Yohana CHIKAEYE
CHIKAEYE
Mburi Kulho sa kigi igondiwe ni Yohana ya kitabu chiaha hawe nahu vitabu vikai viaha he Iaghano ikuale viyoiya mifufuire yakwe Yesu Masia. Kira kiwe heka vitabu vihai chisewa Injili kiome chiba, “Mburi Kulho.” Ya vitabu vyeegondiwe to he kigame chakwe Yesu. Vegondie ya vitabu ni Matayo ni Mariko ni Luka ne Yohana. Mburi Kulho sakigi igondiwe ni Yohona yeegondiwe miko ya mikhado kenda Yesu areakhoika. Neri ite kitabu techiyoiya ite Yohana niu echigondie, mira migondire kuu itoe nahu iaha he barua ya bosi, na yakanu na ya kakai yakwe Yohana. Vazagonda vakuwe va azeto vemyoiya Yohana ite eekuzokho he muang'a wa Efeso heka madamo, kwato chimuruika ite ya kitabu cheegondiiwe he muang'a wa Efeso.
Yohana etayo neri kumatu ite chiroe ya kitabu chigondwe ite chivalhaari vahe vamuru kudarisha ite Yesu niu Masia, Muinyi wa Kiumbi efufu, 20:31. Kwakudarisha to tutakhwa vazime kutakhoiya ilhe kuu. Ya kitabu cheegondiwe kwa mburi ya Vayahudi nahu vesivayahudi. Mburi Kulho yakwe Yohana teitoe nahu Mburi Kulho hali kai. Yohana eesaishe kuyoiya hu vimako Yesu eboie, naho tegondie makumure kuli hehu mitotire Yesu egue. Mburi hali sahu Yesu kubatijwa na kugaliwa are roro teegondiwe ii heya Mburi Kulho.
Yeaha za:
Yohana etalholhoshi Mburi Kulho he luhige lwa 1:1-18.
Naho etagonda mburi ya vimako kuwe Yesu eboie, 1:19-12:50.
Ekufi ata etayoiya mburi hali jiaha he mifufuire yakwe Yesu yegera kigame kuu na kuka kuli he kigame 13:1-20:31.
Yohana etafiriti Mburi Kulho he luhige lwa 21 ekuyoia madamo yo Yesu eevaliie vahe areaka kuli he kigame naho Yohana etayoiya chiroe agonde ya kitabu.
လက္ရွိေရြးခ်ယ္ထားမွု
Yohana CHIKAEYE: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.