Matiu 12
12
Bachi ri Chachu Son Vɨri
1Ri vi ri chachu son vɨri,Yeso a gra dzu ri zhu alikama chachu sonvɨri. Iyon ka vu Miriko wan imba imiri ko waka tan wari ran tan. 2Riwa nji Farisa wa to ngamba, wa ri tre wu,<<Ya! Imiriko wen wa ti kya riwa a ran bi riwa no wati chachu sonvɨri ran.>>
3Ka tre wa,<< Bi ran kɨra kya riwa Doda a ti zari riwa iyon a tiwu, ikya riwa wa ti wawa kpan zɨren wan? 4A gra ri ko Izhi ran ri ri riwa wa kɨma-u zi riwa a ran bi nowa ri ran, nga wa kpan wan. 5Ka bi ran kɨra mbe Musa zari ran, bibi riwa chachu son vɨri,wa ti ndu Izhi wa yɨbasi ri ko Izhi chachu son vɨri, riwa wa ran yɨbasi ran? 6Me la yi, ikya riwa a han ko Izhi he nyin. 7Bi ri to tu kya riwa itre mba he, bi ri ran kpa nji riwa a ran to kya ran time ran 8Ritu Ivren Nji a he Bachi riwa chachu son vɨri.>>
9Imba ka gra rimi tɨra Izhi mba. 10nji ri riwa a kɨlu nkon a he bubu wan. wa ran wa kya riwa wa vu Yeso ri wu, waka miyen wu, <<A bi nowa den chachu son vɨri?>> 11A miye wa ri,<<ngan rimi mbi inde ntɨma wan ku ri mi juju chachu son vɨri a ran vu ran chu wu zho rimi juju ran? 12wana kan ji kaburu mba ntɨma ran.>> 13A tre lnji-a,<< nowen wo wen.>>Ka de wo wan inba wo wan ka bi bibi riwa iri wan a he. 14Ama wawa wato doka Musa wa ka zhu tre ri ngamba ritu bibi riwa wa wuu Yeso.
Ichu Vɨren ri ndu Izhi
15Riwa Yeso a to ngamba ran wulunde ri bubu wan 16Ka dzu wa no wa na la jo kya wa a ti ran. 17Don no wa shu tre riwa Ishaya nji ri la tre Izhi a tre ri, 18<<Ngye nji ri wa me chu wu, riwa me nyɨme wu, isron wo ri si riwu, me yo wu ri wo wan, ri gbungblume nyi. 19Me ran ven ran, mi ran tre gbangban ran, njo ran wo ran won ri ra ran. 20konkron riwa a nime a ran tren-u ran, Iwulu riwa agon ri yɨbi a ran yɨwi wu ran. A ri no kpunji no ban kusi. 21Gbungblume wa yo sron mba ri nde wan.
Yeso nga Baalzabul
22Waka ngɨzhi nji riwa a he ri ibɨji ran ti nfɨyen ran he mangbi, Yeso ka no ran tre na to tsu. 23Wawu nji waka ti sisiri ran tre, <<Ri nyi nye riwa a he vren Doda?>> 24Riwa Farisa wa wo kya riwa a ti, waka tre, << Aran ti ndu ri senkpa Baalzabul ivren chu ibɨji, ran dzu ibɨji.>> 25Yeso a to taka mba ran tre riwa, <<Igbu riwa inyu mba ran he riri ran a ri joku, iko riwa wa ga kamba ti hari a ri joku. 26Inde meme nji ri dzu meme nji, ari he wa wanyu ri ngamba nye mba. 27Inde ri senkpa Baalzabul nye me dzu bɨzhi, ri senkpa ŋnga nye nji mbi wa dzu mba zhu? Ka mba wawa nye wa he wa bla tre mbi. 28Nde ame ri senkpa Izhi nye me zhu bɨzhi, kpanchison Izhi a ye ri yi.
29Inde bi wa bi ri gra riko nji ri senkpa bi ri vu kpi wan, tse bi vu lo ko bi fe nkon gra bi ri vu kpi wan.
30Nji riwa a ran he ri me ran, a ran nyime wen ran, nga nji riwa a ran ka ka bru ri me ran a ri vu vɨra nye mba. 31Me la yi, nde bi ti meme ti ri kpa nde nji ti me, me kayi chuwo, ama nde bi kpa nde wu Izhi ti me wa ran ka meme ti mbi chuwo yi ran. 32Nji wa ti meme ti ri vren nji, wa ka meme ti wan chuwo. Ama nji ri wa a tre meme ritu wu tsitsri wa ran ka meme ti wan chuwo ran ko zizan ko iviri.
33Mɨlan konkron ti no bi, no klo wan no bi, kpa konkron ti me no klo wan no ti me. Konkron dindi wa to wu ritu klo wan. 34<<Bi yi meme wan. wa ti se wa ri wo tre dindi ri nyu mbi. Rimi sron nye itre ri zhu dzu nyu ye ra. 35Nji wa meme wa tretre meme, nji wa dindi wa tretre dindi. 36Me layi kpunji, meme tre riwa bi tre wa miye yi chachu bla tre Izhi. 37Itre wen nye ri kpa wu chu wo, nga tre wen nye ri kpa wu time.
Igba Nkon riwa Jona
38Farisa ri wa tsro doka Musa wa tre riwu ri,<<Ki wa ki ri to kyawa wa sisiri ri wu.>>
39Yeso ka la wa ri, << Biyi wa meme ti wa nnzan nyi wawa wari to kya riwa ari tsro riwa nowa to kyawa wa de sisiri ama wa ran to kyari ran tsede nowa to riwa Yunana nji ri la tre Izhi. 40Ri wa Yunana a ti vi tɨra ri chu tɨra rimi nne nchon lambe, ngamba nye ivren nji ri ti vi tɨra rimi meme. 41Wan nji Nineve wa wurunde ki nde ri chachu bla tre Izhi ri wa nnzan nyi wari kre wa ritu riwa wa ka meme timba chuwo ri tretre Izhi riwa Yunana, nga riwa a han Yunana a he ri nyi. 42Nkpen wa ri kusi yawuru ri zhu chachu bla tre wawa wannzan wa zizan wari zi rega; a zhu kusi yawuru ye ran wo tre Solomu riwa a he ri wiwɨri, ama riwa a to han Solomu he ri wa.
43<<Inde meme wu zhu rikpanji, ran kari wa bubu riwa ari son vɨri ka a ran fe ran. 44Imba ari tre, <Me bru hi ko riwa me kadon.>Inde a ye, ran ran fe njo ran, wa vu tsu wan penpiren wari vukpi mɨlan ki. 45Imba ari hi ran vu ngbɨron tangban riwa wa meme han, wa gra hi wari ki bubu wan. nga kre wan ri meme han ri mimilan. Kamba nye ari he ri wa meme nnzan nyi.>>
Iyi Yeso Nga Miri vayi wan
46Riwa Yeso a ran tre ri kpanji, iyi wan nga mirivayi wan wa ki ri ra, wa ran wa wari tre riwu. 47Inji ri ka lawu, << Iyi wen iwa mirivayi wen wa wa ri kana,wa wa wari tre ri wu.>>
48A tre riwu, <<Ko nghan he yi won, nga wa nghan wa mirivayi won?>> 49A tsro wo ri miriko wan, ran tre, <<Ingye iyi won nga wa mirivayi won een. 50Inji riwa a ti kya riwa A ti won ri shu tre wawu nye he vayi won vruwa vrenron nga yi.>>
လက္ရွိေရြးခ်ယ္ထားမွု
Matiu 12: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria