Matayo 22
22
Mufanu va lihungu lya kutola
Luka 14.15-24
1Yesu akaendeliye kuvalongela vakomi va Vayahudi kwa mufanu, 2“Ung'achale va kuluhano uwanine na mng'achale yeamwandalisiye mwana vake lihungu lya kutola. 3Suwe, akavalagiliche vanyigendwa vake, kuvakemela vanu vache mulihungu lya kutola, ila vevakemelwe vakakanile kwacha. 4Akavalagilicha kangi vanyigendwa vangi, akavalongela, ‘Muvalongele vala vevakemeliwe, mulihungu lyangu liandaliswe suwe, ndihinjile suwe mikambako vangu na gwada vevanonile, kila kinu kigehe suwe, mwache mulihungu.’ 5Ila vene sevahochile, vakahelela, yumwi kumgunda vake, yungi kukasi chake, 6na vangi vakavabatile vala vanyigendwa vakavagudise na vakavadocha. 7Yula mng'achale akavipile, akavalagilicha vapuga vake vakavadoche avo vanu na kuhananga mwani vawo kwa lyoto. 8Kangi akavalongiye vanyigendwa vake, ‘Lihungu lya kutola igehe pepi, ila vala vevakemeliwe vakakaile kwacha. 9Ila muhelele mung'asi na vovonda vala mukuvawona muvalongile vache mulihungu lya kutola.’ 10Vala vanyigendwa vakahega, vakahelala mung'asi vakavakung'asa vanu vonda vevawene, vawofu na vanofu. Ludamo lya lihungu lya kutola lukamemile vagenji.
11“Mng'achale peingile kuvalola vagenji, akamuwene munu yumwi seafwalile miyenda gya lihungu. 12Mng'achale akamuhuchile, ‘Mwato, uwingile wuli baha ngajila mwenda va lihungu?’ Ila mwene akachikile hela. 13Baho Ng'achale akavalongiye vanyigendwa, ‘Mumuwope magulu na mawoko mumtage kwivala kukisi, ukoya daivemba na kusigina mino.’”
14Yesu akamalile kwa kulonga, “Vevakemeliwe ndi volofu ila vevahaguliwe ndi vadodo.”
Yesu iwuchwa kuhomba kodi
Maliko 12.13-17; Luka 20.20-26
15Baho, Mafalisayo vakahele, vakahuchine vigita wuli neke vakumgomecha wuli Yesu kwa makani gyake. 16Suwe, vakavalagiche vachulila vawo pamwi na vachulila va lipinga lya Helode. Vanu avo pevafikile kwa Yesu Vakamuhuchile, “Muwulanichi, twichela kuva veve ndi munu mndakyene na uwulanicha ng'asi lya undakyene lya Nguluvi, seukumlola munu yeyonda, kwakuva ukomi va munu sekinu kwa veve. 17Nondee, tulongele, ndi ngiba awu sengiba kuhomba kodi kwa mng'achale mkomi va ku Loma?”
18Ila Yesu akachele uwofu vawo, akavalongela, “Nyenye vafyangu wuli mukunigecha? 19Muniwonese sendi lya kuhombela kodi.”
Vakamuwonesile sendi. 20Suwe, Yesu akavahucha, “Wuso na litawa ilyi lya ani?”
21Vakamuhigile, “Mng'achale mkomi va ku Loma.”
Yesu akavalongela, “Fya ng'achale mkomi va ku Loma mumgavile Ng'achale va ku Loma na fya Nguluvi mgavile Nguluvi.” 22Pevagapulike ago vakadudwive, vakamulekile, vene vakahega.
Yesu iwuchwa makani gya kuchulubuka
Maliko 12.18-27; Luka 20.27-40
23Kigono kikila, vamonga va Vasadukayo vevilonga vanu vevafuwe sevachulubuka, vakamuheleliye Yesu, vakamuhuchile. 24“Muwulanichi, Musa akalongile munu yeatolile peifua ngajila kuleka vana na mkolo vake ing'ng'wa kumtola yula mgane, neke amubabile vana mkolo vake yeafuwe. 25Suwe, ata kwa nefwe pakali na vakolo saba. Vakwanja akatolile mdala na akafuwe ngajila kubaba mwana, akamlekile lukolo vake yula mgane. 26Ikali ndeni, kwa lukolo va pili na vadatu mbaka va saba. 27Pevafue vakolo vonda avo, akafuwe na yula mgane. 28Nondee, kigono kya kuchulubuka, mgane uyo daivecha mdala va ani mugati va vala vakolo saba? Kwakuva vonda saba vakamtolile.”
29Yesu akavahigile, “Nyenye mkosiye kwakuva semuchela masimbo ga Nguluvi vala ludali lwa Nguluvi. 30Kwakuva vanu vafue pevuchulubuka sedavitola vala kutahuka, davivecha ngita ndumindumi va kuluhano kwa Nguluvi. 31Ila kwa lila lukani lya kuchulubuka kwa vanu, wuli, semwimbile gala gyeavalongile Nguluvi? Akavalongile, 32‘Nene ndi Nguluvi va Ibulahimu, Nguluvi va Isaka na Nguluvi va Yakobo!’ Suwe, mwene se Nguluvi va vanu vevafuwe, ila ndi Nguluvi va vanu vevagehe wumi.”
33Gala mapinga lya vanu pevapilike ago vakadudwive na mawulanichi gyake.
Amuli ngomi
Maliko 12.28-34; Luka 10.25-28
34Vafalisayo pevapulike kuva Vasadukayo vahela makani gangi ga kumgomecha Yesu, suwe, vene vakatang'ana pamwi. 35Yumwi va Mafalisayo, munu yeichela malagilicho, akamuhuchile Yesu kwa kumugecha, 36“Muwulanichi, ndi amuli liki yeigehe ngomi mulagilicho?” 37Yesu akamuhigile, “‘Mkele Mtwa Nguluvi vako kwa numbula lyako lyonda na kwa muhe vako vonda na kwa luhala lwako vonda.’ 38Iyi nde amuli ngomi na lya kwanja. 39Lya uvili iwana na ilyo, ‘Mkele mweyago ngita pekwikela veve’. 40Malagilicho gyonda ga Musa na mawulanichi gya vavichi va Nguluvi ihuvilila amuli ichi chivili.”
Njowo cha Kilisito Mukombosi
Maliko 12.35-37; Luka 20.41-44
41Vafalisayo peviyilundase pamwi, Yesu akavahucha. 42“Nyenye mwihocha liki kwa Kilisito Mkombosi? Ndi mwana va ani?”
Vene vakamuhigile, “Ndi mwana va Dawudi.” 43Yesu akavalongile, “Suwe, ivecha wuli Dawudi peilongichwa na Muhe va Nguluvi akumkemela mwene Mtwa? Kwakuva akalongile, 44‘Mtwa akamlongiye Mtwa vangu,
kale pepi na nene mulubali lyangu lya ndewo,
Mbaka pendikuvasida vachundwama vako.’
45Suwe, ngita Dawudi akumkemela Kilisito, ‘Mtwa,’ iwesa wuli Kilisito kuvecha mwana va Dawudi?” 46Kwihela munu yeyonda yeavesile kumuhiga Yesu. Kuhuma kigono ikyo kwihela munu yeagechile kumuhucha kangi kinu.
လက္ရွိေရြးခ်ယ္ထားမွု
Matayo 22: NTBnBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.
Matayo 22
22
Mufanu va lihungu lya kutola
Luka 14.15-24
1Yesu akaendeliye kuvalongela vakomi va Vayahudi kwa mufanu, 2“Ung'achale va kuluhano uwanine na mng'achale yeamwandalisiye mwana vake lihungu lya kutola. 3Suwe, akavalagiliche vanyigendwa vake, kuvakemela vanu vache mulihungu lya kutola, ila vevakemelwe vakakanile kwacha. 4Akavalagilicha kangi vanyigendwa vangi, akavalongela, ‘Muvalongele vala vevakemeliwe, mulihungu lyangu liandaliswe suwe, ndihinjile suwe mikambako vangu na gwada vevanonile, kila kinu kigehe suwe, mwache mulihungu.’ 5Ila vene sevahochile, vakahelela, yumwi kumgunda vake, yungi kukasi chake, 6na vangi vakavabatile vala vanyigendwa vakavagudise na vakavadocha. 7Yula mng'achale akavipile, akavalagilicha vapuga vake vakavadoche avo vanu na kuhananga mwani vawo kwa lyoto. 8Kangi akavalongiye vanyigendwa vake, ‘Lihungu lya kutola igehe pepi, ila vala vevakemeliwe vakakaile kwacha. 9Ila muhelele mung'asi na vovonda vala mukuvawona muvalongile vache mulihungu lya kutola.’ 10Vala vanyigendwa vakahega, vakahelala mung'asi vakavakung'asa vanu vonda vevawene, vawofu na vanofu. Ludamo lya lihungu lya kutola lukamemile vagenji.
11“Mng'achale peingile kuvalola vagenji, akamuwene munu yumwi seafwalile miyenda gya lihungu. 12Mng'achale akamuhuchile, ‘Mwato, uwingile wuli baha ngajila mwenda va lihungu?’ Ila mwene akachikile hela. 13Baho Ng'achale akavalongiye vanyigendwa, ‘Mumuwope magulu na mawoko mumtage kwivala kukisi, ukoya daivemba na kusigina mino.’”
14Yesu akamalile kwa kulonga, “Vevakemeliwe ndi volofu ila vevahaguliwe ndi vadodo.”
Yesu iwuchwa kuhomba kodi
Maliko 12.13-17; Luka 20.20-26
15Baho, Mafalisayo vakahele, vakahuchine vigita wuli neke vakumgomecha wuli Yesu kwa makani gyake. 16Suwe, vakavalagiche vachulila vawo pamwi na vachulila va lipinga lya Helode. Vanu avo pevafikile kwa Yesu Vakamuhuchile, “Muwulanichi, twichela kuva veve ndi munu mndakyene na uwulanicha ng'asi lya undakyene lya Nguluvi, seukumlola munu yeyonda, kwakuva ukomi va munu sekinu kwa veve. 17Nondee, tulongele, ndi ngiba awu sengiba kuhomba kodi kwa mng'achale mkomi va ku Loma?”
18Ila Yesu akachele uwofu vawo, akavalongela, “Nyenye vafyangu wuli mukunigecha? 19Muniwonese sendi lya kuhombela kodi.”
Vakamuwonesile sendi. 20Suwe, Yesu akavahucha, “Wuso na litawa ilyi lya ani?”
21Vakamuhigile, “Mng'achale mkomi va ku Loma.”
Yesu akavalongela, “Fya ng'achale mkomi va ku Loma mumgavile Ng'achale va ku Loma na fya Nguluvi mgavile Nguluvi.” 22Pevagapulike ago vakadudwive, vakamulekile, vene vakahega.
Yesu iwuchwa makani gya kuchulubuka
Maliko 12.18-27; Luka 20.27-40
23Kigono kikila, vamonga va Vasadukayo vevilonga vanu vevafuwe sevachulubuka, vakamuheleliye Yesu, vakamuhuchile. 24“Muwulanichi, Musa akalongile munu yeatolile peifua ngajila kuleka vana na mkolo vake ing'ng'wa kumtola yula mgane, neke amubabile vana mkolo vake yeafuwe. 25Suwe, ata kwa nefwe pakali na vakolo saba. Vakwanja akatolile mdala na akafuwe ngajila kubaba mwana, akamlekile lukolo vake yula mgane. 26Ikali ndeni, kwa lukolo va pili na vadatu mbaka va saba. 27Pevafue vakolo vonda avo, akafuwe na yula mgane. 28Nondee, kigono kya kuchulubuka, mgane uyo daivecha mdala va ani mugati va vala vakolo saba? Kwakuva vonda saba vakamtolile.”
29Yesu akavahigile, “Nyenye mkosiye kwakuva semuchela masimbo ga Nguluvi vala ludali lwa Nguluvi. 30Kwakuva vanu vafue pevuchulubuka sedavitola vala kutahuka, davivecha ngita ndumindumi va kuluhano kwa Nguluvi. 31Ila kwa lila lukani lya kuchulubuka kwa vanu, wuli, semwimbile gala gyeavalongile Nguluvi? Akavalongile, 32‘Nene ndi Nguluvi va Ibulahimu, Nguluvi va Isaka na Nguluvi va Yakobo!’ Suwe, mwene se Nguluvi va vanu vevafuwe, ila ndi Nguluvi va vanu vevagehe wumi.”
33Gala mapinga lya vanu pevapilike ago vakadudwive na mawulanichi gyake.
Amuli ngomi
Maliko 12.28-34; Luka 10.25-28
34Vafalisayo pevapulike kuva Vasadukayo vahela makani gangi ga kumgomecha Yesu, suwe, vene vakatang'ana pamwi. 35Yumwi va Mafalisayo, munu yeichela malagilicho, akamuhuchile Yesu kwa kumugecha, 36“Muwulanichi, ndi amuli liki yeigehe ngomi mulagilicho?” 37Yesu akamuhigile, “‘Mkele Mtwa Nguluvi vako kwa numbula lyako lyonda na kwa muhe vako vonda na kwa luhala lwako vonda.’ 38Iyi nde amuli ngomi na lya kwanja. 39Lya uvili iwana na ilyo, ‘Mkele mweyago ngita pekwikela veve’. 40Malagilicho gyonda ga Musa na mawulanichi gya vavichi va Nguluvi ihuvilila amuli ichi chivili.”
Njowo cha Kilisito Mukombosi
Maliko 12.35-37; Luka 20.41-44
41Vafalisayo peviyilundase pamwi, Yesu akavahucha. 42“Nyenye mwihocha liki kwa Kilisito Mkombosi? Ndi mwana va ani?”
Vene vakamuhigile, “Ndi mwana va Dawudi.” 43Yesu akavalongile, “Suwe, ivecha wuli Dawudi peilongichwa na Muhe va Nguluvi akumkemela mwene Mtwa? Kwakuva akalongile, 44‘Mtwa akamlongiye Mtwa vangu,
kale pepi na nene mulubali lyangu lya ndewo,
Mbaka pendikuvasida vachundwama vako.’
45Suwe, ngita Dawudi akumkemela Kilisito, ‘Mtwa,’ iwesa wuli Kilisito kuvecha mwana va Dawudi?” 46Kwihela munu yeyonda yeavesile kumuhiga Yesu. Kuhuma kigono ikyo kwihela munu yeagechile kumuhucha kangi kinu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.