1 Korénte 3
3
Va eŋga manɔnɔwɔ vá Irɔŋgɔ na manɔnɔwɔ máwó
1Va mbísó, na wusó wame, noó ta timbe ŋguru ra ojárá na vinó ámó vato ava va timbámó Ireréŋgi éyé Mwáŋ mwáŋ. Ŋgo ma no jaréna bɛ́ŋ ámó vato ává vá ta timbé mwáŋ mwáŋ wa Ireréŋ, ámó va atɔ́wɔ ává vá arɔ́wɔ́ vireke naáté yá ŋgɔ́tééná. 2Ŋgo ma no hwá mabáné anáá indi no vényú, até manyá ámá má imbámó, esene éyé no ta ma hití omeneve, ítɔ́ɔ́ tetee ojó no ta hítí omeneve, 3esene éyé anáá no arɔ́wɔ́ ámó vato ává vá ta timbé Mwáŋ mwáŋ wa Ireréŋgi, ɛɛŋ na pandó ra vinó unjíŋí na caŋgó mo ámó awɔ́. Kó ye no ta ámó amó vato ává vá timbé Mwáŋ mwáŋ wa Ireréŋgí? Ye sɔ́ kána ra vinó ra esɔtɔ e ta ámó amó vato ává na cí ra ndono ejé? 4Ará omo ójó na vinó a járámó anáá: Noó, ndo ámó na wusó wá Póoro, undyeé a oja hée anáá: Noó ndámó na wusó wá Aporóso. Ye vipéŋgé mwané ví ta ámó hée vipéŋgé vyá vato ává na cí ra ndono ejé?
5Ané ojó Aporóso? Kó ane ojó Pooro? Visó to ámó bɛ́ŋ vato va manɔnɔwɔ va Irɔŋgɔ. Na nimé ra visó kówo no ma búndé vatɔ́wɔ, kó ámó moto na visó vává a ma eŋgá manɔnɔwɔ ámá Okí a ma me hwá. 6Noó, ŋgo ma nemá, Aporóso a suunana matéyá, veda wó ámó Irɔŋgɔ kójó a ma eŋgá anáá índi mó góná. 7Ójó a nemámó a támó wandá, ójó honó a suunanamó matéyá a támó wandá. Veda ójó eŋgámó anáá mó atana kójó ámó wimé wo ámó Irɔŋgɔ maté. 8Na ójo a nemámó kó na ójó a suunanamó matéyá, wó ámó wandá wumwéesií. Veda Irɔŋgɔ a mó neénámó a me moto maana máá na kana ráá ra manɔnɔwɔ éjé eŋgámó. 9Esené eyé anáá to nɔnɔwɔmó orɔŋgɔ na mɔnɔnɔ ma Irɔŋgɔ, kó vinó no ámó kondo ra Irɔŋgɔ, no rií honó yanje éyé é ámó yáa. 10Na kana ra ntá éjé Irɔŋgɔ a ma ŋgeŋgá, ŋgo ma cumé yanje ámó ogónó wa ahaá byanje, kó tetee ojó ojomo a neétyámó. Vedá ámó moto a geremenamó okéryé na néétyéná éjé a neétyámó yanje mwané. 11Esené yanje yó etá cumé cúmé, wó ámó Yésusu Kirítu kó moto a ta híti o ne cume hée yanje índyé. 12Vato vá hítyámó oneétye yanje mwané na góoro, mwani, na atááne ajá na mpí, na igíní na púté ítɔɔ sama. 13Vedá ámó moto, manɔnɔwɔ máa má mó enéyámó wusi na wusi isí yá jósi. Isí mwané ekáné yá ijiye í mó riyámó ɔ́wɔ́, kó ijiye mwané í mó tihíyámó kána ra mɔnɔnɔwɔ éjé ámó moto a ma eŋgá. 14Ŋgé moto a háá yanje éyé é ta mó hyá, moto mwané a mó tímbámó máána. 15Kó ŋgé manɔnɔwɔ máa má hyá, a mó déŋgyámó máana. Vedá ómwané maté a mó sótyévenámó, mámó weŋga anáá wandá ówó vá mó jóna na ihyáné kwakwa.
16No ta jembé anáá no ámó yanje yá Irɔŋgɔ? Kó Irereŋgi yá Irɔŋgɔ é ámó na vinó. 17Ŋgé moto a déére yanje yá Irɔŋgɔ, moto mwané Irɔŋgɔ a ne me deérámó. Esené yanje yá Irɔŋgɔ é ámó Mwáŋ mwáŋ, kó yanje mwané, é ámó vinó.
18Moto ka vájeénye ómwané maté. Ŋge moto omo ojó na pandó ra vinó a buŋganámó anáá a timbámó peyɔ na aŋgísó ra vato ava na cí ra ndono éjé, a geremenamó obundé yejá ukú ójá anáá a ríi na péyɔ́! 19Esené péyɔ́ ra cí rá ndonó é ámó wejá na wusó wa Irɔŋgɔ. Wandá mwane kówo va mwáŋ mwáŋ vá va kárate vá járámó anáá: «Irɔŋgɔ a mbaanámó vato vá péyɔ́ na itámbó ráwó rá viváná.» 20Vá járámó hónó anáá: «Okí a jembámó mbuŋgáná rá va pépéyɔ́, a ijímámó anáá í ta ámó na ibá.» 21Awɔ́ káá moto a ta geréméná ovanéétye vikɔ́hé na wusó wa moto ámó noó, esene éyé wimé wo wanámó na vinó: 22Poóro, Aporóso na Pyeere, cí rá ndono, esɔ́tɔ́, nugwé, owó tetee ojó, na owó omo ríi ámó, wimana wowanámó na vinó, 23vedá vinó, no waanámó na Kirítu, kó Kirítu owaanámó na Irɔŋgɔ.
လက္ရွိေရြးခ်ယ္ထားမွု
1 Korénte 3: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
1 Korénte 3
3
Va eŋga manɔnɔwɔ vá Irɔŋgɔ na manɔnɔwɔ máwó
1Va mbísó, na wusó wame, noó ta timbe ŋguru ra ojárá na vinó ámó vato ava va timbámó Ireréŋgi éyé Mwáŋ mwáŋ. Ŋgo ma no jaréna bɛ́ŋ ámó vato ává vá ta timbé mwáŋ mwáŋ wa Ireréŋ, ámó va atɔ́wɔ ává vá arɔ́wɔ́ vireke naáté yá ŋgɔ́tééná. 2Ŋgo ma no hwá mabáné anáá indi no vényú, até manyá ámá má imbámó, esene éyé no ta ma hití omeneve, ítɔ́ɔ́ tetee ojó no ta hítí omeneve, 3esene éyé anáá no arɔ́wɔ́ ámó vato ává vá ta timbé Mwáŋ mwáŋ wa Ireréŋgi, ɛɛŋ na pandó ra vinó unjíŋí na caŋgó mo ámó awɔ́. Kó ye no ta ámó amó vato ává vá timbé Mwáŋ mwáŋ wa Ireréŋgí? Ye sɔ́ kána ra vinó ra esɔtɔ e ta ámó amó vato ává na cí ra ndono ejé? 4Ará omo ójó na vinó a járámó anáá: Noó, ndo ámó na wusó wá Póoro, undyeé a oja hée anáá: Noó ndámó na wusó wá Aporóso. Ye vipéŋgé mwané ví ta ámó hée vipéŋgé vyá vato ává na cí ra ndono ejé?
5Ané ojó Aporóso? Kó ane ojó Pooro? Visó to ámó bɛ́ŋ vato va manɔnɔwɔ va Irɔŋgɔ. Na nimé ra visó kówo no ma búndé vatɔ́wɔ, kó ámó moto na visó vává a ma eŋgá manɔnɔwɔ ámá Okí a ma me hwá. 6Noó, ŋgo ma nemá, Aporóso a suunana matéyá, veda wó ámó Irɔŋgɔ kójó a ma eŋgá anáá índi mó góná. 7Ójó a nemámó a támó wandá, ójó honó a suunanamó matéyá a támó wandá. Veda ójó eŋgámó anáá mó atana kójó ámó wimé wo ámó Irɔŋgɔ maté. 8Na ójo a nemámó kó na ójó a suunanamó matéyá, wó ámó wandá wumwéesií. Veda Irɔŋgɔ a mó neénámó a me moto maana máá na kana ráá ra manɔnɔwɔ éjé eŋgámó. 9Esené eyé anáá to nɔnɔwɔmó orɔŋgɔ na mɔnɔnɔ ma Irɔŋgɔ, kó vinó no ámó kondo ra Irɔŋgɔ, no rií honó yanje éyé é ámó yáa. 10Na kana ra ntá éjé Irɔŋgɔ a ma ŋgeŋgá, ŋgo ma cumé yanje ámó ogónó wa ahaá byanje, kó tetee ojó ojomo a neétyámó. Vedá ámó moto a geremenamó okéryé na néétyéná éjé a neétyámó yanje mwané. 11Esené yanje yó etá cumé cúmé, wó ámó Yésusu Kirítu kó moto a ta híti o ne cume hée yanje índyé. 12Vato vá hítyámó oneétye yanje mwané na góoro, mwani, na atááne ajá na mpí, na igíní na púté ítɔɔ sama. 13Vedá ámó moto, manɔnɔwɔ máa má mó enéyámó wusi na wusi isí yá jósi. Isí mwané ekáné yá ijiye í mó riyámó ɔ́wɔ́, kó ijiye mwané í mó tihíyámó kána ra mɔnɔnɔwɔ éjé ámó moto a ma eŋgá. 14Ŋgé moto a háá yanje éyé é ta mó hyá, moto mwané a mó tímbámó máána. 15Kó ŋgé manɔnɔwɔ máa má hyá, a mó déŋgyámó máana. Vedá ómwané maté a mó sótyévenámó, mámó weŋga anáá wandá ówó vá mó jóna na ihyáné kwakwa.
16No ta jembé anáá no ámó yanje yá Irɔŋgɔ? Kó Irereŋgi yá Irɔŋgɔ é ámó na vinó. 17Ŋgé moto a déére yanje yá Irɔŋgɔ, moto mwané Irɔŋgɔ a ne me deérámó. Esené yanje yá Irɔŋgɔ é ámó Mwáŋ mwáŋ, kó yanje mwané, é ámó vinó.
18Moto ka vájeénye ómwané maté. Ŋge moto omo ojó na pandó ra vinó a buŋganámó anáá a timbámó peyɔ na aŋgísó ra vato ava na cí ra ndono éjé, a geremenamó obundé yejá ukú ójá anáá a ríi na péyɔ́! 19Esené péyɔ́ ra cí rá ndonó é ámó wejá na wusó wa Irɔŋgɔ. Wandá mwane kówo va mwáŋ mwáŋ vá va kárate vá járámó anáá: «Irɔŋgɔ a mbaanámó vato vá péyɔ́ na itámbó ráwó rá viváná.» 20Vá járámó hónó anáá: «Okí a jembámó mbuŋgáná rá va pépéyɔ́, a ijímámó anáá í ta ámó na ibá.» 21Awɔ́ káá moto a ta geréméná ovanéétye vikɔ́hé na wusó wa moto ámó noó, esene éyé wimé wo wanámó na vinó: 22Poóro, Aporóso na Pyeere, cí rá ndono, esɔ́tɔ́, nugwé, owó tetee ojó, na owó omo ríi ámó, wimana wowanámó na vinó, 23vedá vinó, no waanámó na Kirítu, kó Kirítu owaanámó na Irɔŋgɔ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL