Márákoso Ŋgíŋgáánéná
Ŋgíŋgáánéná
Na va kárate vá ŋgojéna usi cómó ává bááné, kárate wa Márákoso kójo a cakámó orií itíné a je caka hónó orií irunú.
Na ntiréná rá makésyé, Márákoso a tíhíyámó Yésusu ámó Mwaná Irɔŋgɔ. Vedá ebérááná yá okémbyé eméye ámó yó vátíhíyámó eŋgendɔ mbunu na kárate uŋgimé wa Márákoso é géremenámó orií na asɔɔ́ ámó Yésusu maté a ma díŋgé esene éyé moto a ta hítí wová ntimisaná ra ebérááná mwané ŋgé a ríi ka sórána wusi orɔŋgɔ na ogónó wa visimbi wa va Roméne, vá sórána ojo a ma gwé na koroso. Wó je rií anáá ará vá tómámó ukú rá moto omójo, ó súsámó anáá ámó moto a me aka ámó wó géremenámó.
Manɔnɔɔ má Yohánese adwe má ma ríi anáá a heéhendá noyɔŋɔ ná Irɔŋgɔ anáá nó aká Mwaná Irɔŋgɔ. Yohánese mwané kójo a ma dwé hónó Yésusu. Kaá na nimé ra itíndíkáná rá vimáá na pandó éjé Yésusu a ma ríi moká, ɔ́wɔ́ kówo esɔ́tɔ́ yáa éyé orɔŋgɔ na vato é ma késyé. Márákoso a tɔ́ŋɔ́mó ámó ŋguru ra Yésusu e katé vátíhíye ará a katé béráana vato anáá vá ma byɔɔnɔ na ará a katé yeére vato ítɔɔ ará a katé ondóna vinɔ́.
Tii waá, Márákoso a tíhíyámó ámó Yésusu a katé enda anáá a enda bérúme na vitɔɔ, na nugwé na ehonowa pere éjé na Yerúsareme (Már 8:31–10:52). A ma ojáná vihoóhóná vyá mamba mwané na eŋgendɔ́ etató, vihoóhóná ka me ová. A ma ré járá até éyé é me néménámó ómwané maté hɔ́rɔ́ a vá béráana anáá «Mwaná moto.» Wó je rií anáá ndímbe siki éjé e katé rií na ómwané e katé aŋgá. A ma iŋgááná na Yerúsareme hɔrɔ́ vá me seŋgiye, kó ɔ́kó a ma gúné vato vá mékíte na yanje yá Irɔŋgɔ kó vagónó vá vacekiye mómí ává na Ísayéere vá ma pékááná naá. Wandá mwané wó ma me hwá pé éjé anáá a eréena ehoóhona yá mamana na vambéebéná váa, na vato ává vá ma ríi ɔ́wɔ́, na vihoóhóná vyáa.
Epépé éjé 14 na 15 e tíhíyámó ámó Yésusu a ma túmbyé mesí máa má mamana máváné. Ɔ́wɔ́ kówo vá só tɔ́ŋénámó ámó a ma nyányá oŋgendɔ rá mamana na vato váa, ámó a ma téŋgiyé beréte na mɔwɔ́, ámó a ma endá vasoóriye moká na kondo éjé vá béráanámó anáá Getesemané, ámó vá ma me ambááná, o me sómbéna ntoró ra nugwé, o me ondáana na koroso, ámó vá ma me váá na evérá. Na wéŋga ówó anáá a gwé wó etá metúú máváné, vakótó vá ma itíyé evérá yáa sásáá ɔ́wɔ́ kówo vá ma wó ojáná a orúkye na nugwé owunde na esɔ́tɔ́. Kó vá ma bwɔ́nɔ́nɔ́ na wokótó wimé.
Aŋgóŋgí ajámó a tɔ́ŋɔ́mó anáá na nimé ra ehonowa yá Yésusu, a ma té húmána vato mbunu, kó aŋgóŋgí mwané sɛ́ɛm á tɔ́ŋɔ́mó ámó Yésusu a ma endá na máná, mamba mwané má tɔ́ŋɔ́venamo wusi na wusi na va kárate vá Usi wa Cómó ávámó.
Ará no né manámó oráŋá kárate wa Usi wa cómó wa Márákoso, ye vinó hónó no né atɔ́wɔmó ámó ogónó wa visimbi wa va roméne anáá Yésusu ójó na Nasaréte a ámó mwané «Mwaná Irɔŋgɔ?»
Tékéna mamba éjé na kárate ojó
1. Ŋgojéná cómó ra Yohánese adwe vato (1:1-8).
2. Nduwáná ra Yésusu na mabóbórá má Saátana (1:9-13).
3. Yésusu a endamó núumana na Gariréya (1:14–9:50).
4. Yésusu a endamó na Yerúsareme (10:1-52).
5. Itúúríyé na nugwé ná Yésusu (11:1–15:47).
6. Ehonowa yá Yésusu (16:1-8).
7. Yésusu a húménamó vihoóhóná vyáa (16:9-20).
လက္ရွိေရြးခ်ယ္ထားမွု
Márákoso Ŋgíŋgáánéná: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Márákoso Ŋgíŋgáánéná
Ŋgíŋgáánéná
Na va kárate vá ŋgojéna usi cómó ává bááné, kárate wa Márákoso kójo a cakámó orií itíné a je caka hónó orií irunú.
Na ntiréná rá makésyé, Márákoso a tíhíyámó Yésusu ámó Mwaná Irɔŋgɔ. Vedá ebérááná yá okémbyé eméye ámó yó vátíhíyámó eŋgendɔ mbunu na kárate uŋgimé wa Márákoso é géremenámó orií na asɔɔ́ ámó Yésusu maté a ma díŋgé esene éyé moto a ta hítí wová ntimisaná ra ebérááná mwané ŋgé a ríi ka sórána wusi orɔŋgɔ na ogónó wa visimbi wa va Roméne, vá sórána ojo a ma gwé na koroso. Wó je rií anáá ará vá tómámó ukú rá moto omójo, ó súsámó anáá ámó moto a me aka ámó wó géremenámó.
Manɔnɔɔ má Yohánese adwe má ma ríi anáá a heéhendá noyɔŋɔ ná Irɔŋgɔ anáá nó aká Mwaná Irɔŋgɔ. Yohánese mwané kójo a ma dwé hónó Yésusu. Kaá na nimé ra itíndíkáná rá vimáá na pandó éjé Yésusu a ma ríi moká, ɔ́wɔ́ kówo esɔ́tɔ́ yáa éyé orɔŋgɔ na vato é ma késyé. Márákoso a tɔ́ŋɔ́mó ámó ŋguru ra Yésusu e katé vátíhíye ará a katé béráana vato anáá vá ma byɔɔnɔ na ará a katé yeére vato ítɔɔ ará a katé ondóna vinɔ́.
Tii waá, Márákoso a tíhíyámó ámó Yésusu a katé enda anáá a enda bérúme na vitɔɔ, na nugwé na ehonowa pere éjé na Yerúsareme (Már 8:31–10:52). A ma ojáná vihoóhóná vyá mamba mwané na eŋgendɔ́ etató, vihoóhóná ka me ová. A ma ré járá até éyé é me néménámó ómwané maté hɔ́rɔ́ a vá béráana anáá «Mwaná moto.» Wó je rií anáá ndímbe siki éjé e katé rií na ómwané e katé aŋgá. A ma iŋgááná na Yerúsareme hɔrɔ́ vá me seŋgiye, kó ɔ́kó a ma gúné vato vá mékíte na yanje yá Irɔŋgɔ kó vagónó vá vacekiye mómí ává na Ísayéere vá ma pékááná naá. Wandá mwané wó ma me hwá pé éjé anáá a eréena ehoóhona yá mamana na vambéebéná váa, na vato ává vá ma ríi ɔ́wɔ́, na vihoóhóná vyáa.
Epépé éjé 14 na 15 e tíhíyámó ámó Yésusu a ma túmbyé mesí máa má mamana máváné. Ɔ́wɔ́ kówo vá só tɔ́ŋénámó ámó a ma nyányá oŋgendɔ rá mamana na vato váa, ámó a ma téŋgiyé beréte na mɔwɔ́, ámó a ma endá vasoóriye moká na kondo éjé vá béráanámó anáá Getesemané, ámó vá ma me ambááná, o me sómbéna ntoró ra nugwé, o me ondáana na koroso, ámó vá ma me váá na evérá. Na wéŋga ówó anáá a gwé wó etá metúú máváné, vakótó vá ma itíyé evérá yáa sásáá ɔ́wɔ́ kówo vá ma wó ojáná a orúkye na nugwé owunde na esɔ́tɔ́. Kó vá ma bwɔ́nɔ́nɔ́ na wokótó wimé.
Aŋgóŋgí ajámó a tɔ́ŋɔ́mó anáá na nimé ra ehonowa yá Yésusu, a ma té húmána vato mbunu, kó aŋgóŋgí mwané sɛ́ɛm á tɔ́ŋɔ́mó ámó Yésusu a ma endá na máná, mamba mwané má tɔ́ŋɔ́venamo wusi na wusi na va kárate vá Usi wa Cómó ávámó.
Ará no né manámó oráŋá kárate wa Usi wa cómó wa Márákoso, ye vinó hónó no né atɔ́wɔmó ámó ogónó wa visimbi wa va roméne anáá Yésusu ójó na Nasaréte a ámó mwané «Mwaná Irɔŋgɔ?»
Tékéna mamba éjé na kárate ojó
1. Ŋgojéná cómó ra Yohánese adwe vato (1:1-8).
2. Nduwáná ra Yésusu na mabóbórá má Saátana (1:9-13).
3. Yésusu a endamó núumana na Gariréya (1:14–9:50).
4. Yésusu a endamó na Yerúsareme (10:1-52).
5. Itúúríyé na nugwé ná Yésusu (11:1–15:47).
6. Ehonowa yá Yésusu (16:1-8).
7. Yésusu a húménamó vihoóhóná vyáa (16:9-20).
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL