matiyu 3
3
Yɔhana Shɔ Batizima Nyawaanɛ
1A ɗauni Yɔhana shɔ batizima arɛ a ɗɔpnsi uɗɔ gbete nwari shɔ Ɗalapa nyaruubii a Yahudiya. 2A shanɛ, <<Ɔ yaa ruuvini ɔ kɔsi sisɨntɔ, aruviya Ɗa kpati roonɛ atɛ maani.>> 3Yɔhana kɔ ɔ̃rɛ shɔgbete janyagadi Ishaya nwanya si au yuuyɛː
<<Shɔ nta yeenya a ɗɔpnsi shanɛ,
ɔ tɔ̃ri Uɓeyelapa nyaba nɛ,
ɔ shiritɔ gbororo.>>
4Yɔhana visɨnɛbii shɔ pɛli a shẽnti vivaa shɔ ɓaanɛ wɔba, Yɔhana ma koo au sang. U vishaanɛ zɔrɔ a mii wara. 5Shɔ Urushalima a shɔ Yahudiya a shɔ nyaɓooti Uruduyi i toli nya a Yɔhana ɗɔbii. 6I shayi ruuvini, Yɔhana pɛliyi batizima a mii ɓooti Urudu.
7Naa Yɔhana zɛ shɔ Farisawayi a shɔ Sadukiyayi i ɗɔu au ɗɔbii waa-nɛ nɛu pɛliyi batizima, a hɨ nɛː <<Pɔsɛɛ miyiǃ Pi gɔ̃ɔ̃ yuushɔ pi aruu Ɗalapa sisɨn lɛsinɛ gbete kaanɛ awɔɔ ɗekn piya? 8Ɔ pɛlijo vitɔ̃ gbete yɛ tasinɛ ɔ yaa ruuvini tɛ. 9Ɔkɔɔ sɨnnɛ a sisɨn nɛ, shɔ yɛ gɔ̃ɔ̃ ɔ yuusho ɓa<Nɛ aru Ibirayi pɛ ɔ ɓɛuruu.>N gelɔɔ pɛ Ɗalapa u kakaa aɗɔn u pɔ̃ tari u rii Ibirayi ɓɛjaayi. 10Ɗalapa pɔ̃ kpali tɛ adɔɔ gnri laa, laa gbete ji rɛɛ jaa tɔ̃vɨng ɓa shɔ yɛ kɔurɛ a lokiu a yaa.
11<<N pɛlɔɔ batizima a mii, u tasi sisɨn gbete ɔ kɔsi yɛ. Shɔwɔ yɛ a ang knti gbete tɛng tɛttɔ a kakaani, n ji yɛ nɔgbete n ɗinaa au koodɔɔ yɛ ɓa. Yɛ pɛlɔɔ batizima ɓɛɛ a Ɗa suru a yaa. 12Sãã vivi derinɛ tɛttɔ anaa, yɛ deri nɔɔvii, u toli nɔɔvirɛ u pɔ̃ a bmtɛ, yɛ too gãriu a yaa au niki ɓa.>>
Yɔhana Pɛli Yesɔ Batizima
13Aɗauni Yesɔ shɛ tipi Galili a yɛ ɓooti Yahudiya a Yɔhana ɗɔbii nɛu pɛlin batizima. 14Si Yɔhana tɔnɛn zãriupɛtɔ, a shanɛ, <<Shɔgbete n kãrɛ a pɛlin batizima, a asɔ̃n n ɗɔbii ya? >>
15Yesɔ risinya nɛ, <<Dɔddɔrim u ɔ̃ pɛ nankɔ; vi tɔ̃vɨng u pɛli vigbete Ɗalapa kasinɛ u pɛliyɛ.>>Kɛɗɔn Yɔhana kasirɛ a pɛliu batizimarɛ.
16Naa shɔ yisi Yesɔ batizima tɛ, Yesɔ shɛrɛ a yɛti miiuni. Kɛɗɔn kolapa ɓelirɛ, a zɛrɛ Ɗa suru kɛnɔnɛ naa koro a koliu yaa au bii. 17Kɛɗɔn yeenya shɛ a kolapa nɛ, <<Shompɛ majaa, ang ɔriyɛ; shɔng ntau tɔ̃vɨng-yɛ.>>
လက္ရွိေရြးခ်ယ္ထားမွု
matiyu 3: Laa
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria