Mariko 6
6
Yesu etalhiwe are Nazareti
Matayo 13:53-58; Luka 4:16-30
1Yesu ekahali Kaperinaumu ekaso he muang'a eelherue usewa Nazareti, ekuliahana na vahina kuu. 2Muaze wakusaboi nyamalo ureahe, Yesu ekalholhoshi kuhinya heminda vesahea Vayahudi. Vahe vakumure vemkoe cho ehinya vekamaka, vekalhasu, “Ho ya mburi khabuna ejigue le? Emurue kimomo kuila na kuboi mburi giru saya? Sari kuboi vimako vigiru saya?. 3Ho, ya sihu esiha mbao, muinyi wakwe Maria, mbakhu wavo Yakobo ne Josefu ne Yuda ne Simoni? He, vaing'inhii kuu mba turedi navo ii hakanu!” Kwato, vekasanuishwa niu.
4Yesu ekavaba, Mroto ekoika kira hodi mira tekoika ang'a hakuu, he vabahu kuu nahe vahe va minda kuu .
5Kwato Yesu teboiye kimako neri kiwe are, mira ekavakeiya miharegha varukao vesi vakumure na kuvauti. 6Yesu ekamakisha kwa kusa darisha kini.
Yesu etavasugha vahina kuu ikado na vanu
Matayo 10:5-15; Luka 9:1-6
Kwato Yesu ekaso he vijiji vya sina, ekavahinya vahe. 7Niho, ekavabunguru vahina kuu ikado na vanu, ekavakhakha vanuvanu, ekavasugha nakuvao ugiru wa kuyagu mapepo. 8Ekavaba “Mudori bi mkwaju. Musidori viaghu, ibene neri mhaku. 9Oroni makwadoe, mira musichii gomae hali.” 10Yesu ekavaba kahali, “Minda yo munebawa buuni, musibale ata sari iaze munehali heka muang'a.” 11Kira hagi vahe venelhi kumudoria hile kumulhahonha, lini ata na mhumhunhe isong'a he masame kaghu sa kuaija ite Kiumbi niu enevazamari.
12Kwato vekaso, na vekabirikira ite vahe vayo makusa kini na kuaro. 13Vekagu mapepo makumure, na kuvalhomi varukhao vakumure malhoma ya mizaituni na kuvauti.
Kigame chakwe Yohana Mzabatija
Matayo 14:1-12; Luka 9:7-9
14Niho, Dilao Herode ereko ka mburi kabuna, kwaite ka mburi jakwe Yesu jeilike kira hodi. Vahe vahali veekuba, “Yohana Mzabatija aaka kuli he kigame! Niu chiro elo u ya kuboi vimako.”
15Vahali vekaba, “Ya ni Eliya.”
Vahali vebae, “Ya ni mroto wa Kiumbi sa varoto vahali va azeto.”
16Herode areako ka mburi ekaba, “Ya ni Yohana mzabatija, nimtee mua, aaka kuli he kigame.” 17Herode niu eajie Yohana mzabatija adarawe, aorowe. Herode eboie to kwa ite eemdorie Herodia ee mlage wakwe Filipo mbahu wakwe Herode. 18Kwaite kira madamo Yohana Mzabatija eekumba Herode, “Miku ilhiija kumdori mlage wa mbahu kechi.”
19Kwato, Herodia eemkeie nkuru Yohana mzabatija, ekadumu kumgaa, mira temuruye, 20Kwaite Herode eekumbugheno Yohana mzabatija kwaite ereile ite nee mheedumuwe ni Kiumbi na mhewa Kiumbi, Kwato eekumkeiya ukilaaru asegaiwe. Herode eekudumu kumlakhonha Yohana mzabatija, hata kai eekuhiri he swaho ekufiriti kumlakhonha.
21Muaze muwe, Herodia ekaakho kwalhi ya kumgaa Yohana mzabatija, kwaite nee muaze wa kuhulha kuakhoika kwakwe Herode. Herode ekaboi elha giru ekavararika vagiru veaha di kuu, vagiru vakilaaru na madilao va idi la Galilaya. 22Mualeta wakwe Herodia areabuu na kura, ekamlhamuijisha Herode na vagalho kuu evararike he elha. Kwato dilao Herode ekamba ka mualeta, “Nilhawa kigi cho udumu, ninekuo.” 23Herode ekamkueiya muo ekamba, “Nilhawa cho udumu, nimuru neri kukhakha hasi udilao gho nikuo.”
24Niho ka mualeta ekaso kuramlhasu lage kini, “Nilhawa kiahoni?”
Lage mkini ekamba “Lhawa mua wakwe Yohana Mzabatija,”.
25Ka mualeta ekakirii nakawe kuso sari he dilao Herode ekamba, “Nidumu waijiji unio mua wakwe Yohana Mzabatija he lungo.”
26Dilao Herode ekabuuwe ni vuhuye, mira temuruye kulhi kwaite eekukeiye muo he vagalho kuu. 27Wato oto, dilao Herode ekamsugha mkilaaru kuu aregera mua wakwe Yohana. Mkilaaru ekaso he igereza, ekampaa Yohana mua, 28niho mkilaaru ekagera ka mua he lungo, ekamuo ka mualeta, nau ekamuo lage kini. 29Vahina vakwe Yohana Mzabatija vareako ka mburi, vekaso kuraudori msa wakwe Yohana, vekauke za he mbira.
Yesu etavao viaghu vahe erufu koi
Matayo 14:13-21; Luka 9:10-17; Yohana 6:1-14
30Hu vazasughawe vekakirii vekabunguru vakabuna he Yesu, vekambaiya makhabuna veaboiye na kuhinya. 31Yesu ekavaba, “Tusoni hodi hesilo mheturefufu.” Yesu eeyoe to kwaite heelo vahe vakumure veekulita na kuso, chikaboi Yesu na vahina kuu vekabeni madamo ya kua viaghu. 32Niho vekakutu mashua vekahaka salaghini, vekaso hodi hesilo vahe.
33Mira vahe vakumure vareavaakho vekuso vekavaile ite nivo, kwato vekagugulu kuli he miang'a mikabuna, vekavakaeiya kuhe, Yesu na Vahina kuu. 34Yesu areadimi he mashua, ekaakho ifyo la vahe, ekavaahoya mbalamija, kwaite veekhwae sa maalu yesilo mzemo. Kwato ekalholhoshi kuvahinya mburi kumure. 35Hareahe chamagheri, vahina kuu vekamliaha Yesu, vekamba, “Hodi ii ni roro, na wajiji ni chamagheri.” 36Vaba vahe vaso he vijiji na miang'a iaha sina, varewe viaghu kini. 37Mira Yesu ekavaba, “Vaoni kune viaghu.” Vahina kuu vekamlhasu, “Ho utudumu turevaweiya mikate ididiwe kwa vikhao vya madini ya mihaku mia nu kalo tuvao vaa?” Ka mihaku migirusha ya kuvaweiya viaghu ya vahe vakhabuna.
38Yesu ekavalhasu, “Mulo mikate mime? Soni murewesia.”
Vareafiriti kuwesia, vekakirii vekamba, “Helo mikate mikoi na samaki nu.” 39Niho Yesu ekavaba vahina kuu vavaba vahe vakukhakhaanye mafyo vazokodi di he mahako mailhe. 40Navo vekazokhodi maifyo ifyo ya vahe mia na vahali vahe hamsini. 41Niho, Yesu ekadori hu mikate mikoi na hu samaki nu, ekawesia ana he Kiumbi, ekaviaresia, ekaipu hu mikate, ekavao vahina kuu vavakhakhiye vahe. Wato oto ekavakhakhaya vahe vakhabuna hu samaki nu. 42Kira muwe ekaa, ekakhu. 43Naho vahina kuu vekadodoli vikhao vya mikate nahu samaki jimerisiye, vekahuti viteju ikhado na vinu. 44Ka vahe veae ka mikate na samaki veaha vaagiru erufu koi.
Yesu etadaha ana he mai
Matayo 14:22-33; Yohana 6:15-21
45Wato oto Yesu ekavaba vahina kuu vabuu he mashua, vakae kuso Betisaida, madamo ka u ekuvasange ifyo la vahe. 46Areafiriti kuvasange hu ifyo la vahe, ekaso he lubwa kuaresi. 47Ireahe chamagheri, mashua yeaha hasi he iziwa, Yesu salaghu neeu eaha gahana he iziwa. 48Ekavaakho vahina kuu cho venyamarika vekuma makasia, kwaite saa yekutavakiriti mzungure. Hareahe sina kulhe, Yesu ekavaliaha vahina kuu, ekudaha ana he mai. Eaha sina kuvatakho, 49mira vareamuakho ekudaha ana he mai, vekatoti ite ni mheelie bamuza, vekama nkalasu. 50Kwaite vakhabuna veemuakhoe vekabughenisha.
Wato oto Yesu ekavaba, “Taani! Ni ani, musibugheno!” 51Niho ekakutu he mashua hoveaha, na saa ikataa chwi. Vahina kuu vekabubulhuka kweri, 52kwaite teveenaile cho Yesu eboie hu mikate. Tevemurue kuile ka mburi.
Yesu etavauti varukhao are Genesareti
Matayo 14:34-36
53Vareatakho iziwa, vekahe idi la Genesareti, ata vekaumati Mashua kini. 54Vareali he Mashua, vahe vekamanga muile Yesu. 55Niho ka vahe, vekaso nakawe he vijiji ikhabuna, vekalholhoshi kuvadori varukhao vebodie he mihasi kini, vekavachii he Yesu kira hodi ho vekoye ite eaha. 56Kira hodi Yesu esoe, he mbuva, he vijiji na he miang'a, vahe veevakee varukhao he vikhoja. Vekamgogo Yesu neri vadoe bi gomae kuu. Vakhabuna vemdoiye vekautiwa.
လက္ရွိေရြးခ်ယ္ထားမွု
Mariko 6: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.
Mariko 6
6
Yesu etalhiwe are Nazareti
Matayo 13:53-58; Luka 4:16-30
1Yesu ekahali Kaperinaumu ekaso he muang'a eelherue usewa Nazareti, ekuliahana na vahina kuu. 2Muaze wakusaboi nyamalo ureahe, Yesu ekalholhoshi kuhinya heminda vesahea Vayahudi. Vahe vakumure vemkoe cho ehinya vekamaka, vekalhasu, “Ho ya mburi khabuna ejigue le? Emurue kimomo kuila na kuboi mburi giru saya? Sari kuboi vimako vigiru saya?. 3Ho, ya sihu esiha mbao, muinyi wakwe Maria, mbakhu wavo Yakobo ne Josefu ne Yuda ne Simoni? He, vaing'inhii kuu mba turedi navo ii hakanu!” Kwato, vekasanuishwa niu.
4Yesu ekavaba, Mroto ekoika kira hodi mira tekoika ang'a hakuu, he vabahu kuu nahe vahe va minda kuu .
5Kwato Yesu teboiye kimako neri kiwe are, mira ekavakeiya miharegha varukao vesi vakumure na kuvauti. 6Yesu ekamakisha kwa kusa darisha kini.
Yesu etavasugha vahina kuu ikado na vanu
Matayo 10:5-15; Luka 9:1-6
Kwato Yesu ekaso he vijiji vya sina, ekavahinya vahe. 7Niho, ekavabunguru vahina kuu ikado na vanu, ekavakhakha vanuvanu, ekavasugha nakuvao ugiru wa kuyagu mapepo. 8Ekavaba “Mudori bi mkwaju. Musidori viaghu, ibene neri mhaku. 9Oroni makwadoe, mira musichii gomae hali.” 10Yesu ekavaba kahali, “Minda yo munebawa buuni, musibale ata sari iaze munehali heka muang'a.” 11Kira hagi vahe venelhi kumudoria hile kumulhahonha, lini ata na mhumhunhe isong'a he masame kaghu sa kuaija ite Kiumbi niu enevazamari.
12Kwato vekaso, na vekabirikira ite vahe vayo makusa kini na kuaro. 13Vekagu mapepo makumure, na kuvalhomi varukhao vakumure malhoma ya mizaituni na kuvauti.
Kigame chakwe Yohana Mzabatija
Matayo 14:1-12; Luka 9:7-9
14Niho, Dilao Herode ereko ka mburi kabuna, kwaite ka mburi jakwe Yesu jeilike kira hodi. Vahe vahali veekuba, “Yohana Mzabatija aaka kuli he kigame! Niu chiro elo u ya kuboi vimako.”
15Vahali vekaba, “Ya ni Eliya.”
Vahali vebae, “Ya ni mroto wa Kiumbi sa varoto vahali va azeto.”
16Herode areako ka mburi ekaba, “Ya ni Yohana mzabatija, nimtee mua, aaka kuli he kigame.” 17Herode niu eajie Yohana mzabatija adarawe, aorowe. Herode eboie to kwa ite eemdorie Herodia ee mlage wakwe Filipo mbahu wakwe Herode. 18Kwaite kira madamo Yohana Mzabatija eekumba Herode, “Miku ilhiija kumdori mlage wa mbahu kechi.”
19Kwato, Herodia eemkeie nkuru Yohana mzabatija, ekadumu kumgaa, mira temuruye, 20Kwaite Herode eekumbugheno Yohana mzabatija kwaite ereile ite nee mheedumuwe ni Kiumbi na mhewa Kiumbi, Kwato eekumkeiya ukilaaru asegaiwe. Herode eekudumu kumlakhonha Yohana mzabatija, hata kai eekuhiri he swaho ekufiriti kumlakhonha.
21Muaze muwe, Herodia ekaakho kwalhi ya kumgaa Yohana mzabatija, kwaite nee muaze wa kuhulha kuakhoika kwakwe Herode. Herode ekaboi elha giru ekavararika vagiru veaha di kuu, vagiru vakilaaru na madilao va idi la Galilaya. 22Mualeta wakwe Herodia areabuu na kura, ekamlhamuijisha Herode na vagalho kuu evararike he elha. Kwato dilao Herode ekamba ka mualeta, “Nilhawa kigi cho udumu, ninekuo.” 23Herode ekamkueiya muo ekamba, “Nilhawa cho udumu, nimuru neri kukhakha hasi udilao gho nikuo.”
24Niho ka mualeta ekaso kuramlhasu lage kini, “Nilhawa kiahoni?”
Lage mkini ekamba “Lhawa mua wakwe Yohana Mzabatija,”.
25Ka mualeta ekakirii nakawe kuso sari he dilao Herode ekamba, “Nidumu waijiji unio mua wakwe Yohana Mzabatija he lungo.”
26Dilao Herode ekabuuwe ni vuhuye, mira temuruye kulhi kwaite eekukeiye muo he vagalho kuu. 27Wato oto, dilao Herode ekamsugha mkilaaru kuu aregera mua wakwe Yohana. Mkilaaru ekaso he igereza, ekampaa Yohana mua, 28niho mkilaaru ekagera ka mua he lungo, ekamuo ka mualeta, nau ekamuo lage kini. 29Vahina vakwe Yohana Mzabatija vareako ka mburi, vekaso kuraudori msa wakwe Yohana, vekauke za he mbira.
Yesu etavao viaghu vahe erufu koi
Matayo 14:13-21; Luka 9:10-17; Yohana 6:1-14
30Hu vazasughawe vekakirii vekabunguru vakabuna he Yesu, vekambaiya makhabuna veaboiye na kuhinya. 31Yesu ekavaba, “Tusoni hodi hesilo mheturefufu.” Yesu eeyoe to kwaite heelo vahe vakumure veekulita na kuso, chikaboi Yesu na vahina kuu vekabeni madamo ya kua viaghu. 32Niho vekakutu mashua vekahaka salaghini, vekaso hodi hesilo vahe.
33Mira vahe vakumure vareavaakho vekuso vekavaile ite nivo, kwato vekagugulu kuli he miang'a mikabuna, vekavakaeiya kuhe, Yesu na Vahina kuu. 34Yesu areadimi he mashua, ekaakho ifyo la vahe, ekavaahoya mbalamija, kwaite veekhwae sa maalu yesilo mzemo. Kwato ekalholhoshi kuvahinya mburi kumure. 35Hareahe chamagheri, vahina kuu vekamliaha Yesu, vekamba, “Hodi ii ni roro, na wajiji ni chamagheri.” 36Vaba vahe vaso he vijiji na miang'a iaha sina, varewe viaghu kini. 37Mira Yesu ekavaba, “Vaoni kune viaghu.” Vahina kuu vekamlhasu, “Ho utudumu turevaweiya mikate ididiwe kwa vikhao vya madini ya mihaku mia nu kalo tuvao vaa?” Ka mihaku migirusha ya kuvaweiya viaghu ya vahe vakhabuna.
38Yesu ekavalhasu, “Mulo mikate mime? Soni murewesia.”
Vareafiriti kuwesia, vekakirii vekamba, “Helo mikate mikoi na samaki nu.” 39Niho Yesu ekavaba vahina kuu vavaba vahe vakukhakhaanye mafyo vazokodi di he mahako mailhe. 40Navo vekazokhodi maifyo ifyo ya vahe mia na vahali vahe hamsini. 41Niho, Yesu ekadori hu mikate mikoi na hu samaki nu, ekawesia ana he Kiumbi, ekaviaresia, ekaipu hu mikate, ekavao vahina kuu vavakhakhiye vahe. Wato oto ekavakhakhaya vahe vakhabuna hu samaki nu. 42Kira muwe ekaa, ekakhu. 43Naho vahina kuu vekadodoli vikhao vya mikate nahu samaki jimerisiye, vekahuti viteju ikhado na vinu. 44Ka vahe veae ka mikate na samaki veaha vaagiru erufu koi.
Yesu etadaha ana he mai
Matayo 14:22-33; Yohana 6:15-21
45Wato oto Yesu ekavaba vahina kuu vabuu he mashua, vakae kuso Betisaida, madamo ka u ekuvasange ifyo la vahe. 46Areafiriti kuvasange hu ifyo la vahe, ekaso he lubwa kuaresi. 47Ireahe chamagheri, mashua yeaha hasi he iziwa, Yesu salaghu neeu eaha gahana he iziwa. 48Ekavaakho vahina kuu cho venyamarika vekuma makasia, kwaite saa yekutavakiriti mzungure. Hareahe sina kulhe, Yesu ekavaliaha vahina kuu, ekudaha ana he mai. Eaha sina kuvatakho, 49mira vareamuakho ekudaha ana he mai, vekatoti ite ni mheelie bamuza, vekama nkalasu. 50Kwaite vakhabuna veemuakhoe vekabughenisha.
Wato oto Yesu ekavaba, “Taani! Ni ani, musibugheno!” 51Niho ekakutu he mashua hoveaha, na saa ikataa chwi. Vahina kuu vekabubulhuka kweri, 52kwaite teveenaile cho Yesu eboie hu mikate. Tevemurue kuile ka mburi.
Yesu etavauti varukhao are Genesareti
Matayo 14:34-36
53Vareatakho iziwa, vekahe idi la Genesareti, ata vekaumati Mashua kini. 54Vareali he Mashua, vahe vekamanga muile Yesu. 55Niho ka vahe, vekaso nakawe he vijiji ikhabuna, vekalholhoshi kuvadori varukhao vebodie he mihasi kini, vekavachii he Yesu kira hodi ho vekoye ite eaha. 56Kira hodi Yesu esoe, he mbuva, he vijiji na he miang'a, vahe veevakee varukhao he vikhoja. Vekamgogo Yesu neri vadoe bi gomae kuu. Vakhabuna vemdoiye vekautiwa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.