Matayo 20
20
Vanyigendwa mumgunda va misabibu
1“Ung'achale va kuluhano uwana na munu mwene mgunda va misabibu, yeilavile kuvasindika vanyigendwa mumgunda vake. 2Akapatine navo kuvahomba sendi yimwi lya madini lya feza kwa kigono, baho akavasindike mumgunda vake va misabibu. 3Akahegile pamilau lya saa udatu, akavawene vanu vangi vihimile pasoko, vihela kasi. 4Akawalongile, ‘Mwelele na nyenye mukagite kasi kumgunda vangu va misabibu na nene dandikuvahomba kila kyemwing'ang'wa kuhombwa.’ 5Suwe, vakahelela, uyo munya mgunda akahega muda va saa sita na saa tisa, akagitile ndeni ndeni. 6Chipindi cha saa kyumi na imwi palumiye, akahega kangi, akavawene vanu vangi vihimle pala pasoko. Suwe, akavahucha, ‘Wuli muhimile baha kigono kyonda ngajila kugita kasi?’ 7Vakamuhigile, ‘Kwakuva kwihela munu yeatugavile kasi.’ Mwene akavahigile muhelele na nyenye mukagite kasi mumgunda vangu va misabibu.”
8Pekukiye, yula munya mgunda akamlongiye muhimilicha vake, vakemele vanyigendwa ukavahombe sendi chawo, uvahombe tandi vala va mwiso na kumalila na vala va kwanja. 9Ndeni, vala vanyigendwa pevakachile chipindi kya palumiye, vakahombilwe kila yumwi sendi yimwi lya madini lya fesa. 10Vala vakwanja pevafikile, vakali viwocha vipata kuchumba ila yeahombilwe mweyage, ila ata vawo vakahombilwe ndeni ndeni kila yumwi sendi yimwi lya madini lya fesa. 11Vakachiwanuka sendi chawo vakavanga kumusugwima yula munu munya mgunda. 12Vakalonga, vanu ava vakagavilwe kasi mumwiso vakagitile kasi kwa muda va lisaa limwi hela, wuli utuhombile ngita avo chipindi nefwe tugitile kasi ngomi na lichuwa likali? 13“Baho yula munya mgunda akamuhigile yumwi vawo, ‘Mganja sendikanile kukuhomba! Wuli, setukapatine dandikuhomba sendi yimwi lya madini lya fesa kwa kigono? 14Nyamule mahombo gako na uhelele. Ndikela kumgavila uyu va mwiso ngita pendikugavile veve. 15Wuli, nene sending'ang'wa kugita kyekyonda kyendisaka kwa sendi changu? Awu ukuniwonela wifu kwakuva nene ndi mnofu?’”
16Yesu akamalile kwa kulonga, “Ndeni ndeni, yeivecha va mwiso daivecha va kwanja na va kwanja daivecha va mwiso.”
Yesu ilonga mala lya udatu kufua na kuchulubuka kwa mwene
Maliko 10.32-34; Luka 18.31-34
17Yesu peakli ikang'ala kuhelela ku Yelusalemu pamwi na vachulila vake volofu. Pevakali mung'asi akavanyamula palubali vala vachulila kyumi na vavili na kuvalongela, 18“Mupulike! Twihelela ku Yelusalemu na ukoya Mwana va Munu daisindikwa kwa vatekechi vakomi na vawulanichi va malagilicho, navo davakumuhiga adochwe. 19Davakumsindika kwa vanu se Vayawudi neke abedeliwe na atovwe ndomondo na kumvamba pakipindilihicho, ila kigono kya udatu daichulubuchwa.”
Lusuko lwa maye va Yakobo na Yohani
Maliko 10.35-45
20Baho, mdala va Zebedayo akamuheleliye Yesu pamwi na vana vake, akafugamile pautalo lyake na kumsuka amgitile kinu.
21Yesu akamuhuchile, “Wisaka liki?” Yula maye akamlongiye, “Jagile kuva muung'achale vako, ava vana vangu vavili davakala yumwi lubali lwako lwa ndewo na yungi lubali lwako va kusoto.”
22Yesu akahigile, “Semwichela mwisuka liki. Wuli, mwiwesa kunyuwa kikombe kyendinywelela nene?” Vakahigile, “Tuwesa.” 23Yesu akavalongiye, “Ndakyene, damwinyua kikombe kyangu kya magudo, ila kwikala lubali lwangu va ndewo awu kusoto sekasi lya nene, njowo ichi davagavilwa vala vevivikilwe suwe na Daada vangu.”
24Vala vachulila vangi kumi pevapulike ago, vakavavipiye avo vakolo vavili. 25Ndeni Yesu akavakemeliye na kuvalongela, “Mwichela kuva vatavala va inyi iyi, vakuvatavala vanu vawo kwa ludali na vevagehe na umwimike vakuvagita ngita vasutu. 26Ila kwa nyenye ibihile kuvecha ndeni na munu yeikela kuvecha mkomi pagati lyenu ing'ang'wa kuvecha ndumindumi va vonda, 27na yeikela kuvecha va kwanja pagati lyenu ing'ang'wa aveche msutu venu. 28Ngita ndeni, Mwana va Adamu seachile neke agumbanikilwe ila achile kuvagundamikila na kuhecha uwumi vake kuva fupo lya vanu volofu.”
Yesu akuvananicha vanu vavili vagaya meho
Maliko 10.46-52; Luka 18.35-43
29Yesu peakali ihega mumwani va Yeliko, na vanu volofu hilo, vakamfwatile. 30Suwe, kukali na vagaya meho vavili vakalile palubali lya mung'asi na pevapulike kuva Yesu ichumbila bahala, vakabwatile, “Mtwa, Mwana va Dawudi, utuwonele lusungu!”
31Lila lipinga lya vanu likavakabusa na kuvalongela vachike. Ila vawo vakaginicha kubwatuka, “Mtwa, Mwana va Dawudi, utuwonele lusungu!”
32Yesu akahimile, akavakemela na kuvahucha, “Mwikela ndivagitile liki?”
33Vakamuhigile, “Mtwa, tusaka tulole.”
34Suwe, Yesu akavawonela lusungu, akavakolela meho gyawo, bahobaho vakavesile kulola. Vakamfwatile Yesu.
လက္ရွိေရြးခ်ယ္ထားမွု
Matayo 20: NTBnBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.
Matayo 20
20
Vanyigendwa mumgunda va misabibu
1“Ung'achale va kuluhano uwana na munu mwene mgunda va misabibu, yeilavile kuvasindika vanyigendwa mumgunda vake. 2Akapatine navo kuvahomba sendi yimwi lya madini lya feza kwa kigono, baho akavasindike mumgunda vake va misabibu. 3Akahegile pamilau lya saa udatu, akavawene vanu vangi vihimile pasoko, vihela kasi. 4Akawalongile, ‘Mwelele na nyenye mukagite kasi kumgunda vangu va misabibu na nene dandikuvahomba kila kyemwing'ang'wa kuhombwa.’ 5Suwe, vakahelela, uyo munya mgunda akahega muda va saa sita na saa tisa, akagitile ndeni ndeni. 6Chipindi cha saa kyumi na imwi palumiye, akahega kangi, akavawene vanu vangi vihimle pala pasoko. Suwe, akavahucha, ‘Wuli muhimile baha kigono kyonda ngajila kugita kasi?’ 7Vakamuhigile, ‘Kwakuva kwihela munu yeatugavile kasi.’ Mwene akavahigile muhelele na nyenye mukagite kasi mumgunda vangu va misabibu.”
8Pekukiye, yula munya mgunda akamlongiye muhimilicha vake, vakemele vanyigendwa ukavahombe sendi chawo, uvahombe tandi vala va mwiso na kumalila na vala va kwanja. 9Ndeni, vala vanyigendwa pevakachile chipindi kya palumiye, vakahombilwe kila yumwi sendi yimwi lya madini lya fesa. 10Vala vakwanja pevafikile, vakali viwocha vipata kuchumba ila yeahombilwe mweyage, ila ata vawo vakahombilwe ndeni ndeni kila yumwi sendi yimwi lya madini lya fesa. 11Vakachiwanuka sendi chawo vakavanga kumusugwima yula munu munya mgunda. 12Vakalonga, vanu ava vakagavilwe kasi mumwiso vakagitile kasi kwa muda va lisaa limwi hela, wuli utuhombile ngita avo chipindi nefwe tugitile kasi ngomi na lichuwa likali? 13“Baho yula munya mgunda akamuhigile yumwi vawo, ‘Mganja sendikanile kukuhomba! Wuli, setukapatine dandikuhomba sendi yimwi lya madini lya fesa kwa kigono? 14Nyamule mahombo gako na uhelele. Ndikela kumgavila uyu va mwiso ngita pendikugavile veve. 15Wuli, nene sending'ang'wa kugita kyekyonda kyendisaka kwa sendi changu? Awu ukuniwonela wifu kwakuva nene ndi mnofu?’”
16Yesu akamalile kwa kulonga, “Ndeni ndeni, yeivecha va mwiso daivecha va kwanja na va kwanja daivecha va mwiso.”
Yesu ilonga mala lya udatu kufua na kuchulubuka kwa mwene
Maliko 10.32-34; Luka 18.31-34
17Yesu peakli ikang'ala kuhelela ku Yelusalemu pamwi na vachulila vake volofu. Pevakali mung'asi akavanyamula palubali vala vachulila kyumi na vavili na kuvalongela, 18“Mupulike! Twihelela ku Yelusalemu na ukoya Mwana va Munu daisindikwa kwa vatekechi vakomi na vawulanichi va malagilicho, navo davakumuhiga adochwe. 19Davakumsindika kwa vanu se Vayawudi neke abedeliwe na atovwe ndomondo na kumvamba pakipindilihicho, ila kigono kya udatu daichulubuchwa.”
Lusuko lwa maye va Yakobo na Yohani
Maliko 10.35-45
20Baho, mdala va Zebedayo akamuheleliye Yesu pamwi na vana vake, akafugamile pautalo lyake na kumsuka amgitile kinu.
21Yesu akamuhuchile, “Wisaka liki?” Yula maye akamlongiye, “Jagile kuva muung'achale vako, ava vana vangu vavili davakala yumwi lubali lwako lwa ndewo na yungi lubali lwako va kusoto.”
22Yesu akahigile, “Semwichela mwisuka liki. Wuli, mwiwesa kunyuwa kikombe kyendinywelela nene?” Vakahigile, “Tuwesa.” 23Yesu akavalongiye, “Ndakyene, damwinyua kikombe kyangu kya magudo, ila kwikala lubali lwangu va ndewo awu kusoto sekasi lya nene, njowo ichi davagavilwa vala vevivikilwe suwe na Daada vangu.”
24Vala vachulila vangi kumi pevapulike ago, vakavavipiye avo vakolo vavili. 25Ndeni Yesu akavakemeliye na kuvalongela, “Mwichela kuva vatavala va inyi iyi, vakuvatavala vanu vawo kwa ludali na vevagehe na umwimike vakuvagita ngita vasutu. 26Ila kwa nyenye ibihile kuvecha ndeni na munu yeikela kuvecha mkomi pagati lyenu ing'ang'wa kuvecha ndumindumi va vonda, 27na yeikela kuvecha va kwanja pagati lyenu ing'ang'wa aveche msutu venu. 28Ngita ndeni, Mwana va Adamu seachile neke agumbanikilwe ila achile kuvagundamikila na kuhecha uwumi vake kuva fupo lya vanu volofu.”
Yesu akuvananicha vanu vavili vagaya meho
Maliko 10.46-52; Luka 18.35-43
29Yesu peakali ihega mumwani va Yeliko, na vanu volofu hilo, vakamfwatile. 30Suwe, kukali na vagaya meho vavili vakalile palubali lya mung'asi na pevapulike kuva Yesu ichumbila bahala, vakabwatile, “Mtwa, Mwana va Dawudi, utuwonele lusungu!”
31Lila lipinga lya vanu likavakabusa na kuvalongela vachike. Ila vawo vakaginicha kubwatuka, “Mtwa, Mwana va Dawudi, utuwonele lusungu!”
32Yesu akahimile, akavakemela na kuvahucha, “Mwikela ndivagitile liki?”
33Vakamuhigile, “Mtwa, tusaka tulole.”
34Suwe, Yesu akavawonela lusungu, akavakolela meho gyawo, bahobaho vakavesile kulola. Vakamfwatile Yesu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.