Exod 9
9
tiṯa lxamsa; lwaf n zwayel
1yuwa lliy diyma yella y muwsa.
«mmel y ferƹuwn matta uwiγeḵ, dwiy n lliy diyma yella, rebbiy n iƹebraniyen: < seyyeb midniw bac alzellen. 2kan wittaqileḏ atensiybeḏ aḏ tetṭefeten γareḵ, 3rahiy ffus n lliy diyma yella tayenγ zwayeliḵ lliy g imezdeγen, seg tγallin aḏ iγyal aḏ ileγman aḏ ifwunesen aḏ tulli s lwaf d meqqar ggeṯ. 4amma zwayel n israyil tatendjeγ dderen aḏ wiyetmettic ḥetta cey y aṯ israyil. 5aḏ ayuh tateggeγ ača. > » 6al ača yeggi lliy diyma yella ayuh, mmuneṯ zwayel n imiṣriyen lkul amma zwayel n israyiliyen wittemuṯ sisneṯ ḥetta d ijeṯ. 7yenkiy ferƹuwn bac ayṯebbet, yaxy yufa zwayel n aṯ israyil wittemuṯ sisneṯ ḥetta d ijeṯ, lekinti baqi yseqṣeḥ ixfis ḥetta beƹd mag yezra ayuh. aḏ wiseyyebc midden.
tiṯa ssadisa; nbaṯeṯ n lqiḥ uliyend
8yuwa lliy diyma yella y muwsa aḏ haruwn.
«qameṯ tikemcet, tikemcet seg iγeḍ n tinnurt, we aycetteƹ muwsa ayuh n iγeḍ al ujenna zzaṯ ferƹuwn. 9tarreγ ayuh n iγeḍ d lγubareṯ we ateḏen tammurt n miṣr lkul bac adtali d nbaṯaṯ n lqiḥ y midden aḏ zwayel.» 10yaxy qamen iγiḍ seg tinurin aḏ bbedden zzaṯ ferƹuwn. aḏ icettiƹy muwsa al ujenna yeḏwel d nbaṯaṯ n lqiḥ, uliyend y midden aḏ zwayel. 11ḥetta yseḥḥeren n miṣr ḏwellen tƹenan seg nbaṯaṯ am imiṣriyen lkul almiy wiquddenc abedden zzaṯ muwsa. 12lekinti rebbiy yseqṣeḥ iγef n ferƹuwn, wiyeqqil ayseγd y dwiysen mammeḵ yuwa lliy diyma yella y muwsa.
tiṯa ssabƹa; tebruri
13wembeƹd yuwa lliy diyma yella y muwsa.
«kker tajji bekri bbed zzaṯ ferƹuwn tseṣeldas dwiyw: < neči rebbiy n iƹebraniyen, seyyeb middeniw adj alzellen. 14rahiy tijekkelt tuwh tafwetteγ s lwifan imeqqaren cekkin aḏ midden lliy nnaḍḍen siyiḵ aḏ cceƹbiḵ bac asneḏ lliy widdic mam am neči g ddunyeṯ. 15rahiy neči usiγ tqudduγ azleγ fusiw we afmukseγ seg tammurt cek aḏ middeniḵ lkul s lwaf. 16lekinti djiγaḵ teddereḏ bac afsiḵneγ lquwtiw we aslen midden mennit d megger neči g tammurt lkul.
17qa cek wecci tḥeqreḏ g middeniw aḏ witettaqlec atensiybeḏ. 18afelxaḍert n ayuh tasezwiγ ača tebruri temeqqart lliy ƹemris witezri miṣr am nettaṯ s manis tuḏel. 19nkiy ṭuruh tlaymeḏ zwayeliḵ aḏ matta γareḵ lkul g umezdeγ afelxaḍert lliy yeqqim diyes seg midden naγ seg zwayel aḏ wiyeteḏefc al jaj tatezwa fellas tebruri temeqqart we ayemmeṯ. > » 20seg midden n ferƹuwn diyes midden ugeḏḏen s dwiy n rebbiy aḏ seḏefen ixudimnesen aḏ zwayelesen al tizeγwin. 21amma lliy ṯhezzan af dwiy n rebbiy djen ixudimenesen aḏ zwayelesen g umezdeγ.
22yuwa lliy diyma yella y muwsa: «zzel fusiḵ al ujenna bac atezwa tebruri temeqqart af tammurt n miṣr lkul, seg irgazen aḏ zwayel aḏ rbiƹ g umezdeγen.» 23yezzel muwsa tereṭṭes al ujenna, yenkiy lliy diyma yella rreƹd aḏ tebruri aḏ treƹediyen timeqqarin af tammurt. 24tezwa tebruri temeqqart g lweqt yjen nettaṯ yid rreƹd s timsi, lliy ƹemris witezri miṣr s manis tuḏel d lummeṯ. 25tezwa tebruri g miṣr lkul. aḏ twet kul ḥaja g imezdeγen seg midden aḏ zwayel aḏ rbiƹ lliy yγemyed aḏ cjer lkul. 26amma tammurt n jasan mani seknen israyiliyen witzwic diyes tebruri.
ferƹuwn yuƹeḏ tijekkelt wi 3 s useyyeb n midden
27yaxy yenkiy ferƹuwn, yesγuwy y muwsa aḏ haruwn yuwayasen: «neči aγleḍeγ tijekkelt tuwh. rahiy γares lḥeq ayeg ayuh. neči aḏ middeniw wineḥli. 28ḍlbeṯ rebbiy bac ayesbed tebruri aḏ rreƹd. qa tafensiybeγ. rahiy maƹedc arnim dehnit ḥetta d fercu.»
29yaxy yerras muwsa: «s manis afγeγ seg tmura tazleγ fusiw y lliy diyma yella bac aybeṭṭel rreƹd we aykef anzar we asneḏ lliy rebbiy iteg matta yexs g tammurtis. 30lekinti sseneγ lliy cek aḏ midden lliy nnaḍḍen siyiḵ wecci witettegiḏemc seg lliy diyma yella.» 31g lweqt wuh tefduxt aḏ timzin fseḏen afelxaḍert timzin usineṯ d tisbulin aḏ tefduxt tnewer. 32amma irden lliy qṣeḥḥen aḏ irden lliy dderen wimdurenc afelxaḍert wicci wimγirenc.
iγef n ferƹuwn yeqṣeḥ
33yeffeγ muwsa seg tmura n ferƹuwn, yezzel fusis y lliy diyma yella, yaxy ysebbed rreƹd aḏ tebruri lliy tusi tzugga af tammurt. 34lemmi yezra ferƹuwn anzar aḏ tebruri aḏ rreƹd beṭlen yeγleḍ, yseqṣeḥ ixfis netta aḏ midden lliy nnaḍḍen siyes tijekkelt iḍen. 35amyuh yseqṣeḥ ferƹuwn ixfis aḏ wiseyyebc aṯ israyil mammeḵ yuwa rebbiy af imi n muwsa.
လက္ရွိေရြးခ်ယ္ထားမွု
Exod 9: IGJ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
Exod 9
9
tiṯa lxamsa; lwaf n zwayel
1yuwa lliy diyma yella y muwsa.
«mmel y ferƹuwn matta uwiγeḵ, dwiy n lliy diyma yella, rebbiy n iƹebraniyen: < seyyeb midniw bac alzellen. 2kan wittaqileḏ atensiybeḏ aḏ tetṭefeten γareḵ, 3rahiy ffus n lliy diyma yella tayenγ zwayeliḵ lliy g imezdeγen, seg tγallin aḏ iγyal aḏ ileγman aḏ ifwunesen aḏ tulli s lwaf d meqqar ggeṯ. 4amma zwayel n israyil tatendjeγ dderen aḏ wiyetmettic ḥetta cey y aṯ israyil. 5aḏ ayuh tateggeγ ača. > » 6al ača yeggi lliy diyma yella ayuh, mmuneṯ zwayel n imiṣriyen lkul amma zwayel n israyiliyen wittemuṯ sisneṯ ḥetta d ijeṯ. 7yenkiy ferƹuwn bac ayṯebbet, yaxy yufa zwayel n aṯ israyil wittemuṯ sisneṯ ḥetta d ijeṯ, lekinti baqi yseqṣeḥ ixfis ḥetta beƹd mag yezra ayuh. aḏ wiseyyebc midden.
tiṯa ssadisa; nbaṯeṯ n lqiḥ uliyend
8yuwa lliy diyma yella y muwsa aḏ haruwn.
«qameṯ tikemcet, tikemcet seg iγeḍ n tinnurt, we aycetteƹ muwsa ayuh n iγeḍ al ujenna zzaṯ ferƹuwn. 9tarreγ ayuh n iγeḍ d lγubareṯ we ateḏen tammurt n miṣr lkul bac adtali d nbaṯaṯ n lqiḥ y midden aḏ zwayel.» 10yaxy qamen iγiḍ seg tinurin aḏ bbedden zzaṯ ferƹuwn. aḏ icettiƹy muwsa al ujenna yeḏwel d nbaṯaṯ n lqiḥ, uliyend y midden aḏ zwayel. 11ḥetta yseḥḥeren n miṣr ḏwellen tƹenan seg nbaṯaṯ am imiṣriyen lkul almiy wiquddenc abedden zzaṯ muwsa. 12lekinti rebbiy yseqṣeḥ iγef n ferƹuwn, wiyeqqil ayseγd y dwiysen mammeḵ yuwa lliy diyma yella y muwsa.
tiṯa ssabƹa; tebruri
13wembeƹd yuwa lliy diyma yella y muwsa.
«kker tajji bekri bbed zzaṯ ferƹuwn tseṣeldas dwiyw: < neči rebbiy n iƹebraniyen, seyyeb middeniw adj alzellen. 14rahiy tijekkelt tuwh tafwetteγ s lwifan imeqqaren cekkin aḏ midden lliy nnaḍḍen siyiḵ aḏ cceƹbiḵ bac asneḏ lliy widdic mam am neči g ddunyeṯ. 15rahiy neči usiγ tqudduγ azleγ fusiw we afmukseγ seg tammurt cek aḏ middeniḵ lkul s lwaf. 16lekinti djiγaḵ teddereḏ bac afsiḵneγ lquwtiw we aslen midden mennit d megger neči g tammurt lkul.
17qa cek wecci tḥeqreḏ g middeniw aḏ witettaqlec atensiybeḏ. 18afelxaḍert n ayuh tasezwiγ ača tebruri temeqqart lliy ƹemris witezri miṣr am nettaṯ s manis tuḏel. 19nkiy ṭuruh tlaymeḏ zwayeliḵ aḏ matta γareḵ lkul g umezdeγ afelxaḍert lliy yeqqim diyes seg midden naγ seg zwayel aḏ wiyeteḏefc al jaj tatezwa fellas tebruri temeqqart we ayemmeṯ. > » 20seg midden n ferƹuwn diyes midden ugeḏḏen s dwiy n rebbiy aḏ seḏefen ixudimnesen aḏ zwayelesen al tizeγwin. 21amma lliy ṯhezzan af dwiy n rebbiy djen ixudimenesen aḏ zwayelesen g umezdeγ.
22yuwa lliy diyma yella y muwsa: «zzel fusiḵ al ujenna bac atezwa tebruri temeqqart af tammurt n miṣr lkul, seg irgazen aḏ zwayel aḏ rbiƹ g umezdeγen.» 23yezzel muwsa tereṭṭes al ujenna, yenkiy lliy diyma yella rreƹd aḏ tebruri aḏ treƹediyen timeqqarin af tammurt. 24tezwa tebruri temeqqart g lweqt yjen nettaṯ yid rreƹd s timsi, lliy ƹemris witezri miṣr s manis tuḏel d lummeṯ. 25tezwa tebruri g miṣr lkul. aḏ twet kul ḥaja g imezdeγen seg midden aḏ zwayel aḏ rbiƹ lliy yγemyed aḏ cjer lkul. 26amma tammurt n jasan mani seknen israyiliyen witzwic diyes tebruri.
ferƹuwn yuƹeḏ tijekkelt wi 3 s useyyeb n midden
27yaxy yenkiy ferƹuwn, yesγuwy y muwsa aḏ haruwn yuwayasen: «neči aγleḍeγ tijekkelt tuwh. rahiy γares lḥeq ayeg ayuh. neči aḏ middeniw wineḥli. 28ḍlbeṯ rebbiy bac ayesbed tebruri aḏ rreƹd. qa tafensiybeγ. rahiy maƹedc arnim dehnit ḥetta d fercu.»
29yaxy yerras muwsa: «s manis afγeγ seg tmura tazleγ fusiw y lliy diyma yella bac aybeṭṭel rreƹd we aykef anzar we asneḏ lliy rebbiy iteg matta yexs g tammurtis. 30lekinti sseneγ lliy cek aḏ midden lliy nnaḍḍen siyiḵ wecci witettegiḏemc seg lliy diyma yella.» 31g lweqt wuh tefduxt aḏ timzin fseḏen afelxaḍert timzin usineṯ d tisbulin aḏ tefduxt tnewer. 32amma irden lliy qṣeḥḥen aḏ irden lliy dderen wimdurenc afelxaḍert wicci wimγirenc.
iγef n ferƹuwn yeqṣeḥ
33yeffeγ muwsa seg tmura n ferƹuwn, yezzel fusis y lliy diyma yella, yaxy ysebbed rreƹd aḏ tebruri lliy tusi tzugga af tammurt. 34lemmi yezra ferƹuwn anzar aḏ tebruri aḏ rreƹd beṭlen yeγleḍ, yseqṣeḥ ixfis netta aḏ midden lliy nnaḍḍen siyes tijekkelt iḍen. 35amyuh yseqṣeḥ ferƹuwn ixfis aḏ wiseyyebc aṯ israyil mammeḵ yuwa rebbiy af imi n muwsa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).