Exod 23
23
leḥkam n lƹedl aḏ rreḥmeṯ
1wiseγdeṯec y dwiy n tkerkas, wittesec yid lliy ycehheḏ s zzur.
2widebbeƹc midden ḥetta lukan lkulhum teggen g ccer. aḏ witbeddelc cheddiḵ bac aseγeldeḏ al qaḍi. 3wittesc yid uzeweli afelxaḍert netta d zewali.
4kan tufiḏ aγyul n leƹduwiḵ iḍeƹ, restiḏ. 5kan tezriḏ aγyul n leƹduḵ yuda adug ḏqel, witreḥec qebbel man atƹewneḏ af usekker n aγyulis.
6uc lḥeq y fqir mammeḵ tetuceḏt y lliy d murkenti almiy teḥekmeḏ jaresen. 7wittehemc midden s lbaṭel bac ayḥkem lqaḍi s temenγiwt af ṣbiḥ aḏ lliy xaṭih. reḥi witsemiḥexc lliy yecheḏ s lbaṭel.
8willeqqac recweṯ, afelxaḍert teṭaqeṣ ṭiṭawin n lqaḍi aḏ tetbeddel chedeṯ n ṣbiḥen.
9witḍeyeqec aγrib. rahiy tessennem matta yetḥussu lxeḍert tusim d iγriben g tammurt n miṣr.
cceriyƹeṯ n sebbeṯ aḏ isuggasen imeqdusen
10ḵrez tammurtiḵ temejretteṯ 6 d isuggasen. 11amma g suggas wi 7, yexs atetriḥeḏ bac aḏefen izeweliyen man ačan aḏ lliy adyefdel siyes atečen leḥweyec. aḏ am idin ggeḏ g tzuriniḵ aḏ uzemmuriḵ.
12yexs axedmeḏ 6 d ussanaṯ, we areyḥeḏ g as wi 7, bac ayriyeḥ aγyuliḵ aḏ ufwunesiḵ, we ayefreḥ memmis n tečiwtiḵ aḏ leγrib.
13ggeṯ matta uwiγawem lkul. aḏ witzelleṯec y irebbiyen iḍen, aḏ wineṭqec s ismewnesen.
14kul suggas yexs alteggeḏ 3 n tfeṣkiwin. 15tfeṣka temezwert d tfeṣka n tqurset, g lmuḥan lliy uwiγaḵ felles 7 d ussanaṯ g zgen n cehher n abiyb ačaḏ tqurset, afelxaḍert g ayuh n cehher teffeγem seg tammurt n miṣr. aḏ yexs wildyettisc ḥetta d yjen ifesnis d lferγiyn.
16beƹdis alteggeḏ tfeṣka n mjar, lliy yexs aḏuceḏ diyes lfal n lliy teḵrezzet g umezdeγiḵ. aḏ alteggeḏ tfeṣka n xzan g laxer n lexriyf almiy teleymeḏ lγelleṯ n umezdeγiḵ.
17aḏ 3 merrat g usuggas yexs abedden irgazen zzaṯ neči rebbiysen.
18wiltuc iḏemmen n ḍḥiyeṯ yid aγrum yexmer. aḏ wisensac teḏumt n lliy teγresset y neči al tajji.
19yexs altuceḏ lfal n lγelleṯ n umezdeγiḵ y neči rebbiywem. aḏ yexs witserγic iγid g aγi n yedjis d suḥar bac arnin tulliwem.
rebbiy yuƹeḏ tayer lbalis af middenis
20qa neči tanekyeγ zzaṯiḵ lmleyka. tayer lbalis fellaḵ. we afiwiy al tammurt lliy seḥderγeḵted. 21rreṯ lbaluwem al dwiys. rahiy kan witgemc siyes wiyetsemeḥc ibekkaḍnuwem. ismiw yiḏes. 22amma kan ttewƹet aḏ teggiḏ lliy uwiγaḵ, taƹeddiγ lliy yetƹeda diyeḵ we aḥerbeγ lliy yetḥereb diyeḵ. 23rahiy lmleyka tayeyyur zzaṯiḵ. we afiseḏef al tammurt n lemuwriyin aḏ iḥeyṯiyin aḏ lferiziyyin aḏ ikenƹaniyen aḏ lḥwiyin aḏ lyebuwsyin lliy tatenekseγ seg ddunyeṯ.
24witsejdeḏc y rebbiynesen naγ asentezelleḏ. witegc mammeḵ tteggen. yexs atenmukseḏ we arzeḏ leṣnemesen. 25amma y neči weḥdi rebbiywem, yexs altezellem bac anumreγ učuḵ aḏ tissiḵ we amukseγ ṭṭan seg tzaγwinuwem. 26witadjiγ ḥetta d ijeṯ witeteruc naγ atemmezda g tammurtiḵ we afedjeγ dreḏ ggeṯ.
27taggeγ lhibtiw zzaṯiḵ, we anenγeγ s tiwdi indin lliy tbeddan zzaṯiḵ we aseruleγ leƹdaḵ zzaṯiḵ. 28we anekyeγ tizizweṯin n iγyal zzaṯiḵ bac azeƹzeqeγ lḥwiyin aḏ ikenƹaniyen aḏ lḥeyṯiyin seg zzaṯiḵ. 29lekenti witenzeƹziqexc g usuggas yjen bac witxellac ddunyeṯ aḏ wikeṯrenc fellaḵ luḥuwc. 30amma tatenzeƹezqeγ s ufercu almiy rnim we awerṯem tammurt.
31we aḏulen leḥduḏ n tammurtiḵ seg iylel zuggaγ al cceṭ n felesṭiyn aḏ seg ṣṣeḥreṯ al lwaḏ n lfurat, we afuceγ ssulṭeṯ af midden lliy seknen diyes we atenzeƹezqeḏ seg zzaṯiḵ. 32witegc yiḏesen naγ yid rebbiysen almiyṯaq. 33witentadjac dren g tammurtiḵ bac wifseγliḍenc iḏiy rebbiy yeggi lƹehd yid midden
လက္ရွိေရြးခ်ယ္ထားမွု
Exod 23: IGJ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
Exod 23
23
leḥkam n lƹedl aḏ rreḥmeṯ
1wiseγdeṯec y dwiy n tkerkas, wittesec yid lliy ycehheḏ s zzur.
2widebbeƹc midden ḥetta lukan lkulhum teggen g ccer. aḏ witbeddelc cheddiḵ bac aseγeldeḏ al qaḍi. 3wittesc yid uzeweli afelxaḍert netta d zewali.
4kan tufiḏ aγyul n leƹduwiḵ iḍeƹ, restiḏ. 5kan tezriḏ aγyul n leƹduḵ yuda adug ḏqel, witreḥec qebbel man atƹewneḏ af usekker n aγyulis.
6uc lḥeq y fqir mammeḵ tetuceḏt y lliy d murkenti almiy teḥekmeḏ jaresen. 7wittehemc midden s lbaṭel bac ayḥkem lqaḍi s temenγiwt af ṣbiḥ aḏ lliy xaṭih. reḥi witsemiḥexc lliy yecheḏ s lbaṭel.
8willeqqac recweṯ, afelxaḍert teṭaqeṣ ṭiṭawin n lqaḍi aḏ tetbeddel chedeṯ n ṣbiḥen.
9witḍeyeqec aγrib. rahiy tessennem matta yetḥussu lxeḍert tusim d iγriben g tammurt n miṣr.
cceriyƹeṯ n sebbeṯ aḏ isuggasen imeqdusen
10ḵrez tammurtiḵ temejretteṯ 6 d isuggasen. 11amma g suggas wi 7, yexs atetriḥeḏ bac aḏefen izeweliyen man ačan aḏ lliy adyefdel siyes atečen leḥweyec. aḏ am idin ggeḏ g tzuriniḵ aḏ uzemmuriḵ.
12yexs axedmeḏ 6 d ussanaṯ, we areyḥeḏ g as wi 7, bac ayriyeḥ aγyuliḵ aḏ ufwunesiḵ, we ayefreḥ memmis n tečiwtiḵ aḏ leγrib.
13ggeṯ matta uwiγawem lkul. aḏ witzelleṯec y irebbiyen iḍen, aḏ wineṭqec s ismewnesen.
14kul suggas yexs alteggeḏ 3 n tfeṣkiwin. 15tfeṣka temezwert d tfeṣka n tqurset, g lmuḥan lliy uwiγaḵ felles 7 d ussanaṯ g zgen n cehher n abiyb ačaḏ tqurset, afelxaḍert g ayuh n cehher teffeγem seg tammurt n miṣr. aḏ yexs wildyettisc ḥetta d yjen ifesnis d lferγiyn.
16beƹdis alteggeḏ tfeṣka n mjar, lliy yexs aḏuceḏ diyes lfal n lliy teḵrezzet g umezdeγiḵ. aḏ alteggeḏ tfeṣka n xzan g laxer n lexriyf almiy teleymeḏ lγelleṯ n umezdeγiḵ.
17aḏ 3 merrat g usuggas yexs abedden irgazen zzaṯ neči rebbiysen.
18wiltuc iḏemmen n ḍḥiyeṯ yid aγrum yexmer. aḏ wisensac teḏumt n lliy teγresset y neči al tajji.
19yexs altuceḏ lfal n lγelleṯ n umezdeγiḵ y neči rebbiywem. aḏ yexs witserγic iγid g aγi n yedjis d suḥar bac arnin tulliwem.
rebbiy yuƹeḏ tayer lbalis af middenis
20qa neči tanekyeγ zzaṯiḵ lmleyka. tayer lbalis fellaḵ. we afiwiy al tammurt lliy seḥderγeḵted. 21rreṯ lbaluwem al dwiys. rahiy kan witgemc siyes wiyetsemeḥc ibekkaḍnuwem. ismiw yiḏes. 22amma kan ttewƹet aḏ teggiḏ lliy uwiγaḵ, taƹeddiγ lliy yetƹeda diyeḵ we aḥerbeγ lliy yetḥereb diyeḵ. 23rahiy lmleyka tayeyyur zzaṯiḵ. we afiseḏef al tammurt n lemuwriyin aḏ iḥeyṯiyin aḏ lferiziyyin aḏ ikenƹaniyen aḏ lḥwiyin aḏ lyebuwsyin lliy tatenekseγ seg ddunyeṯ.
24witsejdeḏc y rebbiynesen naγ asentezelleḏ. witegc mammeḵ tteggen. yexs atenmukseḏ we arzeḏ leṣnemesen. 25amma y neči weḥdi rebbiywem, yexs altezellem bac anumreγ učuḵ aḏ tissiḵ we amukseγ ṭṭan seg tzaγwinuwem. 26witadjiγ ḥetta d ijeṯ witeteruc naγ atemmezda g tammurtiḵ we afedjeγ dreḏ ggeṯ.
27taggeγ lhibtiw zzaṯiḵ, we anenγeγ s tiwdi indin lliy tbeddan zzaṯiḵ we aseruleγ leƹdaḵ zzaṯiḵ. 28we anekyeγ tizizweṯin n iγyal zzaṯiḵ bac azeƹzeqeγ lḥwiyin aḏ ikenƹaniyen aḏ lḥeyṯiyin seg zzaṯiḵ. 29lekenti witenzeƹziqexc g usuggas yjen bac witxellac ddunyeṯ aḏ wikeṯrenc fellaḵ luḥuwc. 30amma tatenzeƹezqeγ s ufercu almiy rnim we awerṯem tammurt.
31we aḏulen leḥduḏ n tammurtiḵ seg iylel zuggaγ al cceṭ n felesṭiyn aḏ seg ṣṣeḥreṯ al lwaḏ n lfurat, we afuceγ ssulṭeṯ af midden lliy seknen diyes we atenzeƹezqeḏ seg zzaṯiḵ. 32witegc yiḏesen naγ yid rebbiysen almiyṯaq. 33witentadjac dren g tammurtiḵ bac wifseγliḍenc iḏiy rebbiy yeggi lƹehd yid midden
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).