YouVersion လိုဂို
ရွာရန္ အိုင္ကြန္

Mui Psalm 80

80
1Uri oke hahureinie alingemu mei, kakalihe honotana Israel, oke totolea kira Joseph mala hakaa ni Sheep: oko ooo i hahona Cherubim, oke sine taa mai.
2Inao daelu Ephraim na Benjamin kiraelu a Manasseh, tau rarahire mone ana o ramo: na oke lae mai ni haauri emi.
3Uri oke haa alihoiteini emi mone, God: na oke haarangase maamu, emi kesi meuri i nunuhaamu.
4Nge Lord God Sabaoth: oke hele honose saemu mwaanie mu eitanainge mwala ioe lai hule i ngenite?
5Ohaangaure oto ana ngaula ni naranga: O niie mei wei ni akalo ni inu ikire e honu makeato.
6Oneie uri mui euhenue iemi ke haliheli pei emi: na uri mu maeloonga iemi ke si deu haaeronga oto mola maraada.
7Oke tola alihoi amami mei, mone God Sabaoth: Oke toomai emi mei ana maamu, oto emi kesi meumeuri inoruhaana.
8O tola vine mei ure i Misraim: O pee asie mwala osi hesie ini ngeena.
9Ohele wala mango ana mwakano talana: oto e susuumi hao, ko ko lumweai ahuse hanue.
10E mamalu hahie mui toloi henue ana mamalutana: sasarana mala ailemu a God.
11E oto sasara e hule oto iesi: na qalune e lolotai hule oto ana mu wei peine.
12Eue ni osi repu ohoie mu para ahuie: mwala e io ni deunge kosi tola daidei mola.
13Mu po urei lalo ko hurosie leune: mu po wasi ni meesu ko ngeungeu.
14Oke oli mei mone God Sabaoth: Oke lio toli mei ure i salo, oke lio, oke matolie vine ngeena;
15Tohunei Vine ienini nimei qaloqalomu e hasie oto kau: nge sarai vine ienini o haasusue oto namue maraamu.
16Dunge e waruhii, na kire tohu ase iano: mwala e aia ana o mararaaire.
17Nimemu hahie inoni i qaloqalomu: hahie kaleni inoni o haasusue oto namue.
18Emi sa leledio lou urine: Oke haauri meurisi emi, oto totolo ngainilana satana.
19Oke haaalihoi teini emi mone Lord God Sabaoth: Oke raangi emi ana liohamu, na haauri lamami noruhaana.

လက္ရွိေရြးခ်ယ္ထားမွု

Mui Psalm 80: apbPSA

အေရာင္မွတ္ခ်က္

မၽွေဝရန္

ကူးယူ

None

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ