Luka 12
12
Chichenjejo pezhulu pobuchengeji
(Mateo 10:26,27)
1Pakwakabungana banhu banji bakata kutobana, wakalebeleka etangisa kubalayijwa babe eti, “Muchenjelele umfufumuso wabaFalisi, ndikwo kuchengeja kwabo. 2Apana chilofumikwa chicholekejwa kufumulwa, kana chilosisika zwicholekeja kubigwa pachena. 3Nokudalo zwose zwamunoleba munhilima zwinowhika kwakachena, nezwamunonyebeza musiswa mungumba zwinoshomejelwa pezhulu pengumba.
Unokwelela kutyiwa Ndiyani
(Mateo 1)
4“Ndinomubuja banakwaina bangu, musitye yabo banobulaya umbili, besina zwabanotubula mushule mwazwo. 5Koga ndinomuchenjeja pezhulu powamulokwelela kutya, ityani iye unesimba lyokuposela muGehena kana wafa, eya ndinomubuja ityani iye.
6“Atoba imo na kuti tunyuni tushanu tungatengwa namapeni mabili? Koga apana kana kamwempela kanokanganika mumesho aMwali. 7Seni, isusu limwe nelimwe limwo munsholo wenu lilolabwa kale. Musitye, nokuti mulokosha kupinda tundonga tunji.
Kuvuma nokulamba Kristo
(Mateo 10:32,33; 12:32; 10:19,20)
8“Akale ndinomubuja kuti wose unondivumila mbeli kwabanhu, iye yoyo unoovumilwa noMwananhulumyana woNhu mbeli kwengilozi jaMwali, 9asi iye unondilamba mbeli kwabanhu, unoolambwa mbeli kwabatumwa baMwali.
10“Akale wose unolebeleka iwhi ibi nezwoMwananhulumyana woNhu unoolekejelwa, koga yoyo unotukana pezhulu poMpepo uNchena aatolekejelwa.
11“Pabanomusenga kumasinagogo nokubatongi nokumakulukota musizwinyaje kuti mozwishandula chini, kana kuti motini, 12nokuti panoyo unshaji uMpepo uNchena unoomulayija zwamulokwelela kuleba.”
Unkwejaniso womfumi ilema
13Umwe unhu wakabeli mukati mwebunga lyabanhu wakati kuna Iye, “Ndayiji, ibujani unkulu wangu kuti endikobele bo ifuma.”
14Asi iye wakati kwaali, “Awe, ndiyani wandibiga kuti ndibe untongi kana unkobanisi wechuma chenu?” 15Wakati kwabali, “Chenjelani musibe noluchiba nechuma, nokuti bupenyu bwonhu abutobakwa nokuwanda kwefuma.”
16Wakababuja unkwejaniso akati, “Unda wondimi wakafuma wakoompa igoloka igulwana, 17akayeya mumwoyo uwe eti, ‘Ini zwandichata, nokuti andina pokubigila zwilyo zwangu zwose?’ 18Akati, ‘Ndichata yezwi’ akababuja kuti, ‘Ndichakolomola ose makombana angu kova ndibaka amwe makulwana, yomo ndimo mwandichabiga zwilyo nezwibiya zwangu zwose. 19akale ndichati kumpepo wangu, Mpepo wangu, unazwolya zwinji mubupenyu bubo kwamakole manji akumutobela, nokudalo teja mwoyo, ilya, unwe, akale ushante.’ 20Asi Mwali wakati kwaali: ‘Awe, lema! Busiku bwanasi umpepo uwo unoshobwa, Ani biya ichaba yani ifuma iyo yose yeyi yaulozwilondotela?’
21“Ndizwo zwichaba kunhu wose unobunganisa ifuma iye ega koga esilofuma mbeli kwaMwali.”
Bimbani naMwali
(Mateo 6:25-34)
22Wakati kubalayijwa babe, “Nokudalo ndinomubuja, musizwinyaje nezwobupenyu bwenu kuti, molyani, kana nezwombili wenu kuti mombalani. 23Nokuti bupenyu bukulwana kupinda kulya, nombili kupinda zwimbalo. 24Lingani makungubo, aatobyala akale aatovuna, aana zwilondotelo kana makombana, koga Mwali unowapa zwokulya. modikana chini imwi kupinda inyuni iraveni! 25Ndiyani pakati penu angapamhija bulefu bwobupenyu bubwe pezhulu pokuzwinyaja? 26Kana musinotubula kuta zwinhu zwitukutuku, mozwinyajilani nezwimwe? 27Lingani maluba, kuti anokubuka chini, aatoshinga kana kuluka, asi ndomubuja kojoba Solomoni akambala zwimbalo zwizwe zwibuya zwinaluyebo aajakambala selimwe lyamaluba.
28Kana Mwali embajika alo buhwa bweshango bunoti nasi bumomuminda, mangwana bunopiswa mumoto, ani imwi unoomumbajika zwili chini, Imwi banhu muna kudimbwa kutukutuku! 29Nokudalo musibige mwoyo nezwamuchalya, kana zwamuchanwa, musizwinyaje nazwo. 30Nokuti benyika jose banozwishaka yezwi, asi ibo Tate benu banoziba kuti yezwi zwinhu munozwishaka. 31Asi shakani bushe bubwe, mukadalo yezwi zwinhu zwinooba zwenu neebo.
Bufumi kuDenga
(Mateo 6:19-21)
32“Musibe nokutya imwi gapo idukutuku, nokuti Tate benu banoshantila kumupa bushe. 33Tengesani zwaamunanazwo, mupe zwipo kubasheti, ishakani zwikwama zwisinoshakala, nefuma isinopela kudenga, kusina imbava ichabuswikila kana igube lichabupalaja. 34Nokuti panefuma yiyo, ndipo mwoyo uwo pauchaba bo.
Bashingi Banolingilila Zwibuyanana
35“Bonani kuti mugele mukambala zwimbalo zwenu. Zwimunikiso zwenu ngezwigale zwikatutuma, 36ibani sabanhu balomilila tezi wabo umuva kumabhiko okulobolana, unoti angogogoja banomuka nokunzhulila unkoba pakalepo. 37Balokombolelwa yabo bashingi banowanika beliwhile pakuswika kwatezi wabo, chokomende ndinomubuja unoozwipombela noncheka, kova ebabuja kuti begale pasi pabugalo bwokulyila ebapakulila iye. 38Unooba nolushanto kana awana bekomilila kwova eswika pakati pobusiku kana kumijelo, balokombolelwa yabo bashingi. 39Asi whisisani yezwi, ngana mweni wengumba akabeziba kuti imbava inoswika noupi unshaji, aajaluleka imbava ingwina mungumba yiye. 40Namwibo galani mukazwibambanyila, nokuti Mwananhulumyana woNhu unozha nonshaji umusinoyeyesela.”
Unshingi ulobimbika kana usilobimbika
(Mateo 24:45-51)
41Pita wakati, “Tezi, nonkwejaniso yoyu mumubuja isu na, kana kuti wose unhu?” 42Tezi wakati, “Ndiupi biya umbhati wengumba ulobimbika nouna maano, unopiwa natezi uwe kuba unkulwana pezhulu pabengumba yiye kuti ebe unkobeli wokulya nonshaji ulokwelela? 43Ulokombolelwa yoyo unshingi unoti kana tezi uwe aswika unowanikwa eta yezwo. 44Chokomende ndinomubuja kuti unoova ompa kuti ebe iye unolinga ifuma iye yose. 45Kana unshingi yoyo eti mumwoyo mumwe, ‘Tezi wangu umujilwa kuzha’ kova etanga kuloba zwishingi zwechinhulumyana nozwechinhukajana, elya, enwa nokukolwa, 46ibo tezi booyo unshingi unooswika nezhuba lyaasinoyeyesela akale nonshaji waasinoziba, unoontonga, kova ombiga pamwempela naabo basilobimbika.
47“Akale yoyo unshingi wakabeziba chido chatezi uwe, koga akawanikwa asakazwilonganyila nokuta chido chatezi unoonabhwa zwikulwana kasa. 48Asi yoyo usaluziba akata zwilokwelela kulobelwa, unokwaiswa zwishomanana. Kuna yoyo unopiwa zwinji, neebo kunolingililwa zwinji kuna iye, akale yoyo ulopiwa lubimbo lukulwana zwinji zwinolingililwa kwaali.
Jesu Umpalalanyi
(Mateo 10:34-36)
49“Ndakezha kwobuza moto penyika, ndokwemuja chini kuti ngana uli mukututuma kale! 50Kuna umbhabhatizo undichakwelela kutambula zwinondinyaja kasa ado kushungulujwa kwangu kujine kutike! 51Munoyeya kuti ndakezha penyika kwobuza lunyalalo? Mane, asi kusowhanana, 52kuvila ngweno ali ingumba yabashanu inoopambukana, batatu bepambukana nababili, nababili bepambukana nabatatu, 53Tate abatoowhanana nomwananhulumyana wabo, nomwananhulumyana aatowhanana natate babe, amai abatoowhanana nomwanansichana wabo, nomwanansichana aatowhanana naamai babe, amezwale abatoowhanana nonkajiwomwana, nonkajiwomwana aatowhanana naamezwale.”
Kuwhisisa Unshaji
(Mateo 16:2,3)
54Wakati akale kubunga lyabanhu, “Kana mubona igole liva kubumililo, munoti pakalepo, ‘Inova ina ivula’ kova kuba alo.” 55Mungowha ibhepo liva kuchampembe, munoti, ‘kwalobopisa’ kova kuba alo. 56Imwi bachengeji! Munoziba kuti zwinolebani zwitondejelo zwopenyika nomudenga, Ani biya ini mukonwa kuziba zwitondejelo zwonshaji yoyu?
Whanana nombengi uwo
(Mateo 5:25,26)
57Ini biya musinozwishalila imwi nokwenu kuti zwilolulama ngezwipi? 58Kana uli munzila unda kugota uli pamwempela noyo wakupa undandu, kweja nesimba kuti muwhanane muchimunzila, nokuti unokumisa pambeli pontongi, akale untongi unokupila kumapolisa achakuposela muntolongo. 59“Ndinomubuja, amutoomubhuda mukati, kuswikila mwalipa ikobeli lyopejeleja.”
လက္ရွိေရြးခ်ယ္ထားမွု
Luka 12: LTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for The World International
Luka 12
12
Chichenjejo pezhulu pobuchengeji
(Mateo 10:26,27)
1Pakwakabungana banhu banji bakata kutobana, wakalebeleka etangisa kubalayijwa babe eti, “Muchenjelele umfufumuso wabaFalisi, ndikwo kuchengeja kwabo. 2Apana chilofumikwa chicholekejwa kufumulwa, kana chilosisika zwicholekeja kubigwa pachena. 3Nokudalo zwose zwamunoleba munhilima zwinowhika kwakachena, nezwamunonyebeza musiswa mungumba zwinoshomejelwa pezhulu pengumba.
Unokwelela kutyiwa Ndiyani
(Mateo 1)
4“Ndinomubuja banakwaina bangu, musitye yabo banobulaya umbili, besina zwabanotubula mushule mwazwo. 5Koga ndinomuchenjeja pezhulu powamulokwelela kutya, ityani iye unesimba lyokuposela muGehena kana wafa, eya ndinomubuja ityani iye.
6“Atoba imo na kuti tunyuni tushanu tungatengwa namapeni mabili? Koga apana kana kamwempela kanokanganika mumesho aMwali. 7Seni, isusu limwe nelimwe limwo munsholo wenu lilolabwa kale. Musitye, nokuti mulokosha kupinda tundonga tunji.
Kuvuma nokulamba Kristo
(Mateo 10:32,33; 12:32; 10:19,20)
8“Akale ndinomubuja kuti wose unondivumila mbeli kwabanhu, iye yoyo unoovumilwa noMwananhulumyana woNhu mbeli kwengilozi jaMwali, 9asi iye unondilamba mbeli kwabanhu, unoolambwa mbeli kwabatumwa baMwali.
10“Akale wose unolebeleka iwhi ibi nezwoMwananhulumyana woNhu unoolekejelwa, koga yoyo unotukana pezhulu poMpepo uNchena aatolekejelwa.
11“Pabanomusenga kumasinagogo nokubatongi nokumakulukota musizwinyaje kuti mozwishandula chini, kana kuti motini, 12nokuti panoyo unshaji uMpepo uNchena unoomulayija zwamulokwelela kuleba.”
Unkwejaniso womfumi ilema
13Umwe unhu wakabeli mukati mwebunga lyabanhu wakati kuna Iye, “Ndayiji, ibujani unkulu wangu kuti endikobele bo ifuma.”
14Asi iye wakati kwaali, “Awe, ndiyani wandibiga kuti ndibe untongi kana unkobanisi wechuma chenu?” 15Wakati kwabali, “Chenjelani musibe noluchiba nechuma, nokuti bupenyu bwonhu abutobakwa nokuwanda kwefuma.”
16Wakababuja unkwejaniso akati, “Unda wondimi wakafuma wakoompa igoloka igulwana, 17akayeya mumwoyo uwe eti, ‘Ini zwandichata, nokuti andina pokubigila zwilyo zwangu zwose?’ 18Akati, ‘Ndichata yezwi’ akababuja kuti, ‘Ndichakolomola ose makombana angu kova ndibaka amwe makulwana, yomo ndimo mwandichabiga zwilyo nezwibiya zwangu zwose. 19akale ndichati kumpepo wangu, Mpepo wangu, unazwolya zwinji mubupenyu bubo kwamakole manji akumutobela, nokudalo teja mwoyo, ilya, unwe, akale ushante.’ 20Asi Mwali wakati kwaali: ‘Awe, lema! Busiku bwanasi umpepo uwo unoshobwa, Ani biya ichaba yani ifuma iyo yose yeyi yaulozwilondotela?’
21“Ndizwo zwichaba kunhu wose unobunganisa ifuma iye ega koga esilofuma mbeli kwaMwali.”
Bimbani naMwali
(Mateo 6:25-34)
22Wakati kubalayijwa babe, “Nokudalo ndinomubuja, musizwinyaje nezwobupenyu bwenu kuti, molyani, kana nezwombili wenu kuti mombalani. 23Nokuti bupenyu bukulwana kupinda kulya, nombili kupinda zwimbalo. 24Lingani makungubo, aatobyala akale aatovuna, aana zwilondotelo kana makombana, koga Mwali unowapa zwokulya. modikana chini imwi kupinda inyuni iraveni! 25Ndiyani pakati penu angapamhija bulefu bwobupenyu bubwe pezhulu pokuzwinyaja? 26Kana musinotubula kuta zwinhu zwitukutuku, mozwinyajilani nezwimwe? 27Lingani maluba, kuti anokubuka chini, aatoshinga kana kuluka, asi ndomubuja kojoba Solomoni akambala zwimbalo zwizwe zwibuya zwinaluyebo aajakambala selimwe lyamaluba.
28Kana Mwali embajika alo buhwa bweshango bunoti nasi bumomuminda, mangwana bunopiswa mumoto, ani imwi unoomumbajika zwili chini, Imwi banhu muna kudimbwa kutukutuku! 29Nokudalo musibige mwoyo nezwamuchalya, kana zwamuchanwa, musizwinyaje nazwo. 30Nokuti benyika jose banozwishaka yezwi, asi ibo Tate benu banoziba kuti yezwi zwinhu munozwishaka. 31Asi shakani bushe bubwe, mukadalo yezwi zwinhu zwinooba zwenu neebo.
Bufumi kuDenga
(Mateo 6:19-21)
32“Musibe nokutya imwi gapo idukutuku, nokuti Tate benu banoshantila kumupa bushe. 33Tengesani zwaamunanazwo, mupe zwipo kubasheti, ishakani zwikwama zwisinoshakala, nefuma isinopela kudenga, kusina imbava ichabuswikila kana igube lichabupalaja. 34Nokuti panefuma yiyo, ndipo mwoyo uwo pauchaba bo.
Bashingi Banolingilila Zwibuyanana
35“Bonani kuti mugele mukambala zwimbalo zwenu. Zwimunikiso zwenu ngezwigale zwikatutuma, 36ibani sabanhu balomilila tezi wabo umuva kumabhiko okulobolana, unoti angogogoja banomuka nokunzhulila unkoba pakalepo. 37Balokombolelwa yabo bashingi banowanika beliwhile pakuswika kwatezi wabo, chokomende ndinomubuja unoozwipombela noncheka, kova ebabuja kuti begale pasi pabugalo bwokulyila ebapakulila iye. 38Unooba nolushanto kana awana bekomilila kwova eswika pakati pobusiku kana kumijelo, balokombolelwa yabo bashingi. 39Asi whisisani yezwi, ngana mweni wengumba akabeziba kuti imbava inoswika noupi unshaji, aajaluleka imbava ingwina mungumba yiye. 40Namwibo galani mukazwibambanyila, nokuti Mwananhulumyana woNhu unozha nonshaji umusinoyeyesela.”
Unshingi ulobimbika kana usilobimbika
(Mateo 24:45-51)
41Pita wakati, “Tezi, nonkwejaniso yoyu mumubuja isu na, kana kuti wose unhu?” 42Tezi wakati, “Ndiupi biya umbhati wengumba ulobimbika nouna maano, unopiwa natezi uwe kuba unkulwana pezhulu pabengumba yiye kuti ebe unkobeli wokulya nonshaji ulokwelela? 43Ulokombolelwa yoyo unshingi unoti kana tezi uwe aswika unowanikwa eta yezwo. 44Chokomende ndinomubuja kuti unoova ompa kuti ebe iye unolinga ifuma iye yose. 45Kana unshingi yoyo eti mumwoyo mumwe, ‘Tezi wangu umujilwa kuzha’ kova etanga kuloba zwishingi zwechinhulumyana nozwechinhukajana, elya, enwa nokukolwa, 46ibo tezi booyo unshingi unooswika nezhuba lyaasinoyeyesela akale nonshaji waasinoziba, unoontonga, kova ombiga pamwempela naabo basilobimbika.
47“Akale yoyo unshingi wakabeziba chido chatezi uwe, koga akawanikwa asakazwilonganyila nokuta chido chatezi unoonabhwa zwikulwana kasa. 48Asi yoyo usaluziba akata zwilokwelela kulobelwa, unokwaiswa zwishomanana. Kuna yoyo unopiwa zwinji, neebo kunolingililwa zwinji kuna iye, akale yoyo ulopiwa lubimbo lukulwana zwinji zwinolingililwa kwaali.
Jesu Umpalalanyi
(Mateo 10:34-36)
49“Ndakezha kwobuza moto penyika, ndokwemuja chini kuti ngana uli mukututuma kale! 50Kuna umbhabhatizo undichakwelela kutambula zwinondinyaja kasa ado kushungulujwa kwangu kujine kutike! 51Munoyeya kuti ndakezha penyika kwobuza lunyalalo? Mane, asi kusowhanana, 52kuvila ngweno ali ingumba yabashanu inoopambukana, batatu bepambukana nababili, nababili bepambukana nabatatu, 53Tate abatoowhanana nomwananhulumyana wabo, nomwananhulumyana aatowhanana natate babe, amai abatoowhanana nomwanansichana wabo, nomwanansichana aatowhanana naamai babe, amezwale abatoowhanana nonkajiwomwana, nonkajiwomwana aatowhanana naamezwale.”
Kuwhisisa Unshaji
(Mateo 16:2,3)
54Wakati akale kubunga lyabanhu, “Kana mubona igole liva kubumililo, munoti pakalepo, ‘Inova ina ivula’ kova kuba alo.” 55Mungowha ibhepo liva kuchampembe, munoti, ‘kwalobopisa’ kova kuba alo. 56Imwi bachengeji! Munoziba kuti zwinolebani zwitondejelo zwopenyika nomudenga, Ani biya ini mukonwa kuziba zwitondejelo zwonshaji yoyu?
Whanana nombengi uwo
(Mateo 5:25,26)
57Ini biya musinozwishalila imwi nokwenu kuti zwilolulama ngezwipi? 58Kana uli munzila unda kugota uli pamwempela noyo wakupa undandu, kweja nesimba kuti muwhanane muchimunzila, nokuti unokumisa pambeli pontongi, akale untongi unokupila kumapolisa achakuposela muntolongo. 59“Ndinomubuja, amutoomubhuda mukati, kuswikila mwalipa ikobeli lyopejeleja.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for The World International