MALAKO 9
9
1Yesu ababelɛ lenkina: «Ndobela nhɔhɔlɔ: bamɔɔ banto bayali anɛ tabangowa ntondo eki baɛne Bonkumu booki Ndjakomba bongoyɛ la nguya.»
Yesu angɛngɛ
(Lenda la nde Mat 17, 1-13; Luk 9, 28-36)
2Lombuha lo biina botoba, Yesu akɔhɛ Petelo, Yakɛ la Yowane, abatombɛ nde liko i ngomba, mpiko bayalaki nko ibɔ kiika. Angɛngɛ ntondo eeki ibɔ; 3bihenda biikinde bingɛngɛ, bikitaki mpɛmbɛ epululu; nkola la bonto ɔmɔɔ nde bokili ɔɔhɔ yɛɛlwa ngauko. 4La mbala ɛmɔɔ, baɛnɛ Elia la Mose babaolelɛ mpe bakɔtɔ byamba ibɔ la Yesu. 5Petelo abelɛ Yesu: «Bolaki, eyali bɔlɔti tokihe anɛ, totonge benganda behato, bɔmɔɔ itina iikiɛ, bɔmɔɔ itina iiki Mose mpe bɔmɔɔ itina iiki Elia.» 6Petelo tatingola iiko itepala nde, itina la nde la baataki la nde bayalaki la bɔɔmɔ. 7Itute ibalipɛ mpe lyoi yoolɛ nde itute iikɔ, itepelɛ: «Ɔnɛ ayali Bona ooki emi openda emi yolanga, lobookaaka!» 8Nko aiko, bakɛndi la nde balendɛ ntutentute la aiko eyalaki ibɔ, tabaunwa ywɛnɛ lenkina bonto; batiki nko ibɔ la Yesu. 9Anɛ yohulwe ibɔ nde ngomba, Yesu abakokomyɛ tabahangelake la bonto ɔmɔɔ ikambo iiko imba ibɔ baɛne, tii enga Bona ooki Bonto akundwe nde baawɛ. 10Baokɛ iko ibakokomyaki nde, yaa bayaubolɛ ibɔ amɛlɛ: «Yokundwa nde nde baawɛ elimbola nɔ?»
11Mpe bakɛndi la nde babuubolɛ: «Itina nɔ itepelaka balaki ba bobeko mbɔ ɛɛli Elia aye lontondo?» 12Yesu abaunoyelɛ: «Elia aɛli aya la lontondo kela alongye mbo. Yaa itina nɔ Nkɔti itepela mbɔ Bona ooki Bonto angɔyɛnɛ lyale mpe bangobotiola? 13Nga la emi, ndobela: Elia ahilɛ yoya, mpe babokelaki iilangaki ibɔ, botindo boebya Nkɔti itina iikinde.»
Yesu abikyɛ bona otungyamaki la bolimo bo bobe
(Lenda la nde Mat 17, 14-21; Luk 9, 37-43)
14Anɛ ikitɛ ibɔ ntute la bakɛndi banɛ bamɔɔ, baɛnɛ banto buuke bangobalingɛ mpe bayautamya lɔmpɛnyɛ ibɔ la balaki ba bobeko. 15Nko banto baɔyɛne Yesu, bakulɛ bakoto mpe bayɛ lobango yobobekola. 16Yesu aubolɛ bakɛndi la nde: «Loowa nyo lɔmpɛnyɛ nyo la ibɔ nɔ?» 17Bonto ɔmɔɔ nde banto baayalaki aiko abobelɛ: «Bolaki, ngokoyelɛ bona ookimi o loondo, atungyama la bolimo bo bobe bobokityake luumi. 18Ndye inkuma iya bɔkɔ yobobuta, bobobokake nde babu, bona aolyake mpulo mpe akiɛtɛke baino, byonge biikinde byoketa. Mboobele bakɛndi la wɛ baolye bolimo buuko, yaa tabauha.» 19Yesu ababelɛ: «Nyo elelo epa la waambi! Tii elaka nɔ eenga emi nkihe la nyo? Ngoluukela botema tii elaka nɔ? Londjele bona ɔkɔ anɛ.» 20Baboyelɛ bona. Nko bolimo bo bobe bɔɔyɛne Yesu, bopukuhɛ bona la nguya; ayahombɛ nde babu, ayabilingolɛ mpe aolɛ mpulo nde bonya. 21Yesu aubolɛ ihe eeki bona: «Mbo inɛ ibokelɛ mbula inga?» Mpe ihe abobelɛ: «Ima boboha bookinde. 22Mpe mbala la mbala, bolimo bo bobe bobobokake nde ntyɛ laa mpe nde bahi itina iki bobolyake. Yaa kaki ɔɔhɔ yobobikya, yaka otokambole, otookele ihɛi!» 23Yesu abobelɛ: «Itina iitepela wɛ kaki ɔɔhɔ nɔ! Yaa, inkuma yɔɔhɔ yokelama eka bonto oyali la waambi.» 24Nko aiko, ihe eki bona abobɛ: «Nyumeya! onkambole nde bobya waambi!»
25Anɛ e ɛnɛ Yesu banto baoye buuke, aangwelɛ bolimo bo bobe mpe abobelɛ: «Wɛ bolimo bɔnɛ bokitya bonto luumi mpe ekinda, nkopa botindo: ola eka bona ɔnɛ mpe tunwake yoya lenkina ekande!» 26Bolimo bobe bobobɛ, bopukuhɛ bona la nguya, mpe boolɛ. Bona akitɛ lohi angowɛ, banto buuke bayalaki aiko bahangɛ: «Angowɛ.» 27Yaa Yesu abobutɛ nde lɔbɔ, abouleyɛ mpe bona aemalɛ. 28Anɛ e ɔtwɛ Yesu nde botumba, ayalaki nko nde la bakɛndi la nde, babuubolɛ: «Itina ipa nso tatɔɔhɔ yoolya bolimo buuko nɔ?» 29Yesu ababelɛ: «Botindo bo bolimo buuko bɔɔhɔ yoola nko la lɔbɔndɔ.»
Yesu aebyɛ iwa lankundwa ekinde mbala e epe
(Lenda la nde Mat 17, 22-23; Luk 9, 43b-45)
30Anɛ eumɛ ibɔ aiko, bapendyɛ Ngalilaya. Yesu talanga banto baebe. 31Itina alakaki bakɛndi la nde: «Bona ooki Bonto angokapema nde bɛbɔ beeki banto, bangobolyaka; mpe nde buuna bo behato angokundwa.» 32Yaa bakɛndi la nde tabatingola ndimbo eeki iiko itepelaki nde mpe baokaki bɔɔmɔ yoboubola.
Oopenda bɔnɛnɛ nɔ?
(Lenda la nde Mat 18, 1-5; Luk 9, 46-48)
33Bakitɛ Kapalanaumu. Anɛ e ɔtwɛ nde nde botumba, Yesu aubolɛ bakɛndi la nde: «Luuko lɔɔbɛkɛtɛne nyo nde ndjela nɔ?» 34Yaa ibɔ bapilamɛ, itina nde ndjela, bayaki yɔbɛkɛtɛnɛkɛ ibɔ la ibɔ itina iki baebe oopenda bɔnɛnɛ. 35Yesu akihɛ, aetɛ bakɛndi lyomu la bape mpe ababelɛ: «Nga bonto ɔmɔɔ alanga ayale bonto o lontondo, ayalaka lombuha looki banto bankuma mpe bosali booki banto bankuma.» 36Mpe Yesu akɔhɛ bona o nkɛkɛ, aboemyɛ aiko eyalaki ibɔ; abobutɛ nde bɛbɔ, ababelɛ: 37«Bonto onkuma ongoyamba bona o nkɛkɛ nga ɔnɛ nde lina iiki emi, angondjambɛ emi kiika; mpe bonto oongondjambɛ, apondjambe nko emi, aamba la bonto oontindaki.»
Bonto opoyali la bobe la nso ayali ookinso.
(Lenda la nde Luk 9, 49-50)
38Yowane abelɛ Yesu: «Bolaki, twɛnɛki bonto ɔmɔɔ aolya belimo be bobe nde lina iikiɛ, mpe tolangaki tobohuke, itina tɔpɔkɛnde nso la nde.» 39Yaa Yesu aunoyɛ: «Talobohukake, teyali la bonto ɔnɛ o ɔhɔ yokela mpapo nde lina ikimi mpe ayunwa yotepela mbo i bobe itina iiki emi. 40Itina bonto opototone, ayali looko lɔmɔɔ la nso. 41Mpe bonto onkuma ongolopa ikɔpɔ i bahi ba mɛɛmɛlɛ itina loyali banto baki Kilito, ndobela nhɔhɔlɔ: tangobungya boputo bookinde.»
Yesu akokomyɛ bakɛndi la nde
(Lenda la nde Mat 18, 6-9; Luk 17, 1-2)
42«Yaa kaki bonto ɔmɔɔ angɔkɔyɛ ɔmɔɔ oki biboha binɛ biyali la waambi la emi nde isumu, ɛɛli babotungye ibɔkɔ i bɔnɛnɛ nde nkingo mpe baboboke nde ndjale e bɔnɛnɛ. 43Nga lɔbɔ lookiɛ lokotindake nde ndjela e bobe, pupola lɔkɔ; bɔlɔti ɔɔtwe nde lobiko lo botako lɔbɔ empulu nde ndye eeki otu nde ipoku i ntyɛ inɛ ipolimake la bɛbɔ bepe.[ 44Mpiko, “bekiho bepowake mpe ntyɛ ipolimake#9, 44 bɔlɔngɔ bɔnɛ bopoyali nde benkanda benkina be kala.”.] 45Kaki lokolo lookiɛ lokotindake nde ndjela e bobe, pupola lɔkɔ; bɔlɔti ɔtwe lokolo lɔmɔɔ nde lobiko lo botako la yoyala bekolo bape mpe otu nde ipoku i ntyɛ inɛ ipolimake[ 46Mpiko, “bekiho bepowake mpe ntyɛ ipolimake#9, 46 bɔlɔngɔ bɔnɛ bopoyali nde benkanda benkina be kala.”.] 47Mpe nga liho ikiɛ ikotindake nde ndjela e bobe, imola ikɔ; bɔlɔti ɔtwe nde Bonkumu booki Ndjakomba la liho imɔɔ la yoyala la baiho bape mpe otu nde ipoku i ntyɛ inɛ ipolimake. 48Mpiko, “bekiho bepowake mpe ntyɛ ipolimake#9, 48 Ɛlia la Isa 66, 24.”. 49Itina bonto la bonto angoleka nde ntyɛ kela abate ngɔmbɔ nga bokwa.
50«Bokwa boyali yomba e bɔlɔti; yaa nga bokwa bohohila ngɔmbɔ, ɔhɔ yuunoya ngɔmbɔ ɛkɔ ngamo? Loyala la bokwa nde ntei eekinyo bamongo mpe lokiha bɔlɔti nyo la baninga.»
လက္ရွိေရြးခ်ယ္ထားမွု
MALAKO 9: lol
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
MALAKO 9
9
1Yesu ababelɛ lenkina: «Ndobela nhɔhɔlɔ: bamɔɔ banto bayali anɛ tabangowa ntondo eki baɛne Bonkumu booki Ndjakomba bongoyɛ la nguya.»
Yesu angɛngɛ
(Lenda la nde Mat 17, 1-13; Luk 9, 28-36)
2Lombuha lo biina botoba, Yesu akɔhɛ Petelo, Yakɛ la Yowane, abatombɛ nde liko i ngomba, mpiko bayalaki nko ibɔ kiika. Angɛngɛ ntondo eeki ibɔ; 3bihenda biikinde bingɛngɛ, bikitaki mpɛmbɛ epululu; nkola la bonto ɔmɔɔ nde bokili ɔɔhɔ yɛɛlwa ngauko. 4La mbala ɛmɔɔ, baɛnɛ Elia la Mose babaolelɛ mpe bakɔtɔ byamba ibɔ la Yesu. 5Petelo abelɛ Yesu: «Bolaki, eyali bɔlɔti tokihe anɛ, totonge benganda behato, bɔmɔɔ itina iikiɛ, bɔmɔɔ itina iiki Mose mpe bɔmɔɔ itina iiki Elia.» 6Petelo tatingola iiko itepala nde, itina la nde la baataki la nde bayalaki la bɔɔmɔ. 7Itute ibalipɛ mpe lyoi yoolɛ nde itute iikɔ, itepelɛ: «Ɔnɛ ayali Bona ooki emi openda emi yolanga, lobookaaka!» 8Nko aiko, bakɛndi la nde balendɛ ntutentute la aiko eyalaki ibɔ, tabaunwa ywɛnɛ lenkina bonto; batiki nko ibɔ la Yesu. 9Anɛ yohulwe ibɔ nde ngomba, Yesu abakokomyɛ tabahangelake la bonto ɔmɔɔ ikambo iiko imba ibɔ baɛne, tii enga Bona ooki Bonto akundwe nde baawɛ. 10Baokɛ iko ibakokomyaki nde, yaa bayaubolɛ ibɔ amɛlɛ: «Yokundwa nde nde baawɛ elimbola nɔ?»
11Mpe bakɛndi la nde babuubolɛ: «Itina nɔ itepelaka balaki ba bobeko mbɔ ɛɛli Elia aye lontondo?» 12Yesu abaunoyelɛ: «Elia aɛli aya la lontondo kela alongye mbo. Yaa itina nɔ Nkɔti itepela mbɔ Bona ooki Bonto angɔyɛnɛ lyale mpe bangobotiola? 13Nga la emi, ndobela: Elia ahilɛ yoya, mpe babokelaki iilangaki ibɔ, botindo boebya Nkɔti itina iikinde.»
Yesu abikyɛ bona otungyamaki la bolimo bo bobe
(Lenda la nde Mat 17, 14-21; Luk 9, 37-43)
14Anɛ ikitɛ ibɔ ntute la bakɛndi banɛ bamɔɔ, baɛnɛ banto buuke bangobalingɛ mpe bayautamya lɔmpɛnyɛ ibɔ la balaki ba bobeko. 15Nko banto baɔyɛne Yesu, bakulɛ bakoto mpe bayɛ lobango yobobekola. 16Yesu aubolɛ bakɛndi la nde: «Loowa nyo lɔmpɛnyɛ nyo la ibɔ nɔ?» 17Bonto ɔmɔɔ nde banto baayalaki aiko abobelɛ: «Bolaki, ngokoyelɛ bona ookimi o loondo, atungyama la bolimo bo bobe bobokityake luumi. 18Ndye inkuma iya bɔkɔ yobobuta, bobobokake nde babu, bona aolyake mpulo mpe akiɛtɛke baino, byonge biikinde byoketa. Mboobele bakɛndi la wɛ baolye bolimo buuko, yaa tabauha.» 19Yesu ababelɛ: «Nyo elelo epa la waambi! Tii elaka nɔ eenga emi nkihe la nyo? Ngoluukela botema tii elaka nɔ? Londjele bona ɔkɔ anɛ.» 20Baboyelɛ bona. Nko bolimo bo bobe bɔɔyɛne Yesu, bopukuhɛ bona la nguya; ayahombɛ nde babu, ayabilingolɛ mpe aolɛ mpulo nde bonya. 21Yesu aubolɛ ihe eeki bona: «Mbo inɛ ibokelɛ mbula inga?» Mpe ihe abobelɛ: «Ima boboha bookinde. 22Mpe mbala la mbala, bolimo bo bobe bobobokake nde ntyɛ laa mpe nde bahi itina iki bobolyake. Yaa kaki ɔɔhɔ yobobikya, yaka otokambole, otookele ihɛi!» 23Yesu abobelɛ: «Itina iitepela wɛ kaki ɔɔhɔ nɔ! Yaa, inkuma yɔɔhɔ yokelama eka bonto oyali la waambi.» 24Nko aiko, ihe eki bona abobɛ: «Nyumeya! onkambole nde bobya waambi!»
25Anɛ e ɛnɛ Yesu banto baoye buuke, aangwelɛ bolimo bo bobe mpe abobelɛ: «Wɛ bolimo bɔnɛ bokitya bonto luumi mpe ekinda, nkopa botindo: ola eka bona ɔnɛ mpe tunwake yoya lenkina ekande!» 26Bolimo bobe bobobɛ, bopukuhɛ bona la nguya, mpe boolɛ. Bona akitɛ lohi angowɛ, banto buuke bayalaki aiko bahangɛ: «Angowɛ.» 27Yaa Yesu abobutɛ nde lɔbɔ, abouleyɛ mpe bona aemalɛ. 28Anɛ e ɔtwɛ Yesu nde botumba, ayalaki nko nde la bakɛndi la nde, babuubolɛ: «Itina ipa nso tatɔɔhɔ yoolya bolimo buuko nɔ?» 29Yesu ababelɛ: «Botindo bo bolimo buuko bɔɔhɔ yoola nko la lɔbɔndɔ.»
Yesu aebyɛ iwa lankundwa ekinde mbala e epe
(Lenda la nde Mat 17, 22-23; Luk 9, 43b-45)
30Anɛ eumɛ ibɔ aiko, bapendyɛ Ngalilaya. Yesu talanga banto baebe. 31Itina alakaki bakɛndi la nde: «Bona ooki Bonto angokapema nde bɛbɔ beeki banto, bangobolyaka; mpe nde buuna bo behato angokundwa.» 32Yaa bakɛndi la nde tabatingola ndimbo eeki iiko itepelaki nde mpe baokaki bɔɔmɔ yoboubola.
Oopenda bɔnɛnɛ nɔ?
(Lenda la nde Mat 18, 1-5; Luk 9, 46-48)
33Bakitɛ Kapalanaumu. Anɛ e ɔtwɛ nde nde botumba, Yesu aubolɛ bakɛndi la nde: «Luuko lɔɔbɛkɛtɛne nyo nde ndjela nɔ?» 34Yaa ibɔ bapilamɛ, itina nde ndjela, bayaki yɔbɛkɛtɛnɛkɛ ibɔ la ibɔ itina iki baebe oopenda bɔnɛnɛ. 35Yesu akihɛ, aetɛ bakɛndi lyomu la bape mpe ababelɛ: «Nga bonto ɔmɔɔ alanga ayale bonto o lontondo, ayalaka lombuha looki banto bankuma mpe bosali booki banto bankuma.» 36Mpe Yesu akɔhɛ bona o nkɛkɛ, aboemyɛ aiko eyalaki ibɔ; abobutɛ nde bɛbɔ, ababelɛ: 37«Bonto onkuma ongoyamba bona o nkɛkɛ nga ɔnɛ nde lina iiki emi, angondjambɛ emi kiika; mpe bonto oongondjambɛ, apondjambe nko emi, aamba la bonto oontindaki.»
Bonto opoyali la bobe la nso ayali ookinso.
(Lenda la nde Luk 9, 49-50)
38Yowane abelɛ Yesu: «Bolaki, twɛnɛki bonto ɔmɔɔ aolya belimo be bobe nde lina iikiɛ, mpe tolangaki tobohuke, itina tɔpɔkɛnde nso la nde.» 39Yaa Yesu aunoyɛ: «Talobohukake, teyali la bonto ɔnɛ o ɔhɔ yokela mpapo nde lina ikimi mpe ayunwa yotepela mbo i bobe itina iiki emi. 40Itina bonto opototone, ayali looko lɔmɔɔ la nso. 41Mpe bonto onkuma ongolopa ikɔpɔ i bahi ba mɛɛmɛlɛ itina loyali banto baki Kilito, ndobela nhɔhɔlɔ: tangobungya boputo bookinde.»
Yesu akokomyɛ bakɛndi la nde
(Lenda la nde Mat 18, 6-9; Luk 17, 1-2)
42«Yaa kaki bonto ɔmɔɔ angɔkɔyɛ ɔmɔɔ oki biboha binɛ biyali la waambi la emi nde isumu, ɛɛli babotungye ibɔkɔ i bɔnɛnɛ nde nkingo mpe baboboke nde ndjale e bɔnɛnɛ. 43Nga lɔbɔ lookiɛ lokotindake nde ndjela e bobe, pupola lɔkɔ; bɔlɔti ɔɔtwe nde lobiko lo botako lɔbɔ empulu nde ndye eeki otu nde ipoku i ntyɛ inɛ ipolimake la bɛbɔ bepe.[ 44Mpiko, “bekiho bepowake mpe ntyɛ ipolimake#9, 44 bɔlɔngɔ bɔnɛ bopoyali nde benkanda benkina be kala.”.] 45Kaki lokolo lookiɛ lokotindake nde ndjela e bobe, pupola lɔkɔ; bɔlɔti ɔtwe lokolo lɔmɔɔ nde lobiko lo botako la yoyala bekolo bape mpe otu nde ipoku i ntyɛ inɛ ipolimake[ 46Mpiko, “bekiho bepowake mpe ntyɛ ipolimake#9, 46 bɔlɔngɔ bɔnɛ bopoyali nde benkanda benkina be kala.”.] 47Mpe nga liho ikiɛ ikotindake nde ndjela e bobe, imola ikɔ; bɔlɔti ɔtwe nde Bonkumu booki Ndjakomba la liho imɔɔ la yoyala la baiho bape mpe otu nde ipoku i ntyɛ inɛ ipolimake. 48Mpiko, “bekiho bepowake mpe ntyɛ ipolimake#9, 48 Ɛlia la Isa 66, 24.”. 49Itina bonto la bonto angoleka nde ntyɛ kela abate ngɔmbɔ nga bokwa.
50«Bokwa boyali yomba e bɔlɔti; yaa nga bokwa bohohila ngɔmbɔ, ɔhɔ yuunoya ngɔmbɔ ɛkɔ ngamo? Loyala la bokwa nde ntei eekinyo bamongo mpe lokiha bɔlɔti nyo la baninga.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)