Matiu 9
9
Yeso a kpa wa lilo klukpa chuwo
1Riwa Yeso a gra ri nghɨma hi gra gbu wan. 2Wa ban nji riwa a he lilo klukpa, kru ri bla. Riwa Yeso a to ikpanyɨme mba senkpa. wan ran tre, << Ivren won ran kpa sron wen time ran. wa ka meme wen ti wen chuwo wu.>>
3Riwa wa nganyi, wa tsro doka Musa waka tre ri kamba ri, <<Inji nyi ri Izhi ri time.>>
4Yeso a to rimɨren mba ran mɨye wa, << Itu ngye meme tre he resron mbi? 5Ritan han wu, wa tre, <Wa ka meme ti wen chuwo wu,> Ka wa tre, <wurunde hi ngawen?> 6Ama me wa no yi to ri ivren nji he ri senkpa riwa ari ka meme ti nji chuwo ri mgbumgburu mme.<< Imba ran tre ri nji ri lilo gblu kpa no wurunde ran ban ntabɨri wan ran hi ngawen ko.>>
7Ngha nji-a ka wurunde na ban ntabɨri wan ran hi ko. 8Riwa gbu nji wato nganyi tse sisiri ka ti wa, wa ka ŋgiri ri Izhi wari no jin wa gbre ti mbu, riwa a no nji gbengbren.
Yeso a yo Matiu
(Mark 2.13-17; Luke 5.27-32)
9Riwa Yeso a hi kusi a to nji riwa wa yo wu ri Matiu a son meme ri bubu wa kpa nkɨren ri meme. <<Hu wen.>>Ka la wu, wurunde na hu.
10Riwa Yeso a na ri ri ri ko Matiu, nga wa kpa nkɨrememe nga wa timeme ti wa ye bran bran wa ki wawa ri miriko wan. 11Riwa nji Farisa wa ka tre ri imiri ko wan wa miye ngye ti ijin ri ko mbi ari riri iwa wa kpa nkɨren meme ri wa ti meme ti? 12Riwa Yeso a wo ngamba ka tre riwa, <<Wa sikpa wa ran wa nji ri den ran ara wa lilo. 13Hi bi ri tsro kya riwa rinyi ri tre, <Me wa lo sron nye riyi, a ran he sɨroyi ran.> Me ran ye ritu yo wa dindi ti ran, mi ye ritu yo wa ti meme ti.>>
Wa Miyen Yeso Ritu Vunyu
(Mark 2.18-22; Luke 5.33-39)
14Riwa imri ko Yahaya wa ye ri Yeso wari tre, <<ngye ti ko kita wa Farisa ki vunyu ama miriko wen wa ran ri vunyu ran?>>
15Nga Yeso ka tre wa, <<Inde nji riwa a kpawa sisa he riwa kpan wan ngye ri nowa vunyu? Tse chachu riwa nji ri kpa wa sa ran he ran ko wa vunyu.
16<<Wa ran ban tsro sisa nga lagba tsro ran don sisa ma tsro ri kpa lagba wan gbon bran bran. 17Wa ran sro nfrihi rimi gbanran wa kɨmo ran. Inde wa sro rimi gbanran wa kɨmo wa yira. nfri hi ri rega. Gbanran wa time. Nfiri hi no ka sro rimi gbanran sisa, ri ngamba nye wana rasa ngamba ran. >>
Ivɨra Yayirus mba wa riwa a ran zhu yi riwa a bre wo ri nyu tsro Yeso
18Riwa Yeso a he mi tre nganyi, rikon wa Lokpa ri ka ye ran kɨbu ngbazhu kusi Yeso ran tre, <<Vɨra won kuu zizan ye wuri bre wu wo, ari wurunde.>> 19Imba Yeso ka wurunde ri wa miriko wan ran hu.
20Nga iwa ri wa a ti se wuru don hari riwa a ran zhu yi, ka ye kugon wan ran bre nyu tsro wan wo. 21A tre ri,<<Ko me bre wo tsro wen megyen me fe si.>>
22Yeso ka kɨma ya ran tou. Na tre ri wu, <<Hi ngawen, ikpa nyime wen a no wu si.>> Imba nye ka fe si.
23Riwa Yeso a hi ri ko rinkon wa Lokpa, ran to wa nvɨri rangan ri kpanji riwa wana kagbamu. 24Yeso ka tre,<<Don nkon. Ivɨra yin ran kuu ran, ari kruna.>>Wan nzawu ri tsɨri. 25Riwa wa dzu wa zhu ra, imba Yeso ka gra ran vu ri wo, imba ivɨra ka wurunde. 26Itre a ka shan gra rimi gbu.
Yeso a den wa nfyen ri wa hanton
27Riwa Yeso a ka bubu wan chuwo, imba wafiyen hari wa hu wari kpagɨro yo-u wari tre, <<To lo sron mbu, a wu vren Doda.>>
28Riwa Yeso a gra ri ko wa nfiyen waka ye riwu, ka tre ri wa, << Bi kpa nyɨme me kpa yi chuwo?>>Wa ka tre wu, <<Een Bachi.>>
29Imba ka bre wo ri si mba ran tre, <<A he kpanyɨme sron mbi, wa kpa yi chuwo.>> 30Imba isi mba ka bu. Ama Yeso ka gbi wa vumvuton bran bran ran tre, <<Nowa ran la njo tre nyi ran.> 31Ama wa ka zhu wari si la tre-a ri gbu wawu.
Yeso a no Nji riwa aran ran tre ran no tre
32Riwa wa ran hi ngamba, nji ri riwa a he ri ibɨji a ran ya tre ran waka ngɨzhi wu ye ri Yeso. 33Riwa wa zhu ri bɨzhi mangbi-a ka gra tre.Imba ikpanji waka tre ri, <<Wa ran to bibi tin nyi zari ri Israila ran.>>
34Ama Farisa wa tre,<< A ri tindu ri senkpa meme bɨzhi nye ran zhu ri bɨzhi.>>
Yeso a lo sron ri wa Nji
35Imba Yeso a hu wa gbu ri bran ri wa tsitsa, ran ran tsro ri tɨra bre, a tretre dindi ritu tɨra kpanchi riko Izhi, ran ran den nji kpa chuwo rimi lilo kankan. 36Riwa a to nji wa kabru bran bran, imba waka losron, don wa to ya, njo ran he riwa ari zon wa ran, ka ntɨma wawa wa ran he rnji ri kɨshu wa ran. 37Ka tre ri mɨriko wan ri, <<Isɨren kigbu bran bran ama wa sɨren wa ran bre ran. 38Ritu ngamba, bi bre Izhi, noo no wa sɨren kpi nowa ye sɨren kpi riwu.>>
လက္ရွိေရြးခ်ယ္ထားမွု
Matiu 9: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
Matiu 9
9
Yeso a kpa wa lilo klukpa chuwo
1Riwa Yeso a gra ri nghɨma hi gra gbu wan. 2Wa ban nji riwa a he lilo klukpa, kru ri bla. Riwa Yeso a to ikpanyɨme mba senkpa. wan ran tre, << Ivren won ran kpa sron wen time ran. wa ka meme wen ti wen chuwo wu.>>
3Riwa wa nganyi, wa tsro doka Musa waka tre ri kamba ri, <<Inji nyi ri Izhi ri time.>>
4Yeso a to rimɨren mba ran mɨye wa, << Itu ngye meme tre he resron mbi? 5Ritan han wu, wa tre, <Wa ka meme ti wen chuwo wu,> Ka wa tre, <wurunde hi ngawen?> 6Ama me wa no yi to ri ivren nji he ri senkpa riwa ari ka meme ti nji chuwo ri mgbumgburu mme.<< Imba ran tre ri nji ri lilo gblu kpa no wurunde ran ban ntabɨri wan ran hi ngawen ko.>>
7Ngha nji-a ka wurunde na ban ntabɨri wan ran hi ko. 8Riwa gbu nji wato nganyi tse sisiri ka ti wa, wa ka ŋgiri ri Izhi wari no jin wa gbre ti mbu, riwa a no nji gbengbren.
Yeso a yo Matiu
(Mark 2.13-17; Luke 5.27-32)
9Riwa Yeso a hi kusi a to nji riwa wa yo wu ri Matiu a son meme ri bubu wa kpa nkɨren ri meme. <<Hu wen.>>Ka la wu, wurunde na hu.
10Riwa Yeso a na ri ri ri ko Matiu, nga wa kpa nkɨrememe nga wa timeme ti wa ye bran bran wa ki wawa ri miriko wan. 11Riwa nji Farisa wa ka tre ri imiri ko wan wa miye ngye ti ijin ri ko mbi ari riri iwa wa kpa nkɨren meme ri wa ti meme ti? 12Riwa Yeso a wo ngamba ka tre riwa, <<Wa sikpa wa ran wa nji ri den ran ara wa lilo. 13Hi bi ri tsro kya riwa rinyi ri tre, <Me wa lo sron nye riyi, a ran he sɨroyi ran.> Me ran ye ritu yo wa dindi ti ran, mi ye ritu yo wa ti meme ti.>>
Wa Miyen Yeso Ritu Vunyu
(Mark 2.18-22; Luke 5.33-39)
14Riwa imri ko Yahaya wa ye ri Yeso wari tre, <<ngye ti ko kita wa Farisa ki vunyu ama miriko wen wa ran ri vunyu ran?>>
15Nga Yeso ka tre wa, <<Inde nji riwa a kpawa sisa he riwa kpan wan ngye ri nowa vunyu? Tse chachu riwa nji ri kpa wa sa ran he ran ko wa vunyu.
16<<Wa ran ban tsro sisa nga lagba tsro ran don sisa ma tsro ri kpa lagba wan gbon bran bran. 17Wa ran sro nfrihi rimi gbanran wa kɨmo ran. Inde wa sro rimi gbanran wa kɨmo wa yira. nfri hi ri rega. Gbanran wa time. Nfiri hi no ka sro rimi gbanran sisa, ri ngamba nye wana rasa ngamba ran. >>
Ivɨra Yayirus mba wa riwa a ran zhu yi riwa a bre wo ri nyu tsro Yeso
18Riwa Yeso a he mi tre nganyi, rikon wa Lokpa ri ka ye ran kɨbu ngbazhu kusi Yeso ran tre, <<Vɨra won kuu zizan ye wuri bre wu wo, ari wurunde.>> 19Imba Yeso ka wurunde ri wa miriko wan ran hu.
20Nga iwa ri wa a ti se wuru don hari riwa a ran zhu yi, ka ye kugon wan ran bre nyu tsro wan wo. 21A tre ri,<<Ko me bre wo tsro wen megyen me fe si.>>
22Yeso ka kɨma ya ran tou. Na tre ri wu, <<Hi ngawen, ikpa nyime wen a no wu si.>> Imba nye ka fe si.
23Riwa Yeso a hi ri ko rinkon wa Lokpa, ran to wa nvɨri rangan ri kpanji riwa wana kagbamu. 24Yeso ka tre,<<Don nkon. Ivɨra yin ran kuu ran, ari kruna.>>Wan nzawu ri tsɨri. 25Riwa wa dzu wa zhu ra, imba Yeso ka gra ran vu ri wo, imba ivɨra ka wurunde. 26Itre a ka shan gra rimi gbu.
Yeso a den wa nfyen ri wa hanton
27Riwa Yeso a ka bubu wan chuwo, imba wafiyen hari wa hu wari kpagɨro yo-u wari tre, <<To lo sron mbu, a wu vren Doda.>>
28Riwa Yeso a gra ri ko wa nfiyen waka ye riwu, ka tre ri wa, << Bi kpa nyɨme me kpa yi chuwo?>>Wa ka tre wu, <<Een Bachi.>>
29Imba ka bre wo ri si mba ran tre, <<A he kpanyɨme sron mbi, wa kpa yi chuwo.>> 30Imba isi mba ka bu. Ama Yeso ka gbi wa vumvuton bran bran ran tre, <<Nowa ran la njo tre nyi ran.> 31Ama wa ka zhu wari si la tre-a ri gbu wawu.
Yeso a no Nji riwa aran ran tre ran no tre
32Riwa wa ran hi ngamba, nji ri riwa a he ri ibɨji a ran ya tre ran waka ngɨzhi wu ye ri Yeso. 33Riwa wa zhu ri bɨzhi mangbi-a ka gra tre.Imba ikpanji waka tre ri, <<Wa ran to bibi tin nyi zari ri Israila ran.>>
34Ama Farisa wa tre,<< A ri tindu ri senkpa meme bɨzhi nye ran zhu ri bɨzhi.>>
Yeso a lo sron ri wa Nji
35Imba Yeso a hu wa gbu ri bran ri wa tsitsa, ran ran tsro ri tɨra bre, a tretre dindi ritu tɨra kpanchi riko Izhi, ran ran den nji kpa chuwo rimi lilo kankan. 36Riwa a to nji wa kabru bran bran, imba waka losron, don wa to ya, njo ran he riwa ari zon wa ran, ka ntɨma wawa wa ran he rnji ri kɨshu wa ran. 37Ka tre ri mɨriko wan ri, <<Isɨren kigbu bran bran ama wa sɨren wa ran bre ran. 38Ritu ngamba, bi bre Izhi, noo no wa sɨren kpi nowa ye sɨren kpi riwu.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria