YOANI 2
2
Tɛkɛ ɛ moki ta Kana
1Ngɔngɔ dja maswi mabae, tɛkɛ ɛ moki ɛdaka ta Kana, ɛ Galilai. Nɛngɛ Yesu adaka ena, 2ko Yesu na batingami ba nde babeama koko ta tɛkɛ ena ɛ moki. 3Ehole esia vino, nɛngɛ Yesu abala na nde boo: «Baditi na vino.» 4Endolo Yesu amosɔmbɛdja boo: «Mama, modjɔ ma wɛ na mbai nda? Ehole ɛ mbai epakita imea.» 5Nango abala na basali boo: «Kɔɔni midjɔ misusu mibalalea yo na nu.» 6Mindungu misamano ma ndeke madaka ena imakɔmɛdjaka Bayuda tina ɛ osɛnɔdjama ba bobo. Mondungu momɔti maingiaka litele mokama. 7Yesu abala na basali boo: «Lumedjani mindungu mia na madiba.» Bamilumedja otɔɔ mɛnɛ. 8Bea Yesu abala na bu boo: «Hadɛdi lokani maa ekenge ɔ madiba mia ko kɛɛ amapɛni moswa tɛkɛ.» Bakɔɔ oko moda mua. 9Moswa tɛkɛ ameka madiba imahombana vino, aidjeba esika ɛdonga vino ena, endolo basali ibaloka madiba ta mindungu badjebaka. Oko ena abea moomi ɔ moki 10ko abala na nde boo: «Bato basusu bakabange na okaana vino epele, bea, ehole ekamwɛ babeami obuke, babapi vino ɛ opɛtɛpɛtɛ. Endolo wɛ, obanei vino epele mbunoko hadɛdi!» 11Ena edii moda makɔɔ Yesu ekamodjɛli ɛ nde ɛ mbangi ta Kana, ngando ɛ Galilai. Ainedja ekumu ɛ nde, ko batingami ba nde bamodimea. 12Ngɔngɔ djia Yesu akɛɛ ta Kapalanauma engbanga emɔti na nango, na bananango na batingami ba nde. Badaa oho maa ekenge ɔ maswi.
Yesu abengani batɛki ta Tepelo
(Hokea koko Mat 21, 12-13; Mal 11, 15-17; Luk 19, 45-46)
13Tɛkɛ ɛ Bayuda ɛ Pasika ɛimea mbuti ko Yesu akɛɛ ta Yelusalɛmɛ. 14Ta tiangando ɛ tepelo atanea batɛki ba ngɔmbɛ, bhata, na bimbenga ko na bato bakasɔmbɔtɔne falanga badii ta mesa dja bobo. 15Bea, akɔɔ pimbo na mikulu ko ababengana ibo basusu o sokolu ɛ tiangando ɛ tepelo, na bhata ba bobo na ngɔmbɛ ba bobo; ananganedja falanga dja bato ibakadjisɔmbɔtɔne, akalimodja mesa dja bobo; 16ko abala na batɛki ba bimbenga boo: «Dongedjani leka la boono losusu haa! Pɛpɛ oimedjani ndako ɛ Tata ɔ mbai ndako ɛ ndomba!» 17Batingami ba nde babanga olɛdja midjɔ mii imakomama boo: «Aa Ndjambe! Epaeli edii na mbai tina ɛ ndako ɛ wɛ, etumbini elengɛɛ mosa#2, 17 Bie 69, 10.»
18Bea bakumu ba Bayuda babala na Yesu boo: «Embete ɛ okamoa ndani ehɔni okɔ, bɛngɛ oloinedjae boo odii na makɔki ma okɔ bea?» 19Yesu abasɔmbɛdja boo: «Bukani tepelo hee, ko nayeemedjalea na maswi masato.» – 20Bayuda babala na nde boo: «Tepelo hee bayepika mbua tuku inei na basamano, ko wɛ, oyemedjae na maswi masato?» 21Endolo tepelo ɛbalaka Yesu ɛdaka wɛtɛ mokuku ma nde. 22Ngɔngɔ djia opusoa ba Yesu ta ndanda ɛ bago, batingami ba nde balɛdja bo abalaka bea; ko badhima Makomi na bibaeli ibabalaka Yesu.
Yesu adjebi opele molema ma moto.
23Ehole ɛdaka Yesu ta Yelusalɛmɛ, ta tɛkɛ ɛ Bayuda ɛ Pasika, bato bike badhima kombe ɛ nde ta oenɛ midjɔ ma okamwa imakɔkɔ yo. 24Endolo Yesu aisapaka nabu, tin'ɛ boo adjebaka ibo basusu opele mɛɛnɛ. 25Aikambaka boo bamodjebedjae modjɔ diko la moto tin'ɛ boo yo mɛɛnɛ adjebaka eka edii ta tei ɛ molema ma moto.
လက္ရွိေရြးခ်ယ္ထားမွု
YOANI 2: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANI 2
2
Tɛkɛ ɛ moki ta Kana
1Ngɔngɔ dja maswi mabae, tɛkɛ ɛ moki ɛdaka ta Kana, ɛ Galilai. Nɛngɛ Yesu adaka ena, 2ko Yesu na batingami ba nde babeama koko ta tɛkɛ ena ɛ moki. 3Ehole esia vino, nɛngɛ Yesu abala na nde boo: «Baditi na vino.» 4Endolo Yesu amosɔmbɛdja boo: «Mama, modjɔ ma wɛ na mbai nda? Ehole ɛ mbai epakita imea.» 5Nango abala na basali boo: «Kɔɔni midjɔ misusu mibalalea yo na nu.» 6Mindungu misamano ma ndeke madaka ena imakɔmɛdjaka Bayuda tina ɛ osɛnɔdjama ba bobo. Mondungu momɔti maingiaka litele mokama. 7Yesu abala na basali boo: «Lumedjani mindungu mia na madiba.» Bamilumedja otɔɔ mɛnɛ. 8Bea Yesu abala na bu boo: «Hadɛdi lokani maa ekenge ɔ madiba mia ko kɛɛ amapɛni moswa tɛkɛ.» Bakɔɔ oko moda mua. 9Moswa tɛkɛ ameka madiba imahombana vino, aidjeba esika ɛdonga vino ena, endolo basali ibaloka madiba ta mindungu badjebaka. Oko ena abea moomi ɔ moki 10ko abala na nde boo: «Bato basusu bakabange na okaana vino epele, bea, ehole ekamwɛ babeami obuke, babapi vino ɛ opɛtɛpɛtɛ. Endolo wɛ, obanei vino epele mbunoko hadɛdi!» 11Ena edii moda makɔɔ Yesu ekamodjɛli ɛ nde ɛ mbangi ta Kana, ngando ɛ Galilai. Ainedja ekumu ɛ nde, ko batingami ba nde bamodimea. 12Ngɔngɔ djia Yesu akɛɛ ta Kapalanauma engbanga emɔti na nango, na bananango na batingami ba nde. Badaa oho maa ekenge ɔ maswi.
Yesu abengani batɛki ta Tepelo
(Hokea koko Mat 21, 12-13; Mal 11, 15-17; Luk 19, 45-46)
13Tɛkɛ ɛ Bayuda ɛ Pasika ɛimea mbuti ko Yesu akɛɛ ta Yelusalɛmɛ. 14Ta tiangando ɛ tepelo atanea batɛki ba ngɔmbɛ, bhata, na bimbenga ko na bato bakasɔmbɔtɔne falanga badii ta mesa dja bobo. 15Bea, akɔɔ pimbo na mikulu ko ababengana ibo basusu o sokolu ɛ tiangando ɛ tepelo, na bhata ba bobo na ngɔmbɛ ba bobo; ananganedja falanga dja bato ibakadjisɔmbɔtɔne, akalimodja mesa dja bobo; 16ko abala na batɛki ba bimbenga boo: «Dongedjani leka la boono losusu haa! Pɛpɛ oimedjani ndako ɛ Tata ɔ mbai ndako ɛ ndomba!» 17Batingami ba nde babanga olɛdja midjɔ mii imakomama boo: «Aa Ndjambe! Epaeli edii na mbai tina ɛ ndako ɛ wɛ, etumbini elengɛɛ mosa#2, 17 Bie 69, 10.»
18Bea bakumu ba Bayuda babala na Yesu boo: «Embete ɛ okamoa ndani ehɔni okɔ, bɛngɛ oloinedjae boo odii na makɔki ma okɔ bea?» 19Yesu abasɔmbɛdja boo: «Bukani tepelo hee, ko nayeemedjalea na maswi masato.» – 20Bayuda babala na nde boo: «Tepelo hee bayepika mbua tuku inei na basamano, ko wɛ, oyemedjae na maswi masato?» 21Endolo tepelo ɛbalaka Yesu ɛdaka wɛtɛ mokuku ma nde. 22Ngɔngɔ djia opusoa ba Yesu ta ndanda ɛ bago, batingami ba nde balɛdja bo abalaka bea; ko badhima Makomi na bibaeli ibabalaka Yesu.
Yesu adjebi opele molema ma moto.
23Ehole ɛdaka Yesu ta Yelusalɛmɛ, ta tɛkɛ ɛ Bayuda ɛ Pasika, bato bike badhima kombe ɛ nde ta oenɛ midjɔ ma okamwa imakɔkɔ yo. 24Endolo Yesu aisapaka nabu, tin'ɛ boo adjebaka ibo basusu opele mɛɛnɛ. 25Aikambaka boo bamodjebedjae modjɔ diko la moto tin'ɛ boo yo mɛɛnɛ adjebaka eka edii ta tei ɛ molema ma moto.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)