1 Korénte 4
4
Enásá ra Kirítu
1Vato vá géremenámó o só wɔ́rɔ́ ámó veŋga manɔɔnɔwɔ vá Kirítu, kó hée ámó ava vá ma wó tírímíyé anáá vá néména mamba má ndímbe ra Irɔŋgɔ. 2Na mamana, wandá ówó vá súsámó ava vá ma tírímíye wó ámó anáá vá rií kírítítí na va mása váwó. 3Na noó, wó ta pɔ́mbɔ́kɔ́ anáá no njósyé tɔɔ njévé ra jósi émo ra vato, kó noó maté honó ta vájósyé. 4Ŋgo enámó anáá ta timbé wandá ówó pítyámó ováríŋgaana nowó kó síkí wó ta ámó anáá ndo ámó ka na cɔ́cɔ́. Ajósyé wame, kójo Okí. 5Vinó ká jósyé sɔ́ hɔrɔ́ itíndíkáná íjí Okí a mó urámó yó arɔ́wɔ́ ka jine. Ómwané kójo a mó váámó ineŋgí na até éyé é ámó aséénérí naáté yá mbínó, a mó húmyámó mbuŋgáná rá etémá na ŋgééŋ. Ɔ́wɔ́ ámó moto a mó géremenámó otimbe matamáná má Irɔŋgɔ.
6Va mbísó, na até éyé é néménámó wandá ówó ŋgo má járá, ŋgo ma wɔ́rɔ́ Aporóso na noó maté ámó viheya na wusó wá vinó. Ŋgo ma diŋgé anáá ŋgo nó yeéré ntimisaná ra nkaná éjé anáá: «Wúndyé ka váwúswíiye na até éyé tiré tiré.» Ɔ́wɔ́ moto omo na vinó a ta mó ovágíte ikiní esene éyé a ma wɔ́rɔ́ ŋgambá ra moto omo omice omo. 7Esené áné kójo a wo neétyámó na aŋgísó rá vasɔ́ɔ́? Wandá wimé ówó o timbámó kesí Irɔŋgɔ kójo a ma wo hwá? Kó wó aríi anáá vá ma wo hwá, na wusó wá até kówo ovágítámó ikiní mámó weŋga anáá vá ta ma wo ohwá? 8No etá timbe até yimé éyé no vaŋgámó! No etá mbútí! No ma búndé mahumu, vedá visó to ta ámó mahumu tɔɔ mbútí! Ndiŋgámó mwané anáá no rií vahumu, ukú ójó anáá visó honó to jwé orɔŋgɔ na vinó. 9Vedá na ŋgénéná rame, Irɔŋgɔ a ma só váá visó ává enásá ra Yésusu na undií rá mamaná ámó ava vá mó wó sómbéna ntóró ra nugwé. Ɛɛŋ, to obúndé ámó wandá wá saáyárá na cí ra ndono, na wusó wá va éŋgerese kó na vato. 10To ámó byejá na wusó wá Kirítu, vedá vinó no ámó vato vá peyɔ na iretye yá vinó éyé na Kirítu. Visó to ámó vibire, vinó na ŋguru. Vá nó mítyámó mbunu, visó vá só séŋgá. 11Hwɔs tetee ojó, to ámó na njeŋge, to ámó na nití, kó to jámámó cunú. Vá só tuúriyámó kó to ta timbé itɔbɔkɔ. 12To enámó etɔɔ mbunu na onɔnɔwɔ ówó na embɔɔ́ ra visó. Va só séyámó, hɔrɔ́ visó to wó utána nosanjá, vá só tuúriyámó, visó to meneve. 13Vá só járénámó wobé, vedá visó to rerye vasɔ́ɔ́ notó, Hwɔs tetee ojó, to ámó amó vikáné vyá cí ra ndono na aŋgísó ra vató, ámó motéé mwá biró úmú moto uŋgimé a vábákámó.
Póoro a járámó na vaná váa vá andiŋgé
14Vaná vamé, ta nó tiréná ukú ójó anáá ŋgo nó vaá wuswéní, vedá wó ámó anáá ŋgo nó bémbétena esene éyé no ámó vaná vamé va andiŋgé. 15Esené ítɔɔ vato toósini yábɔ́t vá nó yééré osɔ́tɔ́ ówó na Kirítu, no ta timbé va babá mbunu. Noó kójo ŋgo ma nó hwá esɔ́tɔ́ yá Kirítu Yésusu ará ŋgo ma nó ojáná Usi wa Cómó. 16Ŋgo nó déekanámó sɔ́ anáá no byɔɔnɔ eheyá yámé. 17Wandá mwané kówo ŋgo nó tóménámó Timotéya, mwaná wame ójó ndiŋgámó mbunu kó a ámó kírítítí na Okí. A né nó méníyenámó mbéndɔ́ íjí timbaanámó nijí na esɔ́tɔ́ yámé éyé na Yésusu Kirítu. Até mwané kéye njeérámó pandó iŋgimé naáté yá mowónjá mwá vatɔ́wɔ mwimé. 18Avámó vá ma buŋgáná anáá ta né ne wunde na vinó kó vá késyé ovágíte ikiní. 19Vedá ŋgé Okí a atɔ́wɔ́, ŋgo né urámó na vinó ará wó kérámó ará, kó ŋgo né jembámó enjárá ra vato vá mebúnú amáva, noó owunde ojembe honó até éyé vá ámó weŋga. 20Esené Edɔŋgɔ yá Irɔŋgɔ é ta ámó maró wa eŋjárá, vedá é ámó maró wa ŋgeŋgéná mamba. 21Até kéye no vaŋgámó? Ye anáá ŋgo uré na vinó na emwása kee ŋgo uré na otémá ójó táásé na andiŋgé na wodɔ́ŋgɔrɔ́ɔ́ŋ?
လက္ရွိေရြးခ်ယ္ထားမွု
1 Korénte 4: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
1 Korénte 4
4
Enásá ra Kirítu
1Vato vá géremenámó o só wɔ́rɔ́ ámó veŋga manɔɔnɔwɔ vá Kirítu, kó hée ámó ava vá ma wó tírímíyé anáá vá néména mamba má ndímbe ra Irɔŋgɔ. 2Na mamana, wandá ówó vá súsámó ava vá ma tírímíye wó ámó anáá vá rií kírítítí na va mása váwó. 3Na noó, wó ta pɔ́mbɔ́kɔ́ anáá no njósyé tɔɔ njévé ra jósi émo ra vato, kó noó maté honó ta vájósyé. 4Ŋgo enámó anáá ta timbé wandá ówó pítyámó ováríŋgaana nowó kó síkí wó ta ámó anáá ndo ámó ka na cɔ́cɔ́. Ajósyé wame, kójo Okí. 5Vinó ká jósyé sɔ́ hɔrɔ́ itíndíkáná íjí Okí a mó urámó yó arɔ́wɔ́ ka jine. Ómwané kójo a mó váámó ineŋgí na até éyé é ámó aséénérí naáté yá mbínó, a mó húmyámó mbuŋgáná rá etémá na ŋgééŋ. Ɔ́wɔ́ ámó moto a mó géremenámó otimbe matamáná má Irɔŋgɔ.
6Va mbísó, na até éyé é néménámó wandá ówó ŋgo má járá, ŋgo ma wɔ́rɔ́ Aporóso na noó maté ámó viheya na wusó wá vinó. Ŋgo ma diŋgé anáá ŋgo nó yeéré ntimisaná ra nkaná éjé anáá: «Wúndyé ka váwúswíiye na até éyé tiré tiré.» Ɔ́wɔ́ moto omo na vinó a ta mó ovágíte ikiní esene éyé a ma wɔ́rɔ́ ŋgambá ra moto omo omice omo. 7Esené áné kójo a wo neétyámó na aŋgísó rá vasɔ́ɔ́? Wandá wimé ówó o timbámó kesí Irɔŋgɔ kójo a ma wo hwá? Kó wó aríi anáá vá ma wo hwá, na wusó wá até kówo ovágítámó ikiní mámó weŋga anáá vá ta ma wo ohwá? 8No etá timbe até yimé éyé no vaŋgámó! No etá mbútí! No ma búndé mahumu, vedá visó to ta ámó mahumu tɔɔ mbútí! Ndiŋgámó mwané anáá no rií vahumu, ukú ójó anáá visó honó to jwé orɔŋgɔ na vinó. 9Vedá na ŋgénéná rame, Irɔŋgɔ a ma só váá visó ává enásá ra Yésusu na undií rá mamaná ámó ava vá mó wó sómbéna ntóró ra nugwé. Ɛɛŋ, to obúndé ámó wandá wá saáyárá na cí ra ndono, na wusó wá va éŋgerese kó na vato. 10To ámó byejá na wusó wá Kirítu, vedá vinó no ámó vato vá peyɔ na iretye yá vinó éyé na Kirítu. Visó to ámó vibire, vinó na ŋguru. Vá nó mítyámó mbunu, visó vá só séŋgá. 11Hwɔs tetee ojó, to ámó na njeŋge, to ámó na nití, kó to jámámó cunú. Vá só tuúriyámó kó to ta timbé itɔbɔkɔ. 12To enámó etɔɔ mbunu na onɔnɔwɔ ówó na embɔɔ́ ra visó. Va só séyámó, hɔrɔ́ visó to wó utána nosanjá, vá só tuúriyámó, visó to meneve. 13Vá só járénámó wobé, vedá visó to rerye vasɔ́ɔ́ notó, Hwɔs tetee ojó, to ámó amó vikáné vyá cí ra ndono na aŋgísó ra vató, ámó motéé mwá biró úmú moto uŋgimé a vábákámó.
Póoro a járámó na vaná váa vá andiŋgé
14Vaná vamé, ta nó tiréná ukú ójó anáá ŋgo nó vaá wuswéní, vedá wó ámó anáá ŋgo nó bémbétena esene éyé no ámó vaná vamé va andiŋgé. 15Esené ítɔɔ vato toósini yábɔ́t vá nó yééré osɔ́tɔ́ ówó na Kirítu, no ta timbé va babá mbunu. Noó kójo ŋgo ma nó hwá esɔ́tɔ́ yá Kirítu Yésusu ará ŋgo ma nó ojáná Usi wa Cómó. 16Ŋgo nó déekanámó sɔ́ anáá no byɔɔnɔ eheyá yámé. 17Wandá mwané kówo ŋgo nó tóménámó Timotéya, mwaná wame ójó ndiŋgámó mbunu kó a ámó kírítítí na Okí. A né nó méníyenámó mbéndɔ́ íjí timbaanámó nijí na esɔ́tɔ́ yámé éyé na Yésusu Kirítu. Até mwané kéye njeérámó pandó iŋgimé naáté yá mowónjá mwá vatɔ́wɔ mwimé. 18Avámó vá ma buŋgáná anáá ta né ne wunde na vinó kó vá késyé ovágíte ikiní. 19Vedá ŋgé Okí a atɔ́wɔ́, ŋgo né urámó na vinó ará wó kérámó ará, kó ŋgo né jembámó enjárá ra vato vá mebúnú amáva, noó owunde ojembe honó até éyé vá ámó weŋga. 20Esené Edɔŋgɔ yá Irɔŋgɔ é ta ámó maró wa eŋjárá, vedá é ámó maró wa ŋgeŋgéná mamba. 21Até kéye no vaŋgámó? Ye anáá ŋgo uré na vinó na emwása kee ŋgo uré na otémá ójó táásé na andiŋgé na wodɔ́ŋgɔrɔ́ɔ́ŋ?
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL