YOANI 11
11
Ogwa ba Ladjalo
1Ta Betania ɛdaka na moto omɔti Ladjalo ona ɔdaka na epeko, adaka na bangɛnɛ ba nde Malia na Malata. 2Malia adaka mwali ona osopa malasi ta bigbota ba Kumu ko abihakoa na swee dja nde, ko ɛdaka mwanango Ladjalo moto ɔdaka na epeko. – 3Bangɛnɛ babae ba Ladjalo baloma moto abala na Yesu boo: «Kumu, moto ona okapale wɛ apekaka.» 4Ehole ɛosɔ Yesu mosise mua, abala boo: «Epeko ɛ Ladjalo emowoetelea; edii oko tina ɛ oenɛmedja ekumu ɛ Ndjambe, ko bɛngɛ Mwana ɔ Ndjambe akumedjame na yu.» 5Yesu apalaka Malata na mwanango Malia, na Ladjalo koko. 6Noko ena ɔoka yo boo Ladjalo apekaka, anɛngɛdja koko maswi mabae ta esika; ɛdaka yo, 7ngɔngɔ djia, abala na batingami ba nde boo: «Lasɔmbeni ta Yuda.» 8Batingami bamosɔmbɛdja boo: «Molehi, enɔi ma ehole mokɛkɛ Bayuda bahɔmbaki baowoe na ndeke ko ɔpalaka ɔsɔmbe koko oho?» 9Yesu abasɔmbɛdja boo: «Busa boditi na bihole doomi na bibae? Ekadaa boo moto adali na busa, atataa mabaku tina ɛ boo adii oenɛ ohuu ba ngondo hee. 10Endolo moto akadala na bulu, adii otaa mabaku, tina ɛ boo ohuu boditi ta tei ɛ nde.» 11Ngɔngɔ dja obala bea, Yesu abakia boo: «Mopalani ɔ boso Ladjalo ahwɛli hiɔ, endolo nakɛi amongɔdja.» 12Batingami babala na nde boo: «Kumu, ekadaa boo ahwɛli hiɔ, ahelalea.» 13Ena bea Yesu abalaka tina ɛ ogwa, endolo batingami balɛdjaka boo ɛdaka hiɔ dja modjebeano. 14Na bea Yesu abala na bu ohuu boo: «Ladjalo agwi. 15Nadii na sepi tina ɛ boo odakitini oho, tina ɛ boo modjɔ mua mopingedjalea edhimeli ɛ boono. Endolo lakɛɛni mbuti na nde.» 16Bea Toma –, ɔbeaka bo Ipasa – abala na batingami bakina boo: «Lakɛɛni oho, iso koko, tina ɛ ogwa engbanga iso na nde!»
Yesu adii ipuso na mohelo
17Ɔimea yo, Yesu aoka boo Ladjalo apuseama ehele ta ikila maswi manei. 18Betania ɛdaka mbuti na Yelusalɛmɛ mbuti na kilomɛtɛlɛ isato, 19Bayuda bike badoa odii Malata nɔbɔ Malia tina ɛ obapingedja milema ta ogwa ba mwangwabu moomi. 20Ehole ɛoka Malata boo Yesu aimeake, akɛɛ asaka na nde; endolo Malia adikaa adii ta ndako. 21Malata abala na Yesu boo: «Kumu, okɔki wɛ daa haa, eke mwaninga agwiti. 22Endolo noko hadɛdi, nadjebi boo Ndjambe aopalea eka esusu emohɔdjalea wɛ.» 23Yesu abala na nde boo: «Mwangwao apusoalea.» 24Malata amosɔmbɛdja boo: «Nadjebaka boo apusoamabi ta iswi la suka ehole ɛ opusoama ba bago.» 25Yesu abala na nde boo: «Mbai nadii ipuso na mohelo. Moto ona odimeakani ahelabi, noko ekadaa boo agwi; 26ona ɔhelaka ko ɔdhimeakani agwɛtebi noko osinɛɛ. Ɔdhimaka bea?» – 27Maata asɔmbɛdja boo: «Edii bea, Kumu, nadhimi odii Masia, Mwana ɔ Ndjambe, ona ɔboanaka odoa ta ngondo.»
Yesu ayei
28Ngɔngɔ dja Maata obala bea, akɛɛ abea ngɛnɛ o nde Malia ko abala na nde na popoli boo: «Molehi aimei aobeaka.» 29Ehole ɛoka Malia bea, aema ko akɛɛ pɛpɛlɛ odii Yesu. 30Ena bea Yesu aipetaka ingea ta ngando, endolo adaka oko ta esika ena esaka yo nɔbɔ Malata. 31Bayuda ibadaka ta ndako engbanga na Malia tina ɛ omopingedja molema ɔenɛ bo boo aema pɛpɛlɛ, bamokimana. Balɛdjaka boo akɛi ta ikila tina ɛ oyea. 32Ɔimea Malia ta esika ɛdaka Yesu; ɔmoenɛ yo, asadumba ta mako ma nde ko abala na nde boo: «Kumu, okɔki wɛ daa haa, eke mwaninga agwiti.» 33Yesu ɔenɛ yo boo Malia ayeaka, engbanga na Bayuda ibadua na nde. Aoka ndjokwa enɛnɛ ko saya ta molema, 34ko abahɔdja boo: «Omopuseino hɔ?» Bamosɔmbɛdja boo: «Kumu, dua aindje.» 35Yesu ayea. 36Na bea Bayuda babala boo: «Hokeani, moda mamopalaka yo!» 37Endolo bakina ta ndanda ɛ bobo babalaka boo: «Yo moto ɔɔheledja miso ma moto ɔɔgwa miso, moda ndani ahɔniti osia boo Ladjalo atagwa?»
Ladjalo asɔmbi ta mohelo
38Yesu, aoka koko ndjokwa enɛnɛ ta molema, akɛɛ ta ikila. Ɛdaka ikila la mondeke iladipamaka na mondeke ta eingeli ɛ lu. 39Yesu abala na bu boo: «Dongedjani mondeke.» Malata, ngɛnɛ ɛ mowei, abala na nde boo: «Kumu, akɔi so, ekoki maswi manei donga okundami yo.» 40Endolo Yesu amosɔmbɛdja boo: «Nabalakiti na wɛ? Okadhima, oenɛlea ekumu ɛ Ndjambe.» 41Na bea badongedja mondeke. Yesu akaloa miso o diko ko abala boo: «Tata, naosakoi tina ɛ boo ookini. 42Nadjebi boo okaokeni bihole bisusu, endolo nabalaka bea tina ɛ bato bii bahikini, bɛngɛ badhime boo ɔlomani.» 43Ngɔngɔ dja obala bea, agama na ngulu boo: «Ladjalo, imana!» 44Mowei aimana, mabɔ na mako madingamake na biale ba bisendja ko mbanda ehuamake na esendja. Bea Yesu abala boo: «Mololoani ko mokinani akɛɛ.»
Kuta ebe diko la Yesu
(Hokea koko Mat 26, 1-5; Mal 14, 1-2; Luk 22, 1-2)
45Bayuda bike ibadua odii Malia ko ibaenɛ modjɔ makɔɔ Yesu, bamodhima. 46Endolo bakina ta ndanda ɛ bobo bakɛɛ odii Bafalusai ko babatɔndɔɔ modjɔ imakɔɔ Yesu. 47Bea bakumu ba banganga ba Ndjambe na Bafalusai babolea tibinalo eenɛnɛ ko babala boo: «Ɔkɔkɔ so enao? Tina ɛ boo moto hoo akɔkɔ bimbete bike ba okamoa! 48Lokamokina boo akɔe bea, bato basusu bamodhimealea, ko bakumu ba Baloma badoalea ko babeedjalea tepelo ɛ booso na mbota dja booso!» 49Omɔti ɔ bobo, Kaifa, ona ɔdaka kumu monɛnɛ ɔ ba banganga ba Ndjambe, ta mbua ona, abala na bu boo: «Ino otasipoakani eka! 50Otaenɛkɛni boo enɔi na opele moto omɔti agwɛ tina ɛ bato basusu bɛa ekomi esusu ɛdae pɛpɛ obeedjama?» 51Bea, bibaeli ba Kaifa baidonga odii yo mɛɛnɛ; endolo, elengɛɛ ɔdaka yo nganga monɛnɛ ta mbua ona, atɛlɛkɛ boo Yesu aboani ogwa tin'ɛ mbota ɛ Yuda, 52ko editi etoko tina ɛ ekomi ena, endolo tin'ɛ oputoanedja esika emɔti bana basusu ba Ndjambe ibanangana. 53Donga busa bua, bakumu ba Bayuda badimeana boo baowoe Yesu. 54Ta tina ena Yesu akina osaenɛmedja koko ohuu ta ndanda ɛ Bayuda. Akee ta Efalaima ngando ɛɛdaka mbuti na esobe, ko adikama ena engbanga na batingami ba nde. 55Tɛkɛ ɛ Bayuda ɛ Pasika ɛdaka mbuti, ko bato bike bakɛɛ ta Yelusalɛmɛ tina ɛ osasɛnɔdja boso ba tɛkɛ ena. 56Bahombaka Yesu ko, bea baema ootei ba tepelo, basahɔdjana boo: «Ɔledjakano enao? Aduelea ta tɛkɛ kaoko pɛpɛ?» 57Bakumu ba banganga Ndjambe na Bafalusai bapa elomu boo moto akadjeba esika edii Yesu, aboani obadjebedja bɛngɛ boo bamopee.
လက္ရွိေရြးခ်ယ္ထားမွု
YOANI 11: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANI 11
11
Ogwa ba Ladjalo
1Ta Betania ɛdaka na moto omɔti Ladjalo ona ɔdaka na epeko, adaka na bangɛnɛ ba nde Malia na Malata. 2Malia adaka mwali ona osopa malasi ta bigbota ba Kumu ko abihakoa na swee dja nde, ko ɛdaka mwanango Ladjalo moto ɔdaka na epeko. – 3Bangɛnɛ babae ba Ladjalo baloma moto abala na Yesu boo: «Kumu, moto ona okapale wɛ apekaka.» 4Ehole ɛosɔ Yesu mosise mua, abala boo: «Epeko ɛ Ladjalo emowoetelea; edii oko tina ɛ oenɛmedja ekumu ɛ Ndjambe, ko bɛngɛ Mwana ɔ Ndjambe akumedjame na yu.» 5Yesu apalaka Malata na mwanango Malia, na Ladjalo koko. 6Noko ena ɔoka yo boo Ladjalo apekaka, anɛngɛdja koko maswi mabae ta esika; ɛdaka yo, 7ngɔngɔ djia, abala na batingami ba nde boo: «Lasɔmbeni ta Yuda.» 8Batingami bamosɔmbɛdja boo: «Molehi, enɔi ma ehole mokɛkɛ Bayuda bahɔmbaki baowoe na ndeke ko ɔpalaka ɔsɔmbe koko oho?» 9Yesu abasɔmbɛdja boo: «Busa boditi na bihole doomi na bibae? Ekadaa boo moto adali na busa, atataa mabaku tina ɛ boo adii oenɛ ohuu ba ngondo hee. 10Endolo moto akadala na bulu, adii otaa mabaku, tina ɛ boo ohuu boditi ta tei ɛ nde.» 11Ngɔngɔ dja obala bea, Yesu abakia boo: «Mopalani ɔ boso Ladjalo ahwɛli hiɔ, endolo nakɛi amongɔdja.» 12Batingami babala na nde boo: «Kumu, ekadaa boo ahwɛli hiɔ, ahelalea.» 13Ena bea Yesu abalaka tina ɛ ogwa, endolo batingami balɛdjaka boo ɛdaka hiɔ dja modjebeano. 14Na bea Yesu abala na bu ohuu boo: «Ladjalo agwi. 15Nadii na sepi tina ɛ boo odakitini oho, tina ɛ boo modjɔ mua mopingedjalea edhimeli ɛ boono. Endolo lakɛɛni mbuti na nde.» 16Bea Toma –, ɔbeaka bo Ipasa – abala na batingami bakina boo: «Lakɛɛni oho, iso koko, tina ɛ ogwa engbanga iso na nde!»
Yesu adii ipuso na mohelo
17Ɔimea yo, Yesu aoka boo Ladjalo apuseama ehele ta ikila maswi manei. 18Betania ɛdaka mbuti na Yelusalɛmɛ mbuti na kilomɛtɛlɛ isato, 19Bayuda bike badoa odii Malata nɔbɔ Malia tina ɛ obapingedja milema ta ogwa ba mwangwabu moomi. 20Ehole ɛoka Malata boo Yesu aimeake, akɛɛ asaka na nde; endolo Malia adikaa adii ta ndako. 21Malata abala na Yesu boo: «Kumu, okɔki wɛ daa haa, eke mwaninga agwiti. 22Endolo noko hadɛdi, nadjebi boo Ndjambe aopalea eka esusu emohɔdjalea wɛ.» 23Yesu abala na nde boo: «Mwangwao apusoalea.» 24Malata amosɔmbɛdja boo: «Nadjebaka boo apusoamabi ta iswi la suka ehole ɛ opusoama ba bago.» 25Yesu abala na nde boo: «Mbai nadii ipuso na mohelo. Moto ona odimeakani ahelabi, noko ekadaa boo agwi; 26ona ɔhelaka ko ɔdhimeakani agwɛtebi noko osinɛɛ. Ɔdhimaka bea?» – 27Maata asɔmbɛdja boo: «Edii bea, Kumu, nadhimi odii Masia, Mwana ɔ Ndjambe, ona ɔboanaka odoa ta ngondo.»
Yesu ayei
28Ngɔngɔ dja Maata obala bea, akɛɛ abea ngɛnɛ o nde Malia ko abala na nde na popoli boo: «Molehi aimei aobeaka.» 29Ehole ɛoka Malia bea, aema ko akɛɛ pɛpɛlɛ odii Yesu. 30Ena bea Yesu aipetaka ingea ta ngando, endolo adaka oko ta esika ena esaka yo nɔbɔ Malata. 31Bayuda ibadaka ta ndako engbanga na Malia tina ɛ omopingedja molema ɔenɛ bo boo aema pɛpɛlɛ, bamokimana. Balɛdjaka boo akɛi ta ikila tina ɛ oyea. 32Ɔimea Malia ta esika ɛdaka Yesu; ɔmoenɛ yo, asadumba ta mako ma nde ko abala na nde boo: «Kumu, okɔki wɛ daa haa, eke mwaninga agwiti.» 33Yesu ɔenɛ yo boo Malia ayeaka, engbanga na Bayuda ibadua na nde. Aoka ndjokwa enɛnɛ ko saya ta molema, 34ko abahɔdja boo: «Omopuseino hɔ?» Bamosɔmbɛdja boo: «Kumu, dua aindje.» 35Yesu ayea. 36Na bea Bayuda babala boo: «Hokeani, moda mamopalaka yo!» 37Endolo bakina ta ndanda ɛ bobo babalaka boo: «Yo moto ɔɔheledja miso ma moto ɔɔgwa miso, moda ndani ahɔniti osia boo Ladjalo atagwa?»
Ladjalo asɔmbi ta mohelo
38Yesu, aoka koko ndjokwa enɛnɛ ta molema, akɛɛ ta ikila. Ɛdaka ikila la mondeke iladipamaka na mondeke ta eingeli ɛ lu. 39Yesu abala na bu boo: «Dongedjani mondeke.» Malata, ngɛnɛ ɛ mowei, abala na nde boo: «Kumu, akɔi so, ekoki maswi manei donga okundami yo.» 40Endolo Yesu amosɔmbɛdja boo: «Nabalakiti na wɛ? Okadhima, oenɛlea ekumu ɛ Ndjambe.» 41Na bea badongedja mondeke. Yesu akaloa miso o diko ko abala boo: «Tata, naosakoi tina ɛ boo ookini. 42Nadjebi boo okaokeni bihole bisusu, endolo nabalaka bea tina ɛ bato bii bahikini, bɛngɛ badhime boo ɔlomani.» 43Ngɔngɔ dja obala bea, agama na ngulu boo: «Ladjalo, imana!» 44Mowei aimana, mabɔ na mako madingamake na biale ba bisendja ko mbanda ehuamake na esendja. Bea Yesu abala boo: «Mololoani ko mokinani akɛɛ.»
Kuta ebe diko la Yesu
(Hokea koko Mat 26, 1-5; Mal 14, 1-2; Luk 22, 1-2)
45Bayuda bike ibadua odii Malia ko ibaenɛ modjɔ makɔɔ Yesu, bamodhima. 46Endolo bakina ta ndanda ɛ bobo bakɛɛ odii Bafalusai ko babatɔndɔɔ modjɔ imakɔɔ Yesu. 47Bea bakumu ba banganga ba Ndjambe na Bafalusai babolea tibinalo eenɛnɛ ko babala boo: «Ɔkɔkɔ so enao? Tina ɛ boo moto hoo akɔkɔ bimbete bike ba okamoa! 48Lokamokina boo akɔe bea, bato basusu bamodhimealea, ko bakumu ba Baloma badoalea ko babeedjalea tepelo ɛ booso na mbota dja booso!» 49Omɔti ɔ bobo, Kaifa, ona ɔdaka kumu monɛnɛ ɔ ba banganga ba Ndjambe, ta mbua ona, abala na bu boo: «Ino otasipoakani eka! 50Otaenɛkɛni boo enɔi na opele moto omɔti agwɛ tina ɛ bato basusu bɛa ekomi esusu ɛdae pɛpɛ obeedjama?» 51Bea, bibaeli ba Kaifa baidonga odii yo mɛɛnɛ; endolo, elengɛɛ ɔdaka yo nganga monɛnɛ ta mbua ona, atɛlɛkɛ boo Yesu aboani ogwa tin'ɛ mbota ɛ Yuda, 52ko editi etoko tina ɛ ekomi ena, endolo tin'ɛ oputoanedja esika emɔti bana basusu ba Ndjambe ibanangana. 53Donga busa bua, bakumu ba Bayuda badimeana boo baowoe Yesu. 54Ta tina ena Yesu akina osaenɛmedja koko ohuu ta ndanda ɛ Bayuda. Akee ta Efalaima ngando ɛɛdaka mbuti na esobe, ko adikama ena engbanga na batingami ba nde. 55Tɛkɛ ɛ Bayuda ɛ Pasika ɛdaka mbuti, ko bato bike bakɛɛ ta Yelusalɛmɛ tina ɛ osasɛnɔdja boso ba tɛkɛ ena. 56Bahombaka Yesu ko, bea baema ootei ba tepelo, basahɔdjana boo: «Ɔledjakano enao? Aduelea ta tɛkɛ kaoko pɛpɛ?» 57Bakumu ba banganga Ndjambe na Bafalusai bapa elomu boo moto akadjeba esika edii Yesu, aboani obadjebedja bɛngɛ boo bamopee.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)