Yohani 19
19
1Po u Pilate akamusenya u Yesu, akalamula ukuti bamusyembe. 2Abasilikali bakaluka imbumbu ya myifwa nu kufwika u Yesu ku mutu, bakamufwika umuselekesya umukesamile, 3bakisa ku kwake nukuyugha ukuti, “Mwaghona Malafyale waba Yuda!” Bakamukoma namapi kumaso.
4U Pilati akafuma sona kusi, akayugha nabo akati, “Tesya, nisa nawe ku kwinyu, ukuti mumanye ukuti ndamwagha ni nongwa nayimo.” 5Bo u Yesu akafuma bo kafwalite imbumbu yamyifwa nu muselekesya umukesamile, u Pilati akayugha ku kwabo akati, “Mutesye umundu uyu!”
6Po abalongosi ba baputi naba balindilili ba Nyumba ya Chala bamutesya, bakakuta bakati, “Akomeleliwe! Akomeleliwe!”
U Pilati akayugha nabo akati, “Musenye mwebene muye mumukomele, une ndamwagha ni nongwa nayimo mu mwake.
7Aba Yuda bakamwamula u Pilati bakati, “Utwe tuli nululaghilo, ululaghilo lwitu lululu abaghile ukufwa, chifukwa akiyugha mwene ukuti Mwana wa Chala.”
8Bo u Pilate Ifwa amasyu agha, ubogha bukamukola ngani. 9Akingila sona mu nyumba ya Chiloma nu kumulalusya u Yesu ukuti, “Ukufumila kwighi?”
Loli u Yesu atakamwamula nachimo. 10U Pilati akayugha akati, “Ukukana ukuyugha nune?” Utasimenye ukuti indi ubulaghili bwa kukusatulila uwe, sona indi nubulaghili bwa kukukomelela?”
11U Yesu akamwamula akati, “Utangaba nubulaghili nabumo papangu, pala utakapeghiwa ukufuma kumwanya, polelo yo akambika munyobe syako yo anangite ngani imbibi.”
12Bo u Pilati ifwa isisisi akalondagha pakumwabula u Yesu, loli abalongosi aba Chiyuda bakakuta ngani bakati, “Pala ungamwabula umundu uyu, bote we mumanyani wa Kesali wesi yo akwipela pakuba we malafyale bo akususannya nu Kesali.”
13Bo u Pilate ifwa amasyu agha, akafuma kusi nu Yesu, nukwikala nawe pachitengo cha bulongelo, pabuyo bwa mabwe, bo muchihebeli ko kuti Gabata. 14Loli likaba lisiku lya kutendekesya u Lusekelo lwa Pasaka, kakaba kabalilo ka pamusanya. U Pilati akababusya aba Yuda akati, “Tesya u Malafyale winyu!”
15Abene bakakuta ngani bakati, “Mufumyepo! Mufumyepo! Akomeliwe”
U Pilati kati ku kwabo, “Imukomele u Malafyale winyu?
Abalongosi ba baputi bakamula bakati, “Tute nu Malafyale nayumo, loli u Kesali mwene.”
16Po akabalekela u Yesu munyobe syabo ukuti akomeliwe.
U Yesu akukomeliwa pambinjika
(Matayi27.32-44; Maliko15.21-32; Luka23.26-43)
17Bo u Yesu anyamwile imbinjika yake, bakafuma nawe kusi ukwa kaya nukubuka kubuyo bo bukitisiwa ukuti, “Lifupa lya kumutu” (Muchihebeli bakuti, “Gologota”). 18Kulakula bakamukola pambinjika, bakamukomela poka nabangi babili yumo kunyobe indilo uyungi kusyomi, u Yesu akaba pakati. 19U Pilati akasimba amasimbo nukubika pambinjika, gho ghakasimbiwa ukuti, “U Yesu wa mu Nazaleti, U Malafyale waba Yuda. 20Amasimbo ghagha ghakabelengiwa na ba Yuda abingi ngani, chifukwa ubuyo bo u Yesu akakameliwapo bukaba papapi na mukaya akakulu, ghakasimbiwa mu Chihebeli, mu Chilatini na mu Chigiliki. 21Abalongosi ba baputi bakamubusya u Pilate bakati, “Utakasimbe ukuti, “U Malafyale waba Yuda, loli utingi, ‘Umwene akayugha akati une ne Malafyale waba Yuda.’ ”
22U Pilate akabamula akati, “Cho nasimba, nasimba mbela.”
23Bo abasilikali bo bamukomela u Yesu, bakasenya imyenda yake bakagabannya pa folo, umusilikali wesi akasenya ichigaba chake, sona bakasenya nu muselekesya wake. Loli u muselekesya wake ghutakaba nulusonwa nalumo ukufuma kumwanya mupaka pasi. 24Po bakayughisannya bene bene ukuti, “Tutakanyepule awe, loli tubombe amayele, ukuti tumumanye yo tighube wake, isi sikabombiwa ukuti ghakwanilisiwe amasimbo ukuti,
“Bakagabana amalaya ghangu bene,
sona bakapanga amayele pa musekekesya wangu.”
Po isi syo syo abasikali bakabomba.
25Papipi nimbinjika ya Yesu ku kimilila ung’ina nu wamwabo, u Maliya umukasi wa Kuliyopasi nu Maliya Magadalena. 26Bo u Yesu amutesya u Mayi wake pala, numumanyili yo akamughana imilile papipi, akayugha akati, “Wee mayi we, “Tesya u Mwana wako!”
27Po akayugha kumumanyili akati, “Tesya umayi wako.” Ukufuma akabalilo kala kala, umumanyili yula akamusenya u Maliya nu kubuka nawe ku kwabo.
Ubufwe bwa Yesu
(Matayi27.45-56; Maliko15.33-41; Luka23.44-49)
28Pa nyuma pa isi u Yesu, akamanya ukuti fyosi fyamala, sona nukuti amasimbo ghakwanilisiwe akati, “Indi ninyota.”
29Pakaba isonda inyisule nu bwalwa bwa mafili ubwakusapa, bakasenya isipanji nu kuyidwibika mubwalwa bwamafilu ubwakusapa. Nukuyisomeka kulutete nukumubika kumulomo kwake. 30Bo u Yesu apokela u bwalwa bwa mafilu ubusape, akayugha akati, “Kwamala.”
Po akinamila umutu wake pasi nu kufwa.
Bakamulasa u Yesu nimbalala pa lubafu
31Po likaba lisiku lya kwitendekesya isiku lya kutusya, ukuti umufimba wa Yesu ghutabe pambinjika pisiku lya kutusya (pakuti isiku lyakutusya likaba lisiku likulu ngani), abalongosi aba Yuda bakamulalusya u Pilati bakati, “Ifinama fyake fipyoliwe nukuti imibili yabo yifumepo pambinjika. 32Abasilikali bakisa nukumupyola ifinama umundu uwa bwandilo, sona nifya munine yo bakakomeliwa poka nawe. 33Loli bo bafika kwa Yesu, bakamutesya ukuti afwile kale, po bakatamupyola ifinama fyake. 34Loli yumo uwa basilikali akamulasa ni mbalala mulubafu lwake, papapo ibanda namisi fikafuma. 35Umundu yo akasitesya isi akasimikisya, sona ulusimikisyo lwake lwanaloli. Umwene asimenye ukuti akuyugha ubwanaloli, sona akusimikisya ukuti numwe bubu musubile. 36Pakuti sisisi sikabombiwa ukuti amasimbo ghakwanilisiwe ukuti, “Nalimo ifupa lyake lyo likwisa pakupyoliwa” 37Po sona amasimbo aghangi ghakuti, “Ba yukumutesyagha yo bamulasite.”
Ukusiliwa kwa Yesu
(Matayi27.57-61; Maliko15.42-47; Luka23.50-56)
38Pa nyuma pa isi, u Jozefu uwa ku Alimatiya, yo akaba mumanyili wa Yesu kubusyefu, pakuti akaboghopagha abalongosi aba Yuda, akamusuma u Pilati ukuti aghufumye umubili wa Yesu. U Pilati akamwitikisya ukuti aghufumye, po akaya aghufumyapo umubili wake. 39U Nikodemu yo pabwandilo akabuka kwa Yesu pabusiku, wepe akisa nifyakunungila fyo bakuti Mila, fyo akongannya nu Aloyi, ubung’wamu bwake bukaba papipi sate kilogalamu. 40Abandu babili aba bakaghusenya umubili wa Yesu, nukughunnyembetela nimyenda poka nimilembo yakunungila, pakukonga imiteto yaba Yuda yibelile pakasilile. 41Ubuyo bo bakamukomelela u Yesu, mukaba umughunda, po umughunda ghula ghukaba nipumba ipya lyo umundu atakasiliwamo lumo. 42Chifukwa likaba lisiku lya kutendekesya isiku lya kutusya aba Yuda, sona ipumba likaba papipi lyo bakabika umubili wa Yesu.
လက္ရွိေရြးခ်ယ္ထားမွု
Yohani 19: SSTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Yohani 19
19
1Po u Pilate akamusenya u Yesu, akalamula ukuti bamusyembe. 2Abasilikali bakaluka imbumbu ya myifwa nu kufwika u Yesu ku mutu, bakamufwika umuselekesya umukesamile, 3bakisa ku kwake nukuyugha ukuti, “Mwaghona Malafyale waba Yuda!” Bakamukoma namapi kumaso.
4U Pilati akafuma sona kusi, akayugha nabo akati, “Tesya, nisa nawe ku kwinyu, ukuti mumanye ukuti ndamwagha ni nongwa nayimo.” 5Bo u Yesu akafuma bo kafwalite imbumbu yamyifwa nu muselekesya umukesamile, u Pilati akayugha ku kwabo akati, “Mutesye umundu uyu!”
6Po abalongosi ba baputi naba balindilili ba Nyumba ya Chala bamutesya, bakakuta bakati, “Akomeleliwe! Akomeleliwe!”
U Pilati akayugha nabo akati, “Musenye mwebene muye mumukomele, une ndamwagha ni nongwa nayimo mu mwake.
7Aba Yuda bakamwamula u Pilati bakati, “Utwe tuli nululaghilo, ululaghilo lwitu lululu abaghile ukufwa, chifukwa akiyugha mwene ukuti Mwana wa Chala.”
8Bo u Pilate Ifwa amasyu agha, ubogha bukamukola ngani. 9Akingila sona mu nyumba ya Chiloma nu kumulalusya u Yesu ukuti, “Ukufumila kwighi?”
Loli u Yesu atakamwamula nachimo. 10U Pilati akayugha akati, “Ukukana ukuyugha nune?” Utasimenye ukuti indi ubulaghili bwa kukusatulila uwe, sona indi nubulaghili bwa kukukomelela?”
11U Yesu akamwamula akati, “Utangaba nubulaghili nabumo papangu, pala utakapeghiwa ukufuma kumwanya, polelo yo akambika munyobe syako yo anangite ngani imbibi.”
12Bo u Pilati ifwa isisisi akalondagha pakumwabula u Yesu, loli abalongosi aba Chiyuda bakakuta ngani bakati, “Pala ungamwabula umundu uyu, bote we mumanyani wa Kesali wesi yo akwipela pakuba we malafyale bo akususannya nu Kesali.”
13Bo u Pilate ifwa amasyu agha, akafuma kusi nu Yesu, nukwikala nawe pachitengo cha bulongelo, pabuyo bwa mabwe, bo muchihebeli ko kuti Gabata. 14Loli likaba lisiku lya kutendekesya u Lusekelo lwa Pasaka, kakaba kabalilo ka pamusanya. U Pilati akababusya aba Yuda akati, “Tesya u Malafyale winyu!”
15Abene bakakuta ngani bakati, “Mufumyepo! Mufumyepo! Akomeliwe”
U Pilati kati ku kwabo, “Imukomele u Malafyale winyu?
Abalongosi ba baputi bakamula bakati, “Tute nu Malafyale nayumo, loli u Kesali mwene.”
16Po akabalekela u Yesu munyobe syabo ukuti akomeliwe.
U Yesu akukomeliwa pambinjika
(Matayi27.32-44; Maliko15.21-32; Luka23.26-43)
17Bo u Yesu anyamwile imbinjika yake, bakafuma nawe kusi ukwa kaya nukubuka kubuyo bo bukitisiwa ukuti, “Lifupa lya kumutu” (Muchihebeli bakuti, “Gologota”). 18Kulakula bakamukola pambinjika, bakamukomela poka nabangi babili yumo kunyobe indilo uyungi kusyomi, u Yesu akaba pakati. 19U Pilati akasimba amasimbo nukubika pambinjika, gho ghakasimbiwa ukuti, “U Yesu wa mu Nazaleti, U Malafyale waba Yuda. 20Amasimbo ghagha ghakabelengiwa na ba Yuda abingi ngani, chifukwa ubuyo bo u Yesu akakameliwapo bukaba papapi na mukaya akakulu, ghakasimbiwa mu Chihebeli, mu Chilatini na mu Chigiliki. 21Abalongosi ba baputi bakamubusya u Pilate bakati, “Utakasimbe ukuti, “U Malafyale waba Yuda, loli utingi, ‘Umwene akayugha akati une ne Malafyale waba Yuda.’ ”
22U Pilate akabamula akati, “Cho nasimba, nasimba mbela.”
23Bo abasilikali bo bamukomela u Yesu, bakasenya imyenda yake bakagabannya pa folo, umusilikali wesi akasenya ichigaba chake, sona bakasenya nu muselekesya wake. Loli u muselekesya wake ghutakaba nulusonwa nalumo ukufuma kumwanya mupaka pasi. 24Po bakayughisannya bene bene ukuti, “Tutakanyepule awe, loli tubombe amayele, ukuti tumumanye yo tighube wake, isi sikabombiwa ukuti ghakwanilisiwe amasimbo ukuti,
“Bakagabana amalaya ghangu bene,
sona bakapanga amayele pa musekekesya wangu.”
Po isi syo syo abasikali bakabomba.
25Papipi nimbinjika ya Yesu ku kimilila ung’ina nu wamwabo, u Maliya umukasi wa Kuliyopasi nu Maliya Magadalena. 26Bo u Yesu amutesya u Mayi wake pala, numumanyili yo akamughana imilile papipi, akayugha akati, “Wee mayi we, “Tesya u Mwana wako!”
27Po akayugha kumumanyili akati, “Tesya umayi wako.” Ukufuma akabalilo kala kala, umumanyili yula akamusenya u Maliya nu kubuka nawe ku kwabo.
Ubufwe bwa Yesu
(Matayi27.45-56; Maliko15.33-41; Luka23.44-49)
28Pa nyuma pa isi u Yesu, akamanya ukuti fyosi fyamala, sona nukuti amasimbo ghakwanilisiwe akati, “Indi ninyota.”
29Pakaba isonda inyisule nu bwalwa bwa mafili ubwakusapa, bakasenya isipanji nu kuyidwibika mubwalwa bwamafilu ubwakusapa. Nukuyisomeka kulutete nukumubika kumulomo kwake. 30Bo u Yesu apokela u bwalwa bwa mafilu ubusape, akayugha akati, “Kwamala.”
Po akinamila umutu wake pasi nu kufwa.
Bakamulasa u Yesu nimbalala pa lubafu
31Po likaba lisiku lya kwitendekesya isiku lya kutusya, ukuti umufimba wa Yesu ghutabe pambinjika pisiku lya kutusya (pakuti isiku lyakutusya likaba lisiku likulu ngani), abalongosi aba Yuda bakamulalusya u Pilati bakati, “Ifinama fyake fipyoliwe nukuti imibili yabo yifumepo pambinjika. 32Abasilikali bakisa nukumupyola ifinama umundu uwa bwandilo, sona nifya munine yo bakakomeliwa poka nawe. 33Loli bo bafika kwa Yesu, bakamutesya ukuti afwile kale, po bakatamupyola ifinama fyake. 34Loli yumo uwa basilikali akamulasa ni mbalala mulubafu lwake, papapo ibanda namisi fikafuma. 35Umundu yo akasitesya isi akasimikisya, sona ulusimikisyo lwake lwanaloli. Umwene asimenye ukuti akuyugha ubwanaloli, sona akusimikisya ukuti numwe bubu musubile. 36Pakuti sisisi sikabombiwa ukuti amasimbo ghakwanilisiwe ukuti, “Nalimo ifupa lyake lyo likwisa pakupyoliwa” 37Po sona amasimbo aghangi ghakuti, “Ba yukumutesyagha yo bamulasite.”
Ukusiliwa kwa Yesu
(Matayi27.57-61; Maliko15.42-47; Luka23.50-56)
38Pa nyuma pa isi, u Jozefu uwa ku Alimatiya, yo akaba mumanyili wa Yesu kubusyefu, pakuti akaboghopagha abalongosi aba Yuda, akamusuma u Pilati ukuti aghufumye umubili wa Yesu. U Pilati akamwitikisya ukuti aghufumye, po akaya aghufumyapo umubili wake. 39U Nikodemu yo pabwandilo akabuka kwa Yesu pabusiku, wepe akisa nifyakunungila fyo bakuti Mila, fyo akongannya nu Aloyi, ubung’wamu bwake bukaba papipi sate kilogalamu. 40Abandu babili aba bakaghusenya umubili wa Yesu, nukughunnyembetela nimyenda poka nimilembo yakunungila, pakukonga imiteto yaba Yuda yibelile pakasilile. 41Ubuyo bo bakamukomelela u Yesu, mukaba umughunda, po umughunda ghula ghukaba nipumba ipya lyo umundu atakasiliwamo lumo. 42Chifukwa likaba lisiku lya kutendekesya isiku lya kutusya aba Yuda, sona ipumba likaba papipi lyo bakabika umubili wa Yesu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ