Matayo 19
19
Kutolana na kulekana
Maliko 10.1-12
1Yesu peamalile kulonga lukani ulo, akahegile ku Galilaya, akahelela ku Yudea yeigehe kumwambo lya mgoka Yolidani. 2Vanu volofu vakamheleliye ukoya na ukoya Yesu akavananicha vatamwa volofu.
3Vamonga va Vafalisayo akamuhelelilye, vakamuhuchile neke vamugomeche, “Wuli, nde ngiba mgosi kumleka mdala vake kwa nongwa yeyonda?” 4Yesu akavahigile, “Wuli, semukaimbile mumasimbo gya Nguluvi, kuva Nguluvi kuhuma pamwandi akamuwumbile munu mgosi na mdala? 5Nguluvi akalongile, ‘Kwandeni mgosi akumleka daada vake na maye vake, davaungana na mdala vake, na vene davavecha muvili umwi.’ 6Nondee, vene sevavili kangi ila nde muvili umwi. Suwe, kyeawunganise Nguluvi, munu abihile kuneng'anicha.” 7Ila vawo vakamuchile, “Kwa liki, Musa akatulagiliche kuva mdala agavilwe baluwa lya kulekwa?” 8Yesu akavahigile, “Musa akavalongiye muvaleke vadala venu kwakuva lya ukangafu va numbula chenu. Ila kuhuma pamwandi seikali ndeni. 9Suwe, ndikuvalongela, munu yeyonda yeakumleka mdala vake ngita sekwanogwa lya ugoni na akatola mdala yungi na mwene igita ugoni. Na yeakumtola mdala uyo na mwene igita ugoni.”
10Vachulila vake vakamlongile, “Ngita makani gya mgosi na mdala gagehe ndeni, ngiba kuleka kutola.”
11Yesu akavalongile, “Sevonda viwesa kuwanuka lukani ulu, ila vala hela vevatangilwe na Nguluvi kugita ndeni. 12Kwakuva kugehe na njowo cholofu cha kuvagita vagosi vabihile kutola, vangi ndi kwakuva vafuwe kumagulu na vangi vafuwe kumagulu kwakugitilwa na vanu na vangi valamuwe kubihila kutola kwakuva lya ung'achale va kuluhano. Yeivesa kuliwanuka wulanichi wulu na aliwanuke.”
Yesu akuvafunya vana vadodo
Maliko 10.13-16; Luka 18.15-17
13Suwe, vamonga va vanu vakamsindikile Yesu vana vadodo neke avavikile mawoko na kuvasukila. Ila vachulila vake vakavakanila. 14Yesu akalonga, “Muvaleke avo vana vache kwa nene, mubihile kuvakanicha, kwakuva ung'achale va kuluhano ndi va vanu vevagehe ngita vana ava.” 15Suwe, akavavikila mawoko na pambele akahegile pono pala.
Mdimi mmosi
Maliko 10.17-31; Luka 18.18-30
16Munu yumwi akamhelelile Yesu, akamuhuchile, “Muwulanichi, ndigite kinu liki kinofu neke ndiwanuke uwumi va mbepali?” 17Yesu akamhigile, “Wuli, ukunihucha njowo nofu? Agehe yumwi hela yeagehe msanzi. Ngita wing'ang'wa kwingila muwumi, kolela amuli.”
18Yula munu akamuhuchile, “Amuli liki?” Yesu akamhigile, “Ubihile kudocha na ubihile kugona na ubihile kuhicha na ubihile kuhecha usawida va udesi, 19vaginye daada vako na maye vako na mkele mweyago ngita peukwikela veve.”
20Yula mdimi akamlongela, “Aga gonda ndiagagitile, nonde ndigite liki kangi?”
21Yesu akamhigile, “Ngita seukela kupwemukwa na kyokyonda, helele kaguche finu fyako fyonda fyeunafyo na icho sendi ukavagavile vahangala na veve dauvecha na lusanja kuluhano, baho vache unifwate.”
22Yula mdimi peagapulike ago, akahelela kuno agehe na luswigimo, kwakuva akali na finu fyolofu.
23Baho, Yesu akavalongile vachulila vake, “Ndakyene ndikuvalongela daivecha ukangafu hilo kwa mmosi kwingila muung'achale va kuluhano. 24Kangi ndikuvalongela, nde upefu kwa mng'oko yeikemelwa ngamia kuchumba palibwenge lya sasia, kuliko kwa mmosi kwingila muung'achale va Nguluvi.”
25Vala vachulila pevapulike ago vakadudwive hilo vakamuhuchile, “Nde ani nonde dailowoka?”
26Yesu akavalolile, akalonga, “Kwa munu njowo ichi sechiwesekana, ila kwa Nguluvi njowo chonda chiwesekana.”
27Baho Peteli akalonga, “Nwefwe tugalekile gyonda tukufwatile, datuwanuka liki?”
28Yesu akavalongile, “Ndakyene ndikuvalongela, Mwana va munu peikwacha kukala pakigoda kikomi kya ung'achalea, muinyi imiya, nyenye yemunifwatile damwikala pafigoda kumi na fivili na kuvahiga makabila kyumi na gavili gya Vaisilaeli. 29Na kila munu yeailekile kaye awu lukolo awu muhachave awu daada awu maye awu vana awu migunda kwakuva lya nene, daiwanuka mala mia hilo na kugavilwa uwumi va mbepali. 30Ila yevagehe va kwanja davavecha va mwiso na yeagehe va mwiso davavecha va kwanja.”
လက္ရွိေရြးခ်ယ္ထားမွု
Matayo 19: NTBnBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.
Matayo 19
19
Kutolana na kulekana
Maliko 10.1-12
1Yesu peamalile kulonga lukani ulo, akahegile ku Galilaya, akahelela ku Yudea yeigehe kumwambo lya mgoka Yolidani. 2Vanu volofu vakamheleliye ukoya na ukoya Yesu akavananicha vatamwa volofu.
3Vamonga va Vafalisayo akamuhelelilye, vakamuhuchile neke vamugomeche, “Wuli, nde ngiba mgosi kumleka mdala vake kwa nongwa yeyonda?” 4Yesu akavahigile, “Wuli, semukaimbile mumasimbo gya Nguluvi, kuva Nguluvi kuhuma pamwandi akamuwumbile munu mgosi na mdala? 5Nguluvi akalongile, ‘Kwandeni mgosi akumleka daada vake na maye vake, davaungana na mdala vake, na vene davavecha muvili umwi.’ 6Nondee, vene sevavili kangi ila nde muvili umwi. Suwe, kyeawunganise Nguluvi, munu abihile kuneng'anicha.” 7Ila vawo vakamuchile, “Kwa liki, Musa akatulagiliche kuva mdala agavilwe baluwa lya kulekwa?” 8Yesu akavahigile, “Musa akavalongiye muvaleke vadala venu kwakuva lya ukangafu va numbula chenu. Ila kuhuma pamwandi seikali ndeni. 9Suwe, ndikuvalongela, munu yeyonda yeakumleka mdala vake ngita sekwanogwa lya ugoni na akatola mdala yungi na mwene igita ugoni. Na yeakumtola mdala uyo na mwene igita ugoni.”
10Vachulila vake vakamlongile, “Ngita makani gya mgosi na mdala gagehe ndeni, ngiba kuleka kutola.”
11Yesu akavalongile, “Sevonda viwesa kuwanuka lukani ulu, ila vala hela vevatangilwe na Nguluvi kugita ndeni. 12Kwakuva kugehe na njowo cholofu cha kuvagita vagosi vabihile kutola, vangi ndi kwakuva vafuwe kumagulu na vangi vafuwe kumagulu kwakugitilwa na vanu na vangi valamuwe kubihila kutola kwakuva lya ung'achale va kuluhano. Yeivesa kuliwanuka wulanichi wulu na aliwanuke.”
Yesu akuvafunya vana vadodo
Maliko 10.13-16; Luka 18.15-17
13Suwe, vamonga va vanu vakamsindikile Yesu vana vadodo neke avavikile mawoko na kuvasukila. Ila vachulila vake vakavakanila. 14Yesu akalonga, “Muvaleke avo vana vache kwa nene, mubihile kuvakanicha, kwakuva ung'achale va kuluhano ndi va vanu vevagehe ngita vana ava.” 15Suwe, akavavikila mawoko na pambele akahegile pono pala.
Mdimi mmosi
Maliko 10.17-31; Luka 18.18-30
16Munu yumwi akamhelelile Yesu, akamuhuchile, “Muwulanichi, ndigite kinu liki kinofu neke ndiwanuke uwumi va mbepali?” 17Yesu akamhigile, “Wuli, ukunihucha njowo nofu? Agehe yumwi hela yeagehe msanzi. Ngita wing'ang'wa kwingila muwumi, kolela amuli.”
18Yula munu akamuhuchile, “Amuli liki?” Yesu akamhigile, “Ubihile kudocha na ubihile kugona na ubihile kuhicha na ubihile kuhecha usawida va udesi, 19vaginye daada vako na maye vako na mkele mweyago ngita peukwikela veve.”
20Yula mdimi akamlongela, “Aga gonda ndiagagitile, nonde ndigite liki kangi?”
21Yesu akamhigile, “Ngita seukela kupwemukwa na kyokyonda, helele kaguche finu fyako fyonda fyeunafyo na icho sendi ukavagavile vahangala na veve dauvecha na lusanja kuluhano, baho vache unifwate.”
22Yula mdimi peagapulike ago, akahelela kuno agehe na luswigimo, kwakuva akali na finu fyolofu.
23Baho, Yesu akavalongile vachulila vake, “Ndakyene ndikuvalongela daivecha ukangafu hilo kwa mmosi kwingila muung'achale va kuluhano. 24Kangi ndikuvalongela, nde upefu kwa mng'oko yeikemelwa ngamia kuchumba palibwenge lya sasia, kuliko kwa mmosi kwingila muung'achale va Nguluvi.”
25Vala vachulila pevapulike ago vakadudwive hilo vakamuhuchile, “Nde ani nonde dailowoka?”
26Yesu akavalolile, akalonga, “Kwa munu njowo ichi sechiwesekana, ila kwa Nguluvi njowo chonda chiwesekana.”
27Baho Peteli akalonga, “Nwefwe tugalekile gyonda tukufwatile, datuwanuka liki?”
28Yesu akavalongile, “Ndakyene ndikuvalongela, Mwana va munu peikwacha kukala pakigoda kikomi kya ung'achalea, muinyi imiya, nyenye yemunifwatile damwikala pafigoda kumi na fivili na kuvahiga makabila kyumi na gavili gya Vaisilaeli. 29Na kila munu yeailekile kaye awu lukolo awu muhachave awu daada awu maye awu vana awu migunda kwakuva lya nene, daiwanuka mala mia hilo na kugavilwa uwumi va mbepali. 30Ila yevagehe va kwanja davavecha va mwiso na yeagehe va mwiso davavecha va kwanja.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.