Matayu 7
7
Wandu wakotoho kuwalongela wayau yiwa waghola uhakata.
Luka 6:37-38, 41-42
1Yesu akalonga, “Ukotoho kulonga kwa yeyosi yiwa kamhakata, paughola nagha Sapanga atekulongela wenga ni mundu mhakata.” 2Kwaikiva vila mngulonga wandu ni wahakata, ndiwa na mwenga mtelongelwa na Sapanga yiwa ni wahakata, kwa laghililo lilalila mtetumila ndiwa litetumilwa kwa mwenga. 3Kwa kyani unguwesa kukilola likapi liwela kulisu lya mlongo ghako, kunu unguwesa ng'ogha kulola liyeyu liwela mlisu lyako? 4Au unguwesaghuli kumlongela mlongo ghako, “Unileki nihumisi likapi kulisu lyako kunu kuwela na liyeyu kulisu lyako mweni?” 5Mmbindingu wenga! Utumbuli kuhumisa likapi liwela mlisu lyaku na hinu utewesa kulola maha vila utehumisa liyeyu liwela mlisu lya mlongo ghako.
6“Mkotoho kuwapegha ghalu hindu gha Sapanga wakotoho kuwahyukila na kuwalakatula mwenga, hata kuwataghila mighuluwi hindu gha maha nesu. Ikiva mteghola nagha weni watewatimbanga na kangi watewahyukila na kuwalakatula.”
Mluwi, mhakuli, mkuwi mlyango
Luka 11:9-13
7“Mluwi, na mwenga mtepeghwa, mhakuli, na mwenga mtepokela, mkuwi mlyango, namwenga mtewoposolelwa.” 8Kwaikiva, yeyosi mweni kuluwa angupeghwa, mweni kuhakula angupokela na yula angukuwa mlyango atewoposwelela. 9Au ni ghani paghati gha mwenga, paikawela mwana ghaki kamluwa libumunda atempegha liganga? 10Ghuli, mwana ghaki pakamluwa homba, utempegha njoka? 11Hinu ikiva mwenga, mwawahakata, mngumanya kuwapegha wana wa mwenga hindu gha maha, ghuli, Tati wa mwenga wa kundumba ateghola ng'ogha kupiti hagha kwa kuwapegha hindu maha wala weni kumluwa?
12Hyogha mnguyapala wandu wawagholeli mwenga, muwagholeli na weni nagha. Kwaikiva hai ndiwa iyandikwa kulaghililo lya Sapanga ampeghili Musa na walota.
Njila ikombala na njila ngulu
Luka 13:24
13“Myingili kwa kupitila njila ikombala. Kwaikiva njila ilongosa kukihu ni ngulu, na njila gha kuyingila mula ni ngulu, na weni ni watangala wala wayingila kupitila njila hai.” 14Ila njila ilongosa kuukomu ni ikombala, na njila wa kuyingilila hamu ni mkombala, ni wandu wamayaghani hela wanguwesa kuimanya njila hila.
Libiki lingumanyika kwa matungula ghaki
Luka 6:43-44
15“Mlikali mihu na walota wa uhwangi. Weni wanguhika kwa mwenga wakiwoneka handa kondolu kwa panji, ila kwa mghati ni ghalu mwitu wakalipa.” 16Mtewamanya kwa matendu ghao handa vila tungumanya libiki kukovekelana na matungula ghaki. Kwaikiva iwesekana ng'ogha kukonyola matungula gha sabibu kumibiki gha mbighili. 17Hinu, libiki lya maha lingulela matungula gha maha, na libiki lihakata lingulela matungula mahakata. 18Libiki lya maheli linguwesa ng'ogha kulela matungula mahakata, na hata libiki lihakata linguwesa ng'ogha kulela matungula maheli. 19Kila libiki lyeni kulela ng'ogha matungula gha maha litedumulwa na kutaghwa kulyoto. 20Hinu, kwa matungula ghao mtewamanya.
Niwamanya ng'ogha mwenga
Luka 13:25-27
21Waghangi wa wandu mweni kunikema Bambu, ateyingila kuunkosi wa kundumba. Ila wala weka weni kumtundamila Tati ghangu wa kundumba. 22Kulichuwa lya ulamulo wandu watangala watelongela kwa nenga, “Bambu tutangasili kwa lihina lyako, na kwa lihina lyako tuwawingili mahoka na hilahila tukaghola makangaso matangala.” 23Ila nenga nitewalongela, “Niwamanyili ng'ogha mwenga, muhuki haku, mwenga waghola mahakata!”
Wachenga waivili
Luka 6:4-49
24“Hinu, kila mundu yula atehyoghanila milando gha nenga na kuighola, angulandana na mundu mweni luhala maha, achengili lighuta lyaki kunani gha mghomba.” 25Ndonya paikatonya, milweni ikamema, liyegha likulunga likahika na kuhukumula lighuta lila. Ila liteguwa ng'ogha, kwaikiva lichengwili kunani gha mghomba maha.
26“Ila mundu yeyosi mweni kuyughanila milando ghangu na akaleka kuighola, hayu angulandana na mundu mndyungi mweni kuchenga lighuta lyaki kweni mhanga. 27Ndonya paitonya, milweni ikamema, liyegha likulunga likalihukumula lighuta lila, na lyeni likaguwa, hinu ngindilu ghaki ikawela ngulu.”
Uweso wa Yesu
28Yesu pakayomola kulonga milando hila, lipinga lya wandu likakangaswa na mavulo ghaki. 29Kwaikiva mavulo ghaki yalandanili ng'ogha handa vila waivulile wavula wa laghililo, mweni awonekanili handa mundu mweni uweso.
လက္ရွိေရြးခ်ယ္ထားမွု
Matayu 7: NTMbBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.
Matayu 7
7
Wandu wakotoho kuwalongela wayau yiwa waghola uhakata.
Luka 6:37-38, 41-42
1Yesu akalonga, “Ukotoho kulonga kwa yeyosi yiwa kamhakata, paughola nagha Sapanga atekulongela wenga ni mundu mhakata.” 2Kwaikiva vila mngulonga wandu ni wahakata, ndiwa na mwenga mtelongelwa na Sapanga yiwa ni wahakata, kwa laghililo lilalila mtetumila ndiwa litetumilwa kwa mwenga. 3Kwa kyani unguwesa kukilola likapi liwela kulisu lya mlongo ghako, kunu unguwesa ng'ogha kulola liyeyu liwela mlisu lyako? 4Au unguwesaghuli kumlongela mlongo ghako, “Unileki nihumisi likapi kulisu lyako kunu kuwela na liyeyu kulisu lyako mweni?” 5Mmbindingu wenga! Utumbuli kuhumisa likapi liwela mlisu lyaku na hinu utewesa kulola maha vila utehumisa liyeyu liwela mlisu lya mlongo ghako.
6“Mkotoho kuwapegha ghalu hindu gha Sapanga wakotoho kuwahyukila na kuwalakatula mwenga, hata kuwataghila mighuluwi hindu gha maha nesu. Ikiva mteghola nagha weni watewatimbanga na kangi watewahyukila na kuwalakatula.”
Mluwi, mhakuli, mkuwi mlyango
Luka 11:9-13
7“Mluwi, na mwenga mtepeghwa, mhakuli, na mwenga mtepokela, mkuwi mlyango, namwenga mtewoposolelwa.” 8Kwaikiva, yeyosi mweni kuluwa angupeghwa, mweni kuhakula angupokela na yula angukuwa mlyango atewoposwelela. 9Au ni ghani paghati gha mwenga, paikawela mwana ghaki kamluwa libumunda atempegha liganga? 10Ghuli, mwana ghaki pakamluwa homba, utempegha njoka? 11Hinu ikiva mwenga, mwawahakata, mngumanya kuwapegha wana wa mwenga hindu gha maha, ghuli, Tati wa mwenga wa kundumba ateghola ng'ogha kupiti hagha kwa kuwapegha hindu maha wala weni kumluwa?
12Hyogha mnguyapala wandu wawagholeli mwenga, muwagholeli na weni nagha. Kwaikiva hai ndiwa iyandikwa kulaghililo lya Sapanga ampeghili Musa na walota.
Njila ikombala na njila ngulu
Luka 13:24
13“Myingili kwa kupitila njila ikombala. Kwaikiva njila ilongosa kukihu ni ngulu, na njila gha kuyingila mula ni ngulu, na weni ni watangala wala wayingila kupitila njila hai.” 14Ila njila ilongosa kuukomu ni ikombala, na njila wa kuyingilila hamu ni mkombala, ni wandu wamayaghani hela wanguwesa kuimanya njila hila.
Libiki lingumanyika kwa matungula ghaki
Luka 6:43-44
15“Mlikali mihu na walota wa uhwangi. Weni wanguhika kwa mwenga wakiwoneka handa kondolu kwa panji, ila kwa mghati ni ghalu mwitu wakalipa.” 16Mtewamanya kwa matendu ghao handa vila tungumanya libiki kukovekelana na matungula ghaki. Kwaikiva iwesekana ng'ogha kukonyola matungula gha sabibu kumibiki gha mbighili. 17Hinu, libiki lya maha lingulela matungula gha maha, na libiki lihakata lingulela matungula mahakata. 18Libiki lya maheli linguwesa ng'ogha kulela matungula mahakata, na hata libiki lihakata linguwesa ng'ogha kulela matungula maheli. 19Kila libiki lyeni kulela ng'ogha matungula gha maha litedumulwa na kutaghwa kulyoto. 20Hinu, kwa matungula ghao mtewamanya.
Niwamanya ng'ogha mwenga
Luka 13:25-27
21Waghangi wa wandu mweni kunikema Bambu, ateyingila kuunkosi wa kundumba. Ila wala weka weni kumtundamila Tati ghangu wa kundumba. 22Kulichuwa lya ulamulo wandu watangala watelongela kwa nenga, “Bambu tutangasili kwa lihina lyako, na kwa lihina lyako tuwawingili mahoka na hilahila tukaghola makangaso matangala.” 23Ila nenga nitewalongela, “Niwamanyili ng'ogha mwenga, muhuki haku, mwenga waghola mahakata!”
Wachenga waivili
Luka 6:4-49
24“Hinu, kila mundu yula atehyoghanila milando gha nenga na kuighola, angulandana na mundu mweni luhala maha, achengili lighuta lyaki kunani gha mghomba.” 25Ndonya paikatonya, milweni ikamema, liyegha likulunga likahika na kuhukumula lighuta lila. Ila liteguwa ng'ogha, kwaikiva lichengwili kunani gha mghomba maha.
26“Ila mundu yeyosi mweni kuyughanila milando ghangu na akaleka kuighola, hayu angulandana na mundu mndyungi mweni kuchenga lighuta lyaki kweni mhanga. 27Ndonya paitonya, milweni ikamema, liyegha likulunga likalihukumula lighuta lila, na lyeni likaguwa, hinu ngindilu ghaki ikawela ngulu.”
Uweso wa Yesu
28Yesu pakayomola kulonga milando hila, lipinga lya wandu likakangaswa na mavulo ghaki. 29Kwaikiva mavulo ghaki yalandanili ng'ogha handa vila waivulile wavula wa laghililo, mweni awonekanili handa mundu mweni uweso.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.