LUKA 19
19
Yesu na Djakayo
1Ɔingea Yesu ta Yeliko, ko akatisa ibonga. 2Moto omɔti adaka ena ɔ kombe ɛ Djakayo; adaka kumu ɔ baputedjɛli ba puti ko adaka modiheli. 3Ahombaka aenɛ Yesu, endolo ta tina ɛ bato bike aihɔnɔ omoenɛ, tina ɛ boo adaka mokuhe. 4Bea apeta boso ko aihwea ta mole ma kombe ɛ sikomɔlɔ, bɛngɛ boo aenɛ Yesu ona oboanaka onɔ ena. 5Ehole eimea Yesu ta esika ena, aihwedja miso o diko ko abala na Djakayo boo: «Tita pɛpɛlɛ, Djakayo, tina ɛ boo eboani nahwɛɛ ta ndako ɛ wɛ busabu.» 6Djakayo atita pɛpɛlɛ ko amosɔ na sepi. 7Ɔenɛ bo modjɔ mua, ibo basusu batuka Yesu; babala boo: «Moto hoo akɛi ahwɛɛ odii moto ɔ masumu!» 8Endolo Djakayo, aema diko boso ba Kumu, abala na nde boo: «Hokamedja, Kumu, napalea ekenge ɛ odiheli ba mbai odii bakwali, ko ekada bo nakatoa eka ndani odii moto, namosɔmbɛdjalea yo mbala inei.» 9Yesu abala na nde boo: «Busabu, mohelo modoi ta ndako hee, tina ɛ boo Djakayo koko adii ɔ mbota ɛ Abalayama! 10Tina ɛ boo Mwana ɔ moto adoa ahomba ko aheledja bia ibabunga.»
Indjɛ la pata dja wolo
(Hokea koko Mat 25, 14-30)
11Ehole edaka bato bia bamooka Yesu abala koko ikina indjɛ tina ɛ adaka mbuti na Yelusalema ko bato balɛdjaka boo Okumu ba Ndjambe boenɛmɛlɛa oko ta ehole ena. 12Na bea Yesu abala na bu boo: «Moto omɔti ɔ ibota la ekumu akɛɛ ta ngando ɛ ohali bɛngɛ bamoimedjae kumu; ngɔngɔ djia ahule. 13Boso ba okɛ, abea basali ba nde doomi, apa engi moto ikondja inɛnɛ ko abala na bu boo: “Kɔɔni mombongu na ikondja dii mbunoko ta ihule la mbai.” 14Endolo bato ba ngando ɛ nde bamokea swɛ; baloma bato bakina ngɔngɔ dja nde tina ɛ obala na nde boo: “Loloni boo adae kumu ɔ booso.” 15Noko bea bamoimedja kumu ko ahula ta ngando ɛ nde. Na bea abea basali ibapa yo ikondja, tina ɛ odjeba eka ɛbakea boo. 16Ɔ boso adoa ko abala boo: “Kumu, nabakea doomi diko la ikondja lapani wɛ.” 17Abala na nde boo: “Edii opele, odii mosali mopele; tina ɛ boo odaki na sooti ta midjɔ mikɛkɛ, naomedjalea gupunɛlɛ ɔ mabonga doomi.” 18Mosali ɔ babae adua ko abala boo: “Kumu, nabakea itano diko la ikondja lapani wɛ.” 19Kumu abala na nde boo: “Wɛ, naoimedjalea gupunɛlɛ ɔ mabonga matano.” 20Okina adoa ko abala boo: “Kumu, hokea ikondja la wɛ; nalibomba ta esendja. 21Nadaka na bɔɔ ba wɛ, tina ɛ boo odii moto ɔ mongangale: okatombe leka ilodii pɛpɛ oda la wɛ, okabuke ta esika edii wɛ pɛpɛ oona.” 22Kumu abala na nde boo: “Mosali mobe, mbai naosambedjalea okimana na bibaeli ba wɛ. Ɔdjebaka boo nadii moto ɔ mongangale, nakatombe leka lodii pɛpɛ oda la mbai ko nakabuke ta esika edii mbai pɛpɛ oona. 23Bea, tina ɛdaa na wɛ pɛpɛ oisa ikondja la mbai ta ndako ekabombebo makondja nda? Ta ihule la mbai, ikɔki bakeani ikondja ikina diko.” 24Ngɔngɔ djia abala na ibadaka ena boo: “Mokatoani ikondja dia ko lipani odii ona odii na doomi.” 25Babala na nde boo: “Kumu, yo adii na doomi ehele!” 26“Nabalaka na nu boo, bapalea onɔ odii ona opeli, endolo ona odii pɛpɛ eka, bamokatoalea noko ena epeli yo. 27Ta tina ɛ bia ibalona boo nadae kumu ɔ bobo, duani na bu haa ko baowani boso ba mbai.”»
Yesu aingei ta Yelusalema
(Hokea koko Mat 21, 1-11; Mal 11, 1-10; Yoa 12, 12-19)
28Ɔsidja Yesu obala bea, adala boso ba bato tina ɛ okɛ ta Yelusalema.
29Ehole ɛbatama yo na Betefadje ko na Betania, mbuti na ngomba ɛ mele ma Olive, aloma batingami ba nde babae: 30Abala na bu boo: «Kɛɛni oho ta ngando ena edii o boso. Ehole eimealeano ena, otanealeani mwana ɔ punda atingi, ona odii pɛpɛ moto obakama. Motingoani ko doani na nde ha. 31Ekada moto akaohɔdjani bo: “Tin'ɛmotingoaka na nu nda?”, balani na nde bo: “Kumu akambaka na nde.”»
32Bato ibaloma yo bakɛɛ ko batanea midjɔ misusu oko moda mamayo bala. 33Ta ehole ɛdakabo bamotingoa, baswa nde babala na bu boo: «Otingoakani mwana ɔ punda tina nda?» 34Babasɔmbɛdja boo: «Kumu akambaka na nde.» 35Ngɔngɔ djia, bakɛɛ na nde odii Yesu; bamobakea bisendja ba bobo ko badedja Yesu diko la nde. 36Ehole ɛdaka yo adale, bato baondeaka bisendja ba bobo ta ndjia.
37Ɔbatama yo na Yelusalema, ta ndjia ena etitaka ta ngomba ɛ mele ma Olive, emumu ɛ batingami ba nde ɛluma na sepi, ɛbanga okumedja Ndjambe na kopɛ epipo tina ɛ midjɔ ma okamwa imaenɛkɛ bo. 38Babalaka boo: «Yɛɛ boo Ndjambe adjongoe kumu ona oodoi ta kombe ɛ nde! Bogoo ta busa ko ekumu odii Ndjambe!»
39Bakina Bafalusai, ibadaka ta ndanda ɛ bato bia bikɛ, babala na Yesu boo: «Molehi, sia batingami ba wɛ badae ogoo.» 40Yesu asɔmbɛjda boo: «Nabalaka na nu ohuu boo noko bakadaa ogoo, ndeke djigamalea!»
Yesu ayei diko la Yelusalema
41Ehole ɛimea Yesu mbuti na ibonga la Yelusalema ko alieni, ayea diko la lu, 42ko abala boo: «Ekadaa boo ɔdjebaki midjɔ mikapɛ ogoo! Endolo hadɛdi, midii mibombamake ta miso ma wɛ. 43Tina ɛ boo maswi maduake, baloni ba wɛ baohikabi na bitutuku bipipo tina ɛ oona na wɛ bila ko baoswɛtɛmedjabi mɔɔngɔ masusu. 44Baobedjabi na osusu, wɛ na bato ba wɛ; baokineetebi noko mondeke momɔti diko la mokina, tina ɛ bo ɔidjeba ehole ɛdoa Ndjambe aokɔmɛdja!»
Yesu abengani bato ba mimbongu ta tepelo
(Hokea koko Mat 21, 12-17; Mal 11, 15-17; Yoa 2, 13-22)
45Yesu aingea ta tepelo ko abanga obengana bato ba mimbongu. 46Abala na bu boo: «Ta Makomi Masɛnɔke, Ndjambe abala ohuu boo: “Ndako ɛ mbai edabi esika ɛ miɔngɔɔnɔ.” Ekahia ino, oyeimedjaini esika ɛ baibi!»
47Yesu alehaka maswi masusu ta tepelo. Bakumu ba banganga ba Ndjambe, bato ba edjebeli ɛ mibeko na bakumu ba bato ba ngando, bahombaka boo bamowoe. 48Endolo baidiha ndjia ɛ omowa, tina ɛ boo bato basusu badaka baoka Yesu na posa enɛnɛ.
လက္ရွိေရြးခ်ယ္ထားမွု
LUKA 19: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 19
19
Yesu na Djakayo
1Ɔingea Yesu ta Yeliko, ko akatisa ibonga. 2Moto omɔti adaka ena ɔ kombe ɛ Djakayo; adaka kumu ɔ baputedjɛli ba puti ko adaka modiheli. 3Ahombaka aenɛ Yesu, endolo ta tina ɛ bato bike aihɔnɔ omoenɛ, tina ɛ boo adaka mokuhe. 4Bea apeta boso ko aihwea ta mole ma kombe ɛ sikomɔlɔ, bɛngɛ boo aenɛ Yesu ona oboanaka onɔ ena. 5Ehole eimea Yesu ta esika ena, aihwedja miso o diko ko abala na Djakayo boo: «Tita pɛpɛlɛ, Djakayo, tina ɛ boo eboani nahwɛɛ ta ndako ɛ wɛ busabu.» 6Djakayo atita pɛpɛlɛ ko amosɔ na sepi. 7Ɔenɛ bo modjɔ mua, ibo basusu batuka Yesu; babala boo: «Moto hoo akɛi ahwɛɛ odii moto ɔ masumu!» 8Endolo Djakayo, aema diko boso ba Kumu, abala na nde boo: «Hokamedja, Kumu, napalea ekenge ɛ odiheli ba mbai odii bakwali, ko ekada bo nakatoa eka ndani odii moto, namosɔmbɛdjalea yo mbala inei.» 9Yesu abala na nde boo: «Busabu, mohelo modoi ta ndako hee, tina ɛ boo Djakayo koko adii ɔ mbota ɛ Abalayama! 10Tina ɛ boo Mwana ɔ moto adoa ahomba ko aheledja bia ibabunga.»
Indjɛ la pata dja wolo
(Hokea koko Mat 25, 14-30)
11Ehole edaka bato bia bamooka Yesu abala koko ikina indjɛ tina ɛ adaka mbuti na Yelusalema ko bato balɛdjaka boo Okumu ba Ndjambe boenɛmɛlɛa oko ta ehole ena. 12Na bea Yesu abala na bu boo: «Moto omɔti ɔ ibota la ekumu akɛɛ ta ngando ɛ ohali bɛngɛ bamoimedjae kumu; ngɔngɔ djia ahule. 13Boso ba okɛ, abea basali ba nde doomi, apa engi moto ikondja inɛnɛ ko abala na bu boo: “Kɔɔni mombongu na ikondja dii mbunoko ta ihule la mbai.” 14Endolo bato ba ngando ɛ nde bamokea swɛ; baloma bato bakina ngɔngɔ dja nde tina ɛ obala na nde boo: “Loloni boo adae kumu ɔ booso.” 15Noko bea bamoimedja kumu ko ahula ta ngando ɛ nde. Na bea abea basali ibapa yo ikondja, tina ɛ odjeba eka ɛbakea boo. 16Ɔ boso adoa ko abala boo: “Kumu, nabakea doomi diko la ikondja lapani wɛ.” 17Abala na nde boo: “Edii opele, odii mosali mopele; tina ɛ boo odaki na sooti ta midjɔ mikɛkɛ, naomedjalea gupunɛlɛ ɔ mabonga doomi.” 18Mosali ɔ babae adua ko abala boo: “Kumu, nabakea itano diko la ikondja lapani wɛ.” 19Kumu abala na nde boo: “Wɛ, naoimedjalea gupunɛlɛ ɔ mabonga matano.” 20Okina adoa ko abala boo: “Kumu, hokea ikondja la wɛ; nalibomba ta esendja. 21Nadaka na bɔɔ ba wɛ, tina ɛ boo odii moto ɔ mongangale: okatombe leka ilodii pɛpɛ oda la wɛ, okabuke ta esika edii wɛ pɛpɛ oona.” 22Kumu abala na nde boo: “Mosali mobe, mbai naosambedjalea okimana na bibaeli ba wɛ. Ɔdjebaka boo nadii moto ɔ mongangale, nakatombe leka lodii pɛpɛ oda la mbai ko nakabuke ta esika edii mbai pɛpɛ oona. 23Bea, tina ɛdaa na wɛ pɛpɛ oisa ikondja la mbai ta ndako ekabombebo makondja nda? Ta ihule la mbai, ikɔki bakeani ikondja ikina diko.” 24Ngɔngɔ djia abala na ibadaka ena boo: “Mokatoani ikondja dia ko lipani odii ona odii na doomi.” 25Babala na nde boo: “Kumu, yo adii na doomi ehele!” 26“Nabalaka na nu boo, bapalea onɔ odii ona opeli, endolo ona odii pɛpɛ eka, bamokatoalea noko ena epeli yo. 27Ta tina ɛ bia ibalona boo nadae kumu ɔ bobo, duani na bu haa ko baowani boso ba mbai.”»
Yesu aingei ta Yelusalema
(Hokea koko Mat 21, 1-11; Mal 11, 1-10; Yoa 12, 12-19)
28Ɔsidja Yesu obala bea, adala boso ba bato tina ɛ okɛ ta Yelusalema.
29Ehole ɛbatama yo na Betefadje ko na Betania, mbuti na ngomba ɛ mele ma Olive, aloma batingami ba nde babae: 30Abala na bu boo: «Kɛɛni oho ta ngando ena edii o boso. Ehole eimealeano ena, otanealeani mwana ɔ punda atingi, ona odii pɛpɛ moto obakama. Motingoani ko doani na nde ha. 31Ekada moto akaohɔdjani bo: “Tin'ɛmotingoaka na nu nda?”, balani na nde bo: “Kumu akambaka na nde.”»
32Bato ibaloma yo bakɛɛ ko batanea midjɔ misusu oko moda mamayo bala. 33Ta ehole ɛdakabo bamotingoa, baswa nde babala na bu boo: «Otingoakani mwana ɔ punda tina nda?» 34Babasɔmbɛdja boo: «Kumu akambaka na nde.» 35Ngɔngɔ djia, bakɛɛ na nde odii Yesu; bamobakea bisendja ba bobo ko badedja Yesu diko la nde. 36Ehole ɛdaka yo adale, bato baondeaka bisendja ba bobo ta ndjia.
37Ɔbatama yo na Yelusalema, ta ndjia ena etitaka ta ngomba ɛ mele ma Olive, emumu ɛ batingami ba nde ɛluma na sepi, ɛbanga okumedja Ndjambe na kopɛ epipo tina ɛ midjɔ ma okamwa imaenɛkɛ bo. 38Babalaka boo: «Yɛɛ boo Ndjambe adjongoe kumu ona oodoi ta kombe ɛ nde! Bogoo ta busa ko ekumu odii Ndjambe!»
39Bakina Bafalusai, ibadaka ta ndanda ɛ bato bia bikɛ, babala na Yesu boo: «Molehi, sia batingami ba wɛ badae ogoo.» 40Yesu asɔmbɛjda boo: «Nabalaka na nu ohuu boo noko bakadaa ogoo, ndeke djigamalea!»
Yesu ayei diko la Yelusalema
41Ehole ɛimea Yesu mbuti na ibonga la Yelusalema ko alieni, ayea diko la lu, 42ko abala boo: «Ekadaa boo ɔdjebaki midjɔ mikapɛ ogoo! Endolo hadɛdi, midii mibombamake ta miso ma wɛ. 43Tina ɛ boo maswi maduake, baloni ba wɛ baohikabi na bitutuku bipipo tina ɛ oona na wɛ bila ko baoswɛtɛmedjabi mɔɔngɔ masusu. 44Baobedjabi na osusu, wɛ na bato ba wɛ; baokineetebi noko mondeke momɔti diko la mokina, tina ɛ bo ɔidjeba ehole ɛdoa Ndjambe aokɔmɛdja!»
Yesu abengani bato ba mimbongu ta tepelo
(Hokea koko Mat 21, 12-17; Mal 11, 15-17; Yoa 2, 13-22)
45Yesu aingea ta tepelo ko abanga obengana bato ba mimbongu. 46Abala na bu boo: «Ta Makomi Masɛnɔke, Ndjambe abala ohuu boo: “Ndako ɛ mbai edabi esika ɛ miɔngɔɔnɔ.” Ekahia ino, oyeimedjaini esika ɛ baibi!»
47Yesu alehaka maswi masusu ta tepelo. Bakumu ba banganga ba Ndjambe, bato ba edjebeli ɛ mibeko na bakumu ba bato ba ngando, bahombaka boo bamowoe. 48Endolo baidiha ndjia ɛ omowa, tina ɛ boo bato basusu badaka baoka Yesu na posa enɛnɛ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)