2 Kɔlɛntiɛ́ŋ 7
7
1Buamié, Anyɛ́ gúnyɛ ká Gɔdányá mɔyɛ́d ká ugaal manda amaány gidigid gás, nsɛ́ diéli agás gá duɔ́l na ɛdɛm sás buanda gidigid búnyá na biíle. Nsɛ́ gusɔ́d gás bá busió buum aga Gɔdányá, didíne wɔ́.
Pólo guɔ́bɔn bese
2Énudífúnín ɛdɛm saán; dɛ́dɛ́gual ta mɔnd buanda bá bɔbɛ, ta mɔnd dídiígufúfi, didiígunéŋ wádiá. 3Ndigúgála anaány ká ínúfúdenyi, nsaman gunuɔ́yɛdɛn ká digúnúbíléne giod, nigú ɔ́gɔ ká gusɔ́d dɛbá bégúnuéli agás gá ɛdɛm.
4Nguóndonyi ɔdɛm gán góbusió giod, yɔ́bɔɔn bese nanɔ ta bɔ́guɔyɔ. Ta anyɛ́ meyú diámanɛná, nguɔ́bɔɔn bese giod, mbianan makánya. 5Gá guán, anyɛ́ dɛmáab guám Maseduán, didimedúkid. Anama yá meyú gidigid ayádiámanɛn, idiabianan bidul na band, buwá agás gá ɛdɛm. 6Ta anaány, Gɔdányá wáganá band bábiananá masɔlɔ́gɔgɔ makányá, uwadiág makánya na gusiám gá Títe, 7gusiám gág gulad na anyɛ́ unyá gudiɔ́yɛdɛn ká makánya numáagán wɔ́, mɔ́mɔ́ mámáal ká díbia makánya. Úgudiɔ́yɛdɛn ká nugúbianan gianta gá nsana ká nuánd guŋán. Uwɔdiɔ́yɛdɛn sɔ́n ká buanda búmáabɛ́dɔ́mb égunúsésenyi giod, na nanyá nunyá guond buáy bám, manda amaány águand gual ká mbia bɛdɔdɛn gudúmbídenyi. 8Ngúlɛnsan ká mbɔbɔnɔ yam ya gusúgúdenyi mmáanɔ́dɔ́mɛ́n máal ká núbia isígíl, búdiguánd gunsésenyi, búnyɛ́ meliŋítas ká búmensésényí anyɛ́ mmáan ká mbɔbɔnɔ iyaány máal ká núbia isígíl gá mɔɔn wá gɛsɛgɛl. 9Nguɔ́bɔɔn bese nɛ́nuán, saá gágual mmáal ká núbia isígíl, nguɔ́bɔn bese gágual ká isígíl yán águal ká núnúgi ɛdɛm sán. Isígíl iyaány águbá bese agá eŋís yá Gɔdányá, kányɛ gúnyá dídiígunuál buanda bá bɔbɛ. 10Isígíl ínyá bese agá eŋís yá Gɔdányá guála ká mɔnd núgi ɔdɛm wág, úbia gisódio, búdíbá bégúsésidenyi mɔnd uwaány. Isígíl yílené agá iŋágɛ́nɛ́n sá gus egue, guéŋen nigú. 11Ánuán gɔg buanda isígíl ínyá bese agá eŋís yá Gɔdányá nyá gual.
Ánuán anyɛ́ nunyá kabál kabál ká nuála manda!
Ánuán anyɛ́ nugényigenyé!
Anyɛ́ nuɔ́bɔnɔ́ guyɔ́kɛn gá manda má bɔbɛ!
Anyɛ́ nudínené guala bɔbɛ!
Anyɛ́ nunyá fiaŋ fiaŋ ká núŋán!
Anyɛ́ nubiéŋené góbusió bám!
Anyɛ́ nɔlɔlaná gá gusésidenyi mɔnd walaná bɔbɛ!
Banuá muát núgudíye ká ɛmbɔ́g sán dɛɛ́gubá agá gɛsan igiány. 12Ndígunuɔ́ŋɛ́n mbɔbɔnɔ yam ya gusúgúdenyi góbusió bá mɔnd umáal bɔbɛ, gúmén ewe bámáal bɔbɛ. Ngunuɔ́ŋɛ́n mbɔbɔnɔ ká ndíye gadágadá wanɔ, ogóbusió bá Gɔdányá, nɛnama ná gubiéŋin ɛnɛ́ nunyá na nɛ́ gás góbusió. 13Búbú búnyá gudiág makánya. Saá makánya amaány gusúg mányá gual ká diánd gumeny guɔ́b bese, búnyɛ ká díguán bɛdɔdɛn Títe nyá gubá na bɛ́ gágual ká núguondi ɔdɛm wág. 14Anyɛ́ inyá gubíkánya agág góbusió gán, núdiígual ká mbia ɔduɔ́ gɔnɔ́. Diganyɛ dinuɔ́yɔn meliŋítas buanda gidigid bá bese búnúlɛ́ŋaná dinyá guɔyɔn Títe, búnyɛ meliŋítas. 15Ɛlɛ́ga yág gán góbusió gúbiɔ́yɛ́kɔnɛn gɛsɛgɛl ubɛ́dáganá nanyá banuá gidigid nunyá guala wɔ́ nŋɔ́bɛnɔ, na nɛnam ɛnɛ́ numáagɛ́ndɛ́gɛ́n wɔ́ na buwa, na bɛdagɛmɛn. 16Nguɔ́bɔɔn bese gágual ká nguóndonyi ɔdɛ́m gán.
လက္ရွိေရြးခ်ယ္ထားမွု
2 Kɔlɛntiɛ́ŋ 7: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ