LUKA 20
20
Kpati ɛ Yesu ɔdonga yo odi nda?
(Hokea koko Mat 21, 23-27; Mal 11, 27-33)
1Busa bomɔti, Yesu adaka aleha ta tepelo ko atɔndɔkɔ Mwako Mopele odii bato. Bakumu ba banganga ba Ndjambe na bato ba edjebeli ɛ mibeko badua engbanga na basuku, 2ko bamohɔdja boo: «Lodjebedja kpati ɛkɔkɔ na wɛ midjɔ mia, moto ɔɔpa kpati ena nda?» 3Yesu abasɔmbɛdja boo: «Mbai ko nadii ohɔdjani. Djebedjanini: 4ona ɔloma Yoani abatisa nda? Edii Ndjambe kaoko bato?» 5Endolo basabaleana ko badimana boo: «Lokamosɔmbɛdja boo: “Edii Ndjambe moto ɔmoloma”, alohɔdjalea boo: “Ɔidhimeani Yoani tina nda?” 6Endolo lokabala boo: “Edii nde bato bamoloma”, bato basusu balolalea ndeke boo balowoe, tina ɛ boo bato basusu badjebaka boo Yoani adaka motɛli.» 7Bamosɔmbɛdja boo: «Iso lotadjeba esika ɛhula yo.» 8Yesu abala na bu boo: «Mbai koko, nataodjebedjani na kpati ɛ ndani nakɔkɔ midjɔ mia.»
Indjɛ la basali babe ba gue ɛ vino
(Hokea koko Mat 21, 33-46; Mal 12, 1-12)
9Ngɔngɔ djia, Yesu abala na bato indjɛ dii: «Moto omɔti aona gue ɛ vino, ayekina ta mabɔ ma basali ko akɛɛ mwɛngɔ ma ehole eyai. 10Ɔimea ehole ɛ obuka mbuma, aloma mosali odii basali ba gue ɛ vino boo bamopɛ lande ibondo la mbuma. Endolo basali ba gue baboma mosali ona ko bamoyanedja mabɔ ngasa. 11Moswa gue aloma koko mosali okina, endolo basali ba gue bamoboma, bamosinga ko bamoyanedja mabɔ ngasa. 12Moswa gue aloma mosali ɔ basato; yo koko, bamobenedja ko bamodumba o sokolu ɛ gue. 13Moswa gue abali boo: “Nakɔe hadɛdi enao? Nadii oloma mwana ɔ mbai moomi okapale mbai; ehole ekina bamosumalea.” 14Endolo ehole ɛ moenɛ basali ba gue, basabaleana ibo mɛɛnɛ boo: “Hokeani mosangoli ɔ nde iyona. Lamowoeni, bɛngɛ boo gue ɛ vino ɛdikae ɛ boso.” 15Bamodumba o sokolu ɛ gue ɛ vino ko bamowa.»
«Na bea, Yesu abahɔdja bo, ebakɔlea moswa gue ɛ vino? 16Aduabi, aowabi basali bia, ko apabi gue ena ɛ vino odi bato bakina.» Ehole ɛoka bato bibaeli bia, babala bo: «Modjɔ mondumba mua motakɔmɔ nyɛ!» 17Endolo Yesu abahokea ko abala boo: «Ɛtingodja ebaeli hee ɛ Makomi:
“Mondeke imadumba bayoli ba ndako
maimea ikwee la ndonga”?
18Ona okwabi diko la mondeke mua abukeabi ko ekada bo mondeke mua mokwi ta diko la moto, aminianabi mbunoko oimea mbumbu.»
Puti ɛ oputa odii Kaisala
(Hokea koko Mat 22, 15-22; Mal 12, 13-17)
19Bato ba edjebeli ɛ mibeko na ba kumu ba banganga ba Ndjambe bahombaka ndjia ɛ opea Yesu oko ta ehole ena, tina ɛ badjebaka bo abalaka indjɛ dia tina ɛ bobo; endolo badaka na bɔɔ ba bato. 20Donga ehole ena babanga okeba na Yesu. Na tina hee, bamolomea banɔngi ibaenɛmɛkɛ elengɛ bato ibaboani bo osuma, bɛngɛ boo bamodihe na ibunga okimana na mibalo ma nde mɛɛnɛ boo bamokabe ta kpati na okumu ba gupunɛlɛ. 21Bamohɔdja ihɔdja dii: «Molehi, lodjebi boo midjɔ mikabale wɛ na mikalehe wɛ midii mipele; tohokee mbanda dja bato, endolo okalehe midjɔ ma sooti imikasepedjae Ndjambe. 22Na bea, lodjebedja: eboani na su kaoko pɛpɛ oputa puti odii Kaisala?» 23Endolo Yesu ɔsipoa yo owɛi bobe ba bobo, abala nabu boo: 24«Inedjanini falanga emɔti. Mbanda kaoko kombe ikomami diko dja falanga djidi dja nda?» Bamosɔmbɛdja boo: «Dja Kaisala!» 25Na bea Yesu abala boo: «Ekada bea putani odii Kaisala mua imahodjaka yo, ko odii Ndjambe moda momɔti.» 26Baihɔnɔ omodiha na ibunga ta bibaeli bande. Endolo, baluma na okamoa na esɔmbɛdjeli ɛ nde ko bada ogoo.
Ihɔdja diko la opusoama
(Hokea koko Mat 22, 23-33; Mal 12, 18-27)
27Ekenge ɛ Basadukai badua mbuti na Yesu. – Ibo tebadhime opusoama ba bato bago. – Bamohɔdja 28moda muu boo: «Molehi, Mose alokinea mobeko mua imakomama boo: “Ekada momi ona oobali mwali agwi pɛpɛ obota, eboani boo mwanango abale mwali okini yo bɛngɛ boo amodihee mbota.” 29Na bea ɛdaka na bana bami saambo ba ibota imɔti. Ɔboso aosɔ mwali ko agwa pɛpɛ obota na nde. 30Ɔbabae aosɔ mwali ona ɔɔgwa na moomi ko agwa pɛpɛ mwana, 31ɔbasato moda momɔti. Ibo basusu saambo, bagwa pɛpɛ okina bana. 32Ta suka, mwali agwa koko. 33Ekada bea, ta iswi la opusoama la bago, mwali ona adabi ɔ nda? Tina ɛ bo ibo basusu saambo badaka baami ba nde!» 34Yesu abasɔmbɛdja boo: «Haa ta ngondo hee bali na baami badii oosɔnɔ; 35endolo bato ba odjoo ibaeni Ndjambe boo babɔngi opusoama ta ndanda ɛ bago ko ohela ta ngondo ena eduake tebaosɔne. 36Bahɔniti naikina ogwa, badii elengɛ babwɛndi. Badii bana ba Ndjambe, tina ɛ boo baapusoama. 37Mose ainedja ohuu boo bago bapusoabi, ta isolo la mole imadaka mayoa, abea Kumu “Ndjambe ɔ Abalayama, Ndjambe ɔ Isaka ko Ndjambe ɔ Yakobo.” 38Yesu abakea boo: Ndjambe adi Ndjambe ɔ bato ba mohelo, titi ɔ bago, tina ɛ bo odii yo bato basusu badii na mohelo.» 39Bato ba edjebeli ɛ mibeko babala nande boo: «Molehi, obali opele.» 40Ko baiwa hɔnɔ omohɔdja koko mahɔdja makina.
Masiya na Davidi
(Hokea koko Mat 22, 41-46; Mal 12, 35-37)
41Yesu abala nabu boo: «Moda ndani baboani obala boo Masiya adi moto ɔ mbota ɛ Davidi? 42Tina ɛ boo Davidi abala yo mɛɛnɛ ta buku ɛ Biembo boo:
“Ndjambe abala na Kumu ɔ mbai boo:
Daa ta ebɔ ɛ mbai ɛ baami,
43mbunoko ehole elongealea mbai baloni ba wɛ boo badae ebakeli ɛ wɛ ɛ mako.”
44Na bea Davidi abea Masiya “Kumu” : Moda ndani Masiya ahɔni koko oda ta mbota ɛ Davidi?»
Yesu akebedjai bato ba edjebeli ɛ mibeko
(Hokea koko Mat 23, 1-36; Mal 12, 38-40)
45Ehole ɛdaka bato basusu bamohokamedja, Yesu abala na batingami ba nde boo: 46«Kebani na bato ba edjebeli ɛ mibeko ibakasepe odala na mikoto miyai ma motwuia ko ibakapale ndese dja ekumu ta bisika biboli bato; bakahombe bidie ba boso ta ndako dja miongɔnɔ ma Bayuda ko bisika ba ekumu ta tɛkɛ inɛnɛ. 47Bakakatoe bali ibagwa na baami leka la bobo losusu ko, oko ta ehole ena, bakaongɔɔne miɔngɔɔnɔ miyai bɛngɛ babale boo bakadjebe Ndjambe. Basambedjamabi na opipo mɛɛnɛ.»
လက္ရွိေရြးခ်ယ္ထားမွု
LUKA 20: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 20
20
Kpati ɛ Yesu ɔdonga yo odi nda?
(Hokea koko Mat 21, 23-27; Mal 11, 27-33)
1Busa bomɔti, Yesu adaka aleha ta tepelo ko atɔndɔkɔ Mwako Mopele odii bato. Bakumu ba banganga ba Ndjambe na bato ba edjebeli ɛ mibeko badua engbanga na basuku, 2ko bamohɔdja boo: «Lodjebedja kpati ɛkɔkɔ na wɛ midjɔ mia, moto ɔɔpa kpati ena nda?» 3Yesu abasɔmbɛdja boo: «Mbai ko nadii ohɔdjani. Djebedjanini: 4ona ɔloma Yoani abatisa nda? Edii Ndjambe kaoko bato?» 5Endolo basabaleana ko badimana boo: «Lokamosɔmbɛdja boo: “Edii Ndjambe moto ɔmoloma”, alohɔdjalea boo: “Ɔidhimeani Yoani tina nda?” 6Endolo lokabala boo: “Edii nde bato bamoloma”, bato basusu balolalea ndeke boo balowoe, tina ɛ boo bato basusu badjebaka boo Yoani adaka motɛli.» 7Bamosɔmbɛdja boo: «Iso lotadjeba esika ɛhula yo.» 8Yesu abala na bu boo: «Mbai koko, nataodjebedjani na kpati ɛ ndani nakɔkɔ midjɔ mia.»
Indjɛ la basali babe ba gue ɛ vino
(Hokea koko Mat 21, 33-46; Mal 12, 1-12)
9Ngɔngɔ djia, Yesu abala na bato indjɛ dii: «Moto omɔti aona gue ɛ vino, ayekina ta mabɔ ma basali ko akɛɛ mwɛngɔ ma ehole eyai. 10Ɔimea ehole ɛ obuka mbuma, aloma mosali odii basali ba gue ɛ vino boo bamopɛ lande ibondo la mbuma. Endolo basali ba gue baboma mosali ona ko bamoyanedja mabɔ ngasa. 11Moswa gue aloma koko mosali okina, endolo basali ba gue bamoboma, bamosinga ko bamoyanedja mabɔ ngasa. 12Moswa gue aloma mosali ɔ basato; yo koko, bamobenedja ko bamodumba o sokolu ɛ gue. 13Moswa gue abali boo: “Nakɔe hadɛdi enao? Nadii oloma mwana ɔ mbai moomi okapale mbai; ehole ekina bamosumalea.” 14Endolo ehole ɛ moenɛ basali ba gue, basabaleana ibo mɛɛnɛ boo: “Hokeani mosangoli ɔ nde iyona. Lamowoeni, bɛngɛ boo gue ɛ vino ɛdikae ɛ boso.” 15Bamodumba o sokolu ɛ gue ɛ vino ko bamowa.»
«Na bea, Yesu abahɔdja bo, ebakɔlea moswa gue ɛ vino? 16Aduabi, aowabi basali bia, ko apabi gue ena ɛ vino odi bato bakina.» Ehole ɛoka bato bibaeli bia, babala bo: «Modjɔ mondumba mua motakɔmɔ nyɛ!» 17Endolo Yesu abahokea ko abala boo: «Ɛtingodja ebaeli hee ɛ Makomi:
“Mondeke imadumba bayoli ba ndako
maimea ikwee la ndonga”?
18Ona okwabi diko la mondeke mua abukeabi ko ekada bo mondeke mua mokwi ta diko la moto, aminianabi mbunoko oimea mbumbu.»
Puti ɛ oputa odii Kaisala
(Hokea koko Mat 22, 15-22; Mal 12, 13-17)
19Bato ba edjebeli ɛ mibeko na ba kumu ba banganga ba Ndjambe bahombaka ndjia ɛ opea Yesu oko ta ehole ena, tina ɛ badjebaka bo abalaka indjɛ dia tina ɛ bobo; endolo badaka na bɔɔ ba bato. 20Donga ehole ena babanga okeba na Yesu. Na tina hee, bamolomea banɔngi ibaenɛmɛkɛ elengɛ bato ibaboani bo osuma, bɛngɛ boo bamodihe na ibunga okimana na mibalo ma nde mɛɛnɛ boo bamokabe ta kpati na okumu ba gupunɛlɛ. 21Bamohɔdja ihɔdja dii: «Molehi, lodjebi boo midjɔ mikabale wɛ na mikalehe wɛ midii mipele; tohokee mbanda dja bato, endolo okalehe midjɔ ma sooti imikasepedjae Ndjambe. 22Na bea, lodjebedja: eboani na su kaoko pɛpɛ oputa puti odii Kaisala?» 23Endolo Yesu ɔsipoa yo owɛi bobe ba bobo, abala nabu boo: 24«Inedjanini falanga emɔti. Mbanda kaoko kombe ikomami diko dja falanga djidi dja nda?» Bamosɔmbɛdja boo: «Dja Kaisala!» 25Na bea Yesu abala boo: «Ekada bea putani odii Kaisala mua imahodjaka yo, ko odii Ndjambe moda momɔti.» 26Baihɔnɔ omodiha na ibunga ta bibaeli bande. Endolo, baluma na okamoa na esɔmbɛdjeli ɛ nde ko bada ogoo.
Ihɔdja diko la opusoama
(Hokea koko Mat 22, 23-33; Mal 12, 18-27)
27Ekenge ɛ Basadukai badua mbuti na Yesu. – Ibo tebadhime opusoama ba bato bago. – Bamohɔdja 28moda muu boo: «Molehi, Mose alokinea mobeko mua imakomama boo: “Ekada momi ona oobali mwali agwi pɛpɛ obota, eboani boo mwanango abale mwali okini yo bɛngɛ boo amodihee mbota.” 29Na bea ɛdaka na bana bami saambo ba ibota imɔti. Ɔboso aosɔ mwali ko agwa pɛpɛ obota na nde. 30Ɔbabae aosɔ mwali ona ɔɔgwa na moomi ko agwa pɛpɛ mwana, 31ɔbasato moda momɔti. Ibo basusu saambo, bagwa pɛpɛ okina bana. 32Ta suka, mwali agwa koko. 33Ekada bea, ta iswi la opusoama la bago, mwali ona adabi ɔ nda? Tina ɛ bo ibo basusu saambo badaka baami ba nde!» 34Yesu abasɔmbɛdja boo: «Haa ta ngondo hee bali na baami badii oosɔnɔ; 35endolo bato ba odjoo ibaeni Ndjambe boo babɔngi opusoama ta ndanda ɛ bago ko ohela ta ngondo ena eduake tebaosɔne. 36Bahɔniti naikina ogwa, badii elengɛ babwɛndi. Badii bana ba Ndjambe, tina ɛ boo baapusoama. 37Mose ainedja ohuu boo bago bapusoabi, ta isolo la mole imadaka mayoa, abea Kumu “Ndjambe ɔ Abalayama, Ndjambe ɔ Isaka ko Ndjambe ɔ Yakobo.” 38Yesu abakea boo: Ndjambe adi Ndjambe ɔ bato ba mohelo, titi ɔ bago, tina ɛ bo odii yo bato basusu badii na mohelo.» 39Bato ba edjebeli ɛ mibeko babala nande boo: «Molehi, obali opele.» 40Ko baiwa hɔnɔ omohɔdja koko mahɔdja makina.
Masiya na Davidi
(Hokea koko Mat 22, 41-46; Mal 12, 35-37)
41Yesu abala nabu boo: «Moda ndani baboani obala boo Masiya adi moto ɔ mbota ɛ Davidi? 42Tina ɛ boo Davidi abala yo mɛɛnɛ ta buku ɛ Biembo boo:
“Ndjambe abala na Kumu ɔ mbai boo:
Daa ta ebɔ ɛ mbai ɛ baami,
43mbunoko ehole elongealea mbai baloni ba wɛ boo badae ebakeli ɛ wɛ ɛ mako.”
44Na bea Davidi abea Masiya “Kumu” : Moda ndani Masiya ahɔni koko oda ta mbota ɛ Davidi?»
Yesu akebedjai bato ba edjebeli ɛ mibeko
(Hokea koko Mat 23, 1-36; Mal 12, 38-40)
45Ehole ɛdaka bato basusu bamohokamedja, Yesu abala na batingami ba nde boo: 46«Kebani na bato ba edjebeli ɛ mibeko ibakasepe odala na mikoto miyai ma motwuia ko ibakapale ndese dja ekumu ta bisika biboli bato; bakahombe bidie ba boso ta ndako dja miongɔnɔ ma Bayuda ko bisika ba ekumu ta tɛkɛ inɛnɛ. 47Bakakatoe bali ibagwa na baami leka la bobo losusu ko, oko ta ehole ena, bakaongɔɔne miɔngɔɔnɔ miyai bɛngɛ babale boo bakadjebe Ndjambe. Basambedjamabi na opipo mɛɛnɛ.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)