Matewu Tjinginiso
Tjinginiso
Ndebo Mbuya sekwagwa kwayo ndiMatewu gumwe lukwalo gwewhalo dzilina dzeThesitamente Ndzwa dzinoleba nekwebutjilo gwaYesu Khirisitu. Gumwe negumwe lukwalo goyi “ndebo mbuya,” whalo idzedzi dzakakwagwa naMatewu, naMako, naLuka naJohane hule kwefa kwaYesu. Bazibi abana luzibo kuti lukwalo igogu Matewu wakagukwala lini ntjantja, koga kungaba makole ali makumi ali kutanhatu hule kwezwagwa kwaKhirisitu. Kakale akutozibgwa kuti wakagukwala ali poni, koga banjinji banokumbulila kuti wakagukwala ali muhango yePhalisitani pamwe kakale eli munzi-nkulu weJerusalema.
Matewu ndiye nkwali, waka ali nketisi esanhu akadan'wa naYesu kuti abe ndhiyiwa. Limwe zina lile laka liyi Levi. Waka ali umwe weBapositoli bali gumi nebabili kakale ekwalila batungamili beMaJuta. Ikoku koboneka ngobe wakatondeka muwhalo dzinopinda makumi alikutanhatu dzeThesitamente whulukugwi. Waka ehaka layidza kuti Yesu ndiye Mesiya, ntjidzi wakahagwa neNdzimu, kwaka kulebesewambeli nekukwe. Matewu wakakwala zwinjinji nekwebumambo gweNdzimu. MaJuta aka ekumbula kuti Mesiya unowhoba mambo webumambo gwezwetongwa kwehango. Matewu unogwisana nebugalimoyo igogo ngetjenesa nekwebumambo gweNdzimu.
Ndebo Mbuya sekwagwa kwayo ndiMatewu lukwalo gwakanakila tangisa Thesitamente Ndzwa nentha yebutondeki gwago kuThesitamente whulukugwi. Bazibi banokumbulila kuti Matewu waka eyedzelela kwagwa kwewhalo dzaMozisi, whalo hanu dzekutanga dzeThesitamente Whulukugwi. Sumikila kwaYesu eli kuDombo (Matewu 5.1-7.29) kungafananisiwa neNdzimu paaka epa Mozisi nlayo (Matama 19.3-23.33).
Nlongoloso Yezwimukati
Matewu unotangisa ndebo mbuya ngeleba nekwezwagwa kwaYesu Khirisitu netangisa kwen'hingo uwe (Matewu 1.1-4.25).
Matewu unoleba nekwen'hingo waYesu nediya kukwe kunjinji (Matewu 5.1-25.46).
Tjikamu tjebupelo tjelukwalo gwaMatewu tjoleba nekwen'hingo waYesu mukufa kukwe nemuka kubafi (Matewu 26.1-28.20).
လက္ရွိေရြးခ်ယ္ထားမွု
Matewu Tjinginiso: KTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word For The World International