Yohana 1
1
Kiome ekakhwa Muhe
1Ata azeto idi lisinaboiwa, Kiome eereaha, ka Kiome eaha hawe ne Kiumbi, naka Kiome nee u Kiumbi. 2Kuli azeto na azeto Kiome eeaha hawe ne Kiumbi. 3Kiumbi eboie kira kigi kutakhoia Kiome, kira kiwe chiboike kutakhoia heu . 4Heka Kiome heelo uzime, naka uzime niu ugerie luatame he vahe. 5Ka luatame, lumurika he kidughu, naho ka kidughu techimurue kugaa ka luatame. 6Heelo muhe esughawe kuli he Kiumbi, ilhe kuu esewa Yohana, 7u eelitie kuvabaia vahe hucho eakhoe mburi yaka luatame, kalo vahe vakhabuna vako na kumdarisha ka luatame kutakhoia he Yohana. 8Yohana seeka luatame, mira eelitie bi kuvabaiya vahe vyo eviilie heka luatame. 9Ya niu luatame lwa kweri elitie he Idi, emurikia kira muhe . 10Ka Kiome ereaha he idi, naho Kiumbi eeboie idi kutakhoia Kiome, mira idi telimuilie. 11Eelitie he muan'ga kuu, naho vahe kuu tevemdorie. 12Mira vahe vakhabuna vemdorie na kumdarisha, ekavao lumuruisho lwa kukhwa vainyi va Kiumbi. 13Ya tevekhwae vainyi kwa kuahowe ni muhe, kwa kudumu na kutoti kwa muhe, mira kutakhoiya Kiumbi salaghuu. 14Kiome nau ekasawe sa muhe, ekafufu na nne. Tukauakho ugiru kuu, ugiru sa wa Muinyi salaghe eliye he Aba, ehuye uukulho wa Kiumbi na ukweri. 15Yohana ekavabaiya vahe huyo eilie kwa mburi yaka Kiome, ekayoisha ekaba, “Ya niu neemyoe to nireba, helitie muhe mgiru kunitakho ani, kwaite u eereaha nisina akhoika.” 16Kwa ukumure wa ukulho wa Kiumbi elo nau nne vakhabuna twaadoria makulho ya Kiumbi naho na makulho ya Kiumbi. 17Kiumbi eeguye miku kutakhoya Musa mira ukulho wa Kiumbi na kweri vilitiye kutakhoya Yesu Kiristo. 18Tehelo neri muhe eilie kumuakho Kiumbi kwa maila. Mira Muinyi bi eaha sina ne Aba niu etuboiye tumuile Aba.
Yohana Mzabatija etayo hucho eakhoe
Matayo 3:1-12; Mariko 1:1-8; Luka 3:1-18
19Muaze muwe madilao va Vayahudi veeaha are Yerusalemu veevasughae vagiru va muaresi vakuwe na Valawi vamlhasu Yohana “Ho ari uji?” 20Yohana telhiye kuvakheriti mira evabaie neri kumatu, ekaba “Si ani Kiristo eloijwe ni Kiumbi”. 21navo vekamlhasu, “Kwato iji ari nij? Hile ni ari Eliya?”
Yohana ekakaa muo ekaba “Hai, ani siu”.
Vekamlhasu, “Hile ari u Mroto wa Kiumbi?”
U ekavaba, “Hai siu ani!”
22Niho vekamba, “Tubaie ari uji, tudumu utubaiye, turevabaya hu vetusughae. Ho, ari ukuyoiya kimomo salaghe?” 23Yohana ekavabaya kutakhoya magondo yakwe Mroto Isaya wakwe Kiumbi, ekuba
“Ani ni Kiome cha muhe ebirikira he ilangwa.
Ikuuruni kwalhi yakwe Dilao!”
24Ka vahe veesughawe ni Mafarisayo, 25vekamlhasu Yohana “Kai ari sihu Masia elhoijwe ni Kiumbi hile Eliya hile mroto wa Kiumbi, kwakhoni iji ubatija?” 26Yohana ekavaba “Ani nibatija kwa mai, mirao he kune helo muwe musimuiliye. 27U enelita kalufunda mira ani siye neri kuge mulhu ja makwadoe kuu.” 28Ya mburi khabuna yeboike are he muang'a usewa Betania, bwa wa kanu wa mharaza wa Yorodani hodi Yohana eekubatijia.
Yesu niu Kulele alu ya Kiumbi
29Lhenu kuu Yohana ekamuaho Yesu ekumlitia ekaba “Wesia Kulele alu ya Kiumbi edori makusa ya idi! 30Ya niu muhe neekuyoya nikuba helo elitiye mzungure gho, mira ni mgiru kunitakho ani ake eereaha ani nisinaba. 31Ani salaghe seemuilie, mira chiroe neekubatija kwa mai niite vahe va Iziraeli vamuakho. 32Yohana ekayo hucho eakhoe ekaba, neemuakhoe Saa wa Kiumbi ekudimi kuli ana he Kiumbi, sauraba ni sua, ekadimi naho ekazokhodi hawe nau ana he msa wakwe Yesu.” 33Ani semuilie, mira Kiumbi enisughaye nibatije vahe kwa mai eenibae, “Muhe unemuakho edimiwa ni Saa Mnyakhare nakuzokho hawe nau, ka niu ebatija kwa Saa Mnyakare.” 34Yohana ekaba, “Ani naakho ya mburi naho nimubaya ite ya ni Muinyi wa Kiumbi.”
Vahina va bosi vakwe Yesu
35Muaze wa kanu, Yohana eeumaye kahali wato oto hawe na vahina kuu vanu. 36Yohana areamuakho Yesu ekutakho to, ekaba “Huye niu Kulele alu yakwe Kiumbi” 37Hu vahina vanu vereamko Yohana eyo ya mburi, vekaka vekamlhiaha Yesu. 38Yesu ekakherii, ekavaakho ka vahina vekumliaha, ekavalhasu “Mudumu kiahoni?” Vekamba “ Rabi, niu Mhinya, udie le?” 39Yesu ekavaba, “Litani, muneakho hodi nidie” Hu vahina vekamliaha, vekaakho hodi eedie, vekalhaha nau heka muaze kwaite nee kela ikado chamagheri. 40Andrea mbakhu wakwe Simoni Petro nee muwe wahu vahina vanu vemkoye Yohana ekuyo to navo vekamliaha Yesu. 41Andrea, mgitutu kuu wakwe Simoni Petro ekamdaa mbakhu kuu areamuakho ekamba, “Twaamheia Masia” esewa “Kiristo”. 42Andrea ekamtii Simoni hodi Yesu eaha. Yesu ekamuwesia Simoni ekaba, “Ari niu Simoni muinyi wakwe Yohana iji tukasewe kahali Simoni, unesewa Kefa,” sakuba ighamba.
Yesu etavalhoja Filipo ne Natanaeli
43Lhenu kuu Yesu ekadumu kuso Galilaya. Ekamheia Filipo, ekamba “Niliahe.” 44Kwato Filipo eedie are he muang'a wa Betisaida, hodi vedie Andrea ne Petro. 45Filipo aremuheia Natanaeli, ekamba, “Twamheia hu egondiwe ni Musa he vitabu vya miku na varoto va Kiumbi, niu Yesu muinyi wakwe Josefu muhe edie Nazareti.” 46Natanaeli ekamlhasu, “Ho kigi kikulho neri kiwe chimuru kuli Nazareti?” Filipo ekamba “Lita uwesie”. 47Yesu areamuakho Natanaeli elita hodi eaha, ekayo mburi kuu ekaba, “Wesia ya ni Muizrael kweri, tehelo lame heu!” 48Natanaeli ekamlhasu Yesu, “Ho uniilie kimomo?” Yesu ekamba “To Filipo esinakuse, neekuakhoe uaha di he mkhatu wa mtini.” 49Natanaeli ekamba Yesu, “Mhinya, ari u Muinyi wa Kiumbi, ari u Dilao wa Iziraeli”. 50Yesu ekamba, “Udarisha kwaite nakuba ite neekuakhoe di he mkhatu wa mtini? Uneakho mburi giru kutakho ya.” 51Ekavaba, “Kweri namuba, muneakho maluhige ya are ana he Kiumbi elhaika, naka vazasughawe va are ana he Kiumbi vekukutu na kudimi, hodi eaha Muinyi wa Muhe.”
လက္ရွိေရြးခ်ယ္ထားမွု
Yohana 1: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.
Yohana 1
1
Kiome ekakhwa Muhe
1Ata azeto idi lisinaboiwa, Kiome eereaha, ka Kiome eaha hawe ne Kiumbi, naka Kiome nee u Kiumbi. 2Kuli azeto na azeto Kiome eeaha hawe ne Kiumbi. 3Kiumbi eboie kira kigi kutakhoia Kiome, kira kiwe chiboike kutakhoia heu . 4Heka Kiome heelo uzime, naka uzime niu ugerie luatame he vahe. 5Ka luatame, lumurika he kidughu, naho ka kidughu techimurue kugaa ka luatame. 6Heelo muhe esughawe kuli he Kiumbi, ilhe kuu esewa Yohana, 7u eelitie kuvabaia vahe hucho eakhoe mburi yaka luatame, kalo vahe vakhabuna vako na kumdarisha ka luatame kutakhoia he Yohana. 8Yohana seeka luatame, mira eelitie bi kuvabaiya vahe vyo eviilie heka luatame. 9Ya niu luatame lwa kweri elitie he Idi, emurikia kira muhe . 10Ka Kiome ereaha he idi, naho Kiumbi eeboie idi kutakhoia Kiome, mira idi telimuilie. 11Eelitie he muan'ga kuu, naho vahe kuu tevemdorie. 12Mira vahe vakhabuna vemdorie na kumdarisha, ekavao lumuruisho lwa kukhwa vainyi va Kiumbi. 13Ya tevekhwae vainyi kwa kuahowe ni muhe, kwa kudumu na kutoti kwa muhe, mira kutakhoiya Kiumbi salaghuu. 14Kiome nau ekasawe sa muhe, ekafufu na nne. Tukauakho ugiru kuu, ugiru sa wa Muinyi salaghe eliye he Aba, ehuye uukulho wa Kiumbi na ukweri. 15Yohana ekavabaiya vahe huyo eilie kwa mburi yaka Kiome, ekayoisha ekaba, “Ya niu neemyoe to nireba, helitie muhe mgiru kunitakho ani, kwaite u eereaha nisina akhoika.” 16Kwa ukumure wa ukulho wa Kiumbi elo nau nne vakhabuna twaadoria makulho ya Kiumbi naho na makulho ya Kiumbi. 17Kiumbi eeguye miku kutakhoya Musa mira ukulho wa Kiumbi na kweri vilitiye kutakhoya Yesu Kiristo. 18Tehelo neri muhe eilie kumuakho Kiumbi kwa maila. Mira Muinyi bi eaha sina ne Aba niu etuboiye tumuile Aba.
Yohana Mzabatija etayo hucho eakhoe
Matayo 3:1-12; Mariko 1:1-8; Luka 3:1-18
19Muaze muwe madilao va Vayahudi veeaha are Yerusalemu veevasughae vagiru va muaresi vakuwe na Valawi vamlhasu Yohana “Ho ari uji?” 20Yohana telhiye kuvakheriti mira evabaie neri kumatu, ekaba “Si ani Kiristo eloijwe ni Kiumbi”. 21navo vekamlhasu, “Kwato iji ari nij? Hile ni ari Eliya?”
Yohana ekakaa muo ekaba “Hai, ani siu”.
Vekamlhasu, “Hile ari u Mroto wa Kiumbi?”
U ekavaba, “Hai siu ani!”
22Niho vekamba, “Tubaie ari uji, tudumu utubaiye, turevabaya hu vetusughae. Ho, ari ukuyoiya kimomo salaghe?” 23Yohana ekavabaya kutakhoya magondo yakwe Mroto Isaya wakwe Kiumbi, ekuba
“Ani ni Kiome cha muhe ebirikira he ilangwa.
Ikuuruni kwalhi yakwe Dilao!”
24Ka vahe veesughawe ni Mafarisayo, 25vekamlhasu Yohana “Kai ari sihu Masia elhoijwe ni Kiumbi hile Eliya hile mroto wa Kiumbi, kwakhoni iji ubatija?” 26Yohana ekavaba “Ani nibatija kwa mai, mirao he kune helo muwe musimuiliye. 27U enelita kalufunda mira ani siye neri kuge mulhu ja makwadoe kuu.” 28Ya mburi khabuna yeboike are he muang'a usewa Betania, bwa wa kanu wa mharaza wa Yorodani hodi Yohana eekubatijia.
Yesu niu Kulele alu ya Kiumbi
29Lhenu kuu Yohana ekamuaho Yesu ekumlitia ekaba “Wesia Kulele alu ya Kiumbi edori makusa ya idi! 30Ya niu muhe neekuyoya nikuba helo elitiye mzungure gho, mira ni mgiru kunitakho ani ake eereaha ani nisinaba. 31Ani salaghe seemuilie, mira chiroe neekubatija kwa mai niite vahe va Iziraeli vamuakho. 32Yohana ekayo hucho eakhoe ekaba, neemuakhoe Saa wa Kiumbi ekudimi kuli ana he Kiumbi, sauraba ni sua, ekadimi naho ekazokhodi hawe nau ana he msa wakwe Yesu.” 33Ani semuilie, mira Kiumbi enisughaye nibatije vahe kwa mai eenibae, “Muhe unemuakho edimiwa ni Saa Mnyakhare nakuzokho hawe nau, ka niu ebatija kwa Saa Mnyakare.” 34Yohana ekaba, “Ani naakho ya mburi naho nimubaya ite ya ni Muinyi wa Kiumbi.”
Vahina va bosi vakwe Yesu
35Muaze wa kanu, Yohana eeumaye kahali wato oto hawe na vahina kuu vanu. 36Yohana areamuakho Yesu ekutakho to, ekaba “Huye niu Kulele alu yakwe Kiumbi” 37Hu vahina vanu vereamko Yohana eyo ya mburi, vekaka vekamlhiaha Yesu. 38Yesu ekakherii, ekavaakho ka vahina vekumliaha, ekavalhasu “Mudumu kiahoni?” Vekamba “ Rabi, niu Mhinya, udie le?” 39Yesu ekavaba, “Litani, muneakho hodi nidie” Hu vahina vekamliaha, vekaakho hodi eedie, vekalhaha nau heka muaze kwaite nee kela ikado chamagheri. 40Andrea mbakhu wakwe Simoni Petro nee muwe wahu vahina vanu vemkoye Yohana ekuyo to navo vekamliaha Yesu. 41Andrea, mgitutu kuu wakwe Simoni Petro ekamdaa mbakhu kuu areamuakho ekamba, “Twaamheia Masia” esewa “Kiristo”. 42Andrea ekamtii Simoni hodi Yesu eaha. Yesu ekamuwesia Simoni ekaba, “Ari niu Simoni muinyi wakwe Yohana iji tukasewe kahali Simoni, unesewa Kefa,” sakuba ighamba.
Yesu etavalhoja Filipo ne Natanaeli
43Lhenu kuu Yesu ekadumu kuso Galilaya. Ekamheia Filipo, ekamba “Niliahe.” 44Kwato Filipo eedie are he muang'a wa Betisaida, hodi vedie Andrea ne Petro. 45Filipo aremuheia Natanaeli, ekamba, “Twamheia hu egondiwe ni Musa he vitabu vya miku na varoto va Kiumbi, niu Yesu muinyi wakwe Josefu muhe edie Nazareti.” 46Natanaeli ekamlhasu, “Ho kigi kikulho neri kiwe chimuru kuli Nazareti?” Filipo ekamba “Lita uwesie”. 47Yesu areamuakho Natanaeli elita hodi eaha, ekayo mburi kuu ekaba, “Wesia ya ni Muizrael kweri, tehelo lame heu!” 48Natanaeli ekamlhasu Yesu, “Ho uniilie kimomo?” Yesu ekamba “To Filipo esinakuse, neekuakhoe uaha di he mkhatu wa mtini.” 49Natanaeli ekamba Yesu, “Mhinya, ari u Muinyi wa Kiumbi, ari u Dilao wa Iziraeli”. 50Yesu ekamba, “Udarisha kwaite nakuba ite neekuakhoe di he mkhatu wa mtini? Uneakho mburi giru kutakho ya.” 51Ekavaba, “Kweri namuba, muneakho maluhige ya are ana he Kiumbi elhaika, naka vazasughawe va are ana he Kiumbi vekukutu na kudimi, hodi eaha Muinyi wa Muhe.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.