Mui Psalm 5
5
1Lord, Oke rongoa walaku: Oke neisae ana lodosaena mwamwanoto ineu.
2Oke rongo hunie soileku, Inemauri neu, na God neu: ana noko tohunei eitanaio.
3Lord, i mahuohuo Oke rangoa Walaku: i mahuohuo nekei walamango loosio, neu si maohi.
4Ana o kaa God ni saediana hunie tataalanga na orahaa e saa io peio.
5Ini ko tohainie e saa ure i naomu: Saemu e asie ahutana muini palolada e orahaala.
6O suuheinire mwala ko eroero: a Lord e ngiduupu hunie inoni ko saesae unuhi na ko raraana.
7Nge ineu nekei sili i nume Ioe, ana amasilana e hunge: noko oohuto i nume maai Ioe ani haamaunge amu.
8Lord, Oke toleau ilaona Odotainge, aena mu maeloonga ineu: Oke da tala ioe ke mataqa talaku.
9Ana ngeena walaimolinge haike ada, saeda ana orahaa oto mola: mamangoda oto kiliqeu e aroka, kire ko ere haaolaa mwala ana meada.
10Oko lei hitaada ana orahaa, God, kire ke otomai peie lodosaenga ikire: Oke papatainire hahie mui tataala nga ikire e lai hunge: ana kire haukama honosio.
11Tae ahutana muini e norutoe amu; kei ileilenimwae: kire ke sungie mawataa ke maomao tarau, ana o rarau ada na Mwala e saetooana Satamu kei rikerike hahio.
12Aena ana Oko haadianaa ini e odotai: Lord, Manatanga ioe ke io kalie mala mei talo.
လက္ရွိေရြးခ်ယ္ထားမွု
Mui Psalm 5: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.