Matiós Mbíŋínín ya Ginɔ́g giá Nsɔ́m guɔ́ŋ guá Matiós
Mbíŋínín ya Ginɔ́g giá Nsɔ́m guɔ́ŋ guá Matiós
Ginɔ́g giá Nsɔ́m giá Matiós. Ginɔ́g giá Nsɔ́m igiɛ gíódógonye Ginɔ́g giá Nsɔ́m áneé Yésuse unyɛ Osódie uyɔɔ́ bámadánán.
Uguélém guá Ŋŋɔ́ŋɛ isímahámánɛ́n uguá gilun giá nigál, oŋóŋi weédídíyenye áneé ndán isínya guɔ́, símobíhónyé uguá nubíényi nuá Yésuse guond síédíyenye áneé unyɛ Klístus, unyɛ Muɔ́n wa Uhaluá usɔ́dɔnaá.
Uguá Ginɔ́g giá Nsɔ́m igiɛ́ Matiós úmɔɔ́ŋá, diáguanuna giána giá Yésuse, gugɔns egég gá nubíényi gueneg egég gá gibídína. Bebinene bég bámasábá bádíbálan nusɔ́da nuég gidigid.
Gɔgaá, búmabá hómohómue gá guɔya buónyi ubuɔ́ bényénú naá ubuɔ́ úmehuínyihuínyé.
Bimue biá muand ibiɛ́ Yésuse úmɔyá gá busió buá Niguili niá Uhaluá, bínyɛ sáyígánsáyígán uguá giána igigányɛ:
Isɔ́ma agá ɔŋuɛnyɛ giseli giá 5.1–7.1
Gusilen guá bebinene báad na báandɛ giseli giá 10
Nsab isíhodoneé Niguili niá Uhaluá giseli giá 13
Ubúɔ́yɔnɔ́ gúbá ebinene giseli giá 18
Guól guá Niguili giseli giá 24–25 Umúnya uguadá: Na ndíndíl na nubíényi nuá Yésuse 1–2 Na giyuminye na isɔgida hiá Yésuse 3–4 Isɔ́ma agá ɔŋuɛnyɛ 5–7 Biseyi biá Yésuse 8–9 Buóli buá bebinene 10 Mayɔ naá abádiábá ugelu neéneg 11–12 Nsab ya Niguili niá Uhaluá 13 Na biséyi na mayɔ na bafalisiɛ́ŋ 14–17 Ubúɔyɔnɔ́ áneé gubá ebinene 18 Gubul Galilé gueneg Yelusalɛ́m 19–23 Guól guá Niguili 24–25 Na giɔ́bíga na nigué na hám uguá gibɛ́l guá Yésuse 26–28
လက္ရွိေရြးခ်ယ္ထားမွု
Matiós Mbíŋínín ya Ginɔ́g giá Nsɔ́m guɔ́ŋ guá Matiós: EKM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ