Maliku 4
4
Mlandano wa mundu angukulila mbeyu
Matayu 13:1-9; Luka 8:4-8
1Yesu akatumbula kuwavula kangi akiva mmbali gha lihiwa Galilaya. Lipinga likulu lya wandu wakamtindila mbaka akadahila kuyingila ku whatu na kulikala. Wandu wogha wavile wakalikala payumu, mmbali mwa lihiwa lya Galilaya. 2Yesu akawavula mighalu itangala kwa kutumila mlandano. Na akawalongela nagha ku mavulo ghaki,
3“Mhyoghanile! Pavile mundu mmonga avile kayenda kukulila mbeyu. 4Paavile angumwagha mbeyu, ghangi, ziguwa mnjila, wambongu wakahika wakalyegha. 5Zimonga ziguwa mmaganga pavile ng'ogha na muhanga utangala, zikalela kwa kuloposela kwa ikiva mhanga utangala ng'ogha. 6Lijuwa palihomoka, zikalungula, na kwa ikiva mikigha ghaki ivile ng'ogha na makakala, zileleuka. 7Zimonga ziguwa kumibiki gha mihomi, na yeni ikakula na kulitindila na zyeni zilela ng'ogha mulyo. 8Zimonga ziguwa mu mhanga wa maha, zimela na kukula na kulela, monga mbeyu ikumi itatu, monga ikumi isita na zimonga imia.” 9Hinu akawalongela, “Mweni mapulikilo na ahyoghanile!”
Lukasini lwa kuvula kwa kutumila mlandano
Matayu 13:10-17; Luka 8:9-10
10Yesu pa avile weka ghake, na wayitikila ikumi na waivili wa Yesu pamonga na wamonga wa wandu wavile mmbalimbali ghaki pawavile weka ghao, wakamkonya awalongeli kumanyika kwa milandano hila. 11Yesu akawayanga, “Mwenga mgubutuliwa kumanya yahighilwi gha unduna wa Sapanga, ila wala wavile panji watelongelwa kila kindu kwa mlandano, 12ili, ‘Waloli unagha, ila wakotoho kulola. Wayughanile unagha, ila wakotoho kumanya. Lukasini, wakotoho kumhyukila Sapanga na kulekeselwa uhakata.’”
Yesu angughalambula mlandano wa mkulila mbeyu
Matayu 13:18-23; Luka 8:11-15
13Yesu akawakonya, “Ikiva mmanya ng'ogha mlandano hau, ghuli mtemanya milandano ghangi? 14Mbeyu ikulilwa na mkulila mbeyu ni lilando lya Sapanda. 15Wandu ghangi ni handa mbeyu iguwili mnjila, bahala waliyughanila lilando lya Sapanga, Lihyukana linguhika na kulihumisa ku mioyu ghao. 16Wandu ghangi ni handa zila mbeyu ziguwili pavile na maganga. Lipindi waliyughanila hali lilando hulipokela kwa luheku. 17Ila linguwayingila ng'ogha na kuvika mikigha mghati ghao, huyendelela kwa lipindi hela. Lipindi uhakili au lung'ahi vihika kwa ikiva gha lila lilando, lipindi lilalila wangutwenyuka moyu. 18Wandu ghangi ni handa zila mbeyu ziguwili kumibiki gha mihomi, hau ni mlandano wa wala wanguyughanila lila lilando, 19Ila maghasu gha mlima wogha hau, lumatamata lwa hindu, na lumatamata ghangi vikiwayingila vingutindilatindila lila lilando liwela mghati gha weni na kulikanisa kulela matungula. 20Ila ghangi ni handa zila mbeyu zikulilwi kumhanga wamaha. Hagha uyughanila lila lilando, na kulipokela, wakalela matungula, ghangi ikumi itatu, ghangi ikumi isita na ghangi imia.”
Limbamba ligubikilwi
Luka 8:16-18
21Yesu akayendelela kuwalongela, “Ghuli, wandu wangukosa limbamba na kulivika mghati na kuligubika kwa ndeleko au kulivika pai gha kindanda? Ila! wangulivika kunani gha kindangawala. 22Hinu, kindu chochose kihighilwi kitevikwa lipala, na kindu chochose kigubikilwi kitegubutulwa. 23Mweni kuyughanila na ahyoghanile.” 24Yesu akawalongela kangi, “Mkali mihu haki mkiyughanila,
Ulaghilo hauhau unguutumila kwa wandu ghangi kulamula, Sapanga atetumila kulamula kwa wenga na kuyongeseka.” 25Mundu avile na hindu ateyongeswa, avile ng'ogha na hindu, hata kila kisokombi akikolili kitetolwa.
Mlandano wa mbeyu ingumela na kukula
26Yesu akayendelela kulonga, “Unkosi wa Sapanga ungulandana na mundu mmonga akulilili mbeyu ku litawa lyaki, 27kila lichuwa paawonja na kuyimuka na mbeyu zimela na kukamala. Ila amanya ng'ogha mbeyu zingumelaghuli. 28Mhanga weni unguwesesa kumela kwa mbeyu kukula na kulela matungula, mtumbula huhumisa lihamba ling'enya, na kangi lihoji, na kumwihu mbeyu mghati mwa lihoji. 29Lipindi mbeyu pa ukamala, mundu anguubena kwa kutendela nyengo, kwa ikiva ni lipindi lya kubena.”
Mlandano wa mbeyu gha haladali
Matayu 13:31-32, 34; Luka 13:18-19
30Yesu akalonga kangi, “Tuulandanisi Unduna wa Sapanga na liki? Au tuulongele kwa mlandano ghani? 31Ni handa mbeyu gha haladali ivile ni sokombi nesu ipita mbeyu zyogha ingukulilwa ku mhanga. 32Ila pasikwetwa, ingumela na kuvile mbiki mkulunga kupita mibiki yogha gha kulitawa. Miputila ghaki inguvile mikulunga hata mbongu wanguwesa kuchenga vijaka ku miputila ghaki.”
33Yesu awavulili wandu kwa milandano itangala ilandana na hai,
kwa vila wawesa kumanya. 34Kalongela ng'ogha chochosi na weni kwa kutotumila mlandano, ila pawavile pamonga na wayitikila ghaki weka ghao avile anguwagubutulila mighalu yogha.
Yesu anguliponga liyegha
Matayu 8:23-27; Luka 8:22-25
35Lichuwa lilalila, lumihi, Yesu awalongile wayitikila ghake, “Tuhubuki, tuyendi kumwambu gha lihiwa,” 36Hinu wakalileka lipinga lya wandu, wakayingila mghati mwa whatu Yesu atamili na kuhuka pamonga na mweni. Whatu ghangi zimkovekela pamonga. 37Hinu liyegha litopehu likatumbula kuwumba, mawimbi ghakalipinga hila whatu hata likatumbula kumema masi. 38Yesu avile upandi wa kuhyetu gha whatu, kawonja lughonu kasaghamila msaghamu, wayitikila ghaki wakamyimusa na kumlongela, “Mvula, ghuli, uloli ng'ogha twenga tungupala kuhwegha?” 39Hinu, akayimuka, akalikalipila lila liyegha na kuyalongela
mawimbi, “Uleki! utami nuu!” bahala liyegha likaleka, kukavile maha. 40Badili gha hagha Yesu akawalongela wayitikila ghaki, “Ghuli mwambila ukwinila ng'ogha?” 41Weni wakatila nesu, wakatumbula kukonyana, “Hayu ni ghani?
Hata liyegha na mawimbi vingumyitikila!”
လက္ရွိေရြးခ်ယ္ထားမွု
Maliku 4: NTMbBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.
Maliku 4
4
Mlandano wa mundu angukulila mbeyu
Matayu 13:1-9; Luka 8:4-8
1Yesu akatumbula kuwavula kangi akiva mmbali gha lihiwa Galilaya. Lipinga likulu lya wandu wakamtindila mbaka akadahila kuyingila ku whatu na kulikala. Wandu wogha wavile wakalikala payumu, mmbali mwa lihiwa lya Galilaya. 2Yesu akawavula mighalu itangala kwa kutumila mlandano. Na akawalongela nagha ku mavulo ghaki,
3“Mhyoghanile! Pavile mundu mmonga avile kayenda kukulila mbeyu. 4Paavile angumwagha mbeyu, ghangi, ziguwa mnjila, wambongu wakahika wakalyegha. 5Zimonga ziguwa mmaganga pavile ng'ogha na muhanga utangala, zikalela kwa kuloposela kwa ikiva mhanga utangala ng'ogha. 6Lijuwa palihomoka, zikalungula, na kwa ikiva mikigha ghaki ivile ng'ogha na makakala, zileleuka. 7Zimonga ziguwa kumibiki gha mihomi, na yeni ikakula na kulitindila na zyeni zilela ng'ogha mulyo. 8Zimonga ziguwa mu mhanga wa maha, zimela na kukula na kulela, monga mbeyu ikumi itatu, monga ikumi isita na zimonga imia.” 9Hinu akawalongela, “Mweni mapulikilo na ahyoghanile!”
Lukasini lwa kuvula kwa kutumila mlandano
Matayu 13:10-17; Luka 8:9-10
10Yesu pa avile weka ghake, na wayitikila ikumi na waivili wa Yesu pamonga na wamonga wa wandu wavile mmbalimbali ghaki pawavile weka ghao, wakamkonya awalongeli kumanyika kwa milandano hila. 11Yesu akawayanga, “Mwenga mgubutuliwa kumanya yahighilwi gha unduna wa Sapanga, ila wala wavile panji watelongelwa kila kindu kwa mlandano, 12ili, ‘Waloli unagha, ila wakotoho kulola. Wayughanile unagha, ila wakotoho kumanya. Lukasini, wakotoho kumhyukila Sapanga na kulekeselwa uhakata.’”
Yesu angughalambula mlandano wa mkulila mbeyu
Matayu 13:18-23; Luka 8:11-15
13Yesu akawakonya, “Ikiva mmanya ng'ogha mlandano hau, ghuli mtemanya milandano ghangi? 14Mbeyu ikulilwa na mkulila mbeyu ni lilando lya Sapanda. 15Wandu ghangi ni handa mbeyu iguwili mnjila, bahala waliyughanila lilando lya Sapanga, Lihyukana linguhika na kulihumisa ku mioyu ghao. 16Wandu ghangi ni handa zila mbeyu ziguwili pavile na maganga. Lipindi waliyughanila hali lilando hulipokela kwa luheku. 17Ila linguwayingila ng'ogha na kuvika mikigha mghati ghao, huyendelela kwa lipindi hela. Lipindi uhakili au lung'ahi vihika kwa ikiva gha lila lilando, lipindi lilalila wangutwenyuka moyu. 18Wandu ghangi ni handa zila mbeyu ziguwili kumibiki gha mihomi, hau ni mlandano wa wala wanguyughanila lila lilando, 19Ila maghasu gha mlima wogha hau, lumatamata lwa hindu, na lumatamata ghangi vikiwayingila vingutindilatindila lila lilando liwela mghati gha weni na kulikanisa kulela matungula. 20Ila ghangi ni handa zila mbeyu zikulilwi kumhanga wamaha. Hagha uyughanila lila lilando, na kulipokela, wakalela matungula, ghangi ikumi itatu, ghangi ikumi isita na ghangi imia.”
Limbamba ligubikilwi
Luka 8:16-18
21Yesu akayendelela kuwalongela, “Ghuli, wandu wangukosa limbamba na kulivika mghati na kuligubika kwa ndeleko au kulivika pai gha kindanda? Ila! wangulivika kunani gha kindangawala. 22Hinu, kindu chochose kihighilwi kitevikwa lipala, na kindu chochose kigubikilwi kitegubutulwa. 23Mweni kuyughanila na ahyoghanile.” 24Yesu akawalongela kangi, “Mkali mihu haki mkiyughanila,
Ulaghilo hauhau unguutumila kwa wandu ghangi kulamula, Sapanga atetumila kulamula kwa wenga na kuyongeseka.” 25Mundu avile na hindu ateyongeswa, avile ng'ogha na hindu, hata kila kisokombi akikolili kitetolwa.
Mlandano wa mbeyu ingumela na kukula
26Yesu akayendelela kulonga, “Unkosi wa Sapanga ungulandana na mundu mmonga akulilili mbeyu ku litawa lyaki, 27kila lichuwa paawonja na kuyimuka na mbeyu zimela na kukamala. Ila amanya ng'ogha mbeyu zingumelaghuli. 28Mhanga weni unguwesesa kumela kwa mbeyu kukula na kulela matungula, mtumbula huhumisa lihamba ling'enya, na kangi lihoji, na kumwihu mbeyu mghati mwa lihoji. 29Lipindi mbeyu pa ukamala, mundu anguubena kwa kutendela nyengo, kwa ikiva ni lipindi lya kubena.”
Mlandano wa mbeyu gha haladali
Matayu 13:31-32, 34; Luka 13:18-19
30Yesu akalonga kangi, “Tuulandanisi Unduna wa Sapanga na liki? Au tuulongele kwa mlandano ghani? 31Ni handa mbeyu gha haladali ivile ni sokombi nesu ipita mbeyu zyogha ingukulilwa ku mhanga. 32Ila pasikwetwa, ingumela na kuvile mbiki mkulunga kupita mibiki yogha gha kulitawa. Miputila ghaki inguvile mikulunga hata mbongu wanguwesa kuchenga vijaka ku miputila ghaki.”
33Yesu awavulili wandu kwa milandano itangala ilandana na hai,
kwa vila wawesa kumanya. 34Kalongela ng'ogha chochosi na weni kwa kutotumila mlandano, ila pawavile pamonga na wayitikila ghaki weka ghao avile anguwagubutulila mighalu yogha.
Yesu anguliponga liyegha
Matayu 8:23-27; Luka 8:22-25
35Lichuwa lilalila, lumihi, Yesu awalongile wayitikila ghake, “Tuhubuki, tuyendi kumwambu gha lihiwa,” 36Hinu wakalileka lipinga lya wandu, wakayingila mghati mwa whatu Yesu atamili na kuhuka pamonga na mweni. Whatu ghangi zimkovekela pamonga. 37Hinu liyegha litopehu likatumbula kuwumba, mawimbi ghakalipinga hila whatu hata likatumbula kumema masi. 38Yesu avile upandi wa kuhyetu gha whatu, kawonja lughonu kasaghamila msaghamu, wayitikila ghaki wakamyimusa na kumlongela, “Mvula, ghuli, uloli ng'ogha twenga tungupala kuhwegha?” 39Hinu, akayimuka, akalikalipila lila liyegha na kuyalongela
mawimbi, “Uleki! utami nuu!” bahala liyegha likaleka, kukavile maha. 40Badili gha hagha Yesu akawalongela wayitikila ghaki, “Ghuli mwambila ukwinila ng'ogha?” 41Weni wakatila nesu, wakatumbula kukonyana, “Hayu ni ghani?
Hata liyegha na mawimbi vingumyitikila!”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.