ACT - BUU 3
3
Bitrus a Den Nji ri bre ri Nkpuzhu Kpa Chuwo
1Chachu ri Bitrus nga Yohana wana hi tra bre ri vi bre ri krefi tra ri Izhi. 2Imba nji ri riwa a ran to zren ran tu chachu riwa wa ngɨzhi-u, wa ban hu ngamba hi ri nkon tra bre riwa wa yo ri a bi, ritu no ran ibrewawa wa gra ri tra bre. 3Riwa a to Bitrus mba Yohana wana gra ri tre bre, ka bre wa nkɨren. 4Bitrus ka yau bibi wa Yohana. Imba Bitrus ka tre, <<Ya ta!<< 5Imba isron nji-a ka kɨwan ye ri wa, ran ran gben kya riwa wa no.
6Imba Bitrus ka tre, <<Azurfa ko Zinariya me ran he ri wu ran, ama ikya riwa me he ri wu me no-u. Rimi nde Yeso kristo nji Nazare, wulunde zren.<< 7Imba Bitrus ka vu kuwo ri ran nzuu ban shu, imba mgibreri kpɨraza nji-a waka senkpa. 8Nji-a ka wulunde za kɨrinde ran gra zren ran ran gbresan nde Izhi. 9Nji wawu wato a ran zren ran ran gbre Izhi, 10wa to ri a he nji riwa a ran son ri nkontra bre Izhi ran ran bre, nga wa ran ti mamaki ritu kya riwa a ti ri wu.
Bitrus a Tɨreri Kpanji tra Izhi
11Riwa nji- a ngɨzhi Bitrus nga Yohana ri wo ri trankon Solomu, riwa wa yo, nji waka ti mamaki wari tsutsu hi ri wa. 12Riwa Bitrus a to nganyi, ran tre ri wa ri,<<Biyi wa nji Israila, ritu ngye ko ikya nyi ri no yi mamaki? Ritu ngye ko bi ya ta zhuka a he ri senkpa mbu nye ki no nji nyi no zren? 13Izhi wa Ibrahi, Ishaku mba Yakubu, Izhi wa Ti wa Timbu, wa gbre vren ko wan Yeso, wu kawu de nowa wuu, nga wu kawen riwu kusi Bilatu, ko riwa ide a yosron riwa ari chu wu wo. 14Ama bi kambi ri nji ri tsitsri nga dindi ti bi ri miyen ri no wa ka nji ri wuu nji chuwo ri yi. 15Bi wuu Yeso nji ri de vɨri , ama Izhi a no vɨri rimi kuu ki he ri to. 16Ri yosron rimi nde Yeso, nji nyi riwa bi ya bi ri to a he ri senkpa. A he nde Yeso nde nga yosron riwa a zhu riwu ye riwa a de si ri wu, bibi riwa wawumbi bi to.
17Zizan, miri vayi, me to bi ti kya nyi ri bubu, bibi riwa wa rinkon mbi wa ti ngawen. 18Ama ngye bibi riwa Izhi a tre zi ri sen hu nyu wa la tre Izhi wa tre ri kristo ri so ya. 19Nghamba bi Ka meme ti mbi chuwo, bi ri kɨma ye ri Izhi nowa ka meme ti mbi rega ri yi. 20Ngha riwa ariya ti Kristo ndu, riwa wa chu ri yi riwa a he Yeso. 21Ama Yeso ri son ri shu tse chachu riwa Izhi ri vu kyawa kishuti, bibi riwa a la nyu ri gbangban mu zu nyu tsitsri nji ri la tre wan. 22Musa ngawen a tre ri,<<Bachi Izhi ri zhu riyi ri nji ri la tre rimimbi riwa a he ka ame; dole bi ka sɨrenton ri kongye riwa a tre riyi. 23Ko ngan rimimbi riwa a ran sɨrenton ri tre Izhi ran wa chu wu joo rimi wanji wan.
24<<Kpunji tre, wa la tre Izhi wawu wawa wa tre, wato zhu ri Samuila ri wawa wa ye kugon, wawumba wa la tre ritu vi wanyi. 25Biyi nye bi he miri gba nkon wa la tre Izhi nga tre riwa Izhi a ka zi ri wa Timbi. A tre ri Ibrahi, <Zu ri gɨzhi mbi nye gbungblu me rife dindi wan. 26Riwa Izhi a nzu vrenkowan, a gbuchi ti-undu riyi no yo wo dindi ri yi riwa ari kɨma yi joo ri meme timbi.
လက္ရွိေရြးခ်ယ္ထားမွု
ACT - BUU 3: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria