Matayo 23
23
Yesu akuvalakilila vanu kutigila vawulanichi va malagilicho na Vafalisayo
Maliko 12.38-39; Luka 11.43,46; 20.45-46
1Baho, Yesu akavalongile vala vanu volofu pamwi na vachulila vake vevagehe pala, 2“Vawulanichi va malagilicho na Vafarisayo nde vevagavilwe umwimike vakuganula malagilicho gya Nguluvi gyeamgavile Musa. 3Suwe, mugakolele na kugagitila kasi gyonda gyemuwulanichwa. Ila mbihile kugafwata magito gyao, kwakuva vene sevigita na kugafwata gyonda gyeviwulanicha. 4Vawo huwopa michigo misito na kuvatwika vanu mumavega na mumituwe gyawo, ila vene seviwesa kugolola ata kyala neke kuginyamula michigo igyo. 5Vawo vigita magito gyawo gyonda neke valolwe na vanu. Ila vifwala finiku fyefisimbilwe malagilicho muwuso na mumawoko gyawo. Na vifwala mihingila fyefigehe na fihundo. 6Vanu avo vikela kwikala figoda fya kutalo mulihungu na kwikala figoda fya uginyange fya pautalo mukaye lya kutang'anila Vayahudi. 7Vikela kuhungilwa kwa kuginywa kusoko na vikela kukemelwa na vanu, muwulanichi. 8Ila nyenye mbihile kukemelwa muwulanichi, kwakuva muwulanichi venu nde yumwi hela na nyenye vonda nde vachulila vangu. 9Mubihile kumkemela munu yeyonda Daada, baha muinyi, kwakuva Daada venu nde yumwi ng'ani yeagehe kuluhano. 10Kangi, mubihile kukemelwa filongochi, Kwakuva kilongochi venu nde yumwi ng'ani nde Kilisito. 11Munu yeyonda yeing'ang'a kuvalongocha, ing'ang'wa kwiyikwisa na aveche mchulila venu. 12Munu yeyonda yeikwikang'acha Nguluvi daakumkwisa na yeyonda yeikwikwisa Nguluvi daakumkang'acha.”
Yesu ilakalila kutigila vafyangu
Maliko 12.40; Luka 11.39-42,44,52; 20.47
13“Damwilava nyenye vawulanichi va malagilicho na Vafalisayo vemugehe vafyangu! Kwakuva mukuvakanicha vanu kwingila ku ung'achale va kuluhano kwa mawulanichi gyenu. Kuno nyenye vevene semukwingila mugati vala semukuvalekela vangi vevikela kwingila. 14Damwilava nyenye vawulanichi va malagicho na Vafalisayo vemugehe vafyangu! Mukuvagudisa vagane na kwigita kuva nyenye vanu vasanzi kwa kusuka lufunyo lutali. Ndeni damwipata magudo makomi.
15“Damwilava nyenye vawulanichi va malagilicho na Vafalisayo vemugehe vafyangu! Nyenye mwigenda hilo mung'asi na kuhagama inyanza neke kumupata munu yumwi yese Muyawudi na kuvecha Muyawudi. Pemukumupata, mukumgita ahelele hilo mulyoto veseuchima ngita mwavene.
16“Damwilava nyenye filongochi vemgaya meho! Nyenye mwiwulanicha kuva munu peilapa kwa kaye lya kutang'anila Vayahudi kilapo ikyo sekinu, ila peikwilapa kwa sahabu lya mu Kaye lya kutang'anila Vayahudi, kilapo ikyo kikumkolela. 17Nyenye vagaya meho vapufi! Liki kyekigehe ngiba hilo, sahabu awu Kaye lya Nguluvi lyelikuigita sahabu iveche lya Nguluvi? 18Kangi mwilonga kuva munu agite kulapa kwa kindangavala kya kunyanyila usembe sekinu, ila agite kulapa kwa fupo yeivikilwe pakyanya lya kindangavala kya kunyanyila usembe, kilapo ikyo kikumkolela. 19Ndakyene nyenye vagaya meho! Nde liki kyekigehe kinofu hilo, yila fupo awu kindangavala kya kunyanyila usembe yeikuigita ilyo fupo iveche lya Nguluvi? 20Ndeni, yeilapa kwa kindangavala kya kuhechela usembe, uyo akwilapila pandangavala na kyekyonda kyekivikilwe pakyanya lyake. 21Yeilapa kwa kaye lya Nguluvi alapile kwa kaye iyo na kwa Nguluvi yeakwikala mugati lyake. 22Yeilapa kwa luhano ilapa kwa kigoda kya Ung'achale va Nguluvi na kwa Nguluvi yeakwikala pakigoda ikyo. 23Damwilava nyenye Vawulanichi va malagilicho na Vafalisayo vemgehe vafyangu! Kwakuva muhecha pono yimwi lya kyumi, ata nyasafu na kalubwagila na mgagani, ila mwikana makani gya malagilicho ngita kwidikilwa pautalo lya Nguluvi na kuvecha na lusungu na ludikilo na kuvecha mndakyene kwa Nguluvi na kwa vanu vangi. Ila mwing'ang'wa mugagite gyonda makomi na madodo pamwi. 24Filongosi vagaya meho! Mwihecha lihachi mukinyuwo ila mwimila mng'oko yeikemlwa Ngamila!
25“Damwilola nyenye vawulanichi va malagilicho na Vafalisayo vemugehe vafyangu! Mwiwogofecha kikombe na libakuli kwivala, ila mugati muleka kumemile finu fyemunyagile na uwimi. 26Nyenye Vafalisayo vagaya meho! Muwogofeche tandi kikombe kyako mugati na kwivala dakivecha kinofu.
27“Damwivala nyenye vawulanichi va malagilicho na Vafalisayo vafyangu! Mugehe ngita makabuli gyegibakilwe chokaa kwa kwivala gionekana kuva ginofu, ila mugati gimemile michege gya vanu vevafue na kila kinu kihofu. 28Kangi nyenye mwioneka na vanu kwivala kuva vasanzi, ila kwa mugati umelile ufyangu na sambi.
Matovo gikwacha
Luka 11.47-51
29“Damwilola nyenye vawulanichi va malagicho na Vafalisayo vafyangu! Mukugachengelela makabuli gya vavichi na kugalembecha mikabuli gya vanu vasanzi. 30Mwilonga, ‘Ngita nefwe ngatuvechile chipindi cha vagogolo vetu nga setuvechile pamwi kuvadocha vavichi!’ 31Ndeni, nyenye mwiwonesa kuva ndi vana va vanu vevavadochile vavichi. 32Mumalisile wula uwofu va vagogolo venu vevauvangiche! 33Nyenye kilelo kya lyoka vene sumu! Mwiwesa wuli kwiyepa lihigo lya lyoto mbepali? 34Nde, kwakuva nene ndikuvasindikila nyenye vavichi, vanu vene usanzi na vawulanichi, damukuvadocha na kuvaguda vamonga vawo na vangi mukuvatova ndomondo mukaye lya kufunyila na kuvasaka mumwani vonda. 35Ndeni makani aga gyonda gavecha pakyanya lyenu, kuhuma kwa Kaini peamdochile Abeli yeakali ihela nongwa na ata vagogololo venu pevakamudochile baha muinyi Zakalia mwana va Balakia ukoya Kaye lya Nguluvi na pagatigati lya pakindangavala kya saba na kindangavala kya kunyanyila usembe. 36Ndikuvalongela ndakyene, kilelo iki dakigudiswa kwakuva lya makani aga.
Yesu peavakeliye vanu va mwani va ku Yelusalemu
Luka 13.34-35
37“Nyenye vanu va ku Yelusalemu! Nyenye vanu va ku Yelusalmu! Mukuvadocha vavichi na kuvatova maganga vala vevalagilichwe kwa nyenye. Mala chongofu ndigechile kuvalundasa vana venu kwa nene, ngita file ng'uku peilundasa fyana fyake panyi lya mabatilo chake, ila seukakeliye. 38Suwe, lolele! Nguluvi daileka Kaye lyenu, kuvecha mahame. 39Ndikuvalongela, daseukunilola kangi mbaka dawilonga, ‘Afunyilwe uyo yeikwacha kwa litawa lya Mtwa.’”
လက္ရွိေရြးခ်ယ္ထားမွု
Matayo 23: NTBnBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.
Matayo 23
23
Yesu akuvalakilila vanu kutigila vawulanichi va malagilicho na Vafalisayo
Maliko 12.38-39; Luka 11.43,46; 20.45-46
1Baho, Yesu akavalongile vala vanu volofu pamwi na vachulila vake vevagehe pala, 2“Vawulanichi va malagilicho na Vafarisayo nde vevagavilwe umwimike vakuganula malagilicho gya Nguluvi gyeamgavile Musa. 3Suwe, mugakolele na kugagitila kasi gyonda gyemuwulanichwa. Ila mbihile kugafwata magito gyao, kwakuva vene sevigita na kugafwata gyonda gyeviwulanicha. 4Vawo huwopa michigo misito na kuvatwika vanu mumavega na mumituwe gyawo, ila vene seviwesa kugolola ata kyala neke kuginyamula michigo igyo. 5Vawo vigita magito gyawo gyonda neke valolwe na vanu. Ila vifwala finiku fyefisimbilwe malagilicho muwuso na mumawoko gyawo. Na vifwala mihingila fyefigehe na fihundo. 6Vanu avo vikela kwikala figoda fya kutalo mulihungu na kwikala figoda fya uginyange fya pautalo mukaye lya kutang'anila Vayahudi. 7Vikela kuhungilwa kwa kuginywa kusoko na vikela kukemelwa na vanu, muwulanichi. 8Ila nyenye mbihile kukemelwa muwulanichi, kwakuva muwulanichi venu nde yumwi hela na nyenye vonda nde vachulila vangu. 9Mubihile kumkemela munu yeyonda Daada, baha muinyi, kwakuva Daada venu nde yumwi ng'ani yeagehe kuluhano. 10Kangi, mubihile kukemelwa filongochi, Kwakuva kilongochi venu nde yumwi ng'ani nde Kilisito. 11Munu yeyonda yeing'ang'a kuvalongocha, ing'ang'wa kwiyikwisa na aveche mchulila venu. 12Munu yeyonda yeikwikang'acha Nguluvi daakumkwisa na yeyonda yeikwikwisa Nguluvi daakumkang'acha.”
Yesu ilakalila kutigila vafyangu
Maliko 12.40; Luka 11.39-42,44,52; 20.47
13“Damwilava nyenye vawulanichi va malagilicho na Vafalisayo vemugehe vafyangu! Kwakuva mukuvakanicha vanu kwingila ku ung'achale va kuluhano kwa mawulanichi gyenu. Kuno nyenye vevene semukwingila mugati vala semukuvalekela vangi vevikela kwingila. 14Damwilava nyenye vawulanichi va malagicho na Vafalisayo vemugehe vafyangu! Mukuvagudisa vagane na kwigita kuva nyenye vanu vasanzi kwa kusuka lufunyo lutali. Ndeni damwipata magudo makomi.
15“Damwilava nyenye vawulanichi va malagilicho na Vafalisayo vemugehe vafyangu! Nyenye mwigenda hilo mung'asi na kuhagama inyanza neke kumupata munu yumwi yese Muyawudi na kuvecha Muyawudi. Pemukumupata, mukumgita ahelele hilo mulyoto veseuchima ngita mwavene.
16“Damwilava nyenye filongochi vemgaya meho! Nyenye mwiwulanicha kuva munu peilapa kwa kaye lya kutang'anila Vayahudi kilapo ikyo sekinu, ila peikwilapa kwa sahabu lya mu Kaye lya kutang'anila Vayahudi, kilapo ikyo kikumkolela. 17Nyenye vagaya meho vapufi! Liki kyekigehe ngiba hilo, sahabu awu Kaye lya Nguluvi lyelikuigita sahabu iveche lya Nguluvi? 18Kangi mwilonga kuva munu agite kulapa kwa kindangavala kya kunyanyila usembe sekinu, ila agite kulapa kwa fupo yeivikilwe pakyanya lya kindangavala kya kunyanyila usembe, kilapo ikyo kikumkolela. 19Ndakyene nyenye vagaya meho! Nde liki kyekigehe kinofu hilo, yila fupo awu kindangavala kya kunyanyila usembe yeikuigita ilyo fupo iveche lya Nguluvi? 20Ndeni, yeilapa kwa kindangavala kya kuhechela usembe, uyo akwilapila pandangavala na kyekyonda kyekivikilwe pakyanya lyake. 21Yeilapa kwa kaye lya Nguluvi alapile kwa kaye iyo na kwa Nguluvi yeakwikala mugati lyake. 22Yeilapa kwa luhano ilapa kwa kigoda kya Ung'achale va Nguluvi na kwa Nguluvi yeakwikala pakigoda ikyo. 23Damwilava nyenye Vawulanichi va malagilicho na Vafalisayo vemgehe vafyangu! Kwakuva muhecha pono yimwi lya kyumi, ata nyasafu na kalubwagila na mgagani, ila mwikana makani gya malagilicho ngita kwidikilwa pautalo lya Nguluvi na kuvecha na lusungu na ludikilo na kuvecha mndakyene kwa Nguluvi na kwa vanu vangi. Ila mwing'ang'wa mugagite gyonda makomi na madodo pamwi. 24Filongosi vagaya meho! Mwihecha lihachi mukinyuwo ila mwimila mng'oko yeikemlwa Ngamila!
25“Damwilola nyenye vawulanichi va malagilicho na Vafalisayo vemugehe vafyangu! Mwiwogofecha kikombe na libakuli kwivala, ila mugati muleka kumemile finu fyemunyagile na uwimi. 26Nyenye Vafalisayo vagaya meho! Muwogofeche tandi kikombe kyako mugati na kwivala dakivecha kinofu.
27“Damwivala nyenye vawulanichi va malagilicho na Vafalisayo vafyangu! Mugehe ngita makabuli gyegibakilwe chokaa kwa kwivala gionekana kuva ginofu, ila mugati gimemile michege gya vanu vevafue na kila kinu kihofu. 28Kangi nyenye mwioneka na vanu kwivala kuva vasanzi, ila kwa mugati umelile ufyangu na sambi.
Matovo gikwacha
Luka 11.47-51
29“Damwilola nyenye vawulanichi va malagicho na Vafalisayo vafyangu! Mukugachengelela makabuli gya vavichi na kugalembecha mikabuli gya vanu vasanzi. 30Mwilonga, ‘Ngita nefwe ngatuvechile chipindi cha vagogolo vetu nga setuvechile pamwi kuvadocha vavichi!’ 31Ndeni, nyenye mwiwonesa kuva ndi vana va vanu vevavadochile vavichi. 32Mumalisile wula uwofu va vagogolo venu vevauvangiche! 33Nyenye kilelo kya lyoka vene sumu! Mwiwesa wuli kwiyepa lihigo lya lyoto mbepali? 34Nde, kwakuva nene ndikuvasindikila nyenye vavichi, vanu vene usanzi na vawulanichi, damukuvadocha na kuvaguda vamonga vawo na vangi mukuvatova ndomondo mukaye lya kufunyila na kuvasaka mumwani vonda. 35Ndeni makani aga gyonda gavecha pakyanya lyenu, kuhuma kwa Kaini peamdochile Abeli yeakali ihela nongwa na ata vagogololo venu pevakamudochile baha muinyi Zakalia mwana va Balakia ukoya Kaye lya Nguluvi na pagatigati lya pakindangavala kya saba na kindangavala kya kunyanyila usembe. 36Ndikuvalongela ndakyene, kilelo iki dakigudiswa kwakuva lya makani aga.
Yesu peavakeliye vanu va mwani va ku Yelusalemu
Luka 13.34-35
37“Nyenye vanu va ku Yelusalemu! Nyenye vanu va ku Yelusalmu! Mukuvadocha vavichi na kuvatova maganga vala vevalagilichwe kwa nyenye. Mala chongofu ndigechile kuvalundasa vana venu kwa nene, ngita file ng'uku peilundasa fyana fyake panyi lya mabatilo chake, ila seukakeliye. 38Suwe, lolele! Nguluvi daileka Kaye lyenu, kuvecha mahame. 39Ndikuvalongela, daseukunilola kangi mbaka dawilonga, ‘Afunyilwe uyo yeikwacha kwa litawa lya Mtwa.’”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.