LUKA 22
22
Bakondji ba Bayuda bada inginda tina e Yesu
(Endja pongono ta Mat 26, 1-5; Mlk 14, 1-2; Yoa 11, 45-53)
1Ehole e tɛkɛ e miɛmbɛ mi pɛ levile, ebeamaka Pasika, ebatamaka; 2Bakondji ba banganga ba Ndjakomba na balehi ba mobeko bahombaka enɔeli ebowa Yesu, endolo babangaka bato.
Yudasi adihi mbuno e bokaba Yesu adi bakondji ba Bayuda
(Endja pongono ta Mat 26, 14-16; Mlk 14, 10-11)
3Satana akweaka adi Yudasi, obeamaka Isikaliota. Yo adaka omɔti o batingami domi na babae. 4Yudasi akɛkɛ aokana na bakondji ba banganga ba Ndjakomba na bakondji bakabane tepelo ta bohomba enoeli ebokaba Yesu. 5Basepaka mɛnɛ ko bamodikanaka bamopa palanga. 6Yudasi adimaka ko aimeaka bohomba enɔeli epele tine bokaba Yesu, tine bato badae pɛ bodjeba.
Batingami babɔngedji mia ma pasika
(Endja pongono ta Mat 26, 17-25; Mlk 14, 12-21; Yoa 13, 21-30)
7Aimeaka isu i tɛkɛ e miɛmbɛ mi pɛ bole, busa bowakabo bana ba bhata tine pasika; 8Yesu alomaka Piɛlɛ ko Yoane. Abalaka na bu: «Kɛni alobɔngedjeni mia ma Pasika.» 9Bamohɔdjɔkɔ: «Apalaka wɛ lokaebɔngedja djɔ?» 10Abalaka na bu: «Ehole akweakeno ta ibonga, wasakanakeni na momi omɔti alwali mbola e madiba. Mokimanani mbunoko ta ndako akweake yo. 11Balani na moswa ndako: “Molehi aohɔdjɔkɔ: Adi ekenge e ndako eboani na mbi boyaka mia ma Pasika na batingami djɔ?” 12Yo ainedjakeni ta egbili, ekenge e ndako enɛnɛ ebɔngedja bo na leka losusu loboani oho diko. Edi oho wabɔngedjakeni mia ma pasika.» 13Bakɛkɛ, bataneaka misusu oko elenge abalaka Yesu na bu ko babɔngedja mia ma Pasika.
Mesa e Kumu
(Endja pongono ta Mat 26, 26-30; Mlk 14, 22-26; 1Ko 11, 23-25)
14Aimeaka ehole, Yesu adaka ta mesa na bapɔsɔlu ba nde. 15Abalaka na bu: «Nadaki na posa nayake na nu mia ma Pasika boso bo enɔngi! 16Tengasa, nabali na nu, nayaketebi naikina mbunoko bodua bo Bokumu bo Ndjakomba.» 17Atombaka kɔbɔ, apaka Ndjakomba mɛlɛsi ko abalaka: «Tombani kɔbɔ ye ko ekabanani ta ndanda e bino; 18Tengasa, nabali na nu, donga edɛdi namwɛtebi naikina mana ma vino ye mbunoko bodua bo Bokumu bo Ndjakomba.»
19Ngɔngɔ atombaka mwɛmbɛ apaka Ndjakomba mɛlɛsi, alenakaka ko abapaka. Abalaka na bu: «Iye edi mokuku mo mbi mokabami tina e bino. Kɔkɔni bea tine bolɛdjɛni.» 20Abapaka pongono kɔbɔ, ngɔngɔ i mia, abalaka: «Akɔkɔ oko moda momina mondumba mokɔ yo na kɔbɔ. Abalaka: Kɔbɔ ye edi bwela boyanie ta ndjea e makia ma mbi masopeake tina e bino. 21Endolo endjani: mokabi o mbi adi ya, ayaka ta mesa engbanga emɔti na mbi! 22Soti, Mwana o Moto agwake bokokana na mbuno e Ndjakomba; endolo ndjokwa na yona omokabi!» 23Bapɔsɔlu baimeaka bosahɔdjɔnɔ tine bodjeba moto ndani ta ndanda e bobo oboani bokɔ modjɔ mo mina.
Onɔi na bonɛnɛ nda?
24Bapɔsɔlu babomanaka kitɛ na ngulu tine bodjeba moto onɔi bina nde na bonɛnɛ. 25Yesu abalaka na bu: «Bakondji ba ngondo bakangɔndje bato ba bobo ko badi na kpatsi adiko i bobo; bakapale bababeake bato bapele. 26Endolo etada bea tina e bino. Onɔi na bonɛnɛ ta ndanda e bino atombe polo esuka; ko yona apalaka adae mokondji adae elenge mosali. 27Tengasa yona onɔi na bonɛnɛ nda? Yona odi ta mesa kaoko yona akɔmedjaka? Editi yona odi ta mesa? Na bea, mbi nadi ta ndanda e bino elenge yona akɔmedjaka! 28Ino odakani na mbi seko ta mameko. 29Ndenge emɔti sange mbi apani Bokumu, mbi pongono nopakani Bokumu: 30wayakeni ko wamwakeni mesa emɔti na mbi ta Bokumu bo mbi, ko odabini ta ngbɛndɛ tine bosambedja mabota domi na mabae ma Isalɛlɛ.»
Piɛlɛ aingani Yesu
(Endja pongono ta Mat 26, 26-30; Mlk 14, 22-26; 1Ko 11, 23-25)
31«Simo, Simo! Oka: Satana ahombaka enɔeli tine aopupeni elenge akapupe bo mbuma i bule. 32Endolo mbi nongɔni tine wɛ, tine boo edimeli e wɛ esakwa. Ko ehole asɔmbeakeni wɛ, pingedja bange i wɛ.» 33Piɛlɛ abalaka na nde: «Kumu, nadi mbuti nakɛ na wɛ ta bɔlɔkɔ ko nagwɛ na wɛ.» 34Yesu amosɔmbedjaka: «Nabali na wɛ, Piɛlɛ, boso bo kɔkɔ akɔkɔlɔ busa bu wainganeakeni mbala isato boo otadjebakani.»
Palanga, sɛki ko na mopamba
35Ngɔngɔ Yesu abalaka na bu: «Ehole eolomakani mbi elomu pɛ palanga, pɛ sɛki, pɛ sapato; otakakani eka?» «Bamosɔmbedjaka, ngasa loitakaka eka.» 36Na bea abalaka na bu: «Endolo edɛdi, yona odi na palanga aetombe, moda momɔti na yona odi na sɛki; ko yona odi pɛ mopamba atɛke esendja e nde bɛngi asombe ekina. 37Tengasa, nabali na nu, etungi ekokedjame ta mohelo mo mbi: “Adaka ta ndanda e motango mo baoweli ba bato babe” Na bea, na balaka na nu etungi misusu mikokedjakani#22, 37 Endja pongono ta Isa 53, 12..» 38Batingami babalaka: «Kumu, endja mipamba mibae imi.» Yesu asɔmbedjaka «Mikoki oko bea!»
Yesu aongɔni ta ngomba e Olipa
(Endja pongono ta Mat 26, 36-46; Mlk 14, 32-42)
39Yesu aimaka ko akɛkɛ, elenge elamaka yo, ta ngomba e Olipa. Batingami ba nde bamokimanaka. 40Ehole eimeaka yo ta polo emina, abalaka na bu: «Ongɔnɔni, osakwani ta bomekama.» 41Na bea asasuaka na bu mo tɔtɔkɔ, akwaka magbundɔ ko aongɔnɔkɔ 42na mibalo imi: «Sange mbi, okapala, dongedjani kɔbɔ ye e saya. Mokano mo mbi modae pɛ bokokedjama endolo mo wɛ.» 43Na bea obwɛndji amoimaneaka donga ta busa amopingedjaka. 44Adaka na saya enɛnɛ ta molema, aongɔnɔkɔ na bhingi mɛnɛ. Ipetola i nde imeaka elenge matanga ma makia makwaka ta kpɔtɔ#22, 44 Ekenge ye e mokanda editi ta mikanda minɛnɛ mi boso.
45Ngɔngɔ i bongɔnɔ, angɔkɔ, ahulaka adi batingami ko abataneaka bawɛli, baembɛi na ndjokwa. 46Abalaka na bu: «Owɛlini tina nda? Angɔni ko ongɔnɔni, osakakwani ta bomekama.»
Bapei Yesu
(Endja pongono ta Mat 26, 47-56; Mlk 14, 43-50; Yoa 18, 3-11)
47Ehole edaka yo abala na emumu e bato eimeaka ko Yudasi, omɔti o batingami domi na babae, yo moto obadaledjaka. Abatamaka mbuti na Yesu bɛngi amobhimbe. 48Endolo Yesu abalaka na nde: «Yudasi, edi na bobhimbani okabi Mwana o Moto?» 49Ehole enɛkɛ batingami badalaka na Yesu modjɔ momina, bamohɔdjɔkɔ: «Kumu, loboani loane na mipamba?» 50Ko omɔti o bobo alenaka mosali o nganga monɛnɛ o Ndjakomba itoi i ebɔ e bami. 51Endolo Yesu abalaka: «Kinani, moboani oko bea!» Apeaka itoi i moto omina ko ahelaka.
52Ngɔngɔ Yesu abalaka na bakondji ba banganga ba Ndjakomba, na bakondji bakabane tepelo na bakondji ba ibonga, ibaduaka abomopea: «Odoini na mipamba na mihukuku, elenge nadi moweli o moto? 53Masu masusu, nadaka na nu ta tepelo ko oihombani bopeanini. Endolo ehole ye edi e bino ko na ngulu e modidi.»
Piɛlɛ aingani Yesu
(Endja pongono ta Mat 26, 57-75; Mlk 14, 53-54; Yoa 18, 12-27)
54Ibea bapeaka Yesu, bakɛkɛ na nde ngbandengba ta ndako e mokondji o banganga ba Ndjakomba. Piɛlɛ abakimanaka mo bohali. 55Bayodjaka mosa ta ndalengando e bopango bomina ko Piɛlɛ adaka ndanda e bato ibadaka bahiki. 56Mosali mwali omɔti, amoenɛkɛ mbuti na mosa; amotingeaka miso ko abalaka: «Moto yo pongono adaki na nde.» 57Endolo Pielɛ ainganaka ko abalaka: «Natamodjebaka.» 58Mo ehole mokɛkɛ ngɔngɔ, moto okina amoenɛkɛ abalaka: «Wɛ pongono, odi omɔti o bobo!» Endolo Piɛlɛ asɔmbedjaka: «Ngasa, te mbi.» 59Ngɔngɔ i ehole emɔti, moto okina pongono apingedjaka bobala na ngulu: «Edi soti, moto iyo adalaki na nde, tengasa adi Mogalilea.» 60Endolo Piɛlɛ asɔmbedjaka: «Natadjebaka meako mia mabalaka wɛ.» Oko ta ehole edaka yo abala, kɔkɔ akɔkɔlɔkɔ. 61Kumu ahombanaka ko akokoledjaka Piɛlɛ. Na bea Piɛlɛ alɛnɛkɛ mibalo mibalaka Kumu na nde: «Boso bo kɔkɔ akɔkɔle busa bu, wainganeakeni mbala isato.» 62Piɛlɛ aimi sokolu ayeaka na ndjokwa mɛnɛ.
Basingi Yesu ko bamokɛsɛkɛkɛ mabalake
(Endja pongono ta Mat 26, 67-68; Mlk 14, 65)
63Bato ibabaneaka Yesu, bamotaaka ko bamobomaka. 64Bamodipaka boso ko bamohɔdjɔkɔ: «Obomi nda? Elɛ bonganga!» 65Ko bamosingaka na kɔpi djinɛnɛ.
Yesu ta boso bo bakumu
(Endja pongono ta Mat 26, 59-66; Mlk 14, 55-64; Yoa 18, 19-24)
66Ehole eya busa, bakumu ba Bayuda, na bakondji ba banganga ba Ndjakomba ko balehi ba mobeko babolamaka. Baduaka na Yesu ta boso bo ibolea inɛnɛ i basuku ba bayuda 67ko bamohɔdjɔkɔ: «Lotɔndea, wɛ odi Kilito? » Abasɔmbedjaka: «Nakotɔndeani, otadimeakenini, 68ko nakohɔdjɔni ihɔdjɔ, otasɔmbedjakenini. 69Endolo donga edɛdi Mwana o Moto adabi ta ebɔ e bami e Ndjakomba onɔi na sueya#22, 69 Endja pongono ta Ndj 118, 1..» 70Bato basusu bagamaka: «Wɛ mɛnɛ odi Mwana o Ndjakomba?» Abasɔmbedjaka: «Obalini.» 71Na bea babalaka: «Loditi naikina na posa e batemo! Tengasa looki so bɛnɛ na monɔkɔ mo nde.»
လက္ရွိေရြးခ်ယ္ထားမွု
LUKA 22: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 22
22
Bakondji ba Bayuda bada inginda tina e Yesu
(Endja pongono ta Mat 26, 1-5; Mlk 14, 1-2; Yoa 11, 45-53)
1Ehole e tɛkɛ e miɛmbɛ mi pɛ levile, ebeamaka Pasika, ebatamaka; 2Bakondji ba banganga ba Ndjakomba na balehi ba mobeko bahombaka enɔeli ebowa Yesu, endolo babangaka bato.
Yudasi adihi mbuno e bokaba Yesu adi bakondji ba Bayuda
(Endja pongono ta Mat 26, 14-16; Mlk 14, 10-11)
3Satana akweaka adi Yudasi, obeamaka Isikaliota. Yo adaka omɔti o batingami domi na babae. 4Yudasi akɛkɛ aokana na bakondji ba banganga ba Ndjakomba na bakondji bakabane tepelo ta bohomba enoeli ebokaba Yesu. 5Basepaka mɛnɛ ko bamodikanaka bamopa palanga. 6Yudasi adimaka ko aimeaka bohomba enɔeli epele tine bokaba Yesu, tine bato badae pɛ bodjeba.
Batingami babɔngedji mia ma pasika
(Endja pongono ta Mat 26, 17-25; Mlk 14, 12-21; Yoa 13, 21-30)
7Aimeaka isu i tɛkɛ e miɛmbɛ mi pɛ bole, busa bowakabo bana ba bhata tine pasika; 8Yesu alomaka Piɛlɛ ko Yoane. Abalaka na bu: «Kɛni alobɔngedjeni mia ma Pasika.» 9Bamohɔdjɔkɔ: «Apalaka wɛ lokaebɔngedja djɔ?» 10Abalaka na bu: «Ehole akweakeno ta ibonga, wasakanakeni na momi omɔti alwali mbola e madiba. Mokimanani mbunoko ta ndako akweake yo. 11Balani na moswa ndako: “Molehi aohɔdjɔkɔ: Adi ekenge e ndako eboani na mbi boyaka mia ma Pasika na batingami djɔ?” 12Yo ainedjakeni ta egbili, ekenge e ndako enɛnɛ ebɔngedja bo na leka losusu loboani oho diko. Edi oho wabɔngedjakeni mia ma pasika.» 13Bakɛkɛ, bataneaka misusu oko elenge abalaka Yesu na bu ko babɔngedja mia ma Pasika.
Mesa e Kumu
(Endja pongono ta Mat 26, 26-30; Mlk 14, 22-26; 1Ko 11, 23-25)
14Aimeaka ehole, Yesu adaka ta mesa na bapɔsɔlu ba nde. 15Abalaka na bu: «Nadaki na posa nayake na nu mia ma Pasika boso bo enɔngi! 16Tengasa, nabali na nu, nayaketebi naikina mbunoko bodua bo Bokumu bo Ndjakomba.» 17Atombaka kɔbɔ, apaka Ndjakomba mɛlɛsi ko abalaka: «Tombani kɔbɔ ye ko ekabanani ta ndanda e bino; 18Tengasa, nabali na nu, donga edɛdi namwɛtebi naikina mana ma vino ye mbunoko bodua bo Bokumu bo Ndjakomba.»
19Ngɔngɔ atombaka mwɛmbɛ apaka Ndjakomba mɛlɛsi, alenakaka ko abapaka. Abalaka na bu: «Iye edi mokuku mo mbi mokabami tina e bino. Kɔkɔni bea tine bolɛdjɛni.» 20Abapaka pongono kɔbɔ, ngɔngɔ i mia, abalaka: «Akɔkɔ oko moda momina mondumba mokɔ yo na kɔbɔ. Abalaka: Kɔbɔ ye edi bwela boyanie ta ndjea e makia ma mbi masopeake tina e bino. 21Endolo endjani: mokabi o mbi adi ya, ayaka ta mesa engbanga emɔti na mbi! 22Soti, Mwana o Moto agwake bokokana na mbuno e Ndjakomba; endolo ndjokwa na yona omokabi!» 23Bapɔsɔlu baimeaka bosahɔdjɔnɔ tine bodjeba moto ndani ta ndanda e bobo oboani bokɔ modjɔ mo mina.
Onɔi na bonɛnɛ nda?
24Bapɔsɔlu babomanaka kitɛ na ngulu tine bodjeba moto onɔi bina nde na bonɛnɛ. 25Yesu abalaka na bu: «Bakondji ba ngondo bakangɔndje bato ba bobo ko badi na kpatsi adiko i bobo; bakapale bababeake bato bapele. 26Endolo etada bea tina e bino. Onɔi na bonɛnɛ ta ndanda e bino atombe polo esuka; ko yona apalaka adae mokondji adae elenge mosali. 27Tengasa yona onɔi na bonɛnɛ nda? Yona odi ta mesa kaoko yona akɔmedjaka? Editi yona odi ta mesa? Na bea, mbi nadi ta ndanda e bino elenge yona akɔmedjaka! 28Ino odakani na mbi seko ta mameko. 29Ndenge emɔti sange mbi apani Bokumu, mbi pongono nopakani Bokumu: 30wayakeni ko wamwakeni mesa emɔti na mbi ta Bokumu bo mbi, ko odabini ta ngbɛndɛ tine bosambedja mabota domi na mabae ma Isalɛlɛ.»
Piɛlɛ aingani Yesu
(Endja pongono ta Mat 26, 26-30; Mlk 14, 22-26; 1Ko 11, 23-25)
31«Simo, Simo! Oka: Satana ahombaka enɔeli tine aopupeni elenge akapupe bo mbuma i bule. 32Endolo mbi nongɔni tine wɛ, tine boo edimeli e wɛ esakwa. Ko ehole asɔmbeakeni wɛ, pingedja bange i wɛ.» 33Piɛlɛ abalaka na nde: «Kumu, nadi mbuti nakɛ na wɛ ta bɔlɔkɔ ko nagwɛ na wɛ.» 34Yesu amosɔmbedjaka: «Nabali na wɛ, Piɛlɛ, boso bo kɔkɔ akɔkɔlɔ busa bu wainganeakeni mbala isato boo otadjebakani.»
Palanga, sɛki ko na mopamba
35Ngɔngɔ Yesu abalaka na bu: «Ehole eolomakani mbi elomu pɛ palanga, pɛ sɛki, pɛ sapato; otakakani eka?» «Bamosɔmbedjaka, ngasa loitakaka eka.» 36Na bea abalaka na bu: «Endolo edɛdi, yona odi na palanga aetombe, moda momɔti na yona odi na sɛki; ko yona odi pɛ mopamba atɛke esendja e nde bɛngi asombe ekina. 37Tengasa, nabali na nu, etungi ekokedjame ta mohelo mo mbi: “Adaka ta ndanda e motango mo baoweli ba bato babe” Na bea, na balaka na nu etungi misusu mikokedjakani#22, 37 Endja pongono ta Isa 53, 12..» 38Batingami babalaka: «Kumu, endja mipamba mibae imi.» Yesu asɔmbedjaka «Mikoki oko bea!»
Yesu aongɔni ta ngomba e Olipa
(Endja pongono ta Mat 26, 36-46; Mlk 14, 32-42)
39Yesu aimaka ko akɛkɛ, elenge elamaka yo, ta ngomba e Olipa. Batingami ba nde bamokimanaka. 40Ehole eimeaka yo ta polo emina, abalaka na bu: «Ongɔnɔni, osakwani ta bomekama.» 41Na bea asasuaka na bu mo tɔtɔkɔ, akwaka magbundɔ ko aongɔnɔkɔ 42na mibalo imi: «Sange mbi, okapala, dongedjani kɔbɔ ye e saya. Mokano mo mbi modae pɛ bokokedjama endolo mo wɛ.» 43Na bea obwɛndji amoimaneaka donga ta busa amopingedjaka. 44Adaka na saya enɛnɛ ta molema, aongɔnɔkɔ na bhingi mɛnɛ. Ipetola i nde imeaka elenge matanga ma makia makwaka ta kpɔtɔ#22, 44 Ekenge ye e mokanda editi ta mikanda minɛnɛ mi boso.
45Ngɔngɔ i bongɔnɔ, angɔkɔ, ahulaka adi batingami ko abataneaka bawɛli, baembɛi na ndjokwa. 46Abalaka na bu: «Owɛlini tina nda? Angɔni ko ongɔnɔni, osakakwani ta bomekama.»
Bapei Yesu
(Endja pongono ta Mat 26, 47-56; Mlk 14, 43-50; Yoa 18, 3-11)
47Ehole edaka yo abala na emumu e bato eimeaka ko Yudasi, omɔti o batingami domi na babae, yo moto obadaledjaka. Abatamaka mbuti na Yesu bɛngi amobhimbe. 48Endolo Yesu abalaka na nde: «Yudasi, edi na bobhimbani okabi Mwana o Moto?» 49Ehole enɛkɛ batingami badalaka na Yesu modjɔ momina, bamohɔdjɔkɔ: «Kumu, loboani loane na mipamba?» 50Ko omɔti o bobo alenaka mosali o nganga monɛnɛ o Ndjakomba itoi i ebɔ e bami. 51Endolo Yesu abalaka: «Kinani, moboani oko bea!» Apeaka itoi i moto omina ko ahelaka.
52Ngɔngɔ Yesu abalaka na bakondji ba banganga ba Ndjakomba, na bakondji bakabane tepelo na bakondji ba ibonga, ibaduaka abomopea: «Odoini na mipamba na mihukuku, elenge nadi moweli o moto? 53Masu masusu, nadaka na nu ta tepelo ko oihombani bopeanini. Endolo ehole ye edi e bino ko na ngulu e modidi.»
Piɛlɛ aingani Yesu
(Endja pongono ta Mat 26, 57-75; Mlk 14, 53-54; Yoa 18, 12-27)
54Ibea bapeaka Yesu, bakɛkɛ na nde ngbandengba ta ndako e mokondji o banganga ba Ndjakomba. Piɛlɛ abakimanaka mo bohali. 55Bayodjaka mosa ta ndalengando e bopango bomina ko Piɛlɛ adaka ndanda e bato ibadaka bahiki. 56Mosali mwali omɔti, amoenɛkɛ mbuti na mosa; amotingeaka miso ko abalaka: «Moto yo pongono adaki na nde.» 57Endolo Pielɛ ainganaka ko abalaka: «Natamodjebaka.» 58Mo ehole mokɛkɛ ngɔngɔ, moto okina amoenɛkɛ abalaka: «Wɛ pongono, odi omɔti o bobo!» Endolo Piɛlɛ asɔmbedjaka: «Ngasa, te mbi.» 59Ngɔngɔ i ehole emɔti, moto okina pongono apingedjaka bobala na ngulu: «Edi soti, moto iyo adalaki na nde, tengasa adi Mogalilea.» 60Endolo Piɛlɛ asɔmbedjaka: «Natadjebaka meako mia mabalaka wɛ.» Oko ta ehole edaka yo abala, kɔkɔ akɔkɔlɔkɔ. 61Kumu ahombanaka ko akokoledjaka Piɛlɛ. Na bea Piɛlɛ alɛnɛkɛ mibalo mibalaka Kumu na nde: «Boso bo kɔkɔ akɔkɔle busa bu, wainganeakeni mbala isato.» 62Piɛlɛ aimi sokolu ayeaka na ndjokwa mɛnɛ.
Basingi Yesu ko bamokɛsɛkɛkɛ mabalake
(Endja pongono ta Mat 26, 67-68; Mlk 14, 65)
63Bato ibabaneaka Yesu, bamotaaka ko bamobomaka. 64Bamodipaka boso ko bamohɔdjɔkɔ: «Obomi nda? Elɛ bonganga!» 65Ko bamosingaka na kɔpi djinɛnɛ.
Yesu ta boso bo bakumu
(Endja pongono ta Mat 26, 59-66; Mlk 14, 55-64; Yoa 18, 19-24)
66Ehole eya busa, bakumu ba Bayuda, na bakondji ba banganga ba Ndjakomba ko balehi ba mobeko babolamaka. Baduaka na Yesu ta boso bo ibolea inɛnɛ i basuku ba bayuda 67ko bamohɔdjɔkɔ: «Lotɔndea, wɛ odi Kilito? » Abasɔmbedjaka: «Nakotɔndeani, otadimeakenini, 68ko nakohɔdjɔni ihɔdjɔ, otasɔmbedjakenini. 69Endolo donga edɛdi Mwana o Moto adabi ta ebɔ e bami e Ndjakomba onɔi na sueya#22, 69 Endja pongono ta Ndj 118, 1..» 70Bato basusu bagamaka: «Wɛ mɛnɛ odi Mwana o Ndjakomba?» Abasɔmbedjaka: «Obalini.» 71Na bea babalaka: «Loditi naikina na posa e batemo! Tengasa looki so bɛnɛ na monɔkɔ mo nde.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)