Matayo 23
23
Yesu etavakanya vahinya va miku na Mafarisayo
Mariko 12:38,39; Luka 11:43-46; 20:46
1Yesu ekayo na vahe vakumure hawe na vahina kuu ekuvaba, 2“Vahinya va miku yakwe Musa hawe na Mafarisayo velo ugiru wakuyoiya miku yakwe Musa, 3kwato mudumuwa muvako na kuboi kira cho venemubaiya. Mira musiboi cho veboi, kwaite teveboi huyo veyabirikira.” 4Veoro mimaru iyakhi na kuvabadika vahe he vituro, mira vo salaghini tevedumu neri kukaa kisatu kuisusughuja. 5Vo veboi ka mburi khabuna kalo vaakhowe ni vahe. He vubasa na miharegha veoro vubegi vuboiwe na bulhe naka vubegi kini vubutuwe vikhao vya makaratasi vigondiwe miku yakwe Musa, nakuboi vufundo vwa gomae kini vukhwa vukulhe. 6Vedumuisha kuzokhodi he vikire vya ugiru vyabosi he elha hawe na kuzokhodi he vikire vya bosi hodi hakusahe Vayahudi. 7Kahaliwa vedumuisha kuholuwe kikulho he vikhoja naho vedumuisha kusewa ni vahe, “Mhinya.” 8Mira kune musisewe, “Mhinya,” Kwaite kune mhinya kaghu ni muwe bi, na kune vakhabuna muvabakhu. 9Naho kune musimse mhe neri muwe “Aba” ii he idi, kwaite Aba kaghu ni muwe bi, eaha are ana. 10Neri musisewe “Mzakaeti” kwaite emukaeti kuni ni muwe bi, niu Kiristo 11Kira muhe edumu kukhwa mgiru he kune chidumuwa akhwa mnyamalo kaghu. 12Kwaite neri muhe muwe ekukuturu Kiumbi enemdimiri, naho ekudimiri Kiumbi enemkuturu.
Yesu etakararija vakusa vekuboi vakulho
Mariko 12:40; Luka 11:39-42,44,52; 20:47
13Kuriuwa kaghu, vahinya va miku yakwe Musa na Mafarisayo, kune vakusa mukuaija ite muvakulho, muvalhatiya vahe maluhige ya Ugiru wa ana he Kiumbi. Kune salaghe temubuu are, naho hu vedumu kubuu mutavalhiija. 14Kuriuwa kaghu kune vahinya va miku na Mafarisayo vakusa mukuboi ite muvakulho, muvaale valage vegaiwe ni vaagiru kini vigi kini naho mukuboi muvakulho, muaresi madamo maeza kwato zamaro kaghu inekhwa girusha. 15“Kuriuwa kaghu, kune vahinya va miku na Mafarisayo, kune vakusa mukuboi ite muvakulho, kune mubari he bahari nahe idi lisilo mai mukumdaa muhe muwe kalo ailiahe kwalhi kaghu mira mkunemuakho mutamboi akhwa muhe edumuwa aso he iziwa lilo mwalha usiga maaze khabuna kagi kanu kutakho kune.” 16“Kuriuwa kaghu, vagiru musiakho.” Kune muba, “Muhe ekuapa kwa ilhe la minda ya Kiumbi, kuapa kutoe to si kigi mira muhe ekuapa he zahabu ya Minda ya Kiumbi aorowe ni kiapo kuu.” 17Kune maivile musiakho, nikihama kigirusha, nihu zahabu hile nihu Minda ya Kiumbi niu iboi hu zahabu idumuijwe he Kiumbi? 18Kahali muba ite muhe ekulapa eeaha hodi hakuaresia si kigi, mira ekulapa eeaha helo kivulu chikewe hodi hakuaresia ka kilapo chinemdara. 19Kune musiakho ni kihama chiyeisha hu kivulu hile nito hodi hakuguiya ka kivulu chidumuijwe he Kiumbi? 20Kwato muhe elapa kwa hodi hakuguiya kivulu elapa ata hodi hakuguiya kuvulu hawe na kira kigi chikeiwe ana kuu. 21Naho elapa he minda ya Kiumbi enekhwa alapa heka minda ya Kiumbi hawe nahuye ezokho heka minda. 22Naka elapa areana he Kiumbi, elapa he kikire cha Udilao wa Kiumbi, nahehu Kiumbi salaghe ezokhodi ana heka kikire. 23Kuriuwa kaghu vahinya va miku yakwe Musa na Mafarisayo, kune vakusa mukuaija ite muvakulho, kwaite mugu zaka neri ja mbukha ja mahako, bizari na jira, naho mulhi mburi jiye kuboiwa kutakho miku sa kukhwa na ukulho he Kiumbi ja kweri na mbalamija hawe na kudarisha. Yayo iji neeyo mweekudumuwe kuboi mburi giru na gitutu neri musizi hu mahali. 24Kune vagiru va idi musiakho, mugu sindaki he mai ya kuwaha, mira munguju wa. 25Kuriuwa kaghu vahinya va miku na mafarisayo, kune vakusa mukuaija ite muvakulho, muonhi ibakuri na kikonho kwa gahana, mira are za muro hehuye vigi vya ugwalo na kula. 26Kune Mafarisayo musiakho, rongachionhini ka kikonho za niho muchionhi gahana chineakhu. 27Kuriuwa kaghu vahinya va miku na Mafarisayo, kune vakusa mukuaija ite muvakulho mukhwae sa mbira jilhomiwe chokaa kwa gahana yeakhoika ite ni makulho, mira za jihuye mafwara ya vabenisi na kira kiwe chisiye. 28Nire wato oto na kune muakhokana ite muvaboia vahe kikulho, mira heswaho kaghu muhuye lame na ukusa.
Yesu etayoiya zamaro kini
Luka 11:47-51
29“Kuriuwa kaghu vahinya va miku na Mafarisayo, vakusa mukuaija ite muvakulho.” Mukwau kikulho mbira ja varoto va Kiumbi na kujiboiya kikulho mbira ja vahe vakulho. 30Muba ite, “Kai nne tweezokhoye he madamo yaare azeto ja vaaba kanu tetweseekhwariana navo he kugaa varoto va Kiumbi. 31Kwato kune salaghe muradumu ite muvainyi va vahe vegaae varoto va Kiumbi.” 32Haya, firitini hu nyamalo ya vaaba kaghu veilholhoshie. 33Kune ikolwa la bome mulo mbari ya bome jilo sumu, mumuru kimomo kugugulu zamaro ya mwalha wa usiga maaze khabuna? 34Nicho ani nimugeria varoto, vahe velo viugho na vahinya, mira munevagaa na kuvasurumija naho vahali munevama ndate ja bulhe hodi hakusaheya Vayahudi na kuvaguguluja he kira muang'a 35Kwato munekararijwa kwa mburi ya sako khabuna ya vahe vakulho isuiwe ana he idi. Kulholhoshi hu sako yakwe Habili eesiboie ukusa sari huyo yakwe Zakaria, muinyi wakwe Bakaria huye eegaiwe hasi he Minda ya Kiumbi hodi hanyakhare hakuaresia. 36Nimubaya kweri, ite ya ikolwa linenyamarishwa kwaya mburi.
Yesu etavadumu vahe va Yerusalemu
Luka 13:34-35
37Kune vahe va Yerusalemu, muvagaa varoto va Kiumbi na kuvama masaheru hu veeajiiwe hakaghu. Ni kagi kame nigalie kuvabunguru vainyi kaghu hagho, sahucho nkweno ibunguru vusio kuu he mawawa kuu, mira tumudumue. 38Kwato iji, Kiumbi eneiro minda kaghu yo muaresia naho munerowa mweevahuye. 39Nakubao, tukazeniakho kahali sari ukuba “Akairiwe ka elita kwa ilhe la Dilao.”
လက္ရွိေရြးခ်ယ္ထားမွု
Matayo 23: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.
Matayo 23
23
Yesu etavakanya vahinya va miku na Mafarisayo
Mariko 12:38,39; Luka 11:43-46; 20:46
1Yesu ekayo na vahe vakumure hawe na vahina kuu ekuvaba, 2“Vahinya va miku yakwe Musa hawe na Mafarisayo velo ugiru wakuyoiya miku yakwe Musa, 3kwato mudumuwa muvako na kuboi kira cho venemubaiya. Mira musiboi cho veboi, kwaite teveboi huyo veyabirikira.” 4Veoro mimaru iyakhi na kuvabadika vahe he vituro, mira vo salaghini tevedumu neri kukaa kisatu kuisusughuja. 5Vo veboi ka mburi khabuna kalo vaakhowe ni vahe. He vubasa na miharegha veoro vubegi vuboiwe na bulhe naka vubegi kini vubutuwe vikhao vya makaratasi vigondiwe miku yakwe Musa, nakuboi vufundo vwa gomae kini vukhwa vukulhe. 6Vedumuisha kuzokhodi he vikire vya ugiru vyabosi he elha hawe na kuzokhodi he vikire vya bosi hodi hakusahe Vayahudi. 7Kahaliwa vedumuisha kuholuwe kikulho he vikhoja naho vedumuisha kusewa ni vahe, “Mhinya.” 8Mira kune musisewe, “Mhinya,” Kwaite kune mhinya kaghu ni muwe bi, na kune vakhabuna muvabakhu. 9Naho kune musimse mhe neri muwe “Aba” ii he idi, kwaite Aba kaghu ni muwe bi, eaha are ana. 10Neri musisewe “Mzakaeti” kwaite emukaeti kuni ni muwe bi, niu Kiristo 11Kira muhe edumu kukhwa mgiru he kune chidumuwa akhwa mnyamalo kaghu. 12Kwaite neri muhe muwe ekukuturu Kiumbi enemdimiri, naho ekudimiri Kiumbi enemkuturu.
Yesu etakararija vakusa vekuboi vakulho
Mariko 12:40; Luka 11:39-42,44,52; 20:47
13Kuriuwa kaghu, vahinya va miku yakwe Musa na Mafarisayo, kune vakusa mukuaija ite muvakulho, muvalhatiya vahe maluhige ya Ugiru wa ana he Kiumbi. Kune salaghe temubuu are, naho hu vedumu kubuu mutavalhiija. 14Kuriuwa kaghu kune vahinya va miku na Mafarisayo vakusa mukuboi ite muvakulho, muvaale valage vegaiwe ni vaagiru kini vigi kini naho mukuboi muvakulho, muaresi madamo maeza kwato zamaro kaghu inekhwa girusha. 15“Kuriuwa kaghu, kune vahinya va miku na Mafarisayo, kune vakusa mukuboi ite muvakulho, kune mubari he bahari nahe idi lisilo mai mukumdaa muhe muwe kalo ailiahe kwalhi kaghu mira mkunemuakho mutamboi akhwa muhe edumuwa aso he iziwa lilo mwalha usiga maaze khabuna kagi kanu kutakho kune.” 16“Kuriuwa kaghu, vagiru musiakho.” Kune muba, “Muhe ekuapa kwa ilhe la minda ya Kiumbi, kuapa kutoe to si kigi mira muhe ekuapa he zahabu ya Minda ya Kiumbi aorowe ni kiapo kuu.” 17Kune maivile musiakho, nikihama kigirusha, nihu zahabu hile nihu Minda ya Kiumbi niu iboi hu zahabu idumuijwe he Kiumbi? 18Kahali muba ite muhe ekulapa eeaha hodi hakuaresia si kigi, mira ekulapa eeaha helo kivulu chikewe hodi hakuaresia ka kilapo chinemdara. 19Kune musiakho ni kihama chiyeisha hu kivulu hile nito hodi hakuguiya ka kivulu chidumuijwe he Kiumbi? 20Kwato muhe elapa kwa hodi hakuguiya kivulu elapa ata hodi hakuguiya kuvulu hawe na kira kigi chikeiwe ana kuu. 21Naho elapa he minda ya Kiumbi enekhwa alapa heka minda ya Kiumbi hawe nahuye ezokho heka minda. 22Naka elapa areana he Kiumbi, elapa he kikire cha Udilao wa Kiumbi, nahehu Kiumbi salaghe ezokhodi ana heka kikire. 23Kuriuwa kaghu vahinya va miku yakwe Musa na Mafarisayo, kune vakusa mukuaija ite muvakulho, kwaite mugu zaka neri ja mbukha ja mahako, bizari na jira, naho mulhi mburi jiye kuboiwa kutakho miku sa kukhwa na ukulho he Kiumbi ja kweri na mbalamija hawe na kudarisha. Yayo iji neeyo mweekudumuwe kuboi mburi giru na gitutu neri musizi hu mahali. 24Kune vagiru va idi musiakho, mugu sindaki he mai ya kuwaha, mira munguju wa. 25Kuriuwa kaghu vahinya va miku na mafarisayo, kune vakusa mukuaija ite muvakulho, muonhi ibakuri na kikonho kwa gahana, mira are za muro hehuye vigi vya ugwalo na kula. 26Kune Mafarisayo musiakho, rongachionhini ka kikonho za niho muchionhi gahana chineakhu. 27Kuriuwa kaghu vahinya va miku na Mafarisayo, kune vakusa mukuaija ite muvakulho mukhwae sa mbira jilhomiwe chokaa kwa gahana yeakhoika ite ni makulho, mira za jihuye mafwara ya vabenisi na kira kiwe chisiye. 28Nire wato oto na kune muakhokana ite muvaboia vahe kikulho, mira heswaho kaghu muhuye lame na ukusa.
Yesu etayoiya zamaro kini
Luka 11:47-51
29“Kuriuwa kaghu vahinya va miku na Mafarisayo, vakusa mukuaija ite muvakulho.” Mukwau kikulho mbira ja varoto va Kiumbi na kujiboiya kikulho mbira ja vahe vakulho. 30Muba ite, “Kai nne tweezokhoye he madamo yaare azeto ja vaaba kanu tetweseekhwariana navo he kugaa varoto va Kiumbi. 31Kwato kune salaghe muradumu ite muvainyi va vahe vegaae varoto va Kiumbi.” 32Haya, firitini hu nyamalo ya vaaba kaghu veilholhoshie. 33Kune ikolwa la bome mulo mbari ya bome jilo sumu, mumuru kimomo kugugulu zamaro ya mwalha wa usiga maaze khabuna? 34Nicho ani nimugeria varoto, vahe velo viugho na vahinya, mira munevagaa na kuvasurumija naho vahali munevama ndate ja bulhe hodi hakusaheya Vayahudi na kuvaguguluja he kira muang'a 35Kwato munekararijwa kwa mburi ya sako khabuna ya vahe vakulho isuiwe ana he idi. Kulholhoshi hu sako yakwe Habili eesiboie ukusa sari huyo yakwe Zakaria, muinyi wakwe Bakaria huye eegaiwe hasi he Minda ya Kiumbi hodi hanyakhare hakuaresia. 36Nimubaya kweri, ite ya ikolwa linenyamarishwa kwaya mburi.
Yesu etavadumu vahe va Yerusalemu
Luka 13:34-35
37Kune vahe va Yerusalemu, muvagaa varoto va Kiumbi na kuvama masaheru hu veeajiiwe hakaghu. Ni kagi kame nigalie kuvabunguru vainyi kaghu hagho, sahucho nkweno ibunguru vusio kuu he mawawa kuu, mira tumudumue. 38Kwato iji, Kiumbi eneiro minda kaghu yo muaresia naho munerowa mweevahuye. 39Nakubao, tukazeniakho kahali sari ukuba “Akairiwe ka elita kwa ilhe la Dilao.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.