MALAKO Ibangelo
Ibangelo
Nde Nsango i bɔlɔti inɛi, ɛnɛ eki Malako eyali eependa buube mpe ɛɛhɔ yoyala ɛɛkɔtɔmɔki la lontondo.
Nko nde bɛlɔngɔ bee lontondo, aolia Yesu nga «Bona ooki Ndjakomba» (1, 1). Yaa nkombe iiko eheya banto lyanya, endaka eumeyamɛ mbala buuke nde Nsango e Bɔlɔti (1, 11; 9, 7; Lenda la nde 3, 11; 5, 7), ɛɛli etikale ibomba nde mpoha eeki Yesu (Lenda 3, 12; 5, 43; 7, 24; 8, 30; 9, 30). Itina nɔ? – Itina iiki nkombe iiko yɔɔhɔ yoebetana nko kaki olenda ɔnɛ obakaki ibɔ nde ekulusu nga botepelaki bonkondi bo bahola bo Loma.
Ntango iiko yoola bontomwa bo e ngauko, ɛɛlɛmɛ bonto la bonto aboambe la ihiko. Lotomo looki Yowane Buuni, ɛnɛ eunaki Yesu, loyalaki yobela banto bayaɔhɔle (1, 2-8), (1, 2-8).
Nkamba, Yesu ayaɛniɛ nde bihoke mbuha e eleko e bemekano anɛ eyalaki nde nko nde amɛlɛ (1, 12-13). Malako aɛnia mbala buuke bonkumu booki Yesu, la anɛ eeta nde banto baboyeele, la anɛ elaka nde banto buuke la mpe anɛ ebikya nde banto ba nkandi (1, 14-8, 30).
Nde empulu ɛnɛ ekinde e epe e bonkanda bookinde, Malako aɛnia booli Yesu itwɛnɛ lyale, la yowa la yokundwa Yelusalɛmɛ (8, 31-10, 52). Abelaki bakɛndi la nde mbala ihato yaa tabatingola. Atepela mbala la mbala itina iikinde mpe ayahanga «Bona ooki Bonto», yaa ndenge eyali nde mpendja eyali ibomba imɔɔ i bɔnɛnɛ.
Aɔtwaki Yelusalɛmɛ la lokumo lo bɔnɛnɛ, aokoha baatɛkɛki byomba nde tɛmpɛlo mpe aoponana la ilanga iiki benkondi beeki Isalaɛlɛ. Eyalaki mpe itina iiki nde epoha yopa balako baa nsuki itina iiki baapobolange, la banto bankuma, la bakɛndi la nde (Bekapo. 11-13).
Bekapo 14-15 betepela itina iiki biina bepe be nsuki beeki Yesu. Nde empulu isolo iiki elambo eetindeyaki nde la banto baakinde (bakapolaki nde la ibɔ mampa la vino), lɔbɔndɔ lookinde loyalaki nde kiika Ngesemani, ndenge eebobutaki ibɔ, ndenge eebokatelaki ibɔ etumbo, ndenge e bolyakaki ibɔ nde ekulusu, ndenge ebotombaki ibɔ nde baombo. Buuna bo ehato bo iwa iikinde, bainto batanɛ ipoku bomponga mpe baobata nsango mbɔ angokundwɛ (16, 1-8). Baotopuhwe nko looko. (Nkɔti iikina i kala ibombaki Nsango e Bɔlɔti ɛnɛ eki Malako ihangya empulu enkina etepela ndenge eeyaɛniaki Yesu eka banto lombuha lo yokundwa mpe ndenge eekondelaki nde nde liko. Nsango i Bɔlɔti inkina itepela mboo iiko ndenge e botale).
Mbuha e yotanga Nsango e Bɔlɔti eeki Malako, ongoyeeba nga bohangaki bonkondi bo bahola bo Loma mbɔ Yesu e Nazalɛti «ayalaki mpendja Bona ooki Ndjakomba» (15.39)?
လက္ရွိေရြးခ်ယ္ထားမွု
MALAKO Ibangelo: lol
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)