Matiu 10
10
Yeso a ti Wuru don Hari Ndu
1Yeso a yo miriko wan wuru don hari ran nowa gbengbren riwa wa dzu bɨzhi, wari ran den ko lilo bibitan. 2Ngye inde miriko wan-a een: Sima riwa, wa yowu Bitrus, ri vayi wa Andarawus, nga Yakubu vren Zabadi, nga vayi wan Yahaya; 3Nga Filibu, nga Batalomi, nga Toma, nga Matiu riwa a ran kpa nkɨre meme, nga Yakubu ivren Halfa, nga Taddiyus; 4nga Siman nji kaana, nga Yahuza lskariyoti wa a reri Yeso.
Yeso
5Imba Yeso a ti a ti wuru don hari ndu ran la wa, ri <<Ran hi bubu riwa wa ran to Izhi ran, nga gbu Samariya. 6Tsede bi ka hi ri ntɨma wa Israila wawa wa kado. 7Inde bi he rimi hi, bi ka ran tretre: <kpanchison ri shu a ye hure!> 8Den wa lilo kpa chuwo, wawa wa kuu tawa shɨme, den wa lilo mkpuzhu, zhu ri wa bɨzhi. Izhi a no yi gbengbren Kukulu, biyi ngawen no wari gbengbren kukulu ngawen. 9Ran ban tita, wa nkɨren ran, ko tita wa kpan ri kpo nbi ran; 10Ran ngɨzhi kpo ran, ko tsro hari, ko ntanza ko kpala ritu zɨren mbi, don nji rindu he riwa wa no kya riwa ari wa.
11Igbu ko vi gbu wa bi hi wa nji dindi imi mba bi ri son wa wa tse chachu riwa iwulunde mbi ye. 12Bi gra ko bi ka chiwa. 13Inde iko-a kpayɨme, ichi mbi ka gɨzhi riwa, ama inde wa ran kpa chi mbi ran ichi mbi ka bru ye ri yi. 14Inji riwa a ran kpa yi ran, ko a kawan ri wo tre mbi, bi ka kpo wuru ri gbu mba ko ri komba rega wa. 15Kpunji tre me la yi, chachu bla ari he huri ri meme Sadom mba Gomora ri wawa wa kamba ri kpa tre Izhi. 16Me tiyi ndu ka ntɨma rɨi rimi wawa wa zhu yawu wa ji, ritu kamba ti wiwiri ka wawa, wawa wa ran wutsu ka nguu.
17<<Ti rereri nji,wa ngɨzhi yi hi riko wa bla tre, wa bla tre wa tsiyi ri gbagba ri tɨra bre mba. 18Ngha wa vuyi hi kusi nji wa rinkon ri Roma ri wa chu ritu won don bi ri la tre raro kusi mba ri kusi wawa wana he wa tsro tre musa ran. 19Inde wa vu yi, no sron mbi ran time ritu kya riwa bi tre ran, wa no yi kya riwa bi tre ri vi wan, 20don a ran he biyi nye bi tre ran, iyu Izhi mbi nye ri tre dzu ri nyu mbi.
21<<Vayi ri de vayi wan no wa wuu, A ti ri de vren wan, imiri wa ran ki sikpa ri wa timba ran wa wankon no wa wuu timba. 22Ko ngha ri kawan ri yi ritu nde won, ama nji riwa a vu sron hi ri kre wan wa kpa chuwo. 23Iwa no yi ya ri gbu ri, bi ka wulutsu hi ri gbu ri kusi, kpunji wan me layi, kafi noyi zɨren bla gbu Israila Ivren Izhi ri bru ye.
24<<Ba vren riko riwa a han nji ri tsɨiro wan, ko no wa tre ri gran han nji ri ko wan. 25A tsra riwa ivren ri bla no he ka itiko wan, gran kuma no he ka itiko wan har nowa yo nji riko Baalzabul, to nji wa ko wan fa!
Wawu riwa wa Ti Sisiri wan
26<<Riti kamba, ran ti sisiri mba ran, ba kya riwa a he ri bu riwa wa ran sɨra yo ri ra ran. 27Ikya riwa me layi ri yayibi, bi ka la no kongha no wo. Ikya riwa wa layi ri ton bi ka hon shu bi ri lanji. 28Ran ti sisɨri wawa wa wuu kpa ri kankɨshe ran, tsede bi ka ti sisɨri Izhi riwa ari wuu kpa mba sron riko wuru. 29To bibi riwa wa gye wa he mba, wana he kyawa riwa wa bran ran, ama kubu riri ri to re-u. Ama inde a joku kuu, Izhi mbi rishu a to don a nyɨme wa. 30Nfu ri tu mbu a he rimi bla. 31Ritu ngamba ran ti sisiri ran, bi he dindi han wa gye!
Inyɨme nga wawen ri Kristo
32<<Inji riwa no jin nowa towen, ame ngawen me no tiwon ri shu no to wu ngawen. 33Ama nji riwa a kawan rɨme kusi nji, ame ngawen me kawon riwu kusi tiwon riwa a he shu.
Aran Si sron ran Ama Inji Ngban
34Ran tomba ka me ye ritu riwa me ngɨzhi sisron ye ri yi ran me ran ye ritu si sron ran, tsede iku. 35Ame me ye Riwa me yo fu ri tsutsu ti mba vren, vruwa mba yiwan, Iwa vren wan ri yi wa vren wan; 36lnji wa ko wen nye wa kpan fu wen.
37Yeso tre ri, << Inji wa a nyɨme tiwan han wen ko iyiwan han wen, a ran he wa mo ran; 38nga nji riwa a ran ban nkponkɨron wan ran hu wen ran, a ran he wa mon ran. 39Inji riwa ari wa ran kpa kama chuwo a ran fe ran, ama nji riwa a hon sron wan ritu won ari fe wu.
Indu ri Fe
40<<Inji riwa a kpa yi a kpa wen nye, nga nji wa a kpa wen, a kpa Tiwon Izhi riwa a ti wen ndu. 41Inji wa a kpa nji ri la tre Izhi ritu a he nji ri la tre Izhi ari fe ife ri ndu riwa nji ri la tre Izhi nga nji riwa a kpa nji ri tsitsri ritu a he nji ri tsitsri ari fe ife ri ndu riwo nji ri tsitsri. 42Inji riwa a no ivren won vi kya riwa a he fiwen gyen ko a he vagho ima riri ri si nye ritu a he vrenriko won, me layi kpunji tre a ran hon fe ife ri ndu wan ran.>>
လက္ရွိေရြးခ်ယ္ထားမွု
Matiu 10: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
Matiu 10
10
Yeso a ti Wuru don Hari Ndu
1Yeso a yo miriko wan wuru don hari ran nowa gbengbren riwa wa dzu bɨzhi, wari ran den ko lilo bibitan. 2Ngye inde miriko wan-a een: Sima riwa, wa yowu Bitrus, ri vayi wa Andarawus, nga Yakubu vren Zabadi, nga vayi wan Yahaya; 3Nga Filibu, nga Batalomi, nga Toma, nga Matiu riwa a ran kpa nkɨre meme, nga Yakubu ivren Halfa, nga Taddiyus; 4nga Siman nji kaana, nga Yahuza lskariyoti wa a reri Yeso.
Yeso
5Imba Yeso a ti a ti wuru don hari ndu ran la wa, ri <<Ran hi bubu riwa wa ran to Izhi ran, nga gbu Samariya. 6Tsede bi ka hi ri ntɨma wa Israila wawa wa kado. 7Inde bi he rimi hi, bi ka ran tretre: <kpanchison ri shu a ye hure!> 8Den wa lilo kpa chuwo, wawa wa kuu tawa shɨme, den wa lilo mkpuzhu, zhu ri wa bɨzhi. Izhi a no yi gbengbren Kukulu, biyi ngawen no wari gbengbren kukulu ngawen. 9Ran ban tita, wa nkɨren ran, ko tita wa kpan ri kpo nbi ran; 10Ran ngɨzhi kpo ran, ko tsro hari, ko ntanza ko kpala ritu zɨren mbi, don nji rindu he riwa wa no kya riwa ari wa.
11Igbu ko vi gbu wa bi hi wa nji dindi imi mba bi ri son wa wa tse chachu riwa iwulunde mbi ye. 12Bi gra ko bi ka chiwa. 13Inde iko-a kpayɨme, ichi mbi ka gɨzhi riwa, ama inde wa ran kpa chi mbi ran ichi mbi ka bru ye ri yi. 14Inji riwa a ran kpa yi ran, ko a kawan ri wo tre mbi, bi ka kpo wuru ri gbu mba ko ri komba rega wa. 15Kpunji tre me la yi, chachu bla ari he huri ri meme Sadom mba Gomora ri wawa wa kamba ri kpa tre Izhi. 16Me tiyi ndu ka ntɨma rɨi rimi wawa wa zhu yawu wa ji, ritu kamba ti wiwiri ka wawa, wawa wa ran wutsu ka nguu.
17<<Ti rereri nji,wa ngɨzhi yi hi riko wa bla tre, wa bla tre wa tsiyi ri gbagba ri tɨra bre mba. 18Ngha wa vuyi hi kusi nji wa rinkon ri Roma ri wa chu ritu won don bi ri la tre raro kusi mba ri kusi wawa wana he wa tsro tre musa ran. 19Inde wa vu yi, no sron mbi ran time ritu kya riwa bi tre ran, wa no yi kya riwa bi tre ri vi wan, 20don a ran he biyi nye bi tre ran, iyu Izhi mbi nye ri tre dzu ri nyu mbi.
21<<Vayi ri de vayi wan no wa wuu, A ti ri de vren wan, imiri wa ran ki sikpa ri wa timba ran wa wankon no wa wuu timba. 22Ko ngha ri kawan ri yi ritu nde won, ama nji riwa a vu sron hi ri kre wan wa kpa chuwo. 23Iwa no yi ya ri gbu ri, bi ka wulutsu hi ri gbu ri kusi, kpunji wan me layi, kafi noyi zɨren bla gbu Israila Ivren Izhi ri bru ye.
24<<Ba vren riko riwa a han nji ri tsɨiro wan, ko no wa tre ri gran han nji ri ko wan. 25A tsra riwa ivren ri bla no he ka itiko wan, gran kuma no he ka itiko wan har nowa yo nji riko Baalzabul, to nji wa ko wan fa!
Wawu riwa wa Ti Sisiri wan
26<<Riti kamba, ran ti sisiri mba ran, ba kya riwa a he ri bu riwa wa ran sɨra yo ri ra ran. 27Ikya riwa me layi ri yayibi, bi ka la no kongha no wo. Ikya riwa wa layi ri ton bi ka hon shu bi ri lanji. 28Ran ti sisɨri wawa wa wuu kpa ri kankɨshe ran, tsede bi ka ti sisɨri Izhi riwa ari wuu kpa mba sron riko wuru. 29To bibi riwa wa gye wa he mba, wana he kyawa riwa wa bran ran, ama kubu riri ri to re-u. Ama inde a joku kuu, Izhi mbi rishu a to don a nyɨme wa. 30Nfu ri tu mbu a he rimi bla. 31Ritu ngamba ran ti sisiri ran, bi he dindi han wa gye!
Inyɨme nga wawen ri Kristo
32<<Inji riwa no jin nowa towen, ame ngawen me no tiwon ri shu no to wu ngawen. 33Ama nji riwa a kawan rɨme kusi nji, ame ngawen me kawon riwu kusi tiwon riwa a he shu.
Aran Si sron ran Ama Inji Ngban
34Ran tomba ka me ye ritu riwa me ngɨzhi sisron ye ri yi ran me ran ye ritu si sron ran, tsede iku. 35Ame me ye Riwa me yo fu ri tsutsu ti mba vren, vruwa mba yiwan, Iwa vren wan ri yi wa vren wan; 36lnji wa ko wen nye wa kpan fu wen.
37Yeso tre ri, << Inji wa a nyɨme tiwan han wen ko iyiwan han wen, a ran he wa mo ran; 38nga nji riwa a ran ban nkponkɨron wan ran hu wen ran, a ran he wa mon ran. 39Inji riwa ari wa ran kpa kama chuwo a ran fe ran, ama nji riwa a hon sron wan ritu won ari fe wu.
Indu ri Fe
40<<Inji riwa a kpa yi a kpa wen nye, nga nji wa a kpa wen, a kpa Tiwon Izhi riwa a ti wen ndu. 41Inji wa a kpa nji ri la tre Izhi ritu a he nji ri la tre Izhi ari fe ife ri ndu riwa nji ri la tre Izhi nga nji riwa a kpa nji ri tsitsri ritu a he nji ri tsitsri ari fe ife ri ndu riwo nji ri tsitsri. 42Inji riwa a no ivren won vi kya riwa a he fiwen gyen ko a he vagho ima riri ri si nye ritu a he vrenriko won, me layi kpunji tre a ran hon fe ife ri ndu wan ran.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria