Matiu 20
20
Wa ndu ri zhu
1<< Kpanchison ri shu a he bibi nji ri ko riwa a zhu ri mbambɨre ran vuu wandu no wa tindu ri wu ri zhu klonkɨron ri ro. 2Yeso a yɨme iri wawu ri no wa kɨren dinari riri ri ji ran tru wa hi ri zhu wan.
3Ri kɨrefi chu wa ka zhu ran ka to wari waki kuklu rinyu richu. 4Rantre riwa ri <Biyi hi riwa rizhu won ngawen, me han yi kya riwa a tsra.> 5Imba waka hi Ka bru zhu nganga ri ji ri kɨrefi hari, ran bru ti kamba me. 6Riwa yawulu a ti ka bru zhu ran fe ka wari wa ki, ran miyen wa <Ingye ti ko bi ki kuklu kuu ji?> 7Wa ka tre riwu ri,<Ritu riwa injo ran vu ta ndu ran.<Biyi nga wen hi bi ri ti ndu ri zhu won.>
8<<Riwa yawuru a ti, nji ri ri ma ka tre ri nji riwa a ka zhu chuwo ri wo wan,< Yo wandu wuri han wa nkɨren ndu mba, gbuchi ri wa wa waye kugon hi riwa wa wa ye gbuchi.>
9Wandu wa wa waye ri kɨrefi hari waka fe kɨren dinari yiyiri ko ngha mba. 10Riwa wa wa wa vuwa ye ri mimilan wa yonga wa wa wa kpa han wa wa waye kugon, ama wa ka kpa bibi riri me. 11Riwa wa kpa nkɨren-a wari gra ti fu rnji ri rɨma-a. 12<Wanyi watindu ri awa riri, watre ri ki tindu kuu ji pii ki so yaa iji hu-ta.>
13Ka kpa yɨme ri ri imi mba,<Ikpan won wo>, ra tre ri<Me ran sen-u ran. yo me tsra reriwu ritu dinari riri 14Kpa nkren wen wuri hi kawen. Ame me yɨme me ri no wa wa waye kugon bibi riwa me no-u. 15Me ran heri gbengbren riwa me ti kya riwa meti ri nkɨren won ran? Ka wu tifu ritu dindi ti won?
16<<Wawunye ri gbuchi ri he ri kugon, ri kugon ri he ri gbuchi.>>
Yeso a La Ku Wan nganga
17Riwa Yeso a ran hi Jerusalem, wa ka zɨren iwa mɨriko wan wuru-don-hari ran yowa ri gran ran tre ri, 18<<Ki hi ri Jerusalem, wa ka vren nji reri rinkon wa ti ndu Izhi nga wa tsro doka. wa wuu 19wari kɨwan-u hi ri wawa wana to Izhi ran no wa ti-u ndan wari tsɨ wari kpan-u ri konkron. Ri mi vi ri tɨra a ri tashɨme!>>
Ibre riwa ya
20Imba iyi mɨri Zabadi kaye ri Yeso ri mɨri wan, wari kɨbu ngbazhu, kusi wan wari bre wu.
21Ka miyen wa ri,<<Bi wa ngye nye?>>
Iwa-a ka tre ri,<<Me wa no zon mɨri wanyi rimo no ri no son ku wotawen iri ka son kuwori wen ri kpanchison wen ri shu.>>
22Yeso ka tre riwa ri <<Bi ran to kya riwa bi bre ran. bi to so vagho riwa me so?>>
Wa ka tre,<< Ri ki to so.>>
23Yeso ka tre riwa ri,<<Bi to so ri mi vagho won, ama ison kuwo ri won ko ka wo ta won ran he ri me ran, bubu wanyi wa riwa A ti won nye mɨlan ti zi.>>
24Riwa miriko wan wuru wa wo kamba wa ri ti ifu ri mirivayi hari bi. 25Yeso kayowa kabru ran tre ri, <<Bi to wa chu mbi wawa wana to Izhi ran wa tsro wa gbengbren,wa ye he ki imba wa wa nowa ya. 26Aran he kamba ri tsitsunbi ran ama nji riwa ari wa ran he rinkon rimi mbi, le le no he nji riwa ari ti ndu riyi, 27lnji riwa a ri wa ran he rinkonbi to no he nji riwa a he gran mbi, 28bibi riwa Yeso ngawen a ye a ran ritu riwa iji wa gbre riwa ran, tsede no wawu mu no ti ndu riwa ri wa, ran bru de tuwan ri tunji kigbu.>>
Wan nfyen hari wa to tsu
(Mark 10.46-52; Luke 18.35-43)
29Riwa Yeso nga wa miri kowan wa ka Jeriko ran don, ikpa nji waka hu. 30Wa nfɨyen hari waka ki kusan kon, riwa wa wo ri Yeso ri hi kawan wari kpagro,<<Bachi, ivren Doda to lo sron mbu.>>
31Inji waka yirawan ngha wari tre riwa, ki mgbi, ama wa ka kpagro mgbanban,<<Bachi, ivren Doda, to lo sron mbu!>>
32Yeso ka kukri ran yo wa.<<Bi wa me tingye riyi?>>A miyen wa.
33Wa ka tre ri wu,<< Bachi, kiwa Kiri to tsu.>>
34Wa ka lo Yeso sron, ka bre wa wo ri simba mba wa ka to tsu wari hu.
လက္ရွိေရြးခ်ယ္ထားမွု
Matiu 20: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria