame ta ekulusu!» 22Pilato abahɔdjɔkɔ mbala e basato: «Bobe bokɔi yo nda? Na modihiti nongo na mobunga momɔti bɛngi agwɛ. Namokɛsɛdjake mbalake ngɔngɔ na motingoake.» 23Endolo bapingedjaka naikina: «Mobaka ta Ekulusu.» Ko migamo mi bobo midimamaka: 24Pilato adimaka bakokedje posa e bobo. 25Atingoaka moto ohɔdjɔkɔ bo ko yona oisaka bo ta bɔlɔkɔ tine mobulu ko aowaka moto, Pilato abapaka Yesu bɛngi bakokedje posa e bobo.
Babaki Yesu ta Ekulusu
(Endja pongono ta Mat 27, 32-44; Mlk 15, 21-32; Yoa 19, 17-27)
26Ehole epeaka bo Yesu ngbandengba, basakanaka na Simo, moto o Kulɛnɛ, yona odaka ahule ta gbie. Basoda bamopeaka ko bamotombedjaka ekulusu bɛngi asonge na Yesu. 27Emumu e bato ekimanaka Yesu, bali pongono badaka bayea ko bosatungeaka tina e nde. 28Yesu ahombanaka ko abaendjaka, abalaka: «Ba maa ba Yelusalɛmɛ, pɛ boyeani tina e mbi! Endolo yeani tina e bino ko bana ba bino! 29Tengasa masu maduake babalabi: “Sepi adi batete ko ibadi pɛ bonungea!” 30Babalakabi na makoli: “Kwani diko i biso!” Ko na makoli: “Lokundani!” 31Tengasa bakakɔ midjɔ mi na mole motɔtu bea, ekɔbi bo na mole mokakanake nde?» 32Bakɛkɛ na baoweli ba bato babea ngbandengba, bɛngi bagwɛ na Yesu. 33Aimeaka bo ta polo ekabe bo «Egɔgɔlɔ e molo», basoda babakaka Yesu ta ekulusu, engbanga na batɔmbi babae, omɔti ta e bɔ e bami okina ta e bɔ e bali. 34Ibea Yesu abalaka: «Sange mbi, bayɛ, tengasa batadjebaka eka akɔkɔ bo.»#23, 34 Ekenge ye editi ta mikanda minɛnɛ mi boso.Bakabanaka bisendja bi nde na boboma djonga.#23, 34 Ndj 22, 19. 35Bato baemaka ena ko baendjaka. Bakondji ba Bayuda bamotaka#23, 35 Endja pongono ta Ndj 228, 9. eni babala: «Aheledjaka bakina bato; atako saheledja yo mɛnɛ, akada adi Kilito, yona ohɔ Ndjakomba!» 36Basoda pongono badaka bomosɛkɛ; babatamaka ko bamopaka mana ma ngayi#23, 36 Endja pongono ta Ndj 69, 22.. 37Babalaka: «Okada Bakondji ba Bayuda, saheledja wɛ mɛnɛ!» 38Ta diko i molo mo nde bakomaka: «Moto iyo adi Bakondji ba Bayuda.»
39Omɔti obaoweli ba bato obakaka bo ta ekulusu amosingaka: «Wɛ oditi Kilito? Saheledja ko heledjaso pongono!» 40Endolo okina agameaka mina nde. Amosɔmbedjaka: «Wɛ otabanga Ndjakomba, wɛ odihi etumbo moda momɔti na nde? 41Tine biso, etumbo edi bodjo, tengasa lodihi etumbo eboani na misala mi biso; endolo yo akɔiti bobe.» 42Ko abalaka: «Yesu, omalɛdjɛni ehole eduabi wɛ boda Kumu.» 43Yesu amosɔmbedjaka: «Nabali na wɛ, edi soti: oko busa bu wadake na mbi ta paladiso#23, 43 Paladiso etingodji polo ye e bato bahekodja milema ta pamba e Ndjakomba ko badabi na nde, ko basepabi na nde polo emɔti ngɔngɔ..»
Bogwa bo Yesu
(Endja pongono ta Mat 27, 45-56; Mlk 15, 33-41; Yoa 19, 28-30)
44Edaka mbuti na midi: modidi mokɔmɔkɔ ta ngondo esusu mbuti na bihole bisato ngɔngɔ i midi. 45Lido edaka esɛpi ta tepelo ealeaka bipasa bibae. 46Yesu agamaka na moholi mopipo: «Sange mbi, nasɔmbedji mwembo mo mbi ta mɔmɔ ma wɛ#23, 46 Endja pongono ta Ndj 31, 6..» Ngɔngɔ i bobala bea, Yesu agwaka. 47Kapitɛne o basoda mokama o Loma aenɛkɛ yo modjɔ momina; akumedjaka Ndjakomba ko abalaka: «Soti mɛnɛ moto iyo adaki bodjo!» 48Emumu e bato baduaka aendja modjɔ momina, baenɛkɛ eka ekɔmɔkɔ. Na bea bayanaka bapeli mɔmɔ ta melo#23, 48 Ta polo ekomi so boo asapeaka ta molo edi adaka aboma bupa. Enakobea, tina e bayuda embete e boboma bupa edi embete e ndjokwa. Ta tina e biso edi embete e molumba na ndjokwa. 49Badjebani ba Yesu, na bali ibamopakeaka donga ta Galilea, ba semeaka bohali ko baendjaka eka edaka anɔmɔ.
Bapusei Yesu
(Endja pongono ta Mat 27, 57-61; Mlk 15, 42-47; Yoa 19, 38-42)
50-51Edaka na moto omɔti kombe e nde Esepu. Adaka moto o ibonga i Alimatayo. Moto omina adaka mopele ko bodjo, ko ambaka bodua bo Bokumu bo Ndjakomba. Adaka omɔti o ibolea i basuku, endolo aidimaka eka ekɔkɔ basuku bakina na edima bo bokɔ. 52Akɛkɛ adi Pilato amɔhɔdjɔ mokuku mo Yesu. 53Atitedjaka mokuku momina ta ekulusu, amohuaka na mbendja e motuya monɛnɛ ko amoisaka ta ikila itɔkɔ bo ta ibanga, ta polo eda bo pɛ bopusea moto boso. 54Edaka mɔmɔkɔ mo isu i mosalingo mo busa bo sabata. 55Bali badalaka engbanga na Yesu donga Galilea, baduaka engbanga na Esepu; baendjaka ikila ko baenɛkɛ moda mosambeaka bo mokuku mo Yesu. 56Ngɔngɔ bayanaka ta ibonga inɛnɛ ko basalingoaka na minɛ na misoloa miso elitindi tine bosopea mokuku. Isu i sabata, bahemaka, tine bosuma mobeko.
လက္ရွိေရြးခ်ယ္ထားမွု
LUKA 23: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 23
23
Yesu ta boso bo Pilato
(Endja pongono ta Mat 27, 1-2.11-14; Mlk 15, 1-5; Yoa 18, 28-38)
1Ibolea i bato basusu bangɔkɔ ko bakɛkɛ na Yesu ta boso bo Pilato. 2Oho, bamopundaka na mibalo imi: «Lotanei moto iyo apa bato ba ibonga i biso molo mobe: asiaka bato badae pɛ boputa puti e mokondji Sedjale ko abali yo mɛnɛ boo adi Kilito, epalaka e bale boo Kumu.» 3Pilato amohɔdjɔkɔ: «Odi mokondji o Bayuda?» Yesu amosɔmbedjaka: «Wɛ obali.» 4Pilato abalaka na bakondji ba banganga ba Ndjakomba ko na emumu e bato: «Naeniti modjɔ mobe moboani na mbi bopa moto iyo etumbo.» 5Endolo bapingedja na bopipo mɛnɛ: «Akapɛ bato ba biso molo mobe na bileho bi nde. Abanga ta Galilea, ko anɔkɔ ta Yudea esusu, edɛdi, aimei iya.»
Yesu ta boso bo Elode
6Ehole eoka Pilato mibalo mia, ahɔdjɔkɔ: «Moto yo adi moto o Galilea?» 7Ehole eoka Pilato boo Yesu adongaka ta ibonga idaka Elode Gupɛnɛlɛ; amolomaka adi Elode, yona odaka ta Yelusalɛmɛ masu mamina. 8Elode asepaka mɛnɛ ta boenɛ Yesu. Tengasa, aokaka babala tine nde ko asepaka basakane donga ehele. Adaka na edinga boo Yesu akɔke embete e ngindola. 9Amohɔdjɔkɔ mahɔdjɔ manɛnɛ, endolo Yesu aimosɔmbedjaka. 10Bakondji ba banganga ko na balehi ba mobeko badaka ena ko bamopundaka na midjɔ mibe. 11Elode na basoda ba nde baimeaka bomota ko bomonyɔkɔlɔ. Bamolwadjaka esendja epele ko bamosɔmbedjaka adi Pilato. 12Donga ehele Elode na Pilato baiyokanaka; endolo ta busa bua, baimeaka bopalana.
Badimi boo Yesu agwɛ
(Endja pongono ta Mat 27, 15-26; Mlk 15, 6-15)
13Pilato atitanedjaka bakondji ba banganga ba Ndjakomba, bakondji ba ibonga ko na bato. 14Abalaka na bu: «Odɔini na moto iyo bobala bo apaka bato ba bino molo mobe. Na bea, na mosambedji ta boso bo bino ko na modihiti nongo na mobunga ko na modjɔ mobe mo mopundi na nu. 15Elode pongono aimodiaka nongo na mobunga, na tina emina amosɔmbedjaka adi so. Moto iyo akɔiti nongo bobe bomɔti boboani na nde bodia etumbo ebogwa. 16Namokɛsɛkɛke oto mbalake, ngɔngɔ na mokinake.» 17Engi tɛkɛ e Pasika, Pilato adaka aimedja mobɔlɔkɔ omɔti.#23, 17 Ekenge ye editi ta mikanda minɛnɛ mi boso 18Endolo bo basusu bagamaka engbanga: «Owa moto omina! Lotingoaso Balabase!» 19Balaba apeamaka ta bɔlɔkɔ tine boo aisaka wusuwusu ta ibonga inɛnɛ ko aowaka moto. Na tina emina bamoisaka ta bɔlɔkɔ. 20Pilato apalaka botingoa Yesu, asɔmbɔkɔ naikina bobahɔdjɔ. 21Endolo bato bagamaka: «Abakame ta ekulusu abakame ta ekulusu!» 22Pilato abahɔdjɔkɔ mbala e basato: «Bobe bokɔi yo nda? Na modihiti nongo na mobunga momɔti bɛngi agwɛ. Namokɛsɛdjake mbalake ngɔngɔ na motingoake.» 23Endolo bapingedjaka naikina: «Mobaka ta Ekulusu.» Ko migamo mi bobo midimamaka: 24Pilato adimaka bakokedje posa e bobo. 25Atingoaka moto ohɔdjɔkɔ bo ko yona oisaka bo ta bɔlɔkɔ tine mobulu ko aowaka moto, Pilato abapaka Yesu bɛngi bakokedje posa e bobo.
Babaki Yesu ta Ekulusu
(Endja pongono ta Mat 27, 32-44; Mlk 15, 21-32; Yoa 19, 17-27)
26Ehole epeaka bo Yesu ngbandengba, basakanaka na Simo, moto o Kulɛnɛ, yona odaka ahule ta gbie. Basoda bamopeaka ko bamotombedjaka ekulusu bɛngi asonge na Yesu. 27Emumu e bato ekimanaka Yesu, bali pongono badaka bayea ko bosatungeaka tina e nde. 28Yesu ahombanaka ko abaendjaka, abalaka: «Ba maa ba Yelusalɛmɛ, pɛ boyeani tina e mbi! Endolo yeani tina e bino ko bana ba bino! 29Tengasa masu maduake babalabi: “Sepi adi batete ko ibadi pɛ bonungea!” 30Babalakabi na makoli: “Kwani diko i biso!” Ko na makoli: “Lokundani!” 31Tengasa bakakɔ midjɔ mi na mole motɔtu bea, ekɔbi bo na mole mokakanake nde?» 32Bakɛkɛ na baoweli ba bato babea ngbandengba, bɛngi bagwɛ na Yesu. 33Aimeaka bo ta polo ekabe bo «Egɔgɔlɔ e molo», basoda babakaka Yesu ta ekulusu, engbanga na batɔmbi babae, omɔti ta e bɔ e bami okina ta e bɔ e bali. 34Ibea Yesu abalaka: «Sange mbi, bayɛ, tengasa batadjebaka eka akɔkɔ bo.»#23, 34 Ekenge ye editi ta mikanda minɛnɛ mi boso.Bakabanaka bisendja bi nde na boboma djonga.#23, 34 Ndj 22, 19. 35Bato baemaka ena ko baendjaka. Bakondji ba Bayuda bamotaka#23, 35 Endja pongono ta Ndj 228, 9. eni babala: «Aheledjaka bakina bato; atako saheledja yo mɛnɛ, akada adi Kilito, yona ohɔ Ndjakomba!» 36Basoda pongono badaka bomosɛkɛ; babatamaka ko bamopaka mana ma ngayi#23, 36 Endja pongono ta Ndj 69, 22.. 37Babalaka: «Okada Bakondji ba Bayuda, saheledja wɛ mɛnɛ!» 38Ta diko i molo mo nde bakomaka: «Moto iyo adi Bakondji ba Bayuda.»
39Omɔti obaoweli ba bato obakaka bo ta ekulusu amosingaka: «Wɛ oditi Kilito? Saheledja ko heledjaso pongono!» 40Endolo okina agameaka mina nde. Amosɔmbedjaka: «Wɛ otabanga Ndjakomba, wɛ odihi etumbo moda momɔti na nde? 41Tine biso, etumbo edi bodjo, tengasa lodihi etumbo eboani na misala mi biso; endolo yo akɔiti bobe.» 42Ko abalaka: «Yesu, omalɛdjɛni ehole eduabi wɛ boda Kumu.» 43Yesu amosɔmbedjaka: «Nabali na wɛ, edi soti: oko busa bu wadake na mbi ta paladiso#23, 43 Paladiso etingodji polo ye e bato bahekodja milema ta pamba e Ndjakomba ko badabi na nde, ko basepabi na nde polo emɔti ngɔngɔ..»
Bogwa bo Yesu
(Endja pongono ta Mat 27, 45-56; Mlk 15, 33-41; Yoa 19, 28-30)
44Edaka mbuti na midi: modidi mokɔmɔkɔ ta ngondo esusu mbuti na bihole bisato ngɔngɔ i midi. 45Lido edaka esɛpi ta tepelo ealeaka bipasa bibae. 46Yesu agamaka na moholi mopipo: «Sange mbi, nasɔmbedji mwembo mo mbi ta mɔmɔ ma wɛ#23, 46 Endja pongono ta Ndj 31, 6..» Ngɔngɔ i bobala bea, Yesu agwaka. 47Kapitɛne o basoda mokama o Loma aenɛkɛ yo modjɔ momina; akumedjaka Ndjakomba ko abalaka: «Soti mɛnɛ moto iyo adaki bodjo!» 48Emumu e bato baduaka aendja modjɔ momina, baenɛkɛ eka ekɔmɔkɔ. Na bea bayanaka bapeli mɔmɔ ta melo#23, 48 Ta polo ekomi so boo asapeaka ta molo edi adaka aboma bupa. Enakobea, tina e bayuda embete e boboma bupa edi embete e ndjokwa. Ta tina e biso edi embete e molumba na ndjokwa. 49Badjebani ba Yesu, na bali ibamopakeaka donga ta Galilea, ba semeaka bohali ko baendjaka eka edaka anɔmɔ.
Bapusei Yesu
(Endja pongono ta Mat 27, 57-61; Mlk 15, 42-47; Yoa 19, 38-42)
50-51Edaka na moto omɔti kombe e nde Esepu. Adaka moto o ibonga i Alimatayo. Moto omina adaka mopele ko bodjo, ko ambaka bodua bo Bokumu bo Ndjakomba. Adaka omɔti o ibolea i basuku, endolo aidimaka eka ekɔkɔ basuku bakina na edima bo bokɔ. 52Akɛkɛ adi Pilato amɔhɔdjɔ mokuku mo Yesu. 53Atitedjaka mokuku momina ta ekulusu, amohuaka na mbendja e motuya monɛnɛ ko amoisaka ta ikila itɔkɔ bo ta ibanga, ta polo eda bo pɛ bopusea moto boso. 54Edaka mɔmɔkɔ mo isu i mosalingo mo busa bo sabata. 55Bali badalaka engbanga na Yesu donga Galilea, baduaka engbanga na Esepu; baendjaka ikila ko baenɛkɛ moda mosambeaka bo mokuku mo Yesu. 56Ngɔngɔ bayanaka ta ibonga inɛnɛ ko basalingoaka na minɛ na misoloa miso elitindi tine bosopea mokuku. Isu i sabata, bahemaka, tine bosuma mobeko.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)