योहान ओलखात
ओलखात
“योहाने लेखल्यी हाजी बातमी” ओं पुस्तक नवा नियमोअ तियां शार पुस्तकोमेहें रोत एक होय, जे ईसु ख्रिस्ताआ जिवनोअ बाप्तिम कोत आपतेहे. यां शारु पुस्तकोहों “हाजी बातमी” कोतेहे. ईसुउ मोतोअ फासाड़ी मत्तय, मार्क, लुक आन योहान यांवाअहीं एं पुस्तके लेखाअये. केहेंनेत ईसु ख्रिस्ताआ जल्माआं 90 वोर्ह्योंअ आसे-पासेज ओं पुस्तक प्रेशित योहानो वाअहीं लेखाअयोहो. या पुस्तकोम एहेलोह नाहां लेख्यो के प्रेशित योहान याआ लेखार्यू होय. तेबी या पुस्तकोअ लेखीइलोअ पद्धत “पेहला योहान, दुसरा योहान आन तिसरा योहान” यां पत्राअरी मिलती-जुलती होये. थोड़ाक वेगाआ लेखार्या एहेलोह मानताहा के तियां दिहोंम योहान इफिस होयरोमेहें रोतुतो. तिहीं वाईं ओं पुस्तक इफिसोम लेखाअयोये.
योहान या पुस्तकोअ उद्देश साफ देखाड़ेहे के, माअहुंहूं ईसु ओज “ख्रिस्त” होय एहेलुहू विश्वास कोइलोअ मदत जोड़े, जो जिवता देवोअ बेटुह्हू होय. योहान 20:31 या विश्वासो वाअहीं आपुहूं तियाआ नावम जिवन जोड़े. ओं पुस्तक यहुदी आन बिगर यहुदी यां बेनू वासनाराआं काजे लेखाअयोहो. योहानोअ हाजी बातमीमेहें बाकी तिन पुस्तकों रोत थोड़ीक गोठी वारुज आलांग होय. तो ईसु ख्रिस्ते कोअल्या समत्कारोअहें ध्यान खेसेहे, पोन तियाआ काईंइं बाप्तिम वादार नाहां लेखतू. बिहीरी मुख्य घटना मोन्ज्ये जेहेलीही के ईसुउ बाप्तिस्मा आन हुंद्ला जागाम तियाआ परिक्शा एहेलिही घटना या पुस्तकोम नाहां लेखाअयी.
रुप-रेशा
1. योहान हाजी बातमीइ सुरुवात कोअहे.1:1-18
2. तिहींइं फासाड़ी तो ईसुउ कोअल्या थोड़ाक समत्कारोअ बाप्तिम लेखेहे.1:19—12:50
3. तो ईसुउ जिवनोअ वारुज गोठी कोत देखाड़ेहे जे तियाआ मोतोम रोत फाशोअ जिवतो ओविइलाआ बाप्तिम होय, आन माअहोंओं सेवा.13:1—20:31
4. योहान 21 वा आध्यायोमेहें हाजी बातमीइ सेवट कोअहे, जिहींमेहें ईसुउ मोतोम रोत जिवतो ओवीत माअहोंहों देखाइलो आन आखरी पोअ या पुस्तकोहो लेखीइलाअ उद्देश कोत आपित बंद कोअहे.
လက္ရွိေရြးခ်ယ္ထားမွု
योहान ओलखात: NST25
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.