2 Kɔlɛntiɛ́ŋ Nibíŋínín ná mbɔbɔnɔ
Nibíŋínín ná mbɔbɔnɔ
Agá gélem gá yɔŋ ímoom gá mbɔbɔnɔ yobúsió ɛyɛ́ Pólo mɔ́ɔŋɔ́n beédéb bá Kɔlɛ́nt, uwɔ́ gulédígényi wá gándɛ ewe. Pólo máal úmɔɔ́ŋ mbɔbɔnɔ yobusió, uwɔnɔyɔ́l bɔ́. Uwɔfuɔg ká agá gadágadá wɔbɔ́, kand guɔ́bɔ́n gá nŋɔyɛdɔ ság nyɛ́ kɔ́. Gágual ká, band béfúnyifunyé bɛnana menéŋ bɔ́. Tite monoógógínyí Pólo Maséduán, uwɔyɔɔn wɔ́ gɛnɔ́g gá gubígɔ́l gá bakɔlɛntiɛ́ŋ ogóbusió bá mbɔbɔnɔ iyány, na anɛ́ búmaánɛ́g ká Bakɔlɛntiɛ́ŋ giod bɛ́gɔ́ŋɔ́n ɛdɛm. Pólo mabá uwɔ́ uguány Maséduán, uwɔ́ŋɔɔ́n bɔ́ mbɔbɔnɔ ya gándɛ ká wɔ́yɛdɛn bɔ́ anyɛ́ wɔ́bɔninɔ́ bɔ́ bese na ká, waág beédéb makányá agá gélem gá gɛsɛgɛl gá meyú igiány (ɔduɔ́ 1-7). Agá ɛduá 8-9 uwéŋen bɔ́ isɔ́m anyɛ́ bányá bégúyib gugɔ́sa bibiág bégúdúgún basɔ́gasɔga bá Yelusalɛm. Nuán sɔ́n Kɔlɛntiɛ́ŋ wobusió ɔduɔ́ 16 Ta nɔ́, agá giɔ́b gá beédéb gá Kɔlɛ́nt, band mabaán nobusió na gunuenenyi Pólo. Agá mbɔbɔnɔ iyány, uwɔb nobusió na gubiɔ́gɔnɔgɔn niaŋ ná edúmeb (ɛduá 10-13). Inyɛ mbɔbɔnɔ ɛyɛ́ gudɔ́ŋa gá ɔdɛm nyá kɔ́ giod. Pólo guɔ́ŋɔ giod gá manda málɛ́ŋaná wɔ́ anɛ guɔ́bɛ́g gág na guán guág.
လက္ရွိေရြးခ်ယ္ထားမွု
2 Kɔlɛntiɛ́ŋ Nibíŋínín ná mbɔbɔnɔ: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ