Mariko 1
1
Yohana mzabatija etavabirikiria vahe
Matayo 3:1-12; Luka 3:1-18; 1:19-28
1Ya niu kulholhoshi kwa Mburi Kulho jakwe Yesu Kiristo, Mburatu wakwe Kiumbi. 2Chilholhoshie sakigi chigondiwe he kitabu chakwe Isaya mroto wa Kiumbi,
“Kiumbi eebaye, Ninemsugha mzasughawa gho akukaeye, u enekuboiya balabala kechi.
3Kiome cha mhechise are he ilangwa chikuba,
Mboiyeni Dilao kwalhi kuu,
Ikuuruni kikulho kwalhi enetakho.”
4Yohana Mzabatija eelitie he ilangwa ekabirikira ite, “Vahe vayo makusa kini na kuyaro, naho vabatijwe kalo Kiumbi avakaaie makusa kini.” 5Vahe vakumure kuli he idi la Yudea na kuli he muang'a wa Yerusalemu vakhabuna vekaso hakuu. Vekadumu ite velo makusa. Nau ekavabatija he muharaza Yoridani.
6Yohana eekuoro gomae jiboiwe na mafoya ya Ngamia, eeoroe muowe wa bulhe hasi ya msa kuu, nu eekua naa ya maeza na mabalala. 7Yohana ekavabirikiria ekuba, “Elitie elo Ugiru kutakho ani. Ani siye neri kududukhu na kuge mulhu ja makwadoe kuu. 8Ani nimubatija na mai, mira u enemubatija kwa Saa wa Kiumbi.”
Yesu etabatijwa na kugaliwa
Matayo 3:13-17; Luka 3:21,22; 4:1-13
9Yesu ekahe kuli muang'a wa Nazareti uaha he idi la Galilaya, ekabatijwa ni Yohana he muharaza Yoridani. 10Yesu areaguijanya bi kuli za he mai, ekaakho are ana he Kiumbi helhaike, na Saa wa Kiumbi ekumdimia sakigi sua iradimi. 11Kiome kuli ana he Kiumbi chikakoika chikuba, “Ari ni Muinyi gho nikudumue, nayeiwa niari.”
12Wato oto Saa wa Kiumbi ekamkaeti kuso he ilangwa, 13ekafufu are maaze mikado mihai ekugaliwe ni Shetani. Nau eaha hawe na vimagheri vya maeza,na vanyamalo vaare ana he Kiumbi vekumnyamarikia.
Yesu etavase vavuluji vahai kukhwa vahina kuu
Matayo 4:12-22; Luka 4:14-15; 5:1-11
14Maaze makumure areatakho Yohana akalhatiwa he igereza, Yesu ekaso he muang'a wa Galilaya, kuzavabirikiria vahe Mburi Kulho ja Kiumbi. 15“Ekuba madamo yaahe,” “Udilao wa Kiumbi uaha sina. Yoni na kuro makusa kaghu na idarisheni Mburi Kulho!”
16Yesu arekhwa etakho khakhera he iziwa la Galilaya, ekavaakho vazavula vanu, Simoni ne Andrea ne mbakhu kuu, vekuvulula samaki kwa nyavu. 17Yesu ekavaba, “Niliahani ani ninemuboi kune kuvagera vahe hagho sakigi mweekuvula samaki.” 18Wato oto vekaro nyavu kini, nakumliaha.
19Yesu areso hagitutu, ekavaakho Yakobo ne Yohana, vainyi vakwe Zebedayo, veaha za he mashua kini, vekuke kikulho nyavu kini. 20Wato oto Yesu ekavase, navo vekamro Zebedayo aba kini he mashua hawe na vanyamalo, vekamliaha Yesu.
Yesu etamgu mheipepo
Luka 4:31-37
21Yesu na vahina kuu vekahe he muang'a wa Kaperanahumu. Ureahe Muaze wa kusaaboi nyamalo, Yesu ekabuu he minda Vayahudi vesahe ekalholhoshi kuvahinya.
22Vahe vakhabuna vareamko vekamakisha kuhinya kuu, kwaite teekuhinya sa vahinya va miku yakwe Kiumbi emuoe Musa, mira ehinya sa mheelo ugiru. 23Wato oto he minda yo vesahe Vayahudi, heelo mhe elo ipepo, nau ekakhalaa, 24ekuba, “Udumu kiakhoni he nne, Yesu wa Nazareti? Tuba utelita kutugaa? Nikuilie ite ari niu usughawe ni Kiumbi!”
25Mira Yesu ekalijoghoiya ka ipepo ekuba, “Taa muli ya mhe.”
26Niho ka ipepo likamkushisha ka muhe, naho ekakhaa, ipepo likamli. 27Vahe vakhabuna vekamaka, vekalhasuana, “Ni mburi mina ya? Ya ni mahinyo magalho! Yelo ugiru, eyaba mapepo nau yamko.”
28Kwato mburi jakwe Yesu jikaparaa wangu kira he idi la Galilaya.
Yesu etavauti vahe vakumure
Matayo 8:14-17; Luka 4:38-41
29Wato oto vekahali he minda ya kusahe Vayahudi vekaso hawe ne Yakobo ne Yohana, vekaso we kwa we sari ang'a hakwe Simoni ne Andrea. 30Are mkora wa kilage wakwe Simoni, eebodie he muhasi elo ihoma, vekambaya Yesu nakawe mburi yaka mlage. 31Yesu ekamliaha kamlage ekamdara muharegha ekamkaa. Wato oto ekau, ekalholhoshi kuvaboiya nyamalo.
32Hachamakheri kaaze kareafili, vahe vekamgeria Yesu varukhao vakhabuna na vakhabuna velo mapepo. 33Vahe vakhabuna he muang'a vekabunguru gahana he luhige lwa minda yakwe Simoni. 34Yesu ekavauti vahe vakumure veekuru marukho kini makhabuna na kuyagu mapepo makumure. Mira tevadumuije kuyo kigi kwaite yeremuile ite u niji.
Yesu etabirikiria vahe he idi la Galilaya
Luka 4:42-44
35Kiama ama, kaaze kesinali, Yesu ekaka, ekaso hodi hesilo vahe, kuraaresi. 36Simoni na vaaro kini vekaso kuramdaa. 37Vareamuakho vekamba, “Kira mhe ekudaa.”
38Yesu ekavaba, “Tudumuwe tuso he miang'a mihali isiaha uda. Are nidumuwe nizebirikiria vahe Mburi Kulho, kwaite ka nyamalo niu inigerie.”
39Kwato Yesu, ekaso kira hagi are Galilaya, ilai ekuvabirikiria vahe he minda ja kusaheya Vayahudi na kugu mapepo.
Yesu etamuuti mheelo urukhao wa mkwa
Matayo 8:1-4; Luka 5:12-16
40Mhe muwe eekuru urukhao wa bulhe ekamliaha Yesu, ekama mamuro, ekamlhawa, “Ukudumu,” Ekamba “Umuru kuniboi nidumuijwe kumuaresi Kiumbi!”
41Yesu ekamkoiya mbalamija ka mhe, ekakuuruti muharegha kuu ekamdara ka mhe ekamba, “Nidumu” “Nidumuijwe kumuaresi Kiumbi.” 42Wato oto ekau urukhao wa lukoma, ekadumuijwa kumuaresi Kiumbi. 43Niho, Yesu ekamlhiijisha ekamba aso, 44eembae “Usiregali kumbaya mhe ya mburi, mira uso urekuajia he mgiru wa muaresi, naho uregu kivulu kwa kudumuijwa kumuaresi Kiumbi sakigi Musa eajie. Naho mgiru wa muaresi akuaije he vahe vakhabuna ite wadumuijwa kumuaresi Kiumbi.”
45Mira ka mhe ekaso, ekalholhoshi kuyo ka mburi kira hagi na kuparati ka mburi kumure jikamuboi Yesu akwasiwe kubuu he muang'a kwa kuilika. Kwato Yesu ekazokho hagi hesilo vahe. Mira vahe vekamliaha kuli kira hagi.
လက္ရွိေရြးခ်ယ္ထားမွု
Mariko 1: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.
Mariko 1
1
Yohana mzabatija etavabirikiria vahe
Matayo 3:1-12; Luka 3:1-18; 1:19-28
1Ya niu kulholhoshi kwa Mburi Kulho jakwe Yesu Kiristo, Mburatu wakwe Kiumbi. 2Chilholhoshie sakigi chigondiwe he kitabu chakwe Isaya mroto wa Kiumbi,
“Kiumbi eebaye, Ninemsugha mzasughawa gho akukaeye, u enekuboiya balabala kechi.
3Kiome cha mhechise are he ilangwa chikuba,
Mboiyeni Dilao kwalhi kuu,
Ikuuruni kikulho kwalhi enetakho.”
4Yohana Mzabatija eelitie he ilangwa ekabirikira ite, “Vahe vayo makusa kini na kuyaro, naho vabatijwe kalo Kiumbi avakaaie makusa kini.” 5Vahe vakumure kuli he idi la Yudea na kuli he muang'a wa Yerusalemu vakhabuna vekaso hakuu. Vekadumu ite velo makusa. Nau ekavabatija he muharaza Yoridani.
6Yohana eekuoro gomae jiboiwe na mafoya ya Ngamia, eeoroe muowe wa bulhe hasi ya msa kuu, nu eekua naa ya maeza na mabalala. 7Yohana ekavabirikiria ekuba, “Elitie elo Ugiru kutakho ani. Ani siye neri kududukhu na kuge mulhu ja makwadoe kuu. 8Ani nimubatija na mai, mira u enemubatija kwa Saa wa Kiumbi.”
Yesu etabatijwa na kugaliwa
Matayo 3:13-17; Luka 3:21,22; 4:1-13
9Yesu ekahe kuli muang'a wa Nazareti uaha he idi la Galilaya, ekabatijwa ni Yohana he muharaza Yoridani. 10Yesu areaguijanya bi kuli za he mai, ekaakho are ana he Kiumbi helhaike, na Saa wa Kiumbi ekumdimia sakigi sua iradimi. 11Kiome kuli ana he Kiumbi chikakoika chikuba, “Ari ni Muinyi gho nikudumue, nayeiwa niari.”
12Wato oto Saa wa Kiumbi ekamkaeti kuso he ilangwa, 13ekafufu are maaze mikado mihai ekugaliwe ni Shetani. Nau eaha hawe na vimagheri vya maeza,na vanyamalo vaare ana he Kiumbi vekumnyamarikia.
Yesu etavase vavuluji vahai kukhwa vahina kuu
Matayo 4:12-22; Luka 4:14-15; 5:1-11
14Maaze makumure areatakho Yohana akalhatiwa he igereza, Yesu ekaso he muang'a wa Galilaya, kuzavabirikiria vahe Mburi Kulho ja Kiumbi. 15“Ekuba madamo yaahe,” “Udilao wa Kiumbi uaha sina. Yoni na kuro makusa kaghu na idarisheni Mburi Kulho!”
16Yesu arekhwa etakho khakhera he iziwa la Galilaya, ekavaakho vazavula vanu, Simoni ne Andrea ne mbakhu kuu, vekuvulula samaki kwa nyavu. 17Yesu ekavaba, “Niliahani ani ninemuboi kune kuvagera vahe hagho sakigi mweekuvula samaki.” 18Wato oto vekaro nyavu kini, nakumliaha.
19Yesu areso hagitutu, ekavaakho Yakobo ne Yohana, vainyi vakwe Zebedayo, veaha za he mashua kini, vekuke kikulho nyavu kini. 20Wato oto Yesu ekavase, navo vekamro Zebedayo aba kini he mashua hawe na vanyamalo, vekamliaha Yesu.
Yesu etamgu mheipepo
Luka 4:31-37
21Yesu na vahina kuu vekahe he muang'a wa Kaperanahumu. Ureahe Muaze wa kusaaboi nyamalo, Yesu ekabuu he minda Vayahudi vesahe ekalholhoshi kuvahinya.
22Vahe vakhabuna vareamko vekamakisha kuhinya kuu, kwaite teekuhinya sa vahinya va miku yakwe Kiumbi emuoe Musa, mira ehinya sa mheelo ugiru. 23Wato oto he minda yo vesahe Vayahudi, heelo mhe elo ipepo, nau ekakhalaa, 24ekuba, “Udumu kiakhoni he nne, Yesu wa Nazareti? Tuba utelita kutugaa? Nikuilie ite ari niu usughawe ni Kiumbi!”
25Mira Yesu ekalijoghoiya ka ipepo ekuba, “Taa muli ya mhe.”
26Niho ka ipepo likamkushisha ka muhe, naho ekakhaa, ipepo likamli. 27Vahe vakhabuna vekamaka, vekalhasuana, “Ni mburi mina ya? Ya ni mahinyo magalho! Yelo ugiru, eyaba mapepo nau yamko.”
28Kwato mburi jakwe Yesu jikaparaa wangu kira he idi la Galilaya.
Yesu etavauti vahe vakumure
Matayo 8:14-17; Luka 4:38-41
29Wato oto vekahali he minda ya kusahe Vayahudi vekaso hawe ne Yakobo ne Yohana, vekaso we kwa we sari ang'a hakwe Simoni ne Andrea. 30Are mkora wa kilage wakwe Simoni, eebodie he muhasi elo ihoma, vekambaya Yesu nakawe mburi yaka mlage. 31Yesu ekamliaha kamlage ekamdara muharegha ekamkaa. Wato oto ekau, ekalholhoshi kuvaboiya nyamalo.
32Hachamakheri kaaze kareafili, vahe vekamgeria Yesu varukhao vakhabuna na vakhabuna velo mapepo. 33Vahe vakhabuna he muang'a vekabunguru gahana he luhige lwa minda yakwe Simoni. 34Yesu ekavauti vahe vakumure veekuru marukho kini makhabuna na kuyagu mapepo makumure. Mira tevadumuije kuyo kigi kwaite yeremuile ite u niji.
Yesu etabirikiria vahe he idi la Galilaya
Luka 4:42-44
35Kiama ama, kaaze kesinali, Yesu ekaka, ekaso hodi hesilo vahe, kuraaresi. 36Simoni na vaaro kini vekaso kuramdaa. 37Vareamuakho vekamba, “Kira mhe ekudaa.”
38Yesu ekavaba, “Tudumuwe tuso he miang'a mihali isiaha uda. Are nidumuwe nizebirikiria vahe Mburi Kulho, kwaite ka nyamalo niu inigerie.”
39Kwato Yesu, ekaso kira hagi are Galilaya, ilai ekuvabirikiria vahe he minda ja kusaheya Vayahudi na kugu mapepo.
Yesu etamuuti mheelo urukhao wa mkwa
Matayo 8:1-4; Luka 5:12-16
40Mhe muwe eekuru urukhao wa bulhe ekamliaha Yesu, ekama mamuro, ekamlhawa, “Ukudumu,” Ekamba “Umuru kuniboi nidumuijwe kumuaresi Kiumbi!”
41Yesu ekamkoiya mbalamija ka mhe, ekakuuruti muharegha kuu ekamdara ka mhe ekamba, “Nidumu” “Nidumuijwe kumuaresi Kiumbi.” 42Wato oto ekau urukhao wa lukoma, ekadumuijwa kumuaresi Kiumbi. 43Niho, Yesu ekamlhiijisha ekamba aso, 44eembae “Usiregali kumbaya mhe ya mburi, mira uso urekuajia he mgiru wa muaresi, naho uregu kivulu kwa kudumuijwa kumuaresi Kiumbi sakigi Musa eajie. Naho mgiru wa muaresi akuaije he vahe vakhabuna ite wadumuijwa kumuaresi Kiumbi.”
45Mira ka mhe ekaso, ekalholhoshi kuyo ka mburi kira hagi na kuparati ka mburi kumure jikamuboi Yesu akwasiwe kubuu he muang'a kwa kuilika. Kwato Yesu ekazokho hagi hesilo vahe. Mira vahe vekamliaha kuli kira hagi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.