Exod 10
10
muwsa aḏ haruwn ḍelben seyyeb n midden tijekkelt iḍen
1aḏ yuwa lliy diyma yella y muwsa.
«bbed zzaṯ ferƹuwn afelxaḍert seqeṣḥeγ ixfis aḏ ixfewen n midden lliy nnaḍḍen siyes bac aggeγ lmuƹjizaṯiw tinuh zzaṯesen. 2aḏ bac amleḏ y ṭarwaḵ aḏ ṭarwa n ṭarwaḵ mammeḵ ƹeqbeγ imiṣriyen, aḏ af lmuƹjizaṯ lliy ggixtent zzaṯesen bac asnem lliy d neči d lliy diyma yella, rebbiywem.»
muwsa yeseggeḏ g ferƹuwn s ljraḏ
3bbedden muwsa aḏ haruwn zzaṯ ferƹuwn uwanas.
«sseγd dwiy n rebbiy n iƹebraniyen. rahiy yuwayeḵ: < al lemmi teqimeḏ witetteqleḏc altḏebƹeḏ? siyyeb middeniw adj alezzalen. 4kan witensibec, tanekyeγ ljraḏ ača f lḍraf n tammurtiḵ. 5we ayeḏen uḏem n tammurt almiy wiyetquddu ḥetta d yjen atettizer we ayeč lliy tfedli tebruri aḏ ṭiṭawin lliy wetneṯ g cjer n imezdeγnuwem. 6we ayečar tizeγwiniḵ aḏ tzaγwin n midden lliy nnaḍḍen siyiḵ aḏ tzaγwin n imiṣriyen lkul. rahiy ayuh ƹemris wislin siyes ibabniḵ aḏ iḥniniḵ s manis skennen g ayuh n tammurt al ṭuruh. > »
wembeƹd yeffeγ seg tzaγwin n ferƹuwn. 7yaxy uwanas midden lliy nnaḍḍen siyes: «al lemmi tayeqqim ayuh n argaz yebbedeneγ am usennan? seyyeb midden bac azellen y lliy diyma yella, rebbiysen. yaxy wicci witsinec lliy miṣr texreb.»
ferƹuwn yexs ayseyyeb irgazen akehaw
8yaxy sγuyen y muwsa aḏ haruwn bac abedden tijekkelt iḍen zzaṯ ferƹuwn. aḏ yuwayasen: «berreṯ azzelleṯ y lliy diyma yella, rebbiywem, amma mam tayreḥ.»
9yerras muwsa: «tarreḥ lkulna s imezyenneneγ aḏ iwesernenneγ, s imeckenneneγ aḏ tmeckenineneγ, s zwayelenneγ aḏ tresliyineneγ afelxaḍert yexs aneg tfeṣka y lliy diyma yella.»
10yeṣṣa ferƹuwn, yuwa: «adj afenniƹewen lliy diyma yella zeγ mammeḵ taxsem afensiybeγ s tiseḏnanuwem aḏ imeckenuwem. rahiy kennim tesmuḏem af ccer. 11aha, adj areḥen irgazen akehaw azellen y lliy diyma yella, muc d ayuh lliy texsem.» wembeƹd zeƹezqenten seg zzaṯ n ferƹuwn.
tiṯa ṯṯemna: ahjam n ljraḏ
12yuwa lliy diyma yella y muwsa: «zzel fusiḵ af tammurt n miṣr adj ayezwa ljraḏ we atetyeḏen we ayeč rbiƹ lliy tfedli tebruri.»
13yezzel muwsa tereṭṭes af tammurt n miṣr. yenkiy lliy diyma yella fellesen aḍu d cerqi g as diyn aḏ yiḍ diyn lkul. aḏ af tajji yuγed ljraḏ. 14tečur siyes tammurt n miṣr aḏ yezwa f lḍrafis lkul d tiresliyin timeqqarin. widyusic am nihintin qebbel aḏ widyettic am nihintin beƹd. 15yuḏen uḏem n tammurt almiy teḏwel d teṣeṭṭeft. aḏ yeča rbiƹ lliy diyes lkul aḏ lγelleṯ n cjer lliy tedja tebruri. aḏ witteqqim ḥetta d ḥaja tezizewt af cjer aḏ g imezdaγen n miṣr lkul. 16yaxy fiseƹ yesγuy ferƹuwn y muwsa aḏ haruwn, yuwayasen: «rahiy aγleḍeγ yid lliy diyma yella, rebbiywem, yid iḏuwem. 17semaḥtiḏ tijekkelt tuwh af bekkeḍu. rahiy ceƹfeγ meƹdc aƹewdeγ. tezellem y lliy diyma yella, rebbiywem bac ayekkes fella ayuh n lmuṣiybeṯ lliy tnaq.»
18yaxy iruweḥ muwsa s ferƹuwn, yezzul y lliy diyma yella. 19yenkiy lliy diyma yella aḍu d meqqar s mγerreb. yefreḍ ljraḏ ilewḥi g iylel zuggaγ. aḏ witteqqim ḥetta d tejraḏt g tammurt n miṣr. 20lekenti lliy diyma yella yseqṣeḥ iγef n ferƹuwn aḏ wiseyyebc aṯ israyil.
tiṯa tesƹa: isa n tellest teṣeṭṭeft
21yaxy yuwa lliy diyma yella y muwsa: «zzel fusiḵ al ujenna adj atƹam tellest af tammurt n miṣr almiy midden taḏulen ttesnen abriyḏesen s uberbuc.» 22yaxy yezzel muwsa fusis al ujenna. tezwa tellest temeqqart af miṣr lkul 3 d ussan. 23wiqudc disen ḥetta ḥed ayzer uwas naγ ayeffeγ seg umkanis ussan diyn. lekenti ddu wecci yṣeγa mani seknen aṯ israyil.
ferƹuwn yexs aysiyeb midden s lecruḍ
24yesγuy ferƹuwn y muwsa yuwa: «ureḥeṯ tẓallem y lliy diyma yella, kennim aḏ imeckenuwem. amma djeṯ zweyluwem aḏ tiresliyinuwem deh.» 25yaxy yuwa muwsa: «yexs aγentedjeḏ anewyi man aneγres y lliy diyma yella we asneḥreq. 26afelxaḍert n ayuh tareḥneṯ iḏenneγ tullineγ aḏ wiyetγimi ḥetta ciy sisenneṯ. yexs anextar sisneṯ man anuc y lliy diyma yella, rebbiynaγ. aḏ winessinc mantan tasneγres kan almiy nuṣel al γaḍih.»
27lekenti lliy diyma yella yseqṣeḥ iγef n ferƹuwn, yaxy witenniseyyebc. 28yuwa ferƹuwn y muwsa: «ffeγ fella, arr lbaliḵ af imaniḵ, witbeddac zzaṯiw tijekkelt iḍen. rahiy as lliy tezreḏ uḏmiw tameteḏ.»
29yaxy yuwa muwsa: «bahi, d ṣbiḥ mag tuwiḏ. wizerrexc uḏmiḵ tijekkelt iḍen.»
လက္ရွိေရြးခ်ယ္ထားမွု
Exod 10: IGJ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
Exod 10
10
muwsa aḏ haruwn ḍelben seyyeb n midden tijekkelt iḍen
1aḏ yuwa lliy diyma yella y muwsa.
«bbed zzaṯ ferƹuwn afelxaḍert seqeṣḥeγ ixfis aḏ ixfewen n midden lliy nnaḍḍen siyes bac aggeγ lmuƹjizaṯiw tinuh zzaṯesen. 2aḏ bac amleḏ y ṭarwaḵ aḏ ṭarwa n ṭarwaḵ mammeḵ ƹeqbeγ imiṣriyen, aḏ af lmuƹjizaṯ lliy ggixtent zzaṯesen bac asnem lliy d neči d lliy diyma yella, rebbiywem.»
muwsa yeseggeḏ g ferƹuwn s ljraḏ
3bbedden muwsa aḏ haruwn zzaṯ ferƹuwn uwanas.
«sseγd dwiy n rebbiy n iƹebraniyen. rahiy yuwayeḵ: < al lemmi teqimeḏ witetteqleḏc altḏebƹeḏ? siyyeb middeniw adj alezzalen. 4kan witensibec, tanekyeγ ljraḏ ača f lḍraf n tammurtiḵ. 5we ayeḏen uḏem n tammurt almiy wiyetquddu ḥetta d yjen atettizer we ayeč lliy tfedli tebruri aḏ ṭiṭawin lliy wetneṯ g cjer n imezdeγnuwem. 6we ayečar tizeγwiniḵ aḏ tzaγwin n midden lliy nnaḍḍen siyiḵ aḏ tzaγwin n imiṣriyen lkul. rahiy ayuh ƹemris wislin siyes ibabniḵ aḏ iḥniniḵ s manis skennen g ayuh n tammurt al ṭuruh. > »
wembeƹd yeffeγ seg tzaγwin n ferƹuwn. 7yaxy uwanas midden lliy nnaḍḍen siyes: «al lemmi tayeqqim ayuh n argaz yebbedeneγ am usennan? seyyeb midden bac azellen y lliy diyma yella, rebbiysen. yaxy wicci witsinec lliy miṣr texreb.»
ferƹuwn yexs ayseyyeb irgazen akehaw
8yaxy sγuyen y muwsa aḏ haruwn bac abedden tijekkelt iḍen zzaṯ ferƹuwn. aḏ yuwayasen: «berreṯ azzelleṯ y lliy diyma yella, rebbiywem, amma mam tayreḥ.»
9yerras muwsa: «tarreḥ lkulna s imezyenneneγ aḏ iwesernenneγ, s imeckenneneγ aḏ tmeckenineneγ, s zwayelenneγ aḏ tresliyineneγ afelxaḍert yexs aneg tfeṣka y lliy diyma yella.»
10yeṣṣa ferƹuwn, yuwa: «adj afenniƹewen lliy diyma yella zeγ mammeḵ taxsem afensiybeγ s tiseḏnanuwem aḏ imeckenuwem. rahiy kennim tesmuḏem af ccer. 11aha, adj areḥen irgazen akehaw azellen y lliy diyma yella, muc d ayuh lliy texsem.» wembeƹd zeƹezqenten seg zzaṯ n ferƹuwn.
tiṯa ṯṯemna: ahjam n ljraḏ
12yuwa lliy diyma yella y muwsa: «zzel fusiḵ af tammurt n miṣr adj ayezwa ljraḏ we atetyeḏen we ayeč rbiƹ lliy tfedli tebruri.»
13yezzel muwsa tereṭṭes af tammurt n miṣr. yenkiy lliy diyma yella fellesen aḍu d cerqi g as diyn aḏ yiḍ diyn lkul. aḏ af tajji yuγed ljraḏ. 14tečur siyes tammurt n miṣr aḏ yezwa f lḍrafis lkul d tiresliyin timeqqarin. widyusic am nihintin qebbel aḏ widyettic am nihintin beƹd. 15yuḏen uḏem n tammurt almiy teḏwel d teṣeṭṭeft. aḏ yeča rbiƹ lliy diyes lkul aḏ lγelleṯ n cjer lliy tedja tebruri. aḏ witteqqim ḥetta d ḥaja tezizewt af cjer aḏ g imezdaγen n miṣr lkul. 16yaxy fiseƹ yesγuy ferƹuwn y muwsa aḏ haruwn, yuwayasen: «rahiy aγleḍeγ yid lliy diyma yella, rebbiywem, yid iḏuwem. 17semaḥtiḏ tijekkelt tuwh af bekkeḍu. rahiy ceƹfeγ meƹdc aƹewdeγ. tezellem y lliy diyma yella, rebbiywem bac ayekkes fella ayuh n lmuṣiybeṯ lliy tnaq.»
18yaxy iruweḥ muwsa s ferƹuwn, yezzul y lliy diyma yella. 19yenkiy lliy diyma yella aḍu d meqqar s mγerreb. yefreḍ ljraḏ ilewḥi g iylel zuggaγ. aḏ witteqqim ḥetta d tejraḏt g tammurt n miṣr. 20lekenti lliy diyma yella yseqṣeḥ iγef n ferƹuwn aḏ wiseyyebc aṯ israyil.
tiṯa tesƹa: isa n tellest teṣeṭṭeft
21yaxy yuwa lliy diyma yella y muwsa: «zzel fusiḵ al ujenna adj atƹam tellest af tammurt n miṣr almiy midden taḏulen ttesnen abriyḏesen s uberbuc.» 22yaxy yezzel muwsa fusis al ujenna. tezwa tellest temeqqart af miṣr lkul 3 d ussan. 23wiqudc disen ḥetta ḥed ayzer uwas naγ ayeffeγ seg umkanis ussan diyn. lekenti ddu wecci yṣeγa mani seknen aṯ israyil.
ferƹuwn yexs aysiyeb midden s lecruḍ
24yesγuy ferƹuwn y muwsa yuwa: «ureḥeṯ tẓallem y lliy diyma yella, kennim aḏ imeckenuwem. amma djeṯ zweyluwem aḏ tiresliyinuwem deh.» 25yaxy yuwa muwsa: «yexs aγentedjeḏ anewyi man aneγres y lliy diyma yella we asneḥreq. 26afelxaḍert n ayuh tareḥneṯ iḏenneγ tullineγ aḏ wiyetγimi ḥetta ciy sisenneṯ. yexs anextar sisneṯ man anuc y lliy diyma yella, rebbiynaγ. aḏ winessinc mantan tasneγres kan almiy nuṣel al γaḍih.»
27lekenti lliy diyma yella yseqṣeḥ iγef n ferƹuwn, yaxy witenniseyyebc. 28yuwa ferƹuwn y muwsa: «ffeγ fella, arr lbaliḵ af imaniḵ, witbeddac zzaṯiw tijekkelt iḍen. rahiy as lliy tezreḏ uḏmiw tameteḏ.»
29yaxy yuwa muwsa: «bahi, d ṣbiḥ mag tuwiḏ. wizerrexc uḏmiḵ tijekkelt iḍen.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).