Yohani UKWANDA
UKWANDA
Amasyu amisa ukuyana nu Yohani lyo limo muma buku folo mu Lufingo ulupya gho ghakulingannya nu bumi bwa Yesu Kilisitu. Ibuku lyo likwitisiwa sona ukuti Amasyu Amisa. Likasimbiwa bo u Yesu afwa nu Matayi, u Maliko, u Luka nu Yohani. Amasyu amisa ukuyana nu Yohani ghakasimbiwa nu mutumiwa u Yohani bo u Yesu apapiwa mu chinja cha 90. Napo I buku ili litakuyugha ukuti weyo akasimba, akasimbile kakuyana bubu nu kalata uwakwanda uwa Yohani, uwa bubili nuwa butatu. Abasimbi bamo abakale bakumubika u Yohani ukwikala mukaya akakulu aka Efeso, ko pakabalilo aka chikuyana ukuti ibuku ili likasimbiwa mu Efeso. U Yohani akuyugha umwakwifwika nifundo ya libuku yakubafwa abandu ukusubila ukuti u Yesu we Kilisitu, u Mwana wa Chala umumi (20.31).
Pa kusubila sisisi tubaghile pakuba nu bumi mwilita lyake. Ibuku lili likasimbiwa kubosi aba Yuda nabo te balongosi ba Bayuda. Amasyu amisa agha Yohani ghapambaniteko na mu buku matatu agha Masyu Amisa. Akulimbana ngani ni fiswigho fyo u Yesu akabomba sona atakasimba ngani nisya fyili fyake. Nafimo fyo fikabombiwa ngati ukosiwa kwa Yesu nu kughelwa mulungalangala sona fitakasimbiwa mu masyu amisa.
Ifya mukati:
U Yohani akwanda na Masyu Amisa mu chaputala 1.1-18
Po akasimba ngani nisya fyili ifingi fyo u Yesu akabomba 1.19—12.50.
Ichinine akalongosola nifyakubombiwa ifingi mu bumi bwa Yesu Kilisitu fyo fikulongosya ukufwa nu kusyuka kwake 13.1—20.3.
U Yohani akamalisya na masyu amisa mu chaputala 12 nu kuyugha nisya kabalilo ko akababonekela abandu bo asyuka ku bufwe sona napo akanda pakasimaba ibuku lyake
လက္ရွိေရြးခ်ယ္ထားမွု
Yohani UKWANDA: SSTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ