MALAKO 1
1
Balako baaki Yowane Buuni
(Lenda la nde Mat 3, 1-12; Luk 3, 1-18; Yow 1, 19-28)
1Ibangako iiki Nsango e Bɔlɔti eeki Yesu Kilito, Bona ooki Ndjakomba. 2Nko nga bɔkɔtɔki ntepeli Isaya:
«Ngotinda bontomwa booki emi lontondo lookiɛ,
kela aɔhɔle ndjela eekiɛ.
3Lyoi iiki bonto ilika bobeki nde bokili bo bɛkɔngɔ:
Lɔɔhɔlɔ ndjela eeki Nkolo,
lohembola beboko beekinde!»
4Yowane Buuni aolaki nde bokili bo bɛkɔngɔ mpe alakaki ngɔnɛ: «Lwendja bihɛlɛlo biikinyo, luunama mpe Ndjakomba angolibola bahumu baakinyo.» 5Bokili bonkuma booki Yudeya la banto baki Yelusalɛmɛ batɛ eka nde yotya boliboli bo basumu baki ibɔ mpe abaunɛ nde ndjale e Yɔlɔdani.
6Yowane ambɔlɔtɔkɛ mpoho i nyama e kamela#1, 6 kamela:, la nkamba e ekopo e nyama nde bompempe bookinde, ambɔɔlɛkɛ nko byɛndju la baita ba ndjue. 7Abelɛ banto ngɔnɛ: «Ɔnɛ oye la lombuha looki emi, ampenda la nguya mpe ntyɛli la la ilɛngɛ iilitola behinga be bikote biikinde. 8Emi nduuna la bahi yaa nde angoluuna la Bolimo bo Bɔyɛngwa.»
Nyunama mpe ndengwa eeki Yesu
(Lenda la nde Mat 3, 13-17; Luk 3, 21-22)
9Nde elaka iko, Yesu aumɛ Nazalɛti ɛnɛ eki Ngalilaya mpe aunamɛ eka Yowane nde ndjale e Yɔlɔdani. 10Anɛ e olɛ nde nde bahi, aɛnɛ liko ilipwɛ mpe Bolimo bo bɔyɛngwa bobohulwelɛ nga embenga. 11Mpe lyoi yuumɛ nde liko, itepelɛ: «Oyali Bona ooki emi openda emi yolanga, mbulwake la wɛ buuke.» 12Teengya, Bolimo botombɛ Yesu nde bokili bo bɛkɔngɔ. 13Mpiko akelɛ bɛkɔlɔ ntuku inɛi mpe satana abolengolɛ. Ayalaki nde la nyama i bobe mpe bentomwa beeki Ndjakomba bamboyakɛ yobosalela.
Yesu aetɛ banto ba bahaki banɛi
(Lenda la nde Mat 4, 12-17; Luk 4, 14-15)
14Lombuha lobutaki ibɔ Yowane, Yesu atɛ Ngalilaya yolaka Nsango e Bɔlɔti eki Ndjakomba. 15Atepelɛ: «Elaka yoyela, bonkumu booki Ndjakomba bongokitɛ ntute. Lwendja bihɛlɛlo, mpe lwamba Nsango e Bɔlɔti!»
16Elaka elekaki nde bokili bo ndjale e Ngalilaya, aɛnɛ Simo la bohibotonga ookinde Andele balika bɔtɛyi nde ndjale; itina bayalaki bahaki. 17Yesu ababelɛ: «Londjeele, mpe ngolokitya bahaki baaki banto.» 18La mbala ɛmɔɔ, bahenɛ bɛtɛi beekibɔ mpe baboyelɛ. 19Anɛ eyaundjɛ nde bona o botale, aɛnɛ Yakɛ, bona ooki Zebede, la Yowane bohibotonga okinde. La ibɔ mpe bayalaki nde waato bookibɔ baɔhɔlɔ bɛtɛi. 20La mbala ɛmɔɔ, abaetɛ; mpe bahenɛ ihe eki ibɔ Zebede nde waato nde la basali, baboyelɛ.
Bonto o tungyamɛ la bolimo bo bobe
(Lenda la nde Luk 4, 31-37)
21Yesu atɛ Kapalanaumu nde la bakɛndi la nde. Nde buuna bo sabata, Yesu aɔtwɛ nde botumba bo lɔbɔndɔ, mpe abangɛ yolaka. 22Banto baabokaki bakulaki bakoto la balako baakinde; itina alakaki la bonkumu penda balaki ba bobeko. 23Nde botumba bo lɔbɔndɔ buuko, bonto ɔmɔɔ ayalaki la bolimo bo bobe mpe abobɛ: 24«Lookiɛ la nso nɔ, wɛ Yesu e Nazalɛti? Ongoyɛ yotolyaka? Ndjeba ɔnwe wɛ: Bɔyɛngwa booki Ndjakomba!» 25Yesu aangoyɛ bolimo bo bobe mpe abope botindo: «Pilama mpe ola eka bonto ɔnɛ!» 26Mpe bolimo bo bobe bopukuhɛ bonto uuko la nguya, abobɛ mpe aolɛ ekande. 27Banto bankuma bakulɛ bakoto, babangɛ yoyaubola ɔmɔɔ la ɔmɔɔ: «Lɔnɛ nke? Enda ilako i ntɛmu ipayama la bonkumu bonkuma! Apa betindo la eka belimo be bobe mpe bebookela!» 28Mpe lokumo lookinde lopalangana la bituka binkuma bi Ngalilaya.
Yesu abikyɛ nyango e bokilo eeki Simo
(Lenda la nde Mat 8, 14-15; Luk 4, 38-39)
29Elaka eha nde aola nde botumba bo lɔbɔndɔ, atɛ nde la Yakɛ la Yowane eka Ba Simo la Andele. 30Nyango e bokilo eki Simo abetamaki la pɛpɛlɛ; nko Yesu aokitele aiko, babopɛ nsango e nkandi ekinde. 31Yesu ayaundjɛ ntute la nde, abobutɛ nde lɔbɔ, aboemyɛ mpe abikɛ. Mpe nyango e bokilo abapɛ byomba bi ndɛlɛ. 32La ikɔlɔ, anɛ eha waane bohulwa, baboyelɛ banto bankuma bayali la nkandi mpe la banɛ bayali la belimo be bobe. 33Imonga inkuma ihokamaki nde buuho bo botumba. 34Abikyɛ banto buuke bayalaki la nkandi botindo la botindo mpe apandjɛ la belimo be bobe buuke. Talanga belimo be bobe betepele, itina baboebaki.
Yesu aumɛ Kapalanaumu
(Lenda la nde Mat 4, 23; Luk 4, 42-44)
35La nkɛhɛ e elonge, ayaolyɛ, atɛ nde ekele, mpiko, abangɛ yɔbɔndɛlɛ. 36Simo la baayalaki la nde babangɛ yobotila. 37Mpe elaka eha ibɔ babɔɛnɛ, babobelɛ: «Banto bankuma bakotila.» 38Yesu ababelɛ: «Tuume anɛ totu looko lonkina, nde bihe binɛ biyali ntute la anɛ, itina ndake la mpiko, uuko wambɔ itina iiyaki emi.» 39Mpe atɛ yolaka nde betumba be lɔbɔndɔ beeki Ngalilaya enkuma, mpe apandjɛ belimo be bobe.
Yesu abikyɛ bonto oyali la behale
(Lenda la nde Mat 8, 1-4; Luk 5, 12-16)
40Bonto ɔmɔɔ oyali la behale ayɛ eyali Yesu, akɔɔ bakulubɔngɔ ntondo eekinde mpe abɔbɔndɛlɛ mbɔ: «Kaki olanga, ɔɔhɔ yɔmpɛtɔlɔ.» 41Yesu abookɛ ihɛi; ahembolɛ lɔbɔ, abobutɛ mpe abobelɛ: «Ndanga, pɛtwa!» 42Nko nde elaka iko behale behilɛ, mpe apɛtwɛ. 43Yesu abounoyɛ nko nde elaka iko, mpe abokokomyɛ nde ambɔ 44«Tohangelake la bonto ɔmɔɔ. Kɛndɛ tooyaenie eka Nkanga eeki Ndjakomba mpe paaya ikapo itina iiki mpɛtwa eekiɛ elenge ɛɛkɔtɔki Mose, engoyala eka ibɔ itatoli.» 45Yaa bonto uuko, anɛ ɛkɛndɛ nde, atɛ yopalanganiaka Nsango ɛkɔ mpe eyɛ ywebetana, nko aiko Yesu taunwa yɔtwa nde bihe nde baiho ba banto. Ayoyabombe nde bikele, mpe baayaki eka nde baumaki ndjoko inkuma.
လက္ရွိေရြးခ်ယ္ထားမွု
MALAKO 1: lol
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)